المقصات مقلقانى

[ghazy12]

على فكره... انا راجل مهندس و شغال في السوق في شركتي الخاصه و بتعامل مع شركات (ألمانيه, ايطاليه, بلجيكيه, اسبانيه, كوريه, ماليزيه, و صينيه طبعا)....

أقسم بالله لو قلتلك اللي بيحصل في الشركات دي و أسماء عالميه مش هتصدق, بس هقولك انه في الاخر فلوس و بيزنس فقط و مش مهم اي حاجه تاني...

و أقسم بالله لو طلبت من شركه ألمانيه تصنعلك منتج مش بتصنعه أصلا بس عندها ال(tools) اللي تمكنها من تصنيعه و تحط عليه اسم شركتها العالمي والله هيحصل و كل ده ازيادة الربح و الشغل يمشي و عادي....

الكلام ده والله العظيم بيحصل في الواقع و الموضوع كله بيزنس...

الكلام ده مش بيمشي بالشكل ده بالظبط في صناعة السيارات, بس بيمشي بشكل انك بتعلم في (الليسته) على اللي انت عايزه و بتشيل اللي انت مش عايزه... و الهدف هو زيادة المكسب مش أكتر و الناس مش مهم...

خليني أسأل كل الناس سؤال بسيط... ايه الفرق بين المرسيدس c180 , c200 ؟؟؟

[mishtawy]

ياترى ما هو شعور صاحب الموضوع بعد هذا النقاش اظن المزيد من التشتت
استخر الله وقرر بما ثبت في قلبك والا انتظر قترة اخرى حتى تمر فتره اخرى تثبت فيها السيارة كقاءتها ولاحظ ان جميع من استخدم السيارة كمالك وجد فيها ضالته باستثناء المهندس غازي شفاه الله ورزقه افضل منها ان شاءالله اقرأ هذا اولا

http://www.nilemotors.net/Nile/115364-a-2.html

وفقك الله لما فيه الخير حاول تركز حتى لا تندم

[ghazy12]

ياترى ما هو شعور صاحب الموضوع بعد هذا النقاش اظن المزيد من التشتت
استخر الله وقرر بما ثبت في قلبك والا انتظر قترة اخرى حتى تمر فتره اخرى تثبت فيها السيارة كقاءتها ولاحظ ان جميع من استخدم السيارة كمالك وجد فيها ضالته باستثناء المهندس غازي شفاه الله ورزقه افضل منها ان شاءالله اقرأ هذا اولا

http://www.nilemotors.net/nile/115364-a-2.html

وفقك الله لما فيه الخير حاول تركز حتى لا تندم

+1

طبعا انا بعتذر لصاحب الموضوع عن الخروج عنه, بس احنا بنتناقش بشكل عام.

المهم استفتي قلبك و أعقلها و توكل على الله...

و لازم تعرف ان مافيش عربيه المقص بيتكسر لوحده و هي ماشيه..ّّّّ!!! ده مش صحيح أبدااا

و مفيش عربيه بتتقلب و الكلام ده لوحدها, لازم فيه سبب, علشان الناس اللي قالت ان العربيه قلابه... ده كلام مش صحيح

العربيه مش سوبر ولا بلاستيك, هي عربيه عاديه جداا و بتاخد منها على قد امكانياتها و ده الطبيعي, و كقيمه مقابل المال, هي عربيه بتحقق هذا المبدأ...

بعيدا عن كل النقاشات دي, ربنا يوفقك للخير ان شاء الله...

[Ahmed Samy]

للأخ صاحب الموضوع ....

[caution]ما تشتريهاش [/caution]

و للإخوة اللي بيدافعوا .....

مش كفاية علينا حرقة دم في كلام كتير بعد ما الحقيقة باينة ؟؟؟؟

مش كفاية علينا دخول في مهاترات لا فيها دليل و لا حق ولا باطل ؟؟؟؟؟!!!!!!!!

مش واجبنا في المنتدى نقعد للساقطة و اللاقطة و كل واحد يخاف من خياله نقعد نقوله " دا خيالك يا أستاذ "

لأ و إيه ممكن الموضوع يتطور لأننا نحلف ان ده خياله و نتخانق .

