سيراتو على طريق العين السخنه يوم 11-12-2009

[abonagham]

الطريق كان فاضي وماحدش بيجري جنبها او قدامها واتقلبت والعجلة اليمين سابت والسقف كان متطبق واتخرشمت العربية وبعدين اتعدلت مع ان ماكانش في ناس في المكان اول مااتقلبت واللى كانوا جواها اكيد من الخضة مش قادرين حتى يشيلوا رجليهم من على الارض دا لو عرفوا اصلا ينزلوا منها وهي مقلوبة قبل ماتتعدل وناس كانوا بيجروا عليها بعد ماتعدلت عشان يقلبوها تاني ماهي السيراتو معمولة عشان تمشي وهي مقلوبة بس احنا اللى ماشيين بيها غلط وهي معدولة بس ازاي اتعدلت بعد ماتقلبت مع ان ماكانش في حد .. بصراحة الحكاية مش مبلوعة أو مش محبوكة ..

[Mohamed.Ramah]

انا بقالى فترة بشوف موضوع الحوادث على مدار يوم او 2 فى المنتدى وكل شوية واحد شاف سيراتو اتقلبت معرفش اية لاقاها طارت ياجماعة العربية ممكن يكون فيها عيب على السرعات العالية ولان البودى ضعيف فبيبان فيها اوى الخبطات وبالنسبة لموضوع انشاء قسم فى المنتدى لحوادث كيا فا انا موافق وبقترح الاسم ونسمية ياقلباهم مش كيداهم بقا دا كان زمن
حنسميها (قلباهم) بعد كدة
هههههههههههههههههههههه

[elm3lem_youssef]

يا جماعه الخير الراجل مكنش يقصد حاجه هو كان قصده على يوم 11/12/2010

لان حتى لو 2009 يبقى اكيد شافها فى المنام

مع احترامى الكامل لصاحب الرساله

والله أنا مش فاهم قصدك بالتعليق ده
لأن أنا كنت على الطريق يوم 11 و شوفت الحادثه وأنا دلوقتى فى الغردقه يعنى مكنتش بحلم انى مسافر ولا حاجه الحمدلله طلع واقع

ولو حضرتك قريت الموضوع كويس حتلاقى إنى مش بعيب فى العربيه زى مانا قولت
أنا قصدت أنى أقول لكل المنتدى أنهم متغرهمش العربيه اللى ركبنها فى جريها لأن الطريق مالوش كبير وربنا يستر طريقنا كلنا وطبيعى ان الموضوع يتحط فى قسم الكيا علشان الحادثه كانت بعربيه كيا
وبالنسبه للأخ اللى بيقول صور الحادثه مفتكرشى يعنى أنه حركه ظريفه أنك تلاقى حادثه

[elm3lem_youssef]

ايه الحقد ده
كل واحد يخلليه فى العربيه اللى بيحبها وخلاص
مانتا اكيد برده لاقيت لانسر متخرشمه على نفس الطريق و قبلها ميكروباص راكن و نص نقل مقلوبه . ماتكلمتش عليهم ليه ولا النيو سيراتو بس اللي مجنناكوا و مخلياكوا ماشيين في الشوارع تدوروا عليها و على اخطاء الناس اللي سايقاها
ارجوكم ارحمونا و خلونا نستمتع بالنعمه اللى ربنا رزقنا بيها
خلص الكلام.. سلام

الحمد لله على النعمه اللى ربنا رزقنا بيها كلنا وأنا بحمد ربنا على العربيه البى ام المتواضعه اللى معايا بس اللى خلانى أكتب عن السيراتو بس من غير الميكروباصات والأتوبيسات والطيارات كمان اللى مقلوبه على الطريق ان بس بتاع السيراتو هو اللى كان بيجرى بيها زياده عن اللزوم والحمد له على النعمه اللى الواحد فيها

[elm3lem_youssef]

والله يا جماعه أنا مش عارف ليه كل الناس اللى علقت على الموضوع بتهاجم الموضوع دفاعا عن السيراتو اللى أصلا هى مش موضع هجوم أصلا فى الموضوع
كل واحد فينا بأختلاف العربيه اللى راكبها معرض - ربنا يستر طريقنا كلنا - للحوادث وأنا العربيه السيراتو من أكتر العربيات عجبانى حتى الموديل القديم بتاعها وزى ما قلت قبل كده أنا معايا عربيه بى أم ومعروف عن البى أم الثبات بتاعها بس ده مش معناه إنى لازم أمشى 200 على العربيه علشان عربيه ثابته مانا بمشى زى إرشادات الطريق ما بتقول يعنى فى الأول وفى الأخر السواقه ملهاش كبير وممكن غلطه صغيره جدا جدا تكون السبب فى حادثه كبيره وكان الهدف من إنشاء الموضوع تحذيركل أخواننا فى المنتدى من عواقب الجرى المبالغ فيه بأى عربيه مهما كان نوعها

