للأسف... احذروا من النيوسيراتو...!!!!

[monmonmon]

فعلا وان معاك كرهت المنتدي الكل بقوا مهندسين وازكي من ال صممو العربيه----- عاش المصري

المصرى ميعرفش يقول معرفش

انا بشوف كمية فتى رهييييييييييييييييييييييييييييييييييبه واحد يقولك بيمشى على كاوتشتين بعربية فيرنا و موتور اللانسر ال 1300 بيسيح و كمية فتى عجيبه و العربيات فى اوروبا بتتصنع بمواد تصنيع غير مصر..... و على الفتى ده من زمااااان

[Tamer-Ezzat]

اولا حمداً لله على سلامتك ... ولا عزاء لك الا "اللهم اجيرنى فى مصيبتى وأخلف لى خيراً منها .... "

التأمين نظام تفاوض يعنى كل واحد فيكم بيجيب آخر التانى ...
الوسائد الهوائية على العميل ... تمام بس دة مش فى الهلاك الكلى الكلام دة فى حالة استرجاع الوسائد ..
المعاينة على حسابهم طبعا - طب ازاى سيتم حساب التكلفة ؟؟؟
خلى عندك صبر او وكل محامى وهو حيتصرف ....

[Terrible_DaRsH]

الف سلامة عليك , فى داهية العربية .

بس مش هتغير التوقيع ..

[Beeso]

لا حول ولا قوة الا بالله

ياريت الاهتمام باللغة العربية اكتر من كده شويه يا سيدي الفاضل

أنا مش عرف إنت مدايء من إيه بس كل دة عشان كلمتين كتابتهم ودول عشان لهم معنى مهم وكماً أنا ألت بعضهم معناهم وأسدي بهم إيه بلش ياجماعة الحاجات ده باءة

أنا لي بس تعليق
ياجماعة أولاً كيا دة مش مصنع أبوية ولا أظن إنو مصنع أي حد هنا وفنفس الوقت مليش أي مصلحة ولا أي حد هنا إنو يسوء سمعت السيراتو بالعكس أنا بصراحة ألت رأي كذا مرة اني بحب العربية جداً ومبسوط بها جداً ماشالله انما ألت إن ميدياء من موضوع الحدف إلي كنت عندي بس خلص الحمدلله إتحلت وده كنت مشكلة حقيقية عندي وعند كذا واحد مش أنا بس يعني مفيش حد بيفتري على العربية في حاجة يعني المهم ياريت محدش يتحامق أو كدة لم نقول حاجة وحشة أو عيب في عربية وندبء باءة إل أي كلام بتاع إن أكيد في ناس مجندين من توكيلات تانية عشان يسوا سمعت العربية يعني واحد حيئلب عربتو ويعرض حياتو للموت عشان يبوظ سمعت عربية وحاجات بصراحة لم ارتهة ضحك وزعلت أوي فعلاً على الهايفة إلي إيناس بات فيها دحنة مدفعنش عن بلدنا ولا فلسطين أد مناس بدفع عن السيراتو

ياجماعة أنا تقييمي للعربية ده حوالي ٧٫٥/١٠ مقارنات مثلن إن ال-bmw ٩/١٠ يعني حلوة جداً بس موضوع الحدف دة هو إلي كان مديئني لحد محلة انما كل بأت الحوادث الغربة ده أكيد الواحد لزم يوءف ويئول أكيد في حاجة ورى كل دة مش يطنش وخلاص وفال نهاية كل دة عشان كلنا نبئ ركبين عربيتنا مطمنين وربنا يستر طرقنا جميعاً

بلاش ياجماعة جاري على الدائري الصبح عشان إنهردة إشبورة كنت رهيبة

أسف للإطالة وارجو اننا نهضة كلنا كدة ونشالله لو في مشكلة فالسيرتو نعمل طلب رسمي للتوكيل بتقارير ونقدم لكل إلي عوز يشتكي من حاجة واللي معندوش مشكلة خلص مش لزم يكدب إلي عند

