للأسف... احذروا من النيوسيراتو...!!!!

[ghazy12]

الف الف مليون سلامه عليك يا باشمهندس و فداك الف مليون مصنع عربيات :zb_sor1[1]:

انا مش داخل اقول رأيى عن السيراتو و لا الكيا و لا الكورى كلة

انا داخل بس اوصل لك سلامى لانى مش يهمنى حاجه غير صحتك انت فى المقام الأول و الأخير :s_thum1[1]:

يا باشا الله يسلمك و يبارك فيييك... و كلامك و كلام كل الأعضاء المحترمين عندي اهم و اغلى من 1000000 عربيه.... شكراا يا باشا

[hh]

الرد ده انا رديته في موضوع تاني بيتكلم على الحادثة دي و حبيت أضيفه هنا برضه.

فيه هجوم ضاري من بعض الاعضاء بدون ذكر أسماء على العربية زي ما يكونوا ما صدقوا. لأ وطلعوا العربية فيها عيوب صناعة جوهرية في العفشة عامة في كل النيو سيراتو .

كل ده ليه؟ عشان حادثة فردية؟ و حتى الحادثة دي محدش يعرف لغاية دلوقتي سببها ايه. مع احترامي للمهندس غازي و تمنياتي له بالشفاء و أن يأجره الله في مصيبته و أن يخلفه خيرا منها, بس هو كل واحد عمل حادثة بعربيته ايا كان نوعها يبقى العربية ورق و مقصاتها بيتكسروا لوحدهم؟ طيب ما ياما عربيات الماني و ياباني بتتقلب و تتدشدش رغم كل عوامل الأمان و على سرعات أقل من 100 كمان. في عوامل كتير داخلة في الموضوع من الطريق و السائق نفسه و العربية....الخ.

و معلش يعني المهندس غازي بيحكي و متأكد قوي انه السرعة مازادتش عن 100, رغم ان الواحد و هو سايق كتير بيسرح في حكاية السرعة بالذات ان الطريق فاضي و مفتوح قدامه وحكاية قلبة العربية 10-12 مرة دي بترجح سرعة أكبر من كدة. و واضح انه هو مكنش مركز قوي بدليل النقرة اللي شافها فجأه لدرجة انه معرفش يتفاداها. ايه اللي خلاه يجزم انه فيه عيب في العفشة و ان المقصات اتكسرت قبل ما يتقلب و انه هو رد فعله كان 100% صح؟ في مثل بيقول "ساعة القدر يعمى البصر" و المهندس غازي مهما كانت رباطة جأشه مش معقول يبقى متأكد من كل تفصيلة صغيرة زي ما يكون كان بيتفرج على فيلم.

انا مش باجزم ان العربية ما كانش فيها عيب, بس ده مجرد واحد من الاحتمالات الكتيرة لسيناريو الحادثة. في منتديات تانية نقلوا القصة بتاعت المهندس غازي و كتير من الناس حاولوا يحطوا تصور للأسباب (غير حكاية عيب العفشة)و كتير من كلامهم منطقي جدا.

و لكن تبقى جميع التصورات و التحليلات بما فيها فرضية وجود عيب بالسيارة مجرد استنباطات و افتراضات, و يبقى الموضوع مجرد حادث فردي - رغم جلله لصاحبه شافاه الله - لا يصلح ابدا للحكم على السيارة او تعميم وجود العيب - ان ثبت وجوده في سيارة المهندس غازي - على جميع السيارات من نفس الموديل.

[ghazy12]

الحمد لله الناس ابتدت تستوعب الموضوع و تفهم و تحصر المشكله بشكل كويس و كل ده بسبب النقاشات بين الأعضاء المحترمين جداا و اللي بعتز بيهم كلهم في المنتدى الأكثر من رائع..
(مش زي ما بعض الناس بتقول كرهنا المنتدى و الناس اللي فيه و مفيش استفاده و الكلام ده) عيب والله تنكر مجهود كل الناس اللي فادتك في المنتدى و بتتعب عشان تديلك معلومه جاهزه, هتدور كتيييير قوي عشان توصلها, و كل المطلوب مش انكار للمجهود بتاع الأعضاء, بس مش أكتر من كلمة ((( شكرا))) و بس...

1- احد الاعضاء عمل استفتاء (ايوه عندي حدفه شمال أو لأ معنديش) و النتيجة حتى الان 45% من ملاك العربيه عندهم نفس العييب اللي هو الحدفة الشمال..!!!!

