سيراتو على طريق العين السخنه يوم 11-12-2009

[elm3lem_youssef]

النهارده كنت مسافر الغردقه مع واحد صاحبى وإحنا ماشيين على طريق القطاميه الجديد بتاع الجيش لقينا نيو سيراتو جايه طياره من ورانا وطبعا إحنا ملناش فى الجرى والكلام ده وبعد شويه مش كتار لقينا فرده كاوتش مرميه على اليمين وبعدها العربيه السيراتو واقفه وقدامها عربيه تانيه وناس نازليين منها رايحيين ناحيه السيراتو الأول أنا مخدتش بالى هو فى ايه وبعد أما جينا قدام العربيه لقينا القايم القدمانى يمين بالبرباريز القدمانى بالسقف متبهدلين على الأخر فى السيراتو ....
بصراحه انا مش عارف ايه اللى حصل مشعارف الموضوع ده عيب سواق ولا عيب عربيه ولا ايه اللى حصل وايه فرده الكاوتش دى وهو لبس فى ايه ؟؟؟؟ مكنش فى عربيات تانيه مكسره قدامه !!! طب لو السيراتو أتقلبت مين اللى عدلها اذا كان الناس اللى شوفناهم كانوا لسه نازلين من عربتهم

حاجه غريبه والله بس والله أنا مش بعيب فى العربيه ولا حاجه أنا بس شوفت حادثه وحبيت أحذر أخواتى فى المنتدى بمخاطر السرعه

ربنا يستر طريقنا كلنا

[mastr_n]

النهارده كنت مسافر الغردقه مع واحد صاحبى وإحنا ماشيين على طريق القطاميه الجديد بتاع الجيش لقينا نيو سيراتو جايه طياره من ورانا وطبعا إحنا ملناش فى الجرى والكلام ده وبعد شويه مش كتار لقينا فرده كاوتش مرميه على اليمين وبعدها العربيه السيراتو واقفه وقدامها عربيه تانيه وناس نازليين منها رايحيين ناحيه السيراتو الأول أنا مخدتش بالى هو فى ايه وبعد أما جينا قدام العربيه لقينا القايم القدمانى يمين بالبرباريز القدمانى بالسقف متبهدلين على الأخر فى السيراتو ....
بصراحه انا مش عارف ايه اللى حصل مشعارف الموضوع ده عيب سواق ولا عيب عربيه ولا ايه اللى حصل وايه فرده الكاوتش دى وهو لبس فى ايه ؟؟؟؟ مكنش فى عربيات تانيه مكسره قدامه !!! طب لو السيراتو أتقلبت مين اللى عدلها اذا كان الناس اللى شوفناهم كانوا لسه نازلين من عربتهم

حاجه غريبه والله بس والله أنا مش بعيب فى العربيه ولا حاجه أنا بس شوفت حادثه وحبيت أحذر أخواتى فى المنتدى بمخاطر السرعه

ربنا يستر طريقنا كلنا

دلوقتى كيا عاملة عرض على كل طريق تاخد واحدة سيراتو هدية والمفاجاءة ان التوكيل اتصل بالمفتش كرومبو على شان يحل الغز معلش قصدى الحادثة
ارحمونا بقة من المواضيع الحمضانة دية وبعدين المواضيع دية اتهرشت خلاص ياعنى بالمعدل دة مش هنلاقى سيراتو واحدة ماشية كمان اسبوع كلة مقلوب
معلش على الاسلوب بس زهقنا بجد

[m_s_h_a]

هو فى ايه ؟
انا هخاف ادور الكونتاكت بتاع العربيه مش امشى بيها واللهى بجد يا جماعه الموضوع كده بقى اوفر قوى انا هركب العربيه جوا الجراج بس عموما لازم يكون فى تفسير للى بيحصل ده ولازم نشوف حل يا جماعه العمر مش بعزقه

[sherif2net]

دى فرررررررررررة بقى ....... انا هركن العربية و استعمل تاكسى اصل انا بامشى على الدائرى كل يوم.