شكراً

[hobiko]

المصرى ميعرفش يقول معرفش

انا بشوف كمية فتى رهييييييييييييييييييييييييييييييييييبه واحد يقولك بيمشى على كاوتشتين بعربية فيرنا و موتور اللانسر ال 1300 بيسيح و كمية فتى عجيبه و العربيات فى اوروبا بتتصنع بمواد تصنيع غير مصر..... و على الفتى ده من زمااااان

الله ينور عليك كمية فتي غير طبيعية كل الناس بقت خبراء و عالمين ببواطن الأمور
إلي يقولك لأ العربية إلي بتجي هنا غير إلي بتروح أوروبا و أمريكا
رغم انهم من مصنع واحد في كوريا
و إلي متغاظ من العربية و يقلك العربية دي أخدت أكتر من حقها (مش عرف ازاي:b4_592:) و بنتكلم عنها كأنها لامبورجيني

و إلي يفتي أكتر و يقول العربية فيها مشاكل جوهرية في العفشة رغم إنو مش من ملاك العربية
عموماً دة يخليني استعير كلمة زميلنا أحمد سامي كيا داهوم

[M.ABDEEN]

حمد الله على السلامة يا هندسة وربنا ينجينا جميعا من شر الطريق والله يعوض عليك

[blackknight]

المشكلة دلوقتى ان بقى فى اختلاف بين الاعضاء : هل العربية فيها مشكلة فى العفشة فعلا ولا الموضوع ده فى دفعات معينة فقط ؟؟؟؟

على اعتبار ان الموضوع ده فى دفعات معينة فقط ياريت اللى شايف العيب ده عنده يقول استلم امتى ومن فين و نبعت شكوى للوكيل و نطلب معرفة هل المعلومات اللى فى الشكوى دى تخص شحنة واحدة او اتنين فقط او انها متوزعة على شحنات متعددة و بالتالى تبقى المشكلة مشكلة عامة فى السيارة و نحاول نشوف حل .

و يبقى الحل ده اما عن طريق الوكيل مباشرة او نتوصل اللى طريقة مضمونة للاتصال بالشركة الام فى كوريا و زى ما شافوا حل لسخونة الكونسول يشووا حل اما فى الlow profile بتاع الكاوتش او فى العفشة نفسها و توافقها مع طبيعة الطرق المصرية .

و ممكن نشوف مدى توافق المقصات الهيونداى مع النيو سيراتو طالما ان فى امكانية ان العيب يبقى فى ضعف خامات المقص الخاص بالنيو سيراتو .

و بعدين فى حاجة عايز أسأل عليها : العيب ده حد شافه فى عربية مواصفات خليجى ولا المشكلة مش موجودة غير فى سيارات الوكيل ؟؟؟؟؟؟

[OilMan]