و في ناس تانية (غير أصحاب المناقشات الموضوعية) قاعدين يقولو بخ ...بخ


كل واحد عقله في راسه

احنا واجبنا كأعضاء نتكلم بالدليل و المنطق

ولما الموضوع يعدي الدليل و المنطق و يخش في مواضيع مثل " ما أنا شاكك ان السيراتو هاتتقلب بيا" أو " ما حكم ركوب السيراتو بالليل"

يبقى خلاص ....جبرنا

علشان ما حدش يفهمني غلط ..أنا ما بتكلمش على حد بعينه

ولا بالقح على حد ...

بس ده تراكم من الكثير من المواضيع و المشاركات التافهة التي تحارب ...تشكك أو تتشكك أو تدعم و تناصر المدعوقة بجاز اللي اسمها سيراتو

و اللي أنا نفسي شاركت ببعض منها للأسف في لحظات خاطئة

كفاية بقى ...

كل الناس هنا معاها بطاقة

يعنى بتفهم و بتعرف تقرا

و المنتدى فيه تقارير عن العربية و فيها الحلو و الوحش ...

و فيه مواضيع عن عن العيوب الحقيقية

و فيه مواضيع مدح و تمجيد منها الحقيقي و منها الهجص

و فيه مواضيع عن اللي شاف و اللي باينه ..و اللي الله أعلم امبارح وانا ماشي على الحيط


اللي عايز يشتري يدور ... يقرا ....

و يستعمل مقدرته العقلية التي حباه الله بها في التفريق بين اللي يتسمع و اللي ما يتسمعش

و ياخد قرار

و عقلي في راسي

[NoRmAl]

الاخ صاحب الموضوع
ارجوك تعذر د.أحمد لان فعلا الكلام الى اتقال على العربيه كتير و اكتر من 95% من الكلام الى اتقال مناف للحقيقه
اعتقد مش من العقل انك تأخد الكلام من ناس مش ملاك للعربيه اساسا
الكلام الى اتقال على العربيه طوال الشهور الى فاتت ما هو الا
قليل من العيوب
كثير من الفشر و الهجص والافتراء والكذب والتلاعب والتدليس وحدث ولا حرج..
مش هاقلك غير انى لسا حالا راجع من مشوار انا من سكان القاهره الجديده
بمشى على مصر السويس خدت حفره ميعلم بيها الا ربنا
لا المقص اتكسر ولا عومت منى ولا حتى الهوا ولله تعالى الحمد
عايز تخلص بجد
قلتلك مش هتستفيد غير وجع دماغ و تشتيت
استخير و استشير ملاك السياره وتوكل على الله

[pharonicking]

عايزين رد علمى ومادى لوجود عيب فى المقصات مش الحوادث"
كل الحوادث اللى حصلت للسيراتو سببها الاساسى مش معروف
ممكن يكون سبب الحوادث السرعة الجنونية او خطا الغير او عيب فى الطريق"
ود موجود فى اى ماركة فى العالم"
السواق اللى كان بيجرب البورش مات فى حادثة وهو بيجربها دخل فى السور بتاع الطريق بسرعة وهو بيلف مش ممكن نقول المقص اتكسر وكدة "
مستنيين الدليل""

[Beeso]

بصراحة الموضوع ده للأسف مش راضي يخلص أبدًا...... أنا حاولت أعمل موضوع عشان الناس كلها تطمن من موضوع المقصات ده عشان يتعمل زي اختبار (impact test , fatigue ......) بس للأسف مقدرتش اوصل لنتيجة غير آراء الأعضاء المحترمين وشوايت تاريااة بس للأسف ماوصلت لدليل
الحلل للي عاوز يشتري نيو سيراتو عندو أكتر من عشرين موضوع يقراهم ويصلي استخارة وربنا يوافقه وانا مش حقول رأيي في العربية عشان يبقى كلامي محاايد بس هي الدليل على نجاحها انتشارها الفظيع وموضوع الحوادث ده كتير أو إالناس شايفة كتير عشان انتشار العربية

[hobiko]

