وسقط حبي للسيراتو:(

[Evo]

يبقى بلاش منها خالص ولو عاوزنى ابيع عربيتى كمان موافق بس متزعلش

أنا مبكرهش أي عربية
ومش متحيز لاي عربية

إنت شايف كده يبقى دي من ناحيتك

أنا بقول رأيي في عربيتك وأنا حر

عندك عربيتي طلع فيها عيوب الدنيا لو عاوز بس اثبت أو هاتلي نفس المشكلة متكررة كذا مرة في كذا عربية وعندك 100 نوع تاني ممكن تهاجمه وتطلع فيه عيوب كتير لان ده صنع الانسان وأكيد مليان عيوب ولو خفيه عننا بس أهم حاجة الاثبات و الاجماع

إنت عيوب عربيتك واضحة وظاهرة لكل الناس

شكاوي من معظم مالكيها وحوادث مووت شفتها بعيني وغيري كتير مبجبش حاجة من عندي ومبفتريش على حد

وارجو إن ده ميوصلش الموضوع لمشاعر شخصية دفينة من مللاك السيراتو ناحيتي
أنا ليَّ أصحاب عندهم السيراتو و في فرق بين ده وده أعتقد

وأنا ممكن أعمل كده مع أي عربية لو شفت إنها فيها عيوب والناس مش واخدة بالها منها وكمان بتتباع بسعر ماتستحقوش

زي مابيقولوا بره

Please No Hard Feelings

[mastr_n]

إيه التعصب الهلامي اللي انتوا فيه ده ؟!

واللة انا شايف حضرتك الى متعصب مش احنا ياسيدى لو انت مش شايفها حلوة احنا شايفنها احسن عربية ودة اعتقد شىء يخصنا

[mishtawy]

انا معتبر العربية ده من اجمل تصميمات العربيات اللي نزلت مصر الفترة الاخيرة وكنت معجب بيها جدا
ولكن
بعد كذا حاجة بدات تقل اسهم السيراتو في بورصة تفكيري
منها اللي اتحرقت وهي واقفة ومنها بتاعة الباشمهندس غازي ربنا يشفيه ويقومه بالسلامه ومنها اللي الكاوتش فرقع ومنها ومنها ومنها ....
و اخرها مالم اتوقعهه للاسف :
كنت سايق لانوس في طريق اتجاهين يادوب ياخد عربيتين جمب بعض مستريح
كنت ماشي 50 وشايف ورايا سيراتو وكان الطريق فاضي من الاتجاهين مفيش غيري انا وهو وكان علي يميننا ارض زراعية المهم شوية وسمعت صوت موتور شادد وبيجري وشوية ولقيته علي شمالي وراح واخد غرزة جامدة وكاسر عليا بس مخبطنيش طبعا هو جاب يمين والمفروض يجيب شمال عشان يرد العربية ويبقي قدامي هو خد اليمين من هنا وفجأة لقيت العجل اليمين بتاعه بيترفع من علي الارض وهوب راح نازل مقلوب في الارض الزراعية وخدله قلبتين والعربية ثبتت مقلوبة انا طبعا اتفزعت واول ماشفت كدة فرملت جامد جدا ونزلت من العربية جري علي الارض الزراعية وكان معايا واحد صاحبي المهم اول حاجة عملتها مديت ايدي جوة العربية وقفلت المفتاح وقمنا انا وصاحبي عادلين العربية وفتحت الباب وبعدين الكبوت وقمت شادد البوجيهات وفكيت البطارية وصاحبي كان مع الناس اللي في العربية بيسألهم ايه اخبارهم ان كان فيهم اي حاجة او اي كسور او اي حاجة بتوجعهم ونزلناهم من العربية كان واحد عنده تقريبا 35 سنة وهو اللي سايق وكان معاه واحد كبير في السن تقريبا والده المهم خدناهم وبعدنا عن العربية شوية عشان نطمن عليهم والكلام ه كله ماخدش اكتر من اربع دقايق فعلا وده اللي كنت مستغرب منه ان العربية تتقلب واحنا نعدلها وكل الكلام ده يحصل بس من كتر الخضه علي الناس كنا بنعمل كل حاجة بسرعة متناهية والناس بعد كدة اتلمت واحنا قعدنا نقولهم نوديكوا مستشفي او اي حاجة وهما اللي عليهم مبتسمين مش عارف ليه والحمد لله مفيش حد فيهم فيه حاجة والعربية اتكسر فيها كتير وجابت قوايم بس نشكر ربنا علي كل حاجة.
بعد كل ده انا بدات اقلق من العربية ده وبأنصح كل اللي جابها او هيجيبها انه يبقي حريص جدا لاني مكنتش اتوقع اللي حصل ده
انا مش بهاجم العربية ومقلتش ماتشتروهاش بس ماتتغروش من موتورها لانه شديد جدا علي عربية ضعيفة
انا منتظر هجوم شديد جدا من بعض الملاك ولكن حقيقي هو ده اللي حصل
واسف لو كنت ضايقت حد بكلامي مع كامل اعتزاري لكم

