للأسف... احذروا من النيوسيراتو...!!!!

[عصام غنايم]

الف مليون حمدالله على سلامتك وربنا يخلف عليك باحسن منها
وحاول تأخد ثواب الابتلاء بالحمد

[nab!l]

طب الخليجى نفس الوضع ولا ايه؟
واحد قريبنا معاه خليجى
كده قلقتونى عليه

[KSA2011]

يا ريت يا جماعه تبطلوا تتكلموا عن العربيه و مين السبب ولا حلوه ولا وحشه
الحمد لله على سلامتك يا محمد باشا

[mohamedrabia]

الف سلااامة عليك وقدر الله وما شاء فعل

[ayman2]

ألف حمدا لله على سلامتك يابشمهندس وشكرا لك على شجاعتك فى تغيير وجهة نظرك وأعتقد ان الناس لآزم تفوق ومايسمحوش لأى أحد مهما كان أن يتلاعب بهم سواء من وكيل يستورد عربيات لآيوجد فيها اى نوع من عوامل الأمان وآخر يسرب العربيه للموزعين علشان فلوس زيادة مع انه كسبان فيها ولايفكر فى سلامه الناس خصوصا وان الصيانه عندها علم بتكرار العيوب لكن بيحاولوا يصلحوا بالفتاكه والفهلوة ومع ذلك الكورى كان كويس لما كان عاوز يعمل اسم فى العالم وكان لسه تحت الشراكه الأجنبيه واسئلوا الناس اللى اشترت الدايو والكيا زمان ودلوقتى لكن الأن الله أعلم مش عارف الغلط فين ...... وربنا يتم شفاك على خير وترجع تانى أشجع من الأول

[dr.amr]

فعلا يا باشا ال ex فيهد حدفه شمال برضو
شيء غريب جدا
انا جربت ضغط الكاوتش عل 28 و 30 و 32
ومافيش فايده

[dr_k]

موضوع الحدفة ده ممكن يكون ضبط زوايا ولا مشكلة كاوتش ولا ايه؟

[hani945]

أنا بقترح إن الناس اللى بتشتكى من العربية وإن فيها مشاكل أو عيوب صناعة هنا فى المنتدى تجمع بعض وتتفق على الذهاب إلى التوكيل لإصلاح هذه العيوب ، والأخوة الأفاضل حفظهم الله وعفاهم اللى إصيبوا فى الحوداث يعملوا تقارير فنية وتوضيح أسباب الحادثة اللى حصلت وإن فيه عيوب تصنيع تسببت فى هذا الحادث مثل الحدفة الشمال والمشاكل اللى فى العفشة ونشر التقارير دى هنا فى المنتدى وإرسالها إلى التوكيل وشركة كيا فى كوريا لكى يتم استدعاء جميع سيارات كيا نيو سيراتو اللى فيها العيوب دى واصلاحها على حساب شركة كيا والناس اللى أصيبوا فى حوادث بسبب هذه العيوب والمشاكل الفنية يتم تعويضهم بسيارة أخرى ، بس الأهم إن الأمر ده متوقف على التقارير الفنية اللى هتتعمل على العربية لإثبات إن المشاكل دى من عيوب تصنيع فى السيارة

[mohamedhamam]

الحمد لله على سلامتك و الحمد لله أنها جت على قد كده بس بالفعل حوادث النيوسيراتو كتيرة و موجود هنا بالمنتدى قصص كثيرة و يجب علينا معرفة تفاصيل الموضوع هل هو عيب صناعة أم ماذا و أنا أؤيد حضرتك لازم تراسل كيا الأم و حمداًً لله على سلامتك مرة أخرى

[abou_ruqi]

ياجماعه انتو سبتوا الموضوع ومسكتوا فى السيراتو والكورى وطلعتوه زى الصينى

وان خلاص اى واحد معاه عربيه كورى بمجرد مايعدى 100 هايتقلب

والله العظيم انا ليا صديق شخصى اعرفه كويس ( تجربه شخصيه مش سمعت قصه من واحد وجاى احكيلكم )

كان معاه اوبل فيكترا 2007 واتقلب بيها على الصحراوى على سرعه أقل من 100 !!!!