2- أحد الاعضاء تعمق اكتر و فصل بين الخليجي و المصري تبع التوكيل و توصلوا لأن العربيات الخليجي مفيهاش المشكله دي بنسبه كبيره جدا, و ان المشكله موجوده في المصري بنسبة كبيره.. (ده تأكيد لكلامي اللي معناه ان في فرق بين الخليجي و المصري و الأمريكي.... و ده لاختلاف خطوط الانتاج نظرا لاختلاف المناطق و المواصفات القياسية الخاصة بكل منطقة على حدى, و مش كله زي بعضه من حيث العفشة و التجهيزات الأساسيه اكيد)

3- أحد ملاك العربية من الفئه ex بجنط 16" (195\55 مم) بيقول ان العربية خفيفه على سرعة تقارب الـ160 كم\ساعة... و ده برده اللي انا قلته ان الموتور عفي على البودي (بلاش الناس تجري ارجوكم يا جماعه)

نطلع من كل ده بشوية حاجات مهمة جداا و بكل عقل و اتزان و مش هنقول بيعوا العربية و الكلام ده ابدااااا...

1- رجاااء شخصي من ملاك العربية بلاش جري و سرعات عاليه حرصا على سلامتهم.

2- ناخد بالنا من البلاعات و النقر و وصلات الدائري و كوبري اكتوبر السيئه جداااا.

3- القياده المتعقله (بلاش غرز و شد و الكلام ده), خاف على نفسك و على اهلك كمان لانك مسؤل تجاههم و تجاه ربنا عن بدنك.

4- الاهتمام بالفرامل و الكوتش و كل ما يخص العفشة لو في اي مشكله لا قدر الله و محدش يطنش و يقول هغير التيل بعدين مثلا, او هغير الكوتش لما يجيب اخره مثلا و طبعا الصيانة الدوريه و اتمنى بلاش في اي مكان, يا ريت لو مكان محترم و متخصص اذا مكنش داخل التوكيل طبعاا

5- حزام الأمان يا رجاله (اقسم بالله هاااااااااااام جداااااااااااا) سيبك من المخالفات و كده, ده والله علشان سلامتك و عشان العربية تقدر تحميك لازم تحمي نفسك الأول....

ده بجد اللي عندي بما يرضي الله... و ربنا يديكوا خيرها و يكفيكوا شرها... و يا رب تستمتعوا بالعربية بس بالعقل و بما يرضي الله....

[abou_ruqi]

او تركب فيات برافو تربو وخلاص !!!

والله جزاك الله كل خير على خوفك على اخوانك

[ghazy12]

او تركب فيات برافو تربو وخلاص !!!

والله جزاك الله كل خير على خوفك على اخوانك

أو نركب تيداا اوتو بلس... ولا ايه يا باشا..؟؟؟ فييين الولاء لعربيتك يا استاذنا؟؟؟ هههههههههه

بس البرافو فكره ((( تربووو))) و من الاخر... انت صح... نشوف القضيه دي بردو

[abou_ruqi]

بالرغم من اني راكب تيدا الا اني حموت علي البرافو والسبب اللي خلاني مجبهاش انها مكنش في منها اوتوماتيك ساعة لما كنت بشتري وللاسف نزل بعد كده بكام شهر

هي دي العربيات اللي بجد

[NoRmAl]

اليرافو تحفه
انا ركبتها مرتين بجد منسهمش
بس اعتقد ان سعر آخر فئه فى السيراتو تجيب اول فئه فى البرافو :((

[محمد محمد]

الحمد لله الناس ابتدت تستوعب الموضوع و تفهم و تحصر المشكله بشكل كويس و كل ده بسبب النقاشات بين الأعضاء المحترمين جداا و اللي بعتز بيهم كلهم في المنتدى الأكثر من رائع..
(مش زي ما بعض الناس بتقول كرهنا المنتدى و الناس اللي فيه و مفيش استفاده و الكلام ده) عيب والله تنكر مجهود كل الناس اللي فادتك في المنتدى و بتتعب عشان تديلك معلومه جاهزه, هتدور كتيييير قوي عشان توصلها, و كل المطلوب مش انكار للمجهود بتاع الأعضاء, بس مش أكتر من كلمة ((( شكرا))) و بس...

1- احد الاعضاء عمل استفتاء (ايوه عندي حدفه شمال أو لأ معنديش) و النتيجة حتى الان 45% من ملاك العربيه عندهم نفس العييب اللي هو الحدفة الشمال..!!!!

2- أحد الاعضاء تعمق اكتر و فصل بين الخليجي و المصري تبع التوكيل و توصلوا لأن العربيات الخليجي مفيهاش المشكله دي بنسبه كبيره جدا, و ان المشكله موجوده في المصري بنسبة كبيره.. (ده تأكيد لكلامي اللي معناه ان في فرق بين الخليجي و المصري و الأمريكي.... و ده لاختلاف خطوط الانتاج نظرا لاختلاف المناطق و المواصفات القياسية الخاصة بكل منطقة على حدى, و مش كله زي بعضه من حيث العفشة و التجهيزات الأساسيه اكيد)

3- أحد ملاك العربية من الفئه ex بجنط 16" (195\55 مم) بيقول ان العربية خفيفه على سرعة تقارب الـ160 كم\ساعة... و ده برده اللي انا قلته ان الموتور عفي على البودي (بلاش الناس تجري ارجوكم يا جماعه)

نطلع من كل ده بشوية حاجات مهمة جداا و بكل عقل و اتزان و مش هنقول بيعوا العربية و الكلام ده ابدااااا...