الرجاء من مشرف قسم الكيا غلق الموضوع لعدم وضوح الرساله المراده منه أو عدم فهم الأعضاء لها بالشكل الصحيح وأعتباره هجوما عنيفا على الخارقه السيراتو وبعتذر لكل مالك سيراتو هنا فى المنتدى وبقوله أجرى زى ما تحب بالعربيه محدش بيقول انها عربيه معيوبه بس بقول ان الطرق هى اللى معيوبه وبتسبب حوادث بس كلمه أخيره لأخواتى فى المنتدى أوعى تنسى انك ماشى على أربع فرد هوا وزمان كان فى تحذير بيتكتب على رخص القياده بيقولك أحترس من أخطاء الغير

ربنا يستر طريقنا كلنا

[mastr_n]

الحمد لله على النعمه اللى ربنا رزقنا بيها كلنا وأنا بحمد ربنا على العربيه البى ام المتواضعه اللى معايا بس اللى خلانى أكتب عن السيراتو بس من غير الميكروباصات والأتوبيسات والطيارات كمان اللى مقلوبه على الطريق ان بس بتاع السيراتو هو اللى كان بيجرى بيها زياده عن اللزوم والحمد له على النعمه اللى الواحد فيها

على فكرة المفتش كرومبو لما راح هوة وسحس بومب شك ان اكيد سبب الحادث واحد من التلاتة
1 كنت بتحلم
2 كائن فضائى كان سايق السيراتو
3 اوبشن فى العربية انها بتمشى مقلوبة
لو عرفتوا الحل اتصلوا على 0880900
يا جماااااااااااااااااااااااااعة الى يكتب عن حادثة بعد كدة ياريت يكتب حاجة تتسدق خلاص ارحمووووناااااااااااااااااااا بقققققققققققققققققققققققققىىىىىىىىىىىىىىىىىىىىىىىى ىىىىىىىى

[elm3lem_youssef]

متهيألي في الظروف دى الواحد (من الشهامة) يقف و يشوف اذا كان يقدر يساعد :b4_444:

خصوصا ان الحادثة لسه معموله و فيه عربيه (واحدة) الناس لسه بيجروا منها علشان يساعدوا الناس اللي اتقلبت بيهم السيراتو


بصراحه الراجل كتر خيرة اهتم (و هو في الغردقه)
اول حاجه انة يكتبلنا اللي شافه - بس للاسف من غير ملابثات الحادث

لأ أكيد حضرتك مش واخد بالك أنه لو أنت معندكش فكره عن الأسعافات الأوليه اللى ممكن تعملها يبقى الأحسن انك متتبرعش من دماغك علشان أنت مثلا ممكن تساعد غلط وتتسبب فى مشكله أكبر للمصاب وفى الحالات دى الأحسن أنك تتصل بالأسعاف والحمد لله انه موجود عربيات كتيره على طريق السخنه وده أفضل من انك تساعد
ناس كتير شايفه أنه لما تشوف عربيه مقلوبه - مثلا - يبقى لازم تعدلها علشان تطلع اللى جواها !! مين اللى قال كده اذا كان لما بتعدل العربيه انت كده رزعه للعربيه ممكن تؤدى الى مضاعفه الكسور فى حاله وجودها أو حدوث كسور أو كدمات

انت تقف تساعد لما تلاقى عربيه عطلانه لأى سبب وده من وجهه نظرى مع أحترامى لحضرتك

[walidzakzok]

على فكرة المفتش كرومبو لما راح هوة وسحس بومب شك ان اكيد سبب الحادث واحد من التلاتة
1 كنت بتحلم
2 كائن فضائى كان سايق السيراتو
3 اوبشن فى العربية انها بتمشى مقلوبة
لو عرفتوا الحل اتصلوا على 0880900
يا جماااااااااااااااااااااااااعة الى يكتب عن حادثة بعد كدة ياريت يكتب حاجة تتسدق خلاص ارحمووووناااااااااااااااااااا بقققققققققققققققققققققققققىىىىىىىىىىىىىىىىىىىىىىىى ىىىىىىىى

بلاش التدني فى الحوار

[Mshawky]