لأ حضرتك المش واخد بالك من نقطة بعينها, و هو ان نفس السيارة بنفس التصميم تقبل أكثر من موتور و عفشة و نظام كهرباء و حتى تصميم داخلى أو تكنولوجيا تختلف تماما عن الأعلى فئة, و لكن تصميم الخطوط الخارجية موحد كأساس (أما وظيفة peter shrayer فليس لى علم بها و ما فهمته انه مجرد واضع للتصميم)

و كمثال ترى الجولف 4 بموتور 1400 و 1600 و بعد أوجه التشابه ثم هناك 1800 تربو و هى ذات موتور و عفشة و كترول و ضفيرة تختلف كليا عن سابقتها و هكذا كلما ارتفعت بمواصفات الموتور اختلفت المكونات الداخلية.

حتى النيو سيراتو و موضوع عمله أخ مشارك عن إختبارات السلامة الأمريكية NCAP للنيو cerato, و قد ذكر البعض أن هناك اختلاف فى عناصر التكنولوجيا المستخدمة بين مواصفات مصر و مواصفاتها فى امريكا
: 10-12-2009, 02:14 PM #7 M7amD_7amDy
عضو جديد
البيانات الشخصية
الحالة

permalink
ألف شكر ياباشا على الموضوع المفيد ده وعلى تعبك
بس فى نقطه صغيره حضرتك قولت ( مع الأخذ في الإعتبار إن العربيتين إلي تم اختبارهم فيهم ESP ) تمام؟
وأخدت أربع نجوم من خمسه فى اختبار ال rollover safety تمام؟
طب فى حالة عدم وجود ال ESP واللى هيا بالفعل دى اللى موجوده هنا فى مصر
أكيد ممكن تقل نجمة أو اتنين لو عملوا اختبار على عربيه مفيهاش ESP صح؟
أحب أعرف رأيك فى الحته دى ولك كل التقدير والاحترام
وربنا يباركلك فيها ويكفيك شرها وكل المسلمين اجمعين
"
و شكرا

نفس السيارة بنفس التصميم أيوا بتقبل كذا موتور و كدة بس بردو في حدود معينة بما لا يخل بمبدأ ال-integration بين مكونات العربية و دة بردو مش معناه إن إلي بيصمم شكل العربية الخارجي ملوش دعوة بباقي مكونات العربية

بس أنا مبسوط انك اقتنعت بإن peter shrayer احنا منعرفش حدود وظيفته إيه بالظبط عشان أنا حسيت إن فيه ناس فاكره إنه الرسام إلي رسم شكل العربية من برة و شكراً على كدة

تاني حاجة أنا ردت على السؤال دة في اللنك دة

http://www.nilemotors.net/Nile/110636-ncap.html#post3872184100

بس الظاهر إن فيه حاجة الناس مش واخدة بالها منها

esp دة مش الإختراع الوهمي الخزعبلي إلي لما يركب في عربية يخليها مكوك فضاء و لما يتشال منها تبقى تكتوك

ياريت بس تقولي على العربية إلي في فئة ال-cerato كعربية و كسعر و فيها esp دة أولاً

ثانياً مش معنى إن العربية إلي خضعت لإختبارات السلامة فيها esp و إلي في مصر مفيهاش تبقى إلي بتجي مصر عربية مختلفة تماماً عن إلي فيه أمريكا دة كلام مش صحيح و محدش عنده برضه أي دليل عليه

ثالثاً هو مش فايدة ال-esp إن من الاخر كدة يمنع الحادثة قبل ماتحصل بس في crash test إلي فيه العربية عملت حادثة فعلاً كان إيه تأثيره

ولا حاجة يعني ولا هو بيطلع من العربية و يحضن السواق و يحوش عنه الأذى مثلاً

يبقى لما نقول العربية دي لما خضعت ل crash test و حصلت على ٥ نجوم تبقى أساساً العربية دي مصنعة بشكل جيد جداً

طيب ليه يا عمو محمد في أي إختبارات سلامة بيشيلو نجمة من العربية لو مفيهاش esp

عشان يا حبيب عمو هو بيقيم منظومة الأمان ككل و بيقولك خد بالك العربية مفيهاش esp فلما تجي تشتري تبقى عارف إن stability بتاعتها حتبقى أقل من إلي فيها esp فبالتالي متتخيلش انك راكب مكوك فضاء أو عربية باتمان

من أخر كدة برضه بكلام موثق و علمي و نابع من إختبارات متقدمة stability نيو cerato إلي من غير esp أحسن من stability كورولا ٢٠٠٩ إلي من غير esp برضه

و في ال-crash test تفوقت بردو على كورولا ٢٠٠٩ في معظم النقط ماعدا التصادم الجانبي للركاب الخلفيين

مع خالص احترامي ليكي يا أستاذه ايناس... لكن انا مختلف معاكي تماما...