اولا حمد الله على سلامتك يا با شمهندس عمرو وبجد ربنا يعوض علييك والله يقومك بالسلامه ويكمل شفائك على خير يارب وابقى طمنا علييك ولو عزت اى حاجه طبعا احنا كلنا هنا اخواتك مش تتردد انك تطلب اى مساعده
عاوز بس اوضح حاجه صغيره انا كنت من اشد الناس متيم بالعربيه ديه وكمان كنت حاجيبها وكان عاجبه مراتى جدا بس لما عجبتها جدا تاكدت انها شكل مش اكتر لانى الستات معايرها فى الاختيار غيرنا فقررت انى مش حشتريها وجبت الكورولا المانيوال هاى لاين والحمد لله ربنا يحفظنا جميعا كنت راجع من التجمع الخامس وبرده كان جنبى واحد من ملاك السيراتو المهم كنت ماشى على 120 تقريبا عامة انا مش بزود عن كده وجه جنبى مالك السيراتو وبصلى وحسسنى انى راكب 128مش كورولا وجرى المهم انا من عادتى مش بسال او بتاثر من الكلام ده فضحكت وقلت فى سرى ربنا يهدى وكنا قربنا على التقاء الطريق الان ايه مع مدينة نصر قبل جزيرة النخل بشويه وعامة انا بهدى فى الحته ديه لانه الملف حاد جدا وكمان فى مطب او نقرتين شبه اللى قال عليهم المهندس عمرو ومش عاوز ااقللكم على اللى شفته لقيت الاخ بتاع السيراتو ده حصله تمام زى ما حصل للمهندس عمرو بس هو محظوظ عن الهندسه عمرو لانه لف بوشه عكس الطريق وطار فى الجزيره اللى فى النص واتقلب مرتين والحمد لله ربنا سترها معاه ونزل سليم وقفت طبعا وبعد تهدئته والكلام ده تخيلوا فاللى ايه
قاللى انا عارف انها عربيه خفيفه جدا وكمان منظر كاسيت وهبل انما امان مفيش وقعد يعيط قلتله طب لما انت عارف كده بتجرى ليه رد عليا وقاللى الشيطان وكمان قاللى نظرتك لما كنت جنبك حسيت انى ملك بالسيراتو احسن من التويوتا وكل ديه خواطر يمكن من الحادث
الملخص واضح ومن المؤكد انه العربيه ليس بها ثبات نهائى لانى انا كنت ماشى على 100 تقريبا فى المطب ده وهو كان سبقنى بشويه يعنى يمكن 110 او 120 عامة ده نصيب وربنا يلطف بينا ويسترها معانا جميعا يارب

[ahmedfd]

أولا كل عام و أنتم بخير و حمد لله على السلامة لزميلنا و دي أهم حاجة و ربنا يعوضه عن مصيبته إن شاء الله.

بالنسبة للتعليقات الكتير عن السيراتو فأنا ملاحظ شيئ غريب...
الكيا سيراتو مكسرة الدنيا في أمريكا و واخدة المركز الرابع على 29 عربية كلها محترمة في فئة الـ Affordable Small Cars و ده من هيئة محترمة في أمريكا و هي US News & World Report
و أسس التقييم طبقاً ليهم واضحة و لا تحتمل أي مغالطة و هي:
Rankings based on an in-depth analysis by U.S. News editors of all published auto ratings, reviews and test drives.

فبقول تاني شيئ غريب بالنسبة لي إن إحنا في مصر نيجي كدة (كمستخدمين و سائقين فقط) و نكتشف عيوب تصميمية جوهرية قاتلة في العربية ...

بالنسبة للإلنترا فالإلنترا هي السيراتو و السيراتو هي الإلنترا في كل حاجة و أنا عندي كل قطع الغيار اللي شفتها مكتوب عليها Kia - Hyundai حتى ماسورة الشكمان.
العربيتين نسخة من بعض و شركة كيا عامة في التحالف مع هيونداي بتأخذ الطابع الرياضي شوية و ده واضح طبعاً في شكل السيراتو الهجومي و اللي أنا شايفه تحفة فعلاً.
بالنسبة لنظام التعليق فهو واحد بالمللي في الأمام مع إختلاف نظام التوجيه فهو إلكتروني في الإلنترا و هيدروليكي في السيراتو.
بالنسبة لنظام التعليق الخلفي فهو متعدد الوصلات في الإلنترا و Torsion Beam في السيراتو.
و كل نظام منهم ليه مميزاته و عيوبه..
النظام المتعدد الوصلات معقد أكثر و تكلفته أعلى و بيأخذ حجم أسفل العربية و بالتالي بيأثر على حجم الشنطة الخلفية لكن ميزته إنه أنعم في المطبات و يفترض إنه upscale شوية يعني بيكون أكتر في العربيات الأغلى شوية.
نظام الـ Torsion Beam بسيط و عملي و إعتماديته عاليه و بيسمح بحجم أكبر للشنطة الخلفيه و صياته أعتقد أبسط إن مكوناته أقل.
موضوع الثبات بقى يقال إن المتعدد الوصلات أثبت شوية في الملفات لكن مش بالدرجة اللي الناس بتصورها خالص...
على فكرة الـ 128 نظامها الخلفي مستقل يعني زي متعدد الوصلات و كمان الـ 127 و كمان البيتل و كمان السيات و غيرهم كتير...
على الجانب الآخر الكورولا الجديدة نظامها الخلفي Torsion Bar و كمان الصني و كمان التيدا.
اللي عايز أقوله إن نظام التعليق الخلفي مش بس هوادليل الثبات .... العربية فيها حاجات كتير تانية بتخليها ثابته أو مش ثابته ...