1- رجاااء شخصي من ملاك العربية بلاش جري و سرعات عاليه حرصا على سلامتهم.

2- ناخد بالنا من البلاعات و النقر و وصلات الدائري و كوبري اكتوبر السيئه جداااا.

3- القياده المتعقله (بلاش غرز و شد و الكلام ده), خاف على نفسك و على اهلك كمان لانك مسؤل تجاههم و تجاه ربنا عن بدنك.

4- الاهتمام بالفرامل و الكوتش و كل ما يخص العفشة لو في اي مشكله لا قدر الله و محدش يطنش و يقول هغير التيل بعدين مثلا, او هغير الكوتش لما يجيب اخره مثلا و طبعا الصيانة الدوريه و اتمنى بلاش في اي مكان, يا ريت لو مكان محترم و متخصص اذا مكنش داخل التوكيل طبعاا

5- حزام الأمان يا رجاله (اقسم بالله هاااااااااااام جداااااااااااا) سيبك من المخالفات و كده, ده والله علشان سلامتك و عشان العربية تقدر تحميك لازم تحمي نفسك الأول....

ده بجد اللي عندي بما يرضي الله... و ربنا يديكوا خيرها و يكفيكوا شرها... و يا رب تستمتعوا بالعربية بس بالعقل و بما يرضي الله....

كلام في الصميم .....مافيش طريق في مصر العربية تستحمل فيه جري اكتر من سرعة 120ك\س حتي لو حسيت ان العربية ثابتة وناعمة وكلام من ده برده السرعة الزائدة مافيش منها فايدة .....الواحد لما بيجيب 160 بالعربية بيبقي ماشي وعمال يتلفت حواليه خايف اي حاجة تطلعله فجأة علشان هو عارف انه ماشي غلط وبيخاطر بنفسه وعارف ان الطريق مش مجهز للسرعات دي .....لما الحكومة تعمل طريق مفتوح غير محدد السرعات نجري براحتنا لكن علي حال الطرق دي الواحد لازم يفكر الف مرة قبل ما يتجاوز السرعة المقررة للطريق....وسبحان الله انا نادرا جدا جدا جدا لما الاقي واحد راكب مرسيدس او بي ام وبيمشي اكتر من 120 او 100 كمان مع ان العربية امكانيتها تساعده علي الجري.
الخلاصة اعرف انت شاري العربية ليه لو شاريها علشان تقضي بيها مشاويرك العادية وتسوق سواقة دفاعية يبقي انت كده ماشي صح لكن لو جايبها علشان تسابق وكل سواقتك تبقي غرز فاعلم ان هذه الطريقة في القيادة ليس مكانها هنا في طرق مصر.

[dr_abooody]

لا حول و لا قوة الا بالله

الحمد لله انا كان قدامي السيراتو دة و حسيت ان فيها حاجة مش طبيعية فجيبت الالنترا و الحمد لله

[yoko]

اليرافو تحفه
انا ركبتها مرتين بجد منسهمش
بس اعتقد ان سعر آخر فئه فى السيراتو تجيب اول فئه فى البرافو :((

ما تجيب اللينيا (نفس موتور البرافو وأعلى فئة ب١١٢ والي معايا ب١٠٨)ممكن تدخل على التقرير بتاعي ولو عندك أي سؤال أنا في الخدمة في ٢٧ يوم عملت ٢٥٠٠ كم

http://www.nilemotors.net/Nile/106551-a.html

[wahid37]

الف سلامه يا باشا وقدر الله وما شاء فعل...

[egynoor]

طبعاً الف الف سلامة يا باشمهندس.
لكن تعال نتكلم بالراحة و بالمنطق. وقت الحوادث كل حاجة بتبقي ملخبطة و مشوشة و ماحدش ابداً بيقدر يفتكر كل حاجة بوضوح. اللي عاوز اقوله انه طبعاً مستحيييييل السيارة تتقلب 10 مرات و انت ماشي علي 100 كم!!!! صح ياشمهندس و لا ايه؟؟؟ يعني أنا أفترض انك كنت ماشي اسرع من كده. طيب واحد ماشي بسرعة , نزل في حفرة عميقة بسرعته فالمقص اتكسر و هو ما أخدش باله أو مالحقش و كمل فالعربية - للأسف - اتقلبت
علي ما أعتقد هذا السيناريو يحصل مع أي عربية و بالتالي يا باشمهندس يبقي الكلام أنك تحمد ربنا علي سلامتك, وتحذر الناس بس مش من السراتو و لكن من السواقة بسرعة، أو من الحفر اللي في الطريق..... أي حاجه لكن مش من العربية نفسها.
علي العموم ياباشمهندس أنا برضة بأقولك اشتكي كيا و ابعت التقرير احتمال فعلاً في عربيتك بالذات كان في حاجه غلط. و ربنا يعافيك و يعافينا

