إعـــــــلان

Collapse

.

,
See more
See less

للأسف... احذروا من النيوسيراتو...!!!!

Collapse
X
Collapse
 
  • Page of 38
  • Filter
  • الوقت
  • Show
Clear All
new posts
السابق 1 2 3 4 5 6 7 11 38 template التالي
  • #1

    للأسف... احذروا من النيوسيراتو...!!!!


    بسم الله الرحمن الرحيم

    انا اخوكم المهندس محمد غازي..

    يمكن كتير من الناس تعرف اني من ضمن اول الناس اللي اتكلموا عن النيو سيراتو و من اول الناس اللي حجزت و استلمت العربية في مصر... و من اول الناس اللي اتقلبوا بيها كمان.... طبعا كل الناس هتذهل من ده بس هي دي الحقيقة و يمكن اكون انشغلت فترة عن المنتدى, بس ده كان ضغط شغل و بعدها الحادث المؤلم و المؤسف...

    ربنا اللي يعلم انا كنت بعشق العربية دي قد ايه.... الله يرحمها و والله كنت هحصلها لولا ستر ربنا فقط لا غير.

    انا كنت بشتكي من حدفة شمال في العربية و اول حاجة فكرت فيها ضغط الكوتش.. عملته و تمام و شيكت عليه في مكان تاني 32 تمام... و بردو زي ما هي... يزيد على الكلام ده كله اني بعد 5000 كم لقيت المساعديين الاتنين ورا بيزيقو جامد...!!!!! قلت في صيانة 10000 هنشوف الموضوع ده... بس ملحقتش و قبل ما اروح التوكيل بيوم اتقلبت بالعربية يوم 4 أكتوبر.... الحمد الله

    انا دخلت المستشفى و عندي كسر مضاعف في رجلي اليمين و خلع في الكتف اليمين و كسر في الترقوه... عملت عمليه في رجلي و كانت مسامير و كده طبعا و للأسف مقدرش امشي على رجلي قبل 4 شهور... فات منهم شهرين الحمد لله... و ربنا يسهلها في الباقي

    النهارده انا لازم اتكلم مع الناس ان النيوسيراتو يا جماعه فيها عيب صناعة حقيقي... انا لاحظت ان كل الناس بتشتكي زي ما قلت في اول تقرير عملته عن العربيه ان فيها حدفة شمال!!!!!! ده شيئ غرييييب جدااا, كل السيراتو فيها حدفه شمال..!!! ده غييير ان المساعدين اللي ورا كانو بيزيقوا جداا بشكل رخم... العربيه مكملتش 10000 كم..!!!! هل ده طبيعي او معقووول!!!

    وجهة نظري الشخصية.. العربيه دي فيها مشكله في المقصات و المساعدين.... و والله بعد فتره من سواقتي ليها اكتشفت انها شكل و موتور بس... غير كده والله العظيم ولا حاجه... فقررت ارضى بنصيبي و مقرصش عليها... و انا مش غشيم جري على فكره...

    المفجأه اني لما اتقلبت بيها كنت ماشي في طريق الشيخ زايد على سرعة لا تتجاوز 100كم\ساعه.. و مفيش حد ورايا او قدامي او جنبي... و مخبطش في حد او في الرصيف مثلا... بس كان فيه زي نقره في الشارع بس كبيره شويه, حولت افاديها بس الكوتش نزل في اخرها, و طلعت العربيه عادي جداا و بعدها بمتر العربيه عومت بشكل غرييييييب جداا والله, لاقيتها بتحدف يمين جامد جداا فرحت عادلها شمال, لاقيتها حدفت شمااال جدا و مش عايزه تقبل اي حركة من الدركسيون و مش بتعدل يمين خااالص و الفرامل مش بتوقف العربية.. و الله ما فاكر بعدها غير اني في المستشفى... قالولي بعدها ان العربية اتقلبت حوالي 10-12 قلبة ((و الأغرب ان العربية اتقلبت على وشها..!!!!)) و انا مكنتش رابط الحزام فرحت طاير من البرابرييز 20 متر قدام و بقت العربية في ناحية و انا في ناحية تانيه (ده كلام الشاب اللي شافني و هو جاي من بعييد ورايا بعربيته و وداني المستشفى و دخلني بأسمه و كلم اهلي و لم حاجتي من العربية و جابهالي) مع اني والله ما كان في حد ورايا خالص بس هي دي رحمة ربنا والله, حط الراجل ده في سكتي... الحمد لله... ربنا يباركله والله