العربيات دي تم إختبارها (بجد) و بطرق علمية و على تراكات مخصوصة و في ظروف قيادة مختلفة و ده في دول كبيرة و متقدمة قبل ما تتباع هناك و أكيد لو في عيب تصميمي قاتل كان تم إكتشافه و الإعلان عنه.

و أسف على الإطالة.

[sab3aawy]

على فكرة الـ 128 نظامها الخلفي مستقل يعني زي متعدد الوصلات و كمان الـ 127 و كمان البيتل و كمان السيات و غيرهم كتير...
على الجانب الآخر الكورولا الجديدة نظامها الخلفي Torsion Bar و كمان الصني و كمان التيدا.
اللي عايز أقوله إن نظام التعليق الخلفي مش بس هوادليل الثبات .... العربية فيها حاجات كتير تانية بتخليها ثابته أو مش ثابته ...

مجرد تعليق بسيط حتى تكتمل صحة المعلومة: بالفعل ال127 وال128 والسيات بنظام التعليق الخلفى الحر، لكن البيتلز بنظام قضيب الالتواء torsion bar,وربما انها تكون من اقدم العربيات بهذا النظام
بالنسبة للكورولا والصنى فهما تعتمدان نظاما مطورا من tosion bar حيث لا تعتمدان بشكل كلى على الtorsion bar كما فى البيتلز القديمة مثلا ولكن دور الtorsion bar هو دور جزئى لمنع الانقلاب الجانبى ولا يقوم بدورالسوستة كما فى البيتلز واشباهها من السيارات القديمة، وبالمناسبة نفس نظام الكورولا والصنى موجود فى اللانوس فى حين نجد سيارات مثل اللانسر بكل موديلاتها من أول البطة وحتى اليوم تعتمد على التعليق متعدد الوصلات بنفس النظارم الموجود فى ال127 وال128

عموما انا لست من انصار فكرة ان السيراتو فيها عيب عام فى العفشة لأن كل التحاليل التى قرأتها فى هذا الموضوع لا تشير الى عيب فعلى
فحكاية التزييق مثلا همسألة لها علاقة بنوعية المطاط المستخدمة فى الجلب ، وكل الناس تصر ان التزييق معناه ان هناك كارثة حدثت فى العفشة مع ان هناك سيارت معروف عنها ان عفشتها بتزيق من وهى جديدة ومع ذلك لم يتكلم احد ابدا عن انها سيارات قابلة للانقلاب والمثال الأشهر لها هو اللانوس
والتعليق الأخر الخاص بالمقص اللذى لا هو حديد ولا هو الومنيوم وانما صاج مفرغ، ما اعرفه ان كل السيارات حاليا هو ده شكل مقصاتها، اولا انا عمرى ما سمعت عن مقص الومنيوم، فالمقصات فى السيارات القديمة كانت حديد مصمت فى شكل ذراع مصنوع بالحدادة deep forged carbon steel ، والسيارات الحديثة كلها تعتمد حاليا على المقص الصاج المشكل بالثنى على المكبسpressed carbon steel sheets