[sayedaly]

قدر الله وما شاء فعل مش مهم الفلوس اهم حاجة صحتك

[ghazy12]

طبعاً الف الف سلامة يا باشمهندس.
لكن تعال نتكلم بالراحة و بالمنطق. وقت الحوادث كل حاجة بتبقي ملخبطة و مشوشة و ماحدش ابداً بيقدر يفتكر كل حاجة بوضوح. اللي عاوز اقوله انه طبعاً مستحيييييل السيارة تتقلب 10 مرات و انت ماشي علي 100 كم!!!! صح ياشمهندس و لا ايه؟؟؟ يعني أنا أفترض انك كنت ماشي اسرع من كده. طيب واحد ماشي بسرعة , نزل في حفرة عميقة بسرعته فالمقص اتكسر و هو ما أخدش باله أو مالحقش و كمل فالعربية - للأسف - اتقلبت
علي ما أعتقد هذا السيناريو يحصل مع أي عربية و بالتالي يا باشمهندس يبقي الكلام أنك تحمد ربنا علي سلامتك, وتحذر الناس بس مش من السراتو و لكن من السواقة بسرعة، أو من الحفر اللي في الطريق..... أي حاجه لكن مش من العربية نفسها.
علي العموم ياباشمهندس أنا برضة بأقولك اشتكي كيا و ابعت التقرير احتمال فعلاً في عربيتك بالذات كان في حاجه غلط. و ربنا يعافيك و يعافينا

كلام سعادتك جميل جداا, بس انا معرفش العربية بالفعل اتقلبت كام قلبه..!!! و مقولتش اني عارف و متأكد انها اتقلبت العدد ده من القلبات ولا لأ...

ارجع لأول الموضوع هتلاقيني قلت ان الناس بتقول ان العربية اتقلبت تقريبا من 10 - 12 قلبه...!!! معنى كده ان مش انا اللي حددت و لا الناس (دول بيقولوا حوالي كذا قلبه)

الأكيد يا استاذي اني مكنتش بجري اصلا و انا واعي و فايق و واثق من كلامي 100% في الحته دي بالذات ((( قوي))) انا كنت ماشي على سرعه لم تتجاوز الـ100كم اصلا, و بالظبط كنت يا دوب داخل على الـ100 كم... و ده علشان فيه زي اعمال رصف من الحجر الجيري في الشارع بعرض الشارع كله و بطول حوالي 20 متر لقدام... فخدتها والله على سرعة غيار الـ d اللي بتحرك العربية و بالراحة مع شوية بنزين و على العداد مش قاري اكتر من الزيرو بحاجة بسيطة... و بعدين مشيت عادي جداا, المشافة بين النقره و مكان الرصف مش بعيده و متسمحليش حتى لو عملت كيك داون اني اجمع اكتر من 120 اصلا..!!!! و كلامي انا متأكد منه و عارف انا بقول ايه كويس و عارف انا عملت ايه من الألف الى الياء لحد بعد العربية ما اتقلبت و بعدين اغمي عليا و مش عارف ايه اللي جرى, بس الراجل اللي وداني المستشفى شافني و انا بطير في الهواء بعيد عن العربية لدرجة انه متخيلش ان ده بني ادم اصلا (شاف حاجة سوده في الهوا) و ده كلامه مش كلامي انا...

الشاب ده اسمه (حماده البيلي) و هو موزع موسيقي و بيشتغل مع ناس كتيير على حسب كلامه زي تامر حسني و كده... اللي ممكن يكون عارف حد في الوسط يسأله يا رجاله و انا موجود في اي وقت طبعاا...

و شكراا يا باشا على ذوقك و مرورك الكريم و انا نصحت الناس باللي يرضي ضميري قدام ربنا قبل اي انسان....

[egynoor]

أنا مش فاهم.. انت أخدت الحفرة دي علي 100 و لا بالراحة؟؟؟؟
برضه لو بالراحة و المقص اتكسر يبقي كان عندك مشكلة في عربيتك انت بالذات و يبقي من حقك تعمل لكيا مشكلة كبيرة. الحقيقة أنا سواقتي عنيفة بس ما أشتكيتش من أي مشكلة في العفشة و لا تزييق أو حدفة. علي العموم ألف سلامه عليك و الحمد لله علي كدة.