لا حول ولا قوة إلا بالله
طيب مفيش حل اللي اشترا العربيه يغير العفشه مثلاً بعفشة الـ2000cc او بأي حاجه تانيه؟؟
و يا ريت تخلوا بالكو يا جماعة والله الطرق بتاعتنا مينفعش معاها الغرز الsharp والحاجات دي ومش هيفرق انت راكب سيراتو ولا غيرها لان العربيه مهما كانت ماتصممتش انها تبقى على سرعات عاليه والطريق عالي وواطي وتاخد غرز في نفس الوقت ! اكيد هيحصل حاجه واحنا اصلاً مش راكبين عربيات حقيقيه لان معظم عربيات السوق المصري تندرج تحت سوق السيارات الاقتصاديه الرخيصه في اي سوق سيارات في اي بلد تانيه

اخي العزيز الاستاذ الفاضل يقول ان سرعته 50 وسرعة الاخ المقلوب 60 من المشاركة الاخرى وزاوية الغزرة مفتوحة والطريق فاضي والشيطان شاطر يعني جاكي ناوياها الليلة ناوياها مش محتاجه غرزة sharp ولايحزنون او ممكن تقدرتقول هو سرح ونزل الارض الزراعية لان صعب سيارة وزنها 1300 كجم ان لم تخني الذاكرة عجلها اليمين واظنه الشمال مش اليمن يرتفع وتطير في الهواء وتعمل شقلباظ على 60 لو 160 تبقى مبلوعة انا كان عندي سيات 133 وكنت بمشي 50 و60 و70 كمان ولا يهمني بس هو الراجل معملش غرزة ولا حاجة لان لا يوجد ما يستدعي الطريق فاضي زي ماهو مكتوب وفي الاول والاخر كله مكتوب اسف على الاطالة

[Evo]

واللة انا شايف حضرتك الى متعصب مش احنا ياسيدى لو انت مش شايفها حلوة احنا شايفنها احسن عربية ودة اعتقد شىء يخصنا

والله أنا مش متعصب ولا حاجة الحمد لله
وكل واحد أكيد شايف حاجته حلوة ومش شايف عيوبها كويس

والناس اللي بتحبه اللي بيتوري له العيوب دي

وبلاش موضوع يخصنا ده أصل توكيل كيا مخصش بيع السيراتو لفئة معينة من الشعب المصري

وبعدين يا جماعة من وسط كمية الهجوم المهول ده على العربية في الموضوع ده والموضوع التاني مسكتو فيَّ أنا وبتتهموني بالتعصب
عموما لا يقال أكثر مما قيل ومحدش يحب إن حد يحجر على رايه

[ahmed_h_g]

لا حول ولا قوه الا بالله

[bassemforever]

من الاخر ومحدش يزعل منى انا حاسس ان فى هجوم على السيراتو جامد العربية معايا زى الفل واثبت بكتير من عربيات تانية سوقتها كتير فى اية اكتر من 160 وبنقل حارات عادى ولبست بيها بلعات ومطبعات وعلى سرعات مختلفة انا شايف مبلغات يا جماعة ولو فى حالات فردية فمش معنى كدة ان العيب من العربية وبعدين فى حاجة تانية ماحنا بنشوف كرولا ولانسر بتعمل حوادث وبتتقلب اشمعنى الهجوم جاى ان العيب من العربية هنا ممكن واحد مش بيعرف يسوق او الكاوتش فرقع لقدر الله او ماس كهربى او اى حاجة دة وارد فى اى عربية وانتوا مش بتتكلموا عن عربية صينى ولا حاجة دى من كيا وطول عمرنا بنشوف شركة كيا ومفيش المشاكل الى انتوا مضخمنها كدة مع احترامى لكل الى مروا بظروف لو عديت الحوادث الى بتقولوا عليها بالنسبة لعدد العربيات هيبقى النسبة عادية زى انت مثلا ممكن تلاقى حوادث لانسر كتير وبتتصلح كتير مش معنى كدة انها عربية وحشة لا لكن علشان منتشرة جدا وعددها كبير تانى اقول خدوا الكلام من اصحاب العربيات الى جربوها فعلا وبالنسبة لحادثة استاذ غازى ربنا يقومه بالسلامة احب اقوله العين فلقت الحجر وانت ما شاء الل هكنت اول من حط عربيته وصورها هنا :) ربنا يحرسك يارب ويعوضك بالاحسن ان شاء الله

[mastr_n]