أولا: خلينا نتفق ان انا واحد من ملاك العربيه و مش بتكلم عن حاجه ماعرفهاش او ما املوكهاش...
يعني مش هقول اي كلام, و كلامي عن تجربه عمليه, و بتكلم من هذا المنطلق.

ثانيا: المصمم مالوش اي دخل بنجاح العربيه او فشلها (نتيجة مشاكل في الصناعه), انا بتكلم بشكل عام و عن اي عربيه (مش السيراتو بالتحديد), ممكن جدا الراجل ده ياخد جوايز على التصميم و العربيه مش عامله نجاح في المبيعات خرافي مثلا...

ثالثا: عندك حق ان شوارعنا هي السبب, و لكن, في عربيات كتييير جداا ماشيه في الشوارع دي بقالها سنييين و شغاله لحد اللحظه دي, و العربيات الاوروبي بتمشي في الشوارع دي بردو, و المفروض ان في حاجه اسمها (اختبارات) لكل جزء في العربيه و مدى تحمله للطرق و الظروف القاسيه, و ده سؤال سألته قبل كده للأستاذ hobiko و ماردش عليه, (هل الاختبارات اللي بتعملها شركة مرسيدس للجوده و و عوامل الأمان و السلامه و التحمل, هي نفس اللي بتعملها شركة ميتسوبيشي, و هي نفس اللي بتعملها شركة كيا-هيونداي في كوريا؟؟؟؟؟)

انا بتكلم بما يرضي الله و ربنا الأعلم بنيتي و مش المقصود من النقاش و الحوار هو تشويه سمعة اي عربيه لأن ده مش هيفيدني بأي شئ أصلا....

شكراا يا أستاذه ايناس...



أستاذي الفاضل اسمحلي ادردش معاك شويه لو تسمح و نتكلم بشكل موضوعي و واقعي...

أولا: انا متفق معاك في موضوع ان في حاجه اسمها (design concept) بس لازم افهم حضرتك ان ده ليه معنى تاني و هو مثلا (ان المبدأ او المفهوم العام للتصميم هيكون ثوري, هيكون اليجانس, او بيتسم بالقوه و الحده في الخطوط الرئيسيه..... الخ) هو ده الكونسبت, و عليه بيتم عمل(predesign) تصميم مبدئي, و بيتم التعديل فيه حتى الوصول للشكل النهائي و الموافق عليه من الجميع على حسب (دراسات تسويقيه) لشرائح المجتمع في كل سوق (و السوق الأهم فالأقل أهميه) و المفترض لو عربيه بتخاطب الشباب, بيتعمل دراسه لذلك.... الخ

ثانيا: المصمم بيتر شيرر بيعمل تصميم (ايروديناميكي) و بيعتمد فيه على معادلات تخص الثبات و (مقاومة الهواء) لجسم السياره (اللي هو من تصميمه), و لكن, لو صمم عربيه على أعلى مستوى (فني و تقني) و تم حدوث عيب صناعه في العربيه دي (في مرحلة التصنيع) في العفشه او مثلا الكوتش المستخدم ردئ جداا, هتحاسب شركة كيا ولا بيتر شيرر, اكيد كيا لأن بيترر بيشتغل عندهم, طيب الشركه هتحاسب بيتر شيرر على هذا العيب أو الخطأ في (مرحلة التصنيع) و اللي مايخصش شغله الأساسي (او تخصصه), لأن أكيد هو مش بيشتغل كل حاجه في كيا (مصمم و اداري و مسوق و مهندس ميكانيكه....... الخ)...

