السيراتو من سابع سما لسابع ارض والعين عليها وجهل بنقطة مهمة

[bassemforever]

السلام عليكم جميعا طبعا لكنا قرينا مواضيع كتير عن السيراتو الى بيشتكى والى بيكدب والى بيفتى :) وفى ناس كانت طالعة بيها السما من اول مظهرت ونفس الناس نزلت بيها الارض بعد محصلهم مشكلة او مرضتش طموحهم الخيالى لازم نعرف احنا بنتكلم عن اية عن عربية سعرها بيبدا من اواخر التسعينات لحد اوئل الثلاثينات بعد المائة يعنى منحب نقارن مميزتها وعيوبها نقارنها مع مثيلات نفس الفئة السعرية يعنى ممكن تقارنها ب النترا ولانسرويارس مينفعش تقارنها بجيتا ولا حتى هوندا سيفيك دة مبدئيا
اى عربية فى الفئة دى بيبقى ليها مميزات وعيوب دة طبيعي والا عربية واحدة هتنفرد بالسوق ودة مش هيحصل وحتى العربيات الاعلى بيبقى فيها عيوب تانية دة شىء طبيعي كل عربية ليها مميزات وعيوب لان دة مهما كان الدقة خلق بشر وكل العربيات دى بتتقلب وبتعمل حوادث مفيش عربيات خارقة بتعمل حادثة وترجع تانى او تتقلب وتتعدل لوحدها دة مش هيحصل فى لانسر بتتقلب وتويوتا بتتقلب وجيتا بتتقلب وروحوا اى توكيل وشوفوا الحوادث لكن علشان العين على السيراتو الناس مركزة اوى معاها انا وانا بغسل العربية فى المحطة بحث انى راكب عربية حدث كل واحد يجي يبص كدة وزى متكون كائن غريب :) ويجي يسالنى العربية عاملة معاك اية اقوله عادى مميزاتها وعيوبها يقولى مفيش حاجة تانية زى ميكون انا مخبى انها بتمشى على الحيط مثلا او فيها كارثة :)

فى جهل من التوكيل اولا ومننا ثانيا فى نقطة مهمة جدا وممكن تستغربوا من كلامى بس الى ركب اى عربية قبل كدة فيها جنط 17 عفشتها من نفس الفئة او حتى اعلى حاجة بسيطة هيعرف اية النقطة دى اوطبعا لو تلاحظوا اللانسر البوما او النترا او اوبترا او صنى او هوندا وعدوا عربيات كتير مبتنزلش بجنط اكتر من 15 او 16 بالكتير ودة مش علشان بس التوفير فى السعر او الامكنيات لكن علشان الجنط ميكبر وزنه بيزيد وبيجهد العفشة ولو الطرق سليمة مش هيحصل مشاكل كبيرة لكن لما يبقى فى بلاعات ومطبعات غير طبيعية ممكن خبطة جامدة فى مطب او حفرة مع وزن الجنط دة ياثر على المقص وطبعا المقص ميحصله حاجة وارد جدا ان العربية تعمل حادثة جامدة ولو كانت على سرعة بسيطة 100 مثلا لان دة بيبقى خطر اكبر من ان الكاوتش ينفجر فانا اعتقد ان التوكيل اغفل النقطة دى علشان يبقى لية السبق بالكماليات الى منها الجنط الكبير 17وياريت لو يوصلهم كلامى والدفعات الجديدة تبقى بالجنط ال15 وال 16 على اقصى تقدير فقط والى بيشترى يركز على النقطة دى وفى رد مبداى على الى يقول ان الكلام دة مش علمى لكن برضو المطبات والحفر الى عندنا والمفاصل الكبارى الى عاملة زى الرصيف مش علمية النقطة الى بتكلم عليها ان جنط زى دة فى عفشة زى دى يبقى لازم طرق نظيفة او عفشة مختلفة والى معاة العربية ممكن يغير الجنط او يبقى حريص فى المشى ويخلى بالوا

واخيرا للمقبل على شراء السيارة يعرف مميزتها وعيوبها بعيد عن المهاترات والكلام الكتير
شوفه تقرير الملاك مش الى بيطلعوا بيها السما كانها فيرارى ولاالى بينزلوا بيها الارض كأنها لادا او 128 مع الاحترام لاصحابها
ونصيحتى لاى حد مقبل على شرئها العربيها مفهاش مشاكل جوهرية اشتريها وانت مطمن والعربية اكتر من ممتازة من ناحية الثبات والموتور والرفاهية وتتفوق على منافسيها فى نفس الفئة السعرية فقط ومتجيبش الفئات الى فيها جنط 17 اسف للاطالة وشكرا

[NoRmAl]

شكرا على الموضوع استاذ باسم

[Ahmed Samy]

كلام معقول ووافقك الصواب بشكل كبير
عندي اعتراض على بعض النقاط الفرعية بس نخليها لما الموضوع يسخن

[solom_2010]