والله أنا مش متعصب ولا حاجة الحمد لله
وكل واحد أكيد شايف حاجته حلوة ومش شايف عيوبها كويس

والناس اللي بتحبه اللي بيتوري له العيوب دي

وبلاش موضوع يخصنا ده أصل توكيل كيا مخصش بيع السيراتو لفئة معينة من الشعب المصري

وبعدين يا جماعة من وسط كمية الهجوم المهول ده على العربية في الموضوع ده والموضوع التاني مسكتو فيَّ أنا وبتتهموني بالتعصب
عموما لا يقال أكثر مما قيل ومحدش يحب إن حد يحجر على رايه

بص حضرتك انت فى منتدى سيارات وفى قسم كيا كمان وانا وكتير كمان بيحبوا يطلعوا على هذا القسم لمعرفة الجديد عن هذة السيارة يعنى باللة عليك لما واحد يكون دافع دم قلبة فى عربية ويخش يسمع الكلام الى يسم البدن دة وعربيتة لسة مالينتش وكل يوم حادثة وقصة ورواية وعيوب واغلب الى بيتكلموا مش من ملاك العربية
اكيد هيتضايق ويرد حط نفسك مكانى وانا عملت موضوع واستطلاع عن الى معندوش مشاكل ونسبة كبيرة جدا من الملاك شاركو وفالوا زى الفل والحمد للة
وبعدين غرزة اية الى على 60 والعربية تتقلب دة لو توك توك ومعمول فى ورشة لحام مش هايعمل كدة وكيا مش شركة مبتدئة يعنى على شان تعمل عربيات بالغباء دة
ولكن موضوع الاستاذ غازى معقول ويتسدق والراجل مشكور شرح الحادثة باسلوب
يعقل وارفق صور تؤيد كلامة
وطبعا الموضوع يخصنا مش هايخص ملاك اللانسر مثلا..........
ورأيك على دماغنا من فوق بس ماتخشش تنكد على الى لسة شارى العربية
وبعدين كمية الحوادث الغريبة والعجيبة دية كترت اوى ومبالغ فيها واسسسسسسسسسف على الاطالة بس حبيت اوضح وجهة نظرى

[mastr_n]

من الاخر ومحدش يزعل منى انا حاسس ان فى هجوم على السيراتو جامد العربية معايا زى الفل واثبت بكتير من عربيات تانية سوقتها كتير فى اية اكتر من 160 وبنقل حارات عادى ولبست بيها بلعات ومطبعات وعلى سرعات مختلفة انا شايف مبلغات يا جماعة ولو فى حالات فردية فمش معنى كدة ان العيب من العربية وبعدين فى حاجة تانية ماحنا بنشوف كرولا ولانسر بتعمل حوادث وبتتقلب اشمعنى الهجوم جاى ان العيب من العربية هنا ممكن واحد مش بيعرف يسوق او الكاوتش فرقع لقدر الله او ماس كهربى او اى حاجة دة وارد فى اى عربية وانتوا مش بتتكلموا عن عربية صينى ولا حاجة دى من كيا وطول عمرنا بنشوف شركة كيا ومفيش المشاكل الى انتوا مضخمنها كدة مع احترامى لكل الى مروا بظروف لو عديت الحوادث الى بتقولوا عليها بالنسبة لعدد العربيات هيبقى النسبة عادية زى انت مثلا ممكن تلاقى حوادث لانسر كتير وبتتصلح كتير مش معنى كدة انها عربية وحشة لا لكن علشان منتشرة جدا وعددها كبير تانى اقول خدوا الكلام من اصحاب العربيات الى جربوها فعلا وبالنسبة لحادثة استاذ غازى ربنا يقومه بالسلامة احب اقوله العين فلقت الحجر وانت ما شاء الل هكنت اول من حط عربيته وصورها هنا :) ربنا يحرسك يارب ويعوضك بالاحسن ان شاء الله

مش عارف لية كل الحقد دة على السيراتو واللة عندك حق

[Eng.Geo]

مش عارف لية كل الحقد دة على السيراتو واللة عندك حق

برده حقد!!!!!!!!!!!
يعني انا لما انصح الناس بأنهم ما يجروش بالعربية ده يبقي حقد
طاب يا جماعة انا اسف جدا ليكم وعيشوا حياتكوا واجروا بيها زي ما نتوا عايزين
شكرا ليكم جدددددددددا

[Eng.Geo]

