السيراتو من سابع سما لسابع ارض والعين عليها وجهل بنقطة مهمة

[Amr A.salam]

فيه مواصفة كويتي في السوق المصري دلوقتي

جنط 16
فتحة سقف
abs
فرش جلد
تكييف تاتش
سنسور خلفي
عداد رياضي
........

يعني تقريباً هاي لاين بس من غير جنط 17 ولا سمارت كي
بتتباع ب120,000

للناس اللي خايفة من الجنط ال17

مع اني شايف ان الموضوع مش صعب للدرجة دي

[aminibrahim]

انا معايا جنط 16 والحمد لله --اويد كلامك

[aminibrahim]

فعلا المنتدي ده الوحيد ال الكل بقطع في السيراطو

تحس ان في توصيه عليها

[bassemforever]

اولا يا استاذ غازى حمد الله على سلامتك
ثانيا انا مقصدش حد معين بكلامى ولكن احنا بشر فينا الكويسين وفينا الى بيفتوا وفينا الجهال دى طبيعي
ثالثا انا مقلتش ان مش معنى كلامى ان كل الى جابوا جنط 17 جهلة فى ناس زى حضرتك واستاذا احمد سامى وناس كتير عارفين الجنوط دى والكاوتش اللو بروفيل يتعملوا معاة ازاى وبحذر وكدة لكن فى ناس تانية متعرفش عجبها شكل الجنط واشترت وخلاص
رابعا :ودى كلام واضح منى ليك انت من الناس الى عرفونا السيراتو وشجعونا نشتريها وكنت بتذكر مميزتها وكدة وبعد لما قدر ربنا خلاك تعمل احادثة قلبت عليها وزى اسم الموضوع نزلتها من سابع سما الى سابع ارض انا بحب كلامك وموضوعاتك جدا وطريقتك فى الشرح المميزات والعيوب وبجد خايف ان كلام يزعلك لكن والله العظيم قبل مكمل كلامى انا بحبك فى الله انا اقصد ان فى مميزات وعيوب للعربية لكن الواحد صعب يقلب 180 درجة وانا قريت تقرير الحادثة بتعتك بتقول كنت ماشى هادى 100 ومكنش فى حاجة خبطتك او حصل حاجة مين عارف ممكن يكون عيب صناعة ودة بيبقى موجود وقدرك جه كدة او ممكن تكون عين وصابتك خصوصا انك من اول الناس الى حطوا صور العربية على ما اتذكر يارب تكون ذاكرتى مخانتنيش ومكنش فى حد فى السوق معاة او عارف يجيبها فالحمد لله ان ربنا قومك بالسلامة وطبعا زى مانت عارف الحوادث دى قدر ومهما كانت العربية مفيش مفر وربنا يستر طريقنا كلنا والحمد لله انك وسطنا
خامسا: بالنسبة لنقطة انى بناقض نفسي انا كنت واضح فى كلامى ان العربية زى الفل الى معايا الى جنطها 16 ومشوفتش منها عيوب ولا مشاكل وباكل بيها مطبات كتير وعادى وماشى 12 الف فى 6 شهور وكلامى عن الجنط التقيل الى هوا 17 و العفشة ممكن تتاثر بيه علشان الحفر الى عندنا فى مصر لكن لو طرق طبيعية او حتى اسوء من الطبعيية بشوية هيبقى زى الفل بس الاخوة فى كوريا ميعرفوش الى بيحصلنا :)
اما عن الحدفة فانا بصراحة معرفش انا مالك للعربية ومش بتحصل عندى يمكن فى موديلات تانية او كانت دفعة معينة لكن انا مش عندى موضوع الحدفة
بالنسبة لان فى ناس مش هتقدر تتنازل عن الكمليات كلها فدة طبيعي بس انا بقول نصيحتى للى مقبل على الشراء وفقا لراى الشخصى انه لو عجباة العربية وخايف من الجنط ال 17 ومستعد يتنازل عن بعض الكمليات ممكن يجيب الى جنطها 16 لو حد ميقدش خلاص ممكن يشوف عربية نوع تانى
واخيرا انا كنت بتكلم بشكل عام عن الناس ومش عايز حد يزعل منى انا بس لازم اقول كدة لان فى ناس محتار ومحتاجة راى الملاك وفى ناس مش ملاك بيتكلموا وهما مجربوش ودة بيشوش الصورة وبيلخبط الى عايز يشترى . وربنا يوفق الجميع ونشوف التقرير المفجاة الى عاملينوا الناس الجامدة فى الموقع ربنا يخليهم لينا وعلشان الناس تستقر وميبقاش فى لخبطة

[bassemforever]