شكرااااا جدا على النصائح دى و اسلوبك فى الحوار محترم جدا و مميز و عاقل جداااا
بس من فضلك عندى سؤال
انا عندى السيارة sx و الجنط الى فيها 17 حضرتك تنصحنى بايه انى اغير الجنط بالكوتش و اجيب 16 ولا اسيبها كده على ربنا ولا اعمل ايه ؟؟؟؟؟؟؟؟؟؟؟؟؟؟؟ اسف على الاطالة ة شكرا جدا

[solid_khaled]

i think the jetta comes with 17 inch rims and thx for the good topic

[dido76]

انا سالت في بريدجستون عباس العقاد علي موضوع الكاوتش وهناك قالولي ان الكاوتش الرفيع بيحصل فيه كده
وان مقاس 16 احسن من ال 17
وماعتقدش ان الواحد ها يبقي محتاج يغير الكاوتش دلوقتي

[bassemforever]

شكرا على الردود الجميلة والسريعة منكم ويشرفنى رد الاستاذ احمد سامى الى بجد بشكره على مجهودة فى المنتدى والى فعلا كنت بستفيد من التقراير الى كان بيعملها عن السيراتو وفعلا دلوقتى بعد مشترتها ب6 شهور بشكره جدا على انه ساعدنى على الاختيار دة

بالنسبة للاخ Solom 2010 مش عارف اقولك اية قرار صعب فعلا وعلى العموم خلية وخلى بالك فى المطبات والطرق الصعبة وممكن متبقى تغير الكاوتش طبيعي تبقى تغير الجنط علشان متبقاش الخسارة كبيرة وربنا يوفقك
بالنسبة للاخ Solid_Khaled
الجيتا فعلا بتنزل ب 16و 17 بس الفئة الى بتنزل ب 17 ب205 الف يعنى بتتكلم فى فئة تانية وبرضو لو وقع فى حفرة الكاوتش ممكن يبوظ اوك كدة كل شىء وارد بس اكيد فى الفئات دى بتبقى العفشة اقوى وصعب تقارن عربية اسيوي بعربيا المانى
ومع ذلك وانا عندى اصحابى معاهم جيتا وبيجو 307 كل تعليقهم على العربية ان العفشة ناشفة شوية وواحد تانى معاة اوبل فكترا بيقولى انا بخلى الكاوتش على 28 علشان تبقى انعم فدة طبيعي لكن الناس مركزة مع السيراتو اوى واصحابى دول جنطهم 16 لو 17 معرفش كان حصل اية معاهم علشان كدة بقول بلاش 17 فى مصر فالكلام دة من ناس مجربة وانا لاحظتها كتير

[m_s_h_a]

شكرا على كلامك محترم
لكن فى عربيات كتير بتنزل بجنط 17 مش كيا بس والامثله كتير وشركة فولكس واجن من اشهر الشركات اللى بتنزل عفشه بكاوتش وجنط 17
مفيش حاجة تانية زى ميكون انا مخبى انها بتمشى على الحيط مثلا او فيها كارثة :)
دى جامده قوى

[madoo_600]

انا معايا مانيوال جنط 15 والعربيه زي الفل بأمانه انا اويد كلام حضرتك

[mohamedhamam]

شكراً على الموضوع أستاذ باسم و أضيف أن الموضوع أخذ أكبر من حجمه بكتير قوى هنا فى قسم الكيا فالأختلاف فى الرأى لا يفسد للود قضية و الوضع أهدأ و موضوعى جداً فى باقى أقسام المنتدى فى جميع المشاركات المطروحة و مهما إختلفت الأراء وو جهات النظر المهم الموضوعية لكى يستفيد جميع أعضاء المنتدى و صدقونى لم نعد نعرف مزايا و عيوب ، سلبيات و إيجابيات السيارة من كثر اللغط و تشبث كل عضو بوجهة نظره و تسفيه وجهة نظر الأخرين بعيداً تماماً عن أى شفافية مع العلم أن العديد من أعضاء المنتدى و أولهم أنا أعرف جميع أخبار السيارات فى مصر و خارج مصر من خلال المنتدى

[zkralla]

كلامك عجبنى جدا فى المجمل
بس عندى اعتراض على نقطة واحده وهى أنك بتقول ناس بتكدب وناس بتفتى وديه حاجة ما حدش يقدر يجزم فيها لانى لاحظت أن فى ناس قالت شفت حادثه للسيراتو وناس دخلوا فيهم أنتم كذبين وأنتم بتالفوا ومحدش فينا شاف معاهم وعرف هما كذبين ولا لا
واكتر حاجة عجبتنى أنك بتقول نقيم العربية باعتدال وعدم تطرف فى المدح او الذم لانها فى الاخر عربية زى اى حاجة فى الدنيا ليها مميزات وعيوب

[gebreel]

شكرا على الموضوع الجميل و طريقة الحوار المحترمة البعيدة عن اي تحيز

[momenhamdy]

كلام رائع جداً يا استاذي

و انا بصراحة لا اشجع الجنوط الكبيره و الكاوتش ال Low Profile في مصر و دا طبعاً راجع ان الطرق عندنا لايناسبها هذا النوع من الاطارات او هذه الامكانيات الرياضيه

تحياتي

[ghazy12]

السلام عليكم جميعا طبعا لكنا قرينا مواضيع كتير عن السيراتو الى بيشتكى والى بيكدب والى بيفتى :) وفى ناس كانت طالعة بيها السما من اول مظهرت ونفس الناس نزلت بيها الارض بعد محصلهم مشكلة او مرضتش طموحهم الخيالى لازم نعرف احنا بنتكلم عن اية

ده المفروض اسقاط على ايه عشان اكون فاهم بس...!!!!!!!!!!!!