وبالتالى لا علاقة لكون المقص مصنع من الصاج المفرغ بانقلاب السيارة
قد تكون سيارة زميلنا العزيز عافاه الله بها عيب صناعة ، ولكن لا اعتقد ان هذة حالة عامة، ولا اعتقد ان لانقلاب السيارة علاقة بمسألة التزييق التى يحلها الفنيين علدة فى التوكيل بوضع قليل من الشحم على مفصلات السيارة ، الأمر الذى بالتأكيد لا يمكن ان يمنع او يسمح بحدوث انقلاب سيارة
عموما ربنا يعافى صديقنا العزير ويعوضه خيرا من سيارته المنكوبة
pressed carbon steel sheets

[Evo]

ما اعرفه ان كل السيارات حاليا هو ده شكل مقصاتها، اولا انا عمرى ما سمعت عن مقص الومنيوم، فالمقصات فى السيارات القديمة كانت حديد مصمت فى شكل ذراع مصنوع بالحدادة deep forged carbon steel ، والسيارات الحديثة كلها تعتمد حاليا على المقص الصاج المشكل بالثنى على المكبسpressed carbon steel sheets

pressed carbon steel sheets

حضرتك شفت مقصات المرسيدس وبعض السيارات الالماني الاخري ؟
بالنسبة للمقص الالمنيوم
أنا عفشة عربيتي من الالمونيوم حتى القنطرة إلي شايلة الكرونة وأكيد المقص المفرغ مش هيستحمل ذي المصمت أياً كانت خامة التصنيع

[hobiko]

حضرتك شفت مقصات المرسيدس وبعض السيارات الالماني الاخري ؟
بالنسبة للمقص الالمنيوم
أنا عفشة عربيتي من الالمونيوم حتى القنطرة إلي شايلة الكرونة وأكيد المقص المفرغ مش هيستحمل ذي المصمت أياً كانت خامة التصنيع

انا درست machine design & ميتالورجى
تحمل أي جسم للاجهادات المختلفة سواء torsion compression tension bending أو حتى sheer بتدخل فيه عوامل كتير مش بس إذا كان الجسم دة مصمت أو مفرغ بالتالي الكلام إلي حضرتك بتقولو دة مش صح خالص
و شكراً للمهندس سبعاوي على كلامه القيم

[seqoia]

المهم الف حمد الله على سلامتك يا باشا وربنا يعوضك خير
وشكرا على اهتمامك بالناس

[Evo]

انا درست machine design & ميتالورجى
تحمل أي جسم للاجهادات المختلفة سواء torsion compression tension bending أو حتى sheer بتدخل فيه عوامل كتير مش بس إذا كان الجسم دة مصمت أو مفرغ بالتالي الكلام إلي حضرتك بتقولو دة مش صح خالص
و شكراً للمهندس سبعاوي على كلامه القيم

يعني حضرتك عايز تفهمني إن المقص المفرغ أياً كان تصميمه هيتحمل اجهادات زي مقص مصمت من سبيكة مصنعة مخصوص لعربية بجنط ١٧ وكاوتش لو بروفايل وعفشة ستيف واللا بلاش سبيكة خلينا نقول حديد زهر

مع احترامي لدراستك أنا مش جاهل وفاهم يعني إيه ميتالورجي واجهادات شد وثني
يا ترى طبقت الدراسة د في الحياه العملية ؟

أي حاجة في الدنيا لها ييلد بوينت وأعتقد انها في السبايك أكتر بكتير من المفرغ لأن السبيكة مصبوبة بدراسة متقنة لأعلى ييلد بوينت أما المفرغ دة جزئين ملزوقين في بعض يعني في نقاط ضعف خطيرة وهي اللحامات

[yoko]

معلش يا إفو المفرغ مش لازم يكون قطعتين ملحوم (غالبا بيتعمل صب)
واليلد بوينت للجسم المفرغ زي الجسم المصمت لو متصنعين من نفس الماده