بالنسبة للناس الى مستغربة ان المنتدى هنا فى هجوم كبير على السيراتو
اخى العزيز دة منتدى مفتوح اى حد يقدر يسجل فية ويقول راية بحرية لكن زى مفى ناس كويسة فى ناس غير سوية وليها مصالح اخرى ممكن يكونوا بيدروا على اقوى المواقع فى مصر الى بتاثر على راى الناس علشان يحاربوا السيراتوا او اى عربية تانية لان فى عربيات تانية اتاثرت و انا معرفش مين بالظبط الى لية مصلحة فى كدة بس دة شىء معرفو وبيبان اوى خصوصا محد يكون بيتكلم عن عيوب او عن حاجة فى العربية وانت قاعد مش قادر تمسك نفسك من الضحك زى ميكون بيتكلم عن حاجة تانية انت عمرك مشوفتها مش عندك :) وربنا يحفظنا من جشع التجار الغير سويين الى ممكن يعملوا اى حاجة علشان الفلوس ربنا يهيدنا ويهديهم ويصلح حالنا وحالهم فمتخدش كل الاراء انها ثقة مية فى المية لازم لازم لازم تجرب بنفسك شوف عربية صاحبك او قريبك او اجرها واعرف كويس ومتخليش كلمة توديك وكلمة تجيبك وشكرا

[yasso79]

تسلم يا عم باسم بجد الله ينور على كلامك و اسلوبك

[ghazy12]

اولا يا استاذ غازى حمد الله على سلامتك
ثانيا انا مقصدش حد معين بكلامى ولكن احنا بشر فينا الكويسين وفينا الى بيفتوا وفينا الجهال دى طبيعي
ثالثا انا مقلتش ان مش معنى كلامى ان كل الى جابوا جنط 17 جهلة فى ناس زى حضرتك واستاذا احمد سامى وناس كتير عارفين الجنوط دى والكاوتش اللو بروفيل يتعملوا معاة ازاى وبحذر وكدة لكن فى ناس تانية متعرفش عجبها شكل الجنط واشترت وخلاص
رابعا :ودى كلام واضح منى ليك انت من الناس الى عرفونا السيراتو وشجعونا نشتريها وكنت بتذكر مميزتها وكدة وبعد لما قدر ربنا خلاك تعمل احادثة قلبت عليها وزى اسم الموضوع نزلتها من سابع سما الى سابع ارض انا بحب كلامك وموضوعاتك جدا وطريقتك فى الشرح المميزات والعيوب وبجد خايف ان كلام يزعلك لكن والله العظيم قبل مكمل كلامى انا بحبك فى الله انا اقصد ان فى مميزات وعيوب للعربية لكن الواحد صعب يقلب 180 درجة وانا قريت تقرير الحادثة بتعتك بتقول كنت ماشى هادى 100 ومكنش فى حاجة خبطتك او حصل حاجة مين عارف ممكن يكون عيب صناعة ودة بيبقى موجود وقدرك جه كدة او ممكن تكون عين وصابتك خصوصا انك من اول الناس الى حطوا صور العربية على ما اتذكر يارب تكون ذاكرتى مخانتنيش ومكنش فى حد فى السوق معاة او عارف يجيبها فالحمد لله ان ربنا قومك بالسلامة وطبعا زى مانت عارف الحوادث دى قدر ومهما كانت العربية مفيش مفر وربنا يستر طريقنا كلنا والحمد لله انك وسطنا
خامسا: بالنسبة لنقطة انى بناقض نفسي انا كنت واضح فى كلامى ان العربية زى الفل الى معايا الى جنطها 16 ومشوفتش منها عيوب ولا مشاكل وباكل بيها مطبات كتير وعادى وماشى 12 الف فى 6 شهور وكلامى عن الجنط التقيل الى هوا 17 و العفشة ممكن تتاثر بيه علشان الحفر الى عندنا فى مصر لكن لو طرق طبيعية او حتى اسوء من الطبعيية بشوية هيبقى زى الفل بس الاخوة فى كوريا ميعرفوش الى بيحصلنا :)
اما عن الحدفة فانا بصراحة معرفش انا مالك للعربية ومش بتحصل عندى يمكن فى موديلات تانية او كانت دفعة معينة لكن انا مش عندى موضوع الحدفة
بالنسبة لان فى ناس مش هتقدر تتنازل عن الكمليات كلها فدة طبيعي بس انا بقول نصيحتى للى مقبل على الشراء وفقا لراى الشخصى انه لو عجباة العربية وخايف من الجنط ال 17 ومستعد يتنازل عن بعض الكمليات ممكن يجيب الى جنطها 16 لو حد ميقدش خلاص ممكن يشوف عربية نوع تانى
واخيرا انا كنت بتكلم بشكل عام عن الناس ومش عايز حد يزعل منى انا بس لازم اقول كدة لان فى ناس محتار ومحتاجة راى الملاك وفى ناس مش ملاك بيتكلموا وهما مجربوش ودة بيشوش الصورة وبيلخبط الى عايز يشترى . وربنا يوفق الجميع ونشوف التقرير المفجاة الى عاملينوا الناس الجامدة فى الموقع ربنا يخليهم لينا وعلشان الناس تستقر وميبقاش فى لخبطة

أولا: انا بعتذر لو كانت مشاركتي اللي فاتت فيها عصبيه شويه, بس والله من اللي شفته و اللي انا فيه...