والعربيه اتدمرت واتباعت total lose

الحوادث دى نصيب وقضاء وقدر بغض النظر عن نوع العربيه

واسف لصديقى بشمهندس غازى لخروجى عن الموضوع

طبعا قضاء وقدر , إنما أعقلها و توكل, محدش خالص قال إن العربيات المحترمة مش بتتقلب , إنما في حد أدنى للأمان , يعني في خبطات حتموت أي حد في أي عربية زي لو دخلت face to face في قطار الصعيد , إنما الحوادث البسيطة مش المفروض نفقد فيها أرواح

وبعدين موضوع total lose دي حاجة كويسة في عربية صاحبك طالما صحبك طلع منها سليم , ومن غير متقول أنا متأكد إنه طلع منها سليم
التصميمي الآمن هو اللي يدمر العربية ويطلع الركاب سلام طالما إن الظروف قياسية (رابط الحزام والإير باج شغاله)

مفيش داعي ان بعض الاخوة يستغلوا فرصة زي ده للتقليل من شأن السيارات الكورية بشكل عام وباندفاع عاطفي ليس فيه أدنى شيء من الصحة يطلعوا اللي كان نفسهم يقولوا من زمان .

لو الاخ abo ruki بيقول ان كيا ملهاش في صناعة السيارات . طيب تقول ايه لتيوتا الشركة الاولى عالميا لما سحبت مليون عربية من امريكا بسبب الحوادث والكوارث اللي حصلت بسبب سوء التقفيل في اللكزس . يبقى برضه شركة فاشلة ومبتعرفش في الأمان !!!!؟؟؟؟

انا مقولتش إن كيا مالهاش في عربيات , إنما كيا من الشركات اللي ممكن تعمل عيب صناعة زي اللي إحنا بنتكلم عنه وما تسحبش العربيات زي العيب بتاع التويوتا اللي أنت بتتكلم عنه

زي ما الأفيو فيها عيب في جلب المقصات , ووفي المصري عيب في ار بي ام ومش حنقول شيفورليه تسحبها , ده منصور حتى مش عاوز يعترف بالعيب اللي مافيش ولا مالك ما أشتكاش منه

والهيونداي وما أدراك ما الهيونداي , حد عبّر الملاك ؟

[hatemahmed75]

حمدلله على سلامتك يا باش مهندس محمد
فداك 1000 عربية وربنا يكرمك باحسن منها

[tareksaber]

رد

لا حول ولا قوة الا بالله
قدر الله وماشاء فعل
وحمدلله على سلامتك وفداك 100 عربية

[zkralla]

قدر الله وما شاء فعل وأنا شايف يا باشا أن ربنا اكرمك وسترها معاك وابتلاك بابتلاء لا يبتلى به الا من احبه
احمد ربنا واشكر فضله والحمد لله أنك طلعت سليم لان شكل العربية والى بتحكيه ميقلوش كده أنت ربنا كتبلك عمر جديد وفداك مليون عربية
بس مش معنى كده أنك تسيب حقلك
وربنا يجازيك خير أنك بتحذر الناس وأنا بصراحة كنت من المعجبين بالسيراتو بس انت صدمتنى فيها

[NoRmAl]

فعلا الموضوع اتقلب من مواساه لصاحب الموضوع فى محنته
الى صيد فى الميه العكره وتخبيط و تقطيع فى الكورى واليبانى وايه حاجه فى كل حاجه
الموضوع بقى ساحه لأى واحد كان شايل فى نفسه كلمتين عن الكورى هيموت ويقلهم
او اخر محروق من مبيعات العربيه على عربيته الى مش لاقى حد شاريها غيره و و و ...
عايز اعرف استفدنا احنا ايه من كل ده
وفروا الطاقه الجباره دى فى اننا نشوف حل فى مساعده الى عنده العربيه وبتحدف شمال او بتتبطط لفوق!!

[mohamedbook]

الف سلامه ليك
وفداك اي شئ
والحمد لله علي سلامتك