انا عارف ان صاحب الموضوع ميقصدش اى حاجه وكانت نيته خير وبيحذر الناس من السرعات والكلام ده مش من العربيه واحنا لازم نحسن الظن بيه فى كل الاحوال

لكن االى انا مستغربله بس ان العريبات الصين مسمعناش عنها كده
اشمعنا السيراتو ماشيه تتقلب لوحده والعجيل يطير
انا حاسس انها عربيات لعب اطفال مش راكبها بنى ادمين

وعلى العموم ربنا يسترها مع الجميع ويحفظنا من شرور الطرق
ومتنسوش تقولو دايما دعاء الركوب ولو مسافر يبقا دعاء السفر كمان علشان ربنا يفحظنا من كل شيء

[mastr_n]

بلاش التدني فى الحوار

اولا مش سيادتك الى هاتقولى بلاش التدنى فى الحوار انا عارف انا بقول اية بالظبط وما اسمحلكش ان انت تقول كدة اصلا ولو انت متابع المنتدى من اسبوع فات هتلاقى ان كل يوم حادثة شكل للسيراتو والموضوع قلب بعد كدة لسخرية ومجال للضحك وانا ما غلطش فى حد من اصلا ومن فضلك خلى اسلوبك يرتقى شوية ونقى الفاظك
دة منتدى من حق الناس تعبر عن وجهى نظرها باسلوب او باخر ولما انا قولت كدة دة بغرض الدعابة وانا ماسمحلكش تانى ان انت تكلم بالاسلوب دة

[walidzakzok]

اولا مش سيادتك الى هاتقولى بلاش التدنى فى الحوار انا عارف انا بقول اية بالظبط وما اسمحلكش ان انت تقول كدة اصلا ولو انت متابع المنتدى من اسبوع فات هتلاقى ان كل يوم حادثة شكل للسيراتو والموضوع قلب بعد كدة لسخرية ومجال للضحك وانا ما غلطش فى حد من اصلا ومن فضلك خلى اسلوبك يرتقى شوية ونقى الفاظك
دة منتدى من حق الناس تعبر عن وجهى نظرها باسلوب او باخر ولما انا قولت كدة دة بغرض الدعابة وانا ماسمحلكش تانى ان انت تكلم بالاسلوب دة

زي ما بتسمح لنفسك بالسخرية من الاخرين وتقوله انت نايم وبتحلم لازم برده تتقبل النقد والسخرية و بلاش كل اسلوب مش لائق نقول عليه دعابة ...لا لازم نسميه باسمه الحقيقى وهو التدني فى الحوار ولو مش عاجبك تعليقي اشتكي للمنتدى وهم الفيصل ... انا مش طرف فى الكلام اللي اتقال ما بينك وما بين صاحب التوبيك بس انا استفزني الردود الغير لائقة وزي ما بتسمح وما بتسمحش لاسلوب الاخرين ياريت تحط نفسك مكان اللي انت بتكتبله التعليق

[Eng.Geo]

بلاش التدني فى الحوار

+11111111111

[tamermagdy]

دلوقتى كيا عاملة عرض على كل طريق تاخد واحدة سيراتو هدية والمفاجاءة ان التوكيل اتصل بالمفتش كرومبو على شان يحل الغز معلش قصدى الحادثة
ارحمونا بقة من المواضيع الحمضانة دية وبعدين المواضيع دية اتهرشت خلاص ياعنى بالمعدل دة مش هنلاقى سيراتو واحدة ماشية كمان اسبوع كلة مقلوب
معلش على الاسلوب بس زهقنا بجد

فعلا انا معاك الواحد استوي من الافلام اللي كل يوم بنلاقيها علي المنتدي دة

[mastr_n]

زي ما بتسمح لنفسك بالسخرية من الاخرين وتقوله انت نايم وبتحلم لازم برده تتقبل النقد والسخرية و بلاش كل اسلوب مش لائق نقول عليه دعابة ...لا لازم نسميه باسمه الحقيقى وهو التدني فى الحوار ولو مش عاجبك تعليقي اشتكي للمنتدى وهم الفيصل ... انا مش طرف فى الكلام اللي اتقال ما بينك وما بين صاحب التوبيك بس انا استفزني الردود الغير لائقة وزي ما بتسمح وما بتسمحش لاسلوب الاخرين ياريت تحط نفسك مكان اللي انت بتكتبله التعليق