ثالثا: موضوع انه يحط اسمه فين, ده يرجع ليه هو بس, و هو عارف اسباب اختياره لكيا, بس لازم بردو نفهم ان كيا قدمت للراجل ده (كل طلباته) ماديه و غيرها, و مش معقول ابدا بالمنطق يكون راح كيا بعد تارييييخ طويل في شركات ألمانيه عملاقه و أقدم من كيا بسبب ان كيا أفضل مثلا, ماظنش ابدا...

رابعا: لازم اقول لحضرتك مقوله ممتازه جدا و حقيقيه (business has no feelings) بمعنى ان صناعة السيارات هي بيزنس, و البيزنس مافيهوش مشاعر او اعتبار لأي شئ غير (الشغل) و (الفلوس) و (السمعه)... هتقولي يعني فيه سمعه و الناس مش هتجازف, هرد على حضرتك بحاجه بسيطه جداا...

هل ممكن اي عربيه تدخل السوق الاوروبيه بدون اير باجز؟؟؟؟ لأ
هل ممكن عربيه تدخل مصر بدون اير باجز؟؟؟ طبعا بيحصل

هل بيتر شيرر او اي مصمم يقدر يتدخل في الكلام ده؟؟؟ لأ طبعا (مش شغله)
هل الناس دي بتقول ان حفاظا على أرواحنا و سلامتنا كمصريين, لازم ايرباجز؟؟؟ لأ طبعا (هما مالهم, هما باعوا و دي مش مشكلتهم و هيقولك كلم وكيلك اسأله).

و قيس على كده كل عوامل السلامه و الأمان في المقام الأول, و الكماليات و الرفاهيات في المقام التاني... ده بيزنس و فلوس و طول ما ده ماشي و بيعدي و الناس بتشتري, يبقى يقلل من مكسبه و يحط 2 اير باج ليه, ما انت راضي, او يحط esp ليييه!!!! هو أصلا كام واحد فاهم ايه هو الـesp او فايدته ايه؟؟؟ كام مثلا؟؟؟ 10 مليون, من أصل كام 80 مليون, يبقى شيله (هي دي الدراسه التسويقيه) الأساس فسها المكسب المادي يا أستاذي, بدون الاهتمام بأي شئ تاني.


أخيرا, خليني اقتبس مثالك في مدربين الكوره, و أقولك سؤال...

هو لما مدرب مشهور جداا مع فريق قوي و مشهور جداا برده, و بيحقق معاه بطولات, يسيب الفريق ده و يروح يدرب فريق أقل و مالوش بطوله واحده بيكون السبب ايه؟؟؟

هرد عليك من وجهة نظري (تحقيق النجاح و البطولات مع فريق متواضع بالنسبه لمدرب مشهور بيخللي (اسمه في السماء) لأنه طلع فريق من الدرجه التانيه لللأولى, و مين السبب من وجهة نظر كل الناس, المدرب المشهور و امكانياته الجباره (مش اللاعيبه مثلا) .... يا رب تكون فهمت وجهة نظري

اسف على الاطاله و يا رب أكون قدرت أوضح وجهة النظر للجميع...

أنا حسيت اني ردت على السؤال دة قبل كدة في نفس الموضوع فلقيت إن ملوش لازمة أكلم تاني

بس عموماً أنا ماقلتش إن كيا أحسن من مرسيدس أنا كل إلي بقوله بدون الدخول و الفتي في تفاصيل صناعة كل شركة إن ال-cerato أحسن عربية في فئتها كعربية و كسعر و إن كيا قلصت الفارق إلى حد كبير جداً بينها و بين بعض السيارات اليابانية العريقة

و بردوه تاني أنا و غيري مش حيقدر يقيم أساليب تصنيع و تصميم و إختبارات كل شركة لإن دي أسرار كل شركة كل إلي احنا نقدر نعمله ناخد المنتج بتاع كل شركة و نخضعه لإختبارات و نقارن النتايج بس كدة خلاص

بالنسبة ل-peter shrayer حضرتك ماتعرفش ولا أنا الراجل دة حدود شغله إيه ولا إيه هي تاني برضه procedures بتاعة كل شركة بس طبعاً إحتمال الخطأ وارد في كل حاجة في الدنيا مفيش شيء ولا حد كامل غير الله عز و جل