    لما والدي سلم العربية التوكيل عشان التأمين يعمل مقايسه (مقايسة اصلاح) تكلفتها كانت 122500 جنيييه!!!!!!! و العربيه بـ116000 زيرو. و بالتالي العربية توتال لوس... التأمين بيماطل طبعا و عايز يحملني 25% من ثمن الايرباجز اللي اتفتحوا, و يخصم استخدام ال6 شهور دول (9600كم) و انا اللي ادفع للتوكيل ثمن المقايسة (3000 جنيه) و انا اللي اواديلهم العربية على حسابي لحد عندهم... و هيدوني بعد كل ده 78000 جنيه اول عن اخر....!!!!! انا مأمن مع كونتاكت و معملتش ولا مطالبة, و دي اول مطالبة بعد 6 شهور من المده التأمينيه...

    اللي انا عايز اقوله ان اللي اشترى العربية ربنا يهنيه بيها و يكفيه شرها... بس ارجوكم و بالله عليكم, بلاش جري بالعربية و احذروا من البلاعات و النقر, و متقرصوش على العربية مش عشان الموتور لأ, بس عشان سلامتكوا و ربنا ما يخللي حد يشوف اللي انا شفته والله, اقسم بالله انا شفت الموت او كنت في عداد الموتى لولا ستر ربنا...

    بفكر ابعت شكوى بالصور لكيا الأم في كوريا و بالصور.... بس لسة مش عارف هعمل ده ازاي, و هرفع قضيه على كيا هنا في مصر, عشان الموضوع بجد انا شايفة خطييير جداا و بجد العربية فيها عيوب خطيره متتشفش بالعين... اسف لو كنت خوفت ناس او قلقتهم, بس هي دي الحقيقه و كان لازم احذر الناس و اطلب منهم ميجرووش و ميسنوش من العربية دي الكتيير..







    [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
    [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
    [CENTER][SIGPIC][/SIGPIC][/CENTER]
    الكلمات الدلالية (Tags): 1600, 20, 2009, 40, 50, احذروا, استلمت, اصلاح, التأمين, التو, التوكيل, السيراتو, اللي, النيوسيراتو, الي, ام, انا, اهل, بجد, بس, بيع, توقف, توكيل, حادث, حجز, دى, زيرو, سرعة, سير, سيراتو, شار, شايف, شكوى, صور, صيانة, طالب, عايز, عداد, عربية, عربيه, على, عن, عيوب, فاكر, فرامل, في, قلب, كل, كيا, لازم, لكل, للأسف, لوس, ما, مساعدين, مشكله, مصر, مع, من, منتدى, موتور, موضوع, مين, نيو, نيو سيراتو, نيوسيراتو, هل, هنا, هو, هي, وكيل, يا
  • #2
    ايه يا باشمهندس ده
    لا حول ولا قوة الا بالله
    الحمد لله انك سليم
    http://www.fx-arabia.com/vb/showthread.php?t=9654

    Comment

    • #3
      حمد لله على سلامتك

      Comment

      • #4
        الحمد لله يا دكتور عمرو... قدر الله و ما شاء فعل.. شكرا ليك يا دكتور

        شكرا يا استاذ محمد... الله يسلمك
        [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
        [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
        [CENTER][SIGPIC][/SIGPIC][/CENTER]

        Comment

        • #5
          لا حول ولا قوة الا بالله
          انا مش عارف اكتب والله
          بس احمد ربنا ولا فلوس الدنيا تساوي اي شيء طالما انت لسه بخير
          ده كفايه خوف والدك ووالدتك عليك احمد ربنا
          احنا كنا بنسأل عليك وستغربين غيابك طول الفتره ده
          لا حول ولا قوة الا بالله
          ربنا يشفيك ويعافيك يارب ويعوضك خير ات شاء الله
          بس الصور فظيعه قوي
          http://www.fx-arabia.com/vb/showthread.php?t=9654