فى جهل من التوكيل اولا ومننا ثانيا فى نقطة مهمة جدا وممكن تستغربوا من كلامى بس الى ركب اى عربية قبل كدة فيها جنط 17 عفشتها من نفس الفئة او حتى اعلى حاجة بسيطة هيعرف اية النقطة دى اوطبعا لو تلاحظوا اللانسر البوما او النترا او اوبترا او صنى او هوندا وعدوا عربيات كتير مبتنزلش بجنط اكتر من 15 او 16 بالكتير ودة مش علشان بس التوفير فى السعر او الامكنيات لكن علشان الجنط ميكبر وزنه بيزيد وبيجهد العفشة ولو الطرق سليمة مش هيحصل مشاكل كبيرة لكن لما يبقى فى بلاعات ومطبعات غير طبيعية ممكن خبطة جامدة فى مطب او حفرة مع وزن الجنط دة ياثر على المقص وطبعا المقص ميحصله حاجة وارد جدا ان العربية تعمل حادثة جامدة ولو كانت على سرعة بسيطة 100 مثلا لان دة بيبقى خطر اكبر من ان الكاوتش ينفجر فانا اعتقد ان التوكيل اغفل النقطة دى علشان يبقى لية السبق بالكماليات الى منها الجنط الكبير 17وياريت لو يوصلهم كلامى والدفعات الجديدة تبقى بالجنط ال15 وال 16 على اقصى تقدير فقط والى بيشترى يركز على النقطة دى وفى رد مبداى على الى يقول ان الكلام دة مش علمى لكن برضو المطبات والحفر الى عندنا والمفاصل الكبارى الى عاملة زى الرصيف مش علمية النقطة الى بتكلم عليها ان جنط زى دة فى عفشة زى دى يبقى لازم طرق نظيفة او عفشة مختلفة والى معاة العربية ممكن يغير الجنط او يبقى حريص فى المشى ويخلى بالوا

ايه الجديد في الكلام ده..؟؟؟؟؟؟؟؟؟؟؟ ما هو ده اللي قلناه, و الناس قالت علينا بنفتي, و ان احنا مش احسن و مش هنفهم زي اللي في كوريا..!!!!!!!!

و بعدين سعادتك بتناقد نفسك في كلامك..!!!! منين الجنط تقيل و العفشه مش هتستحمله و المقص هيتكسر, و منين العربيه زي الفل و مافيهاش حاجه!!!!!!!!!!

و بعدين انا هشتري عربيه زيرو بـ120,000 جنيه, علشان ادفع و اغير جنوط او اغير كوتش..!!!!!!!!!!!!! هو ده منطقي يا جماعه.!!!!!!!!!!! و في نفس الوقت, الناس عايزه تركب المواصفات الكامله في sx, اضحي بـabs و غيره علشان الجنط الـ16"..؟؟؟؟؟؟؟؟؟؟؟ ده كلام بردو

طيب الناس اللي بتشتكي من حدفه شمال مش بتروح من اول ما بيستلم العربيه من التوكيل..!!!!!! دول حاله فريه؟؟؟ دول بيفتو؟؟؟ دو مبيفهموش مثلا!!!!

انا مش بقطع في العربيه, لأني من ملاكها (لحد اللحظه دي), بس لو فيه مشكله في الجنط الـ17", يبفى التوكيل مشكورا يسيب اللي بيشتري يختار الفئه و مقاس الجنط, و ده اقتراح ممتاز ناس كتيير قالته... مش اقول ان ده جهل من ملاك العربيه!!!! هو ملاك العربيه مالهم بس!!! نزلوا اشتروا عربيه بجنط 17" من التوكيل!!! فين الجهل؟؟؟ لو التوكيل شايف ان الجنط مش مناسب ميتشمللش و ينزله و احنا اللي نتضرر في الاخر و نتنيل نتقلب و نموت يا اخي...


ايه يا باشا بس..!!!! انا حاسس انك عامل موضوع بتقول فيه كلام قلنا 1000 مره قبل كده, و تخبط في ناس بشكل غير مباشر و بعدين قلت, بس الناس تخلي بالها و هي ماشيه..!!! لو فيه اي حاجه مزعلاك من اي حد, اتكلم معاه بشكل مباشر, هيكون افضل بكتييير و اسهل...

عموما شكرا على الموضوع...

[osama75]

فيه سؤال محيرنى هل كل منتديات او مواقع السيارات فى مصر بتتكلم برده عن نفس عيوب السيراتو اللى الاعضاء هنا بيتكلمو عنها أم هى موجودة هنا بس فى المنتدى؟؟ يا ريت لو فيه حد يعرف الاجابه