اخي العزيز الاستاذ الفاضل يقول ان سرعته 50 وسرعة الاخ المقلوب 60 من المشاركة الاخرى وزاوية الغزرة مفتوحة والطريق فاضي والشيطان شاطر يعني جاكي ناوياها الليلة ناوياها ههههههههه
مش محتاجه غرزة sharp ولايحزنون او ممكن تقدرتقول هو سرح ونزل الارض الزراعية لان صعب سيارة وزنها 1300 كجم ان لم تخني الذاكرة عجلها اليمين واظنه الشمال مش اليمن يرتفع وتطير في الهواء وتعمل شقلباظ على 60 لو 160 تبقى مبلوعة انا كان عندي سيات 133 وكنت بمشي 50 و60 و70 كمان ولا يهمني بس هو الراجل معملش غرزة ولا حاجة لان لا يوجد ما يستدعي الطريق فاضي زي ماهو مكتوب وفي الاول والاخر كله مكتوب اسف على الاطالة

هو لو بيلف يمين فالعجل اليمين هو اللي هيترفع مش الشمال
حاول تجري انت في طريق وقوم واخد منحني في اتجاه يمين هتلاقي رجلك اليمين بتترفع عن الارض والضغط الاكبر علي رجلك الشمال
هو كان عامل غرزة ومعرفش يكملها عشان العجل اترفع
فعلا كله مكتوب
شكرا ليك

[mastr_n]

هو لو بيلف يمين فالعجل اليمين هو اللي هيترفع مش الشمال
حاول تجري انت في طريق وقوم واخد منحني في اتجاه يمين هتلاقي رجلك اليمين بتترفع عن الارض والضغط الاكبر علي رجلك الشمال
هو كان عامل غرزة ومعرفش يكملها عشان العجل اترفع
فعلا كله مكتوب
شكرا ليك

واللة لو كلامك منطقى هانسدئك ونقولك متشكرين على النصيحة لكن من الواضح ان مش انا بس الى بيقول كدة دة كل الناس ومش معقول الناس كلها غلط وانت صح ومرة اخرى متشكرين على النصيحة بس تكون عن تجربة واقعية اكتر
وشكرا

[Eng.Geo]

واللة لو كلامك منطقى هانسدئك ونقولك متشكرين على النصيحة لكن من الواضح ان مش انا بس الى بيقول كدة دة كل الناس ومش معقول الناس كلها غلط وانت صح ومرة اخرى متشكرين على النصيحة بس تكون عن تجربة واقعية اكتر
وشكرا

هو ده اللي حصل ورديت علي كل التساؤلات
انا مبخشش علي قسم كيا ولكن بعد الحادثة ده بدأت اتابع شوية
ممكن تكتبلي بعض الاعتبارات اللي اكتب عشانها الموضوع ده زي مثلا بأشتغل في توكيل او ما شابه عشان يبقي عدم التصديق صح
اصل لو بكدب اكيد في سبب ولو اني مش مسامحك علي هذا التكديب
وانا جاهز للرد

[mastr_n]

هو ده اللي حصل ورديت علي كل التساؤلات
انا مبخشش علي قسم كيا ولكن بعد الحادثة ده بدأت اتابع شوية
ممكن تكتبلي بعض الاعتبارات اللي اكتب عشانها الموضوع ده زي مثلا بأشتغل في توكيل او ما شابه عشان يبقي عدم التصديق صح
اصل لو بكدب اكيد في سبب ولو اني مش مسامحك علي هذا التكديب
وانا جاهز للرد

واللة يا هندسة انا مش باكذبك ولا حاجة بس عنوان الموضوع وسقط حبى والكلام الكبير دة بيأثر اكيد فى ملاك العربية وبالتالى ممكن اى واحد يجيلة فوبيا من كثرة المواضيع دية ولاقدر اللة يعمل حادثة وانت ممكن تكون السبب
وارجو انت تسامحنى دة نقاش واختلاف الرد لا يفسد للود فضيلة بس دة حقنا المشروع اننا ندافع ونرد وفى الاخر انا مش باكذبك وياتقنعنى يا اقنعك وموضوعك علية علامات استفهام ودة مش رأى انا بس
وفى النهاية احنا اخوات فى اللة

[Eng.Geo]

واللة يا هندسة انا مش باكذبك ولا حاجة بس عنوان الموضوع وسقط حبى والكلام الكبير دة بيأثر اكيد فى ملاك العربية وبالتالى ممكن اى واحد يجيلة فوبيا من كثرة المواضيع دية ولاقدر اللة يعمل حادثة وانت ممكن تكون السبب
وارجو انت تسامحنى دة نقاش واختلاف الرد لا يفسد للود فضيلة بس دة حقنا المشروع اننا ندافع ونرد وفى الاخر انا مش باكذبك وياتقنعنى يا اقنعك وموضوعك علية علامات استفهام ودة مش رأى انا بس
وفى النهاية احنا اخوات فى اللة

انا مش قصدي اني اخلي الناس تخاف بس هو التحذيييييييييييير من الجري والغرز
انا وضحت كل ملابسات الموضوع
ربنا يستر علي كل اللي سايق عربية علي اربع كاوتشات ممليين هوا