ثانيا: انا معنديش اي اعتراض على موضوع الجنط الـ16", لأن انا قلت كده فعلا, بس مش طبيعي اشتري عربيه زيرو و اعدل فيها..!! لأن ده مش منطقي

ثالثا: انا منزلتش بالعربيه سابع ارض ولا حاجهّ!!!! انا بقول فيه مشاكل و فيه حلول, بس بعض الحلول دي مش في ايد اي حد غير التوكيل...
و لو كننت طلعت بالعربيه سابع سما و قلت انها ممتازه, انا لسه عند كلامي لسبب ان العربيه ببساطه بتحقق مبدأ (Value For Money) و ده ممتاز, بس فيها مشاكل, و ليها حلول, بس لازم التوكيل يفهم ده و يتحرك, و انا قلت المشاكل من وجهة نظري المتواضعه واقترحت الحلول قبل كده... يبقى انا مش بقول اي كلام, او بشوه العربيه لأي سبب..!!!

انا بحترم و بقدر كل عضو في المنتدى هنا من الكبير للصغير....
شكرا على ذوقك و احترامك في الرد و بعتذر مره تانيه... و ربنا يباركلك في عربيتك و تفضل مريحاك على طول ان شاء الله

[bassem.naguib]

يا سلام يا استاذ باسم (على فكرة أنا اسمي باسم برضه) .. وكمان يا غازي بيه (على فكرة أخبارك ايه .. وأخبار صحتك أيه .. إن شاء الله تكون بخير وربنا يبعد عنك كل مكروه)

هو ده الجو الودي والأخوي اللي المفروض يكون بين أعضاء المنتدى (مش زي أعضاء تانيين شايلين سكاكين لبعض).. وإن دل على شئ إنما يدل على اخلاقكم العالية وأصلكم الكريم .

على فكرة يا أستاذ باسم .. أنا أؤيد وجهة نظرك قلباً وقالباً .

[medo_sirion]

احيك ياستاذ باسم على كل كلمة حضرتك قلتها
بجد اسلوب محايد جدا
بس اللى مقلقنى انى عايز اجيب الكوبية بس متردد

[bassemforever]

ربنا يخليكوا و يكرمكوا اخوات على طول ان شاء الله

[د.محمود صلاح]

كلام معقول ووافقك الصواب بشكل كبير
عندي اعتراض على بعض النقاط الفرعية بس نخليها لما الموضوع يسخن

مش عارف ليه السيراتو عاملة زى فلفل المنتدى ,,,, بس توقعك فى محله

[M.Osman]

فيه مواصفة كويتي في السوق المصري دلوقتي

جنط 16
فتحة سقف
abs
فرش جلد
تكييف تاتش
سنسور خلفي
عداد رياضي
........

يعني تقريباً هاي لاين بس من غير جنط 17 ولا سمارت كي
بتتباع ب120,000

للناس اللي خايفة من الجنط ال17

مع اني شايف ان الموضوع مش صعب للدرجة دي

انا بقى شوفت فئة غريبة جداً في كانت في الهرم..
جنط 15 + الدركسيون مالتي فنكشن!!

[Abeeryosef]

بس الفئات التانية الى فيها الجنط 16 او 15 مفيهاش كل المميزات زى فاتحه السقف او حساسات الركن ايه رايك؟

[bassemforever]

فى التوكيل اة لكن فى الخليجي هتلاقى فيها لحد فتحة سقف وبجنط 16

[KHALED AYMAN]

انا عايز اقول حاجه ...
العفشه الناشفه مش بس من الجنط .. و كلامى ده عام مش على السيراتو بس ..
منا كان معايا استرا كاوتش 15 (نازل فيها).. و كانت ناشفه ..
و الفيكترا الى معايا ناشفه (جنط 16)..
و الاوكتافيا بتاع والدى ناشفه(جنط 16))...
فى عربيات ناشفه بطبعها ..
و دى سمه من سمات الالمانى مثلا ...
بالنسبه للكاوتش الى بيبوظ(بيطلع فيه بالونه)...
بص على الجيتا الجنط ال 17 او الاوكتافيا ال 17 او الباسات ال 17 ...
عادى هتلاقى فيها كده ...
عشان الكاوتش لو بروفايل و مع ذلك ملاكها و اعدائها معملوش فضيحه ...
انا كنت مجنط فى الاسترا جنط 16 و كاوتش كومهو لو بروفايل ...
نزلت فى نقره جامده على 170 !!!!!!
فرده كاوتش طلع فيها بالونه و روحت غيرتها ....
بالنسبه بقى لموضوع ان السيراتو تستحمل الجنط ولا لا ..
انا مش هفتى فيه لانى لا معايا سيراتو ولا خبرتى تسمحلى انى اتكلم فى نقطه زى دى ...
كل الى عايز اقوله ...
الجنط ال 17 اه بيخلى العفشه ناشفه شويه ...
بس مش ده السبب الرئيسى ...