[khpopo]

تانى ... لاحول ولا قوة الا بالله ربنا يسترها معانا جميعا
شكرااا للمعلومه
ربنا يوفق

[max_ziro]

انا تعبت
دة انا جارى معاة جيتا من ام جنط كبير دى و عجل لو بروفايل مش عايز اقول ان تقريبا العجل كلة مطلع بطون و كل شوية يجيب فردة دة و كمان كل شوية الاقيها مخبوطة خبطة انقح من الى قبلها
له معنى كدة انى كل شوية اقول ان العربية دى فيها عيب قاتل مثلا فى الفرامل ولا اقول دة عيب عفشة و عشان كدة مبيعرفش يلمها و بتتخبط منة ......

لا تعليق ...

[hesham22822]

هوة اية موضوع السيراتو دة هى واخدة عين ولا اية.... اية

[M.Abdelshafi]

picture or didnt happen

[M.Osman]

خلاصة المواضيع الكتير اللي عن السيراتو انها عربية ناجحة و كتر الحوادث بتاعتها دليل على انتشارها مش اكتر...

حاجة كدا زي الفيرنا اللي بايعة 50 ألف عربية و صور الحوادث يتاعتها مالية النت و يقولك بتعمل حوادث

طب ما هو طبيعي.. مش عربية منتشرة؟؟

[NoRmAl]

بهذه المناسبه اوجه رساله للقائمين على المنتدى
بإنشاء قسم خاص لحوادث النيو سيراتو
حتى يتسنى لأى كائن شاف حادثه للنيو سيراتو
او حلم بها او ألفها او او او
انه يضعها فى القسم المخصص
حتى نستطيع ان تجاهلها جميعا
وكفااااااااااااااااااااااااااااااااااااااااااااااا ايه بقى

[Hosam_Optrawy]

خلاصة المواضيع الكتير اللي عن السيراتو انها عربية ناجحة و كتر الحوادث بتاعتها دليل على انتشارها مش اكتر...

حاجة كدا زي الفيرنا اللي بايعة 50 ألف عربية و صور الحوادث يتاعتها مالية النت و يقولك بتعمل حوادث

طب ما هو طبيعي.. مش عربية منتشرة؟؟

قلت النقطه دى قبل كدا

كان الرد ان السيراتو لسه موصلتش لانتشار الفيرنا والبوما والالنترا

[Ahmed_Gadalah]

بهذه المناسبه اوجه رساله للقائمين على المنتدى
بإنشاء قسم خاص لحوادث النيو سيراتو
حتى يتسنى لأى كائن شاف حادثه للنيو سيراتو
او حلم بها او ألفها او او او
انه يضعها فى القسم المخصص
حتى نستطيع ان تجاهلها جميعا
وكفااااااااااااااااااااااااااااااااااااااااااااااا ايه بقى

+1

[elmoski]

كفاية بقي زهقنا من الحورات دي دي معايا بقالها 3 شهور هتتقلب امته بقي عشان اعمل حسابي؟ !!

[NoRmAl]

انتوا لحظتوا حاجه يا جماعه
ان فيما عدا البشمهندس غازى شافاه الله وعافاه
كل الى وصفولنا حوادث السيراتو بيقولو
واحد صحبى
واحد صاحب صحبى
وانا ماشى فى حالى لقتها داخله فى الجزيره
وانا رايق و هادى و ماليش فى الجرى لاقيت واد بيسراتو مقطع الدنيا جرى و اتقلب كالعاده
يعنى ولا تجربه شخصيه عدا البشمهندس غازى
يعنى سبحان الله تعالى له حكمه
ان كل الى عملوا حوادث بالسيراتو مش اعضاء فى المنتدى يا الله
بل ان كلهم لهم اصدقاء مشتركين فى المنتدى
الصبر من عندك يا رب

[aymansobt]

يا جماعه الخير الراجل مكنش يقصد حاجه هو كان قصده على يوم 11/12/2010

لان حتى لو 2009 يبقى اكيد شافها فى المنام

مع احترامى الكامل لصاحب الرساله