طيب حط نفسك انت مكانى وكل يوم بتسمع اقاويل غريبة فى السيارة هل يعقل كل يوم حادثة دة شىء زائد عن الحد وكتير من ملاك العربية وانا منهم والحمد للة ابتدوا يقلقوا من العربية دة حتى لا من الدين ولا الشرع يقول انى اقوم باختراع احداث وتاليف روايات بغرض ترويع الامنين وبعدين انت لو تقراء الموضوع بعناية ومتابع من اول قصة الحوادث دية هاتلاقيها كلها مش منطقية الهم عدا قصة الاستاذ غازى كان كلامة واضح وفية صور وبعد كدة توالت القصص تتوالى الى يقول كنت ماشى ولقيت سيراتو جاية من وراية وبعدين بعد كام متر لاقيتها مقلوبة شىء بصراحة زاد عن الحد وحتى الى مطمن من عربيتة بقى يقلق مين المستفاد من كدة ماعرفش وبعدين انا علقت كدة على الموضوع دة بالاسلوب دة على شان الى كان بيتكلم فية وملاباسات الحادثة مش منطقية بالمرة ودة من الطبيعى انة بتعرض من اصحاب السيارة بالطريقة دية وانا ليا مشاركة مع استاز غازى قولتلة حمداللة على السلامة علشان ظروف حادثتة طبيعية
انا مش هاشتكى فى المنتدى ولا حاجة بس ارجو من الاعضاء يتقوا اللة فيما يكتبونة لان ممكن العواقب تكون وخيمة والقلق الى هايحصل ممكن يخلى اى واحد يعمل حادثة من القلق دة
وبعدين انا ماكنتش باسخر من حد وربنا يعلم انا قصدى اخف من حدة الحوار عن موضوع الحوادث بطريقة اخرى
وتمنياتى بالتوفيق للكل

[Eng.Geo]

طيب حط نفسك انت مكانى وكل يوم بتسمع اقاويل غريبة فى السيارة هل يعقل كل يوم حادثة دة شىء زائد عن الحد وكتير من ملاك العربية وانا منهم والحمد للة ابتدوا يقلقوا من العربية دة حتى لا من الدين ولا الشرع يقول انى اقوم باختراع احداث وتاليف روايات بغرض ترويع الامنين وبعدين انت لو تقراء الموضوع بعناية ومتابع من اول قصة الحوادث دية هاتلاقيها كلها مش منطقية الهم عدا قصة الاستاذ غازى كان كلامة واضح وفية صور وبعد كدة توالت القصص تتوالى الى يقول كنت ماشى ولقيت سيراتو جاية من وراية وبعدين بعد كام متر لاقيتها مقلوبة شىء بصراحة زاد عن الحد وحتى الى مطمن من عربيتة بقى يقلق مين المستفاد من كدة ماعرفش وبعدين انا علقت كدة على الموضوع دة بالاسلوب دة على شان الى كان بيتكلم فية وملاباسات الحادثة مش منطقية بالمرة ودة من الطبيعى انة بتعرض من اصحاب السيارة بالطريقة دية وانا ليا مشاركة مع استاز غازى قولتلة حمداللة على السلامة علشان ظروف حادثتة طبيعية
انا مش هاشتكى فى المنتدى ولا حاجة بس ارجو من الاعضاء يتقوا اللة فيما يكتبونة لان ممكن العواقب تكون وخيمة والقلق الى هايحصل ممكن يخلى اى واحد يعمل حادثة من القلق دة
وبعدين انا ماكنتش باسخر من حد وربنا يعلم انا قصدى اخف من حدة الحوار عن موضوع الحوادث بطريقة اخرى
وتمنياتى بالتوفيق للكل

للاسف كان ممكن يبقي اسلوب الحوار افضل وانت بتقول انك عايز الاسلوب يرتقي شوية وننقي الكلام................اققري اللي انت كاتبة عشان انت لو عرف بتقول ايه مكنتش كتبت الكلمة ده.
اسلوب .....
انت وصلتني لدرجة مش كويسة بهذا الاسلوب ولكن الحمد لله ربنا اداني عقل اقدر اعقل بيه والكلام اللي كاتبة في كل موضوعاتك يوكد شئ واحد
الحادثة اللي انا كاتبها في موضوعي واضحة وضوح الشمس وكل الاسئلة اللي سألتها عشان تتأكد اني مابكدبش رديت عليها وانت عامل نفسك مش واخد بالك
كل موضوع تخشة تشوف مين مع العربية ومين قال عليها حاجة غلط
مع..تفضل تمدح فيه
ضد...يظهر بقي شخصيات الكارتون والحركات المفقوسة ده
عايزك تتخيل انك شفت حاجة حقيقية وواحد عمال يكدب فيك ...ايه شعورك
اتقي ربنا
حسبي لله ونعم الوكيل