          Comment

          • #6
            لا حول ولا قوة الا بالله
            الحمد لله

            Comment

            • #7
              قدر الله وما شاء فعل

              حمدا لله على سلامتك ياغازى وربنا يتمم شفائك على خير ان شاء الله

              وفداك100 عربية (ربنا يعوض عليك) المهم انك بخير

              بس غريبة انت فى سنتك التأمنية الاولى وبدون مطالبات سابقة

              وعاوزين يحملوك 25 % يا ريت تشوف محامى

              وياريت يكون فيه سبب يحدده التوكيل للحصل سواء كان فى نظام التوجيه

              نتيجة المطب او شىء اخر وربنايعافيك و يعفينا جميعا من الحوادث

              تمنياتى لك بالشفاء العاجل
              [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


              [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
              [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

              [/CENTER]
              [/CENTER]
              [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

              [CENTER] _______________[B]
              [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

              [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
              [/CENTER]
              [B][COLOR=Blue][B][SIZE=2]
              اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

              _______[COLOR=Blue]_______________
              [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

              Comment

              • #8
                ولا يهمك يا باشا و فداك .....

                انا زعلت جدا اولا علشانك

                ثانيا انا اتصدمت و مش عارف افكر

                الحادثة ازاي علي 100 بس و التحكم فيها ضاع بالشكل دا؟؟

                معلش الحمد لله و الف حمد لله عالسلامة و نورت المنتدي
                [CENTER][rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


                You 're beautiful , Its true


                [/CENTER]

                Comment

                • #9
                  حمدا لله علي سلامتك
                  [CENTER][SIGPIC][/SIGPIC] [/CENTER]
                  [CENTER]سيراتاوي[/CENTER]

                  Comment

                  • #10
                    الف سلامه يا باشا وقدر الله وما شاء فعل...
                    م/ احمـد عـزت

                    Comment

                    • #11
                      الف حمدالله على سلامة حضرتك طبعا و ربنا يعوضضك عنها خير ان شاء الله
                      بس كان عندى سؤال هو ازاى الايرباج فتح وحضرتك مكنتش رابط الحزام مش المفروض ميفتحش غير لو كنت رابطه
                      [CENTER][CENTER][img2]http://cdn-img1.imagechef.com/w/110921/sampe24f53992f6e9e21.jpg[/img2] [/CENTER]
                      [/CENTER]

                      Comment

                      • #12
                        قدر الله وما شاء فعل وحمدا لله على سلامتك ودى اهم من مليون عربية
                        [RIGHT]سبحان الله وبحمده سبحان الله العظيم
                        [/RIGHT]

                        Comment

                        • #13
                          الحمد لله علي كل حال الف حمدلله علي السلامه وتغور ألف عربيه ... أنا برده زمان العربيه اتقلبت بيا كذا قلبه وده بسبب برده بلاعه علي الطريق .. ومريت باللي انت مريت بيه بس الحمد لله من غير اصابات خطير وحسبي الله ونعم الوكيل في اللي بيعمل الطرق من غير ضمير واللي بيخرب فيها .. ربنا يخرجنا من مصر علي خير يارب .
                          [SIZE="5"][COLOR="SeaGreen"][B][CENTER]سبحان الله وبحمده ... سبحان الله العظيم[/CENTER][/B][/COLOR][/SIZE]

                          Comment

                          • #14
                            الف حمد الله على سلامتك
                            وفعلا انا معاك انك تقدم صور لكيا بره وترفع قضية على مصر
                            ومش هتخسر حاجة محاميين التعويضات كتير وكله بالنسبة

                            الحمد لله ان ربنا نجاك

                            بجد انا كان حلمي اجيب العربية دي بس القلق مسكني بشكل غريب
                            عارف ان في ناس هتقول دي حالة فردية بس احنا بشر برضه

                            Comment

                            • #15
                              حمد لله على سلامتك
                              [CENTER]:018::018:[/CENTER]

                              Comment

                              السابق 1 2 3 4 5 6 7 11 38 template التالي
                              Working...
                              X