أنا معاك إن مش peter shrayer هو إلي بيتحكم العربية دي حتنزل هنا بair bags ولا لأ دة الوكيل إلي بيتحكم يا راجل

بس برضه فيه حدود لتحكم الوكيل يعني مثلاً الوكيل ميقدرش يقول للشركة الأم أنا عايز عفشة العربية يبقى معمول من أرخص و أردأ الأنواع عشان أنا اكسب زيادة

أنا عايز الموتور يبقى أسوأ و أرخص حاجة عندك عشان أنا اكسب أكتر

و لو فيه حد مقتنع إن دة إلي بيحصل فى الcerato ياريت يورينا الدليل القوي و أنا أبصمله بالعشرة

+1

طبعا انا بعتذر لصاحب الموضوع عن الخروج عنه, بس احنا بنتناقش بشكل عام.

المهم استفتي قلبك و أعقلها و توكل على الله...

و لازم تعرف ان مافيش عربيه المقص بيتكسر لوحده و هي ماشيه..ّّّّ!!! ده مش صحيح أبدااا

و مفيش عربيه بتتقلب و الكلام ده لوحدها, لازم فيه سبب, علشان الناس اللي قالت ان العربيه قلابه... ده كلام مش صحيح

العربيه مش سوبر ولا بلاستيك, هي عربيه عاديه جداا و بتاخد منها على قد امكانياتها و ده الطبيعي, و كقيمه مقابل المال, هي عربيه بتحقق هذا المبدأ...

بعيدا عن كل النقاشات دي, ربنا يوفقك للخير ان شاء الله...

طيب مدام هو دة رأيك امال مدوخنا ليه يا باشا بس

للأخ صاحب الموضوع ....

[caution]ما تشتريهاش [/caution]

و للإخوة اللي بيدافعوا .....

مش كفاية علينا حرقة دم في كلام كتير بعد ما الحقيقة باينة ؟؟؟؟

مش كفاية علينا دخول في مهاترات لا فيها دليل و لا حق ولا باطل ؟؟؟؟؟!!!!!!!!

مش واجبنا في المنتدى نقعد للساقطة و اللاقطة و كل واحد يخاف من خياله نقعد نقوله " دا خيالك يا أستاذ "

لأ و إيه ممكن الموضوع يتطور لأننا نحلف ان ده خياله و نتخانق .

و في ناس تانية (غير أصحاب المناقشات الموضوعية) قاعدين يقولو بخ ...بخ


كل واحد عقله في راسه

احنا واجبنا كأعضاء نتكلم بالدليل و المنطق

ولما الموضوع يعدي الدليل و المنطق و يخش في مواضيع مثل " ما أنا شاكك ان السيراتو هاتتقلب بيا" أو " ما حكم ركوب السيراتو بالليل"

يبقى خلاص ....جبرنا

علشان ما حدش يفهمني غلط ..أنا ما بتكلمش على حد بعينه

ولا بالقح على حد ...

بس ده تراكم من الكثير من المواضيع و المشاركات التافهة التي تحارب ...تشكك أو تتشكك أو تدعم و تناصر المدعوقة بجاز اللي اسمها سيراتو

و اللي أنا نفسي شاركت ببعض منها للأسف في لحظات خاطئة

كفاية بقى ...

كل الناس هنا معاها بطاقة

يعنى بتفهم و بتعرف تقرا

و المنتدى فيه تقارير عن العربية و فيها الحلو و الوحش ...

و فيه مواضيع عن عن العيوب الحقيقية

و فيه مواضيع مدح و تمجيد منها الحقيقي و منها الهجص

و فيه مواضيع عن اللي شاف و اللي باينه ..و اللي الله أعلم امبارح وانا ماشي على الحيط


اللي عايز يشتري يدور ... يقرا ....

و يستعمل مقدرته العقلية التي حباه الله بها في التفريق بين اللي يتسمع و اللي ما يتسمعش

و ياخد قرار

و عقلي في راسي

دكتور أحمد أنا موافق على كلامك دي بالنسبة لي أخر مرة أدخل في المناقشات دي أنا تعبت بصراحة إلي حيدخل القسم حيلاقي الرأي و الرأي الأخر و كل واحد حر يقتنع أو ميقتنعش

أنا نازل في المحطة دي كاملو انتو يا رجالة ربنا معاكو

[shoayman]

انا بشكرك جدااا يا بشمهندس وكفاية اهتمامك للموضوع وحضرتك معملتش حاجة خطاء عشان تعتدز وانا بشكرك مرة اخرى

[shoayman]

الاخ صاحب الموضوع
ارجوك تعذر د.أحمد لان فعلا الكلام الى اتقال على العربيه كتير و اكتر من 95% من الكلام الى اتقال مناف للحقيقه
اعتقد مش من العقل انك تأخد الكلام من ناس مش ملاك للعربيه اساسا
الكلام الى اتقال على العربيه طوال الشهور الى فاتت ما هو الا
قليل من العيوب
كثير من الفشر و الهجص والافتراء والكذب والتلاعب والتدليس وحدث ولا حرج..
مش هاقلك غير انى لسا حالا راجع من مشوار انا من سكان القاهره الجديده
بمشى على مصر السويس خدت حفره ميعلم بيها الا ربنا
لا المقص اتكسر ولا عومت منى ولا حتى الهوا ولله تعالى الحمد
عايز تخلص بجد
قلتلك مش هتستفيد غير وجع دماغ و تشتيت
استخير و استشير ملاك السياره وتوكل على الله

انا بشكرا حضرتك اما عن دكتور احمد وبعض الاعضاء انا عاوز اوضحلة انى لما طرحت الموضوع فى المنتدى كان بهدف الاستفادة من خبرات وتجارب الاخرين مش اكتر لا كن معتقدش انا الموضوع مستاهل انك تكتبلى بالبنط العريض و برواز والوان وتقولى (ماتشتريهاش) يعنى فيما معنا متوجعش دمغنا ...واعتقد كمان ان الموضوع مش مستهل انة يتحول لساحة حرب كلامية....ومرة اخرى انا بشكر كل عضو اضاف معلومة بهدف الافادة ...ولو ادارة الموقع حبة انها تغلق الموضوع انا معنديش مانع ....عشان ماكونش سبب خلاف بين الاعضاء زى ما بتقول يا دكتور احمد وشكرااااا....

[ahmed_su]

.....................
اللي عايز يشتري يدور ... يقرا ....

و يستعمل مقدرته العقلية التي حباه الله بها في التفريق بين اللي يتسمع و اللي ما يتسمعش

و ياخد قرار

و عقلي في راسي

اتفق مع ما جاء فى مشاركتك يا سامى وخاصة الجزء المقتبس

امس تحديدا كنت كتبت مشاركة تحمل كثيرا من مضمون ما كتبت - ولكن تراجعت عن اضافتها

السيارة فى لحظة تحولت من قمة الابهار الى النقيض وقيل فيها ما لم يقال فى "التوك توك"

والوضع فى منتدى كيا بقى يبعث على الملل .....

فعلا استخدم عقلك واستخير ربك وتوكل على الله

لو مش عجباك او قلقان منها سيبها.....وعندك بدايل كتير طالما فلوسك فى جيبك

[أشرف العدوي]

حضرتك الموضع ده مش هيتقال فيه اكتر من الي اتقال قبل كدة
و ممكن يبقى ساحة خلاف بين كتير من الأأعضاء
حضرتك ممكن تدخل قسم كيا و تشوف التقييمات بنفسك
و تصلي صلاة استخارة و الي فيه الخير يقدمه ربنا


و ياريت تطلب من الإدارة حذف الموضع علشان على ما اعتقد انه ممكن يكون سبب في خلاف كبير

و كل الي مقلقك قتل بحثاً في المنتدى و اعتقد انه لم يتم أضافة جديد هنا


ارجو ان تتقبل كلامي بصدر رحب

تقبل تحياتي

ده كان اول رد في الموضوع ده

و ده أخر رد حتى الأن

انا بشكرا حضرتك اما عن دكتور احمد وبعض الاعضاء انا عاوز اوضحلة انى لما طرحت الموضوع فى المنتدى كان بهدف الاستفادة من خبرات وتجارب الاخرين مش اكتر لا كن معتقدش انا الموضوع مستاهل انك تكتبلى بالبنط العريض و برواز والوان وتقولى (ماتشتريهاش) يعنى فيما معنا متوجعش دمغنا ...واعتقد كمان ان الموضوع مش مستهل انة يتحول لساحة حرب كلامية....ومرة اخرى انا بشكر كل عضو اضاف معلومة بهدف الافادة ...ولو ادارة الموقع حبة انها تغلق الموضوع انا معنديش مانع ....عشان ماكونش سبب خلاف بين الاعضاء زى ما بتقول يا دكتور احمد وشكرااااا....

انا لما كتبت اول رد ما كانش قصدي ادايقك او حاجة
بس كل الأعضاء الي ردوا هنا ردوا في كل الموضوعات الي اتعملت على موضوع المقصات
و اعتقد انهم مش هيغروا رأيهم هنا
علشان كدة طلبت منك انك تطلب غلق الموضوع و تقرأ التقييمات العديدة في قسم كيا
ياريت تكون ما زعلتش مني

تقبل تحياتي

[shoayman]

انا بطلوب من ادارة المنتدى غلق الموضوع ....ومعلش ياجماعة انى مدخلتش دماغ بعض الاعضاء وعرفت هما بيفكرو ازاى...بصراحة انا فوجئة بردود مكونتش متوقعها...........لجميع الاعضاء احنا هنا كلنا فى المنتدى دة عشان نساعد بعد ونشارك بتجربنة الشخصية الى اكيد هتساعد غيرنا من الاعضاء ونتبادل الافكار والمعلومات الى اكيد هتفدنا كلنا... وياريت ابداء الاراء يكون بدون انفعلات احنا هنا فى المنتدى دة اسرة وحدة فى الاول الاخر....وبعتدر لو كلامى فية شئ من الحدة. وشكرااا

[Eslam_moustafa]

انا بطلوب من ادارة المنتدى غلق الموضوع ....ومعلش ياجماعة انى مدخلتش دماغ بعض الاعضاء وعرفت هما بيفكرو ازاى...بصراحة انا فوجئة بردود مكونتش متوقعها...........لجميع الاعضاء احنا هنا كلنا فى المنتدى دة عشان نساعد بعد ونشارك بتجربنة الشخصية الى اكيد هتساعد غيرنا من الاعضاء ونتبادل الافكار والمعلومات الى اكيد هتفدنا كلنا... وياريت ابداء الاراء يكون بدون انفعلات احنا هنا فى المنتدى دة اسرة وحدة فى الاول الاخر....وبعتدر لو كلامى فية شئ من الحدة. وشكرااا

لا يا استاذ shoayman الموضوع مش مستاهل انه يتقفل ولا حاجة و احنا كلنا هنا فعلا عشان نفيد و نستفيد مهما كانت كمية الافادة و لو مش عشان كدة اهو عشان نتعرف على ناس زوق و محترمة كتير و معلش متعاتبش بعض الاعضاء المحترمين على ردودهم بس حضرتك فتحت موضوع حساس شوية و معظم الاعضاء كانت مصدقت انه اتقفل بس حصل خير و يا ريت اي حد بعد كدة قبل ما يعمل موضوع جديد يحاول يدور على اللي هو عايزه و ان شاء الله يلاقي اللي هو عايزه و زيادة
شكرا و آسف على الاطالة

[shoayman]

لا يا استاذ shoayman الموضوع مش مستاهل انه يتقفل ولا حاجة و احنا كلنا هنا فعلا عشان نفيد و نستفيد مهما كانت كمية الافادة و لو مش عشان كدة اهو عشان نتعرف على ناس زوق و محترمة كتير و معلش متعاتبش بعض الاعضاء المحترمين على ردودهم بس حضرتك فتحت موضوع حساس شوية و معظم الاعضاء كانت مصدقت انه اتقفل بس حصل خير و يا ريت اي حد بعد كدة قبل ما يعمل موضوع جديد يحاول يدور على اللي هو عايزه و ان شاء الله يلاقي اللي هو عايزه و زيادة
شكرا و آسف على الاطالة

كفاية انى اتعرف على واحد محترم زيك يا استاد simoz