تشميع الكيا فى البيت للمبتدئين ... بالصور و الأسعار

[morasystem]

يا سلام بقى لو عملنا زى الخواجات و خدنا العربية 3 -4 أوشاش واكس هتبقى أحلى و أحلى ... حتى الأن انا أخدتها وشين على يومين

متهيألي لو اتكرر اكتر من مرة ممكن يأثر على الدهان لأن :u_thin1[1]:( غالباً ) المواد دي بتبقى كيماوية وممكن تكونبتاكل طبقة من الدهان .. وفي الحاله دي هيبقى التكرار مش للشطار ، وقول على لون العربية ياللا السلام:y_hi_3[1]:

بالعكس دا الواكس ده شمع مش مادة كيماوية بيعمل قشرة زيادة فوق طبقة العربية و يمنع أكلان الدهان لما تيجى تطوقها بالفوطة بعد كدة

و على العموم 3-4 مرات مش العدد اللى هو ممكن يأثر على اى دهان ... و هو رقم لا يقارن بعدد المرات اللى بتخلى البواب أو السايس يلمعلك فيها العربية

عربية زى دى على الأقل بتتطوق مرة فى اليوم يبقى لازم حماية و إلا الدهان فى الباى باى

[Hosam_Optrawy]

موضوع رائع تسلم ايدك

الف شكر على مجهودك ومشاركتك بتجربتك

[ghazy12]

شكرااا على الموضوع المفيد و المدعم بالصور و الشرح الممتاز.....

أرجو النقل للقسم العام لتعم الفائده على جميع الأعضاء....

[xShadow]

مشكور عل موضوع المفيد !

أنا عملت الموضوع خلاص بالصاروخ و سمعت إن بلاش أكتر من مرة.. بس الله أعلم

سؤال سريع: أنهي نوع أحسن، إلي فالصورة دة ولا الفورمولا-1 الأصفر ؟

مشكور مرة تانية !

[moataz-shaheen]

الف شكر يا باشا علي الموضوع المفيد ده
و ان شاء الله اجربه لما الجو يتصلح

[morasystem]

مشكور عل موضوع المفيد !

أنا عملت الموضوع خلاص بالصاروخ :u_thin1[1]: و سمعت إن بلاش أكتر من مرة.. بس الله أعلم

سؤال سريع: أنهي نوع أحسن، إلي فالصورة دة ولا الفورمولا-1 الأصفر ؟

مشكور مرة تانية !

العفو و مبروك على التلميع ... الصاروخ أكيد مش هيأثر على دهان جديد ... إنما لو عربية دهانها متاكل أو فيها خدوش الدهان بتاعها بيفسخ مع استعمال الصاروخ و الخط اللى طوله 2 سنتيمتر هيبقى 3 سنتيمتر

أما بالنسبة للنوع متهيألى الاتنين زى بعض ... بس النوع ده أمريكانى التانى بقى الله أعلم مجربتوش بس أكيد حلو برضه

[dr.nemo]

موضوع رائع جدا وكنت لسه عامله في 131
وان شاء الله اعمله في السيراتو بس لما ارخصها

[ahmedaliamer]

أرجو التثبــــــــــــيت

موضوع أكثر من رائع وأرجو التثبيت ولكن عربيتي لونها أزرق بترولي أجيبلها قلم أزرق وأعلم بيه على الخدش يدي نفس النتيجة ؟ طيب إيه أخبار الإكصدامات الفبر ؟ أنا الإكصدام بتاعي فبر أسود وفيه تجريح ورحت قبل كده لواحد بيصلح إكصدامات وعملهولي بالمعجون والدهان ولكن رجع زي الأول واكتر بعد فترة بسيطة؟

[helmy537]

ياباشا ماهو نفس البوليش والكومباوند بس لالتانى بنعمله بكيس قطن

[khaledmontero]

تسلم يا باشا ع الموضوع الجامد ده .. أرجو التثبيت

[morasystem]

موضوع أكثر من رائع وأرجو التثبيت ولكن عربيتي لونها أزرق بترولي أجيبلها قلم أزرق وأعلم بيه على الخدش يدي نفس النتيجة ؟ طيب إيه أخبار الإكصدامات الفبر ؟ أنا الإكصدام بتاعي فبر أسود وفيه تجريح ورحت قبل كده لواحد بيصلح إكصدامات وعملهولي بالمعجون والدهان ولكن رجع زي الأول واكتر بعد فترة بسيطة؟:s_thum1[1]:

أه ينفع قلم أزرق هو طبعا اللون ممكن يكون مش قريب أوى بس انت لو بتتكلم فى خدش بسيط ... يبقى هيتلم بإذن الله إنما لو حتة كبيرة أكيد هتبان

أما بالنسبة للإكصدام هاتله قلم اسود على ضمانتى

[morasystem]

ياباشا ماهو نفس البوليش والكومباوند بس لالتانى بنعمله بكيس قطن

لأ خد بالك فيه فرق بين البوليش و الكمباوند و البودرة و الواكس

البوليش مش هيديك لمعة لفترة طويلة
الكمباوند طبعا طبعا هياكل من الدهان
البودرة دى لازم تتعمل عند بتاع الدهانات و بيعملها بالصاروخ و لازم يكون دهان جديد لأنه بياكل جامد من الدهان
إنما الواكس ده مخصوص بيتعمل علشان يعمل قشرة شفافة بتلمع فوق الدهان و يحافظ عليه ... كفاية بس إنه أحسن من الفوطة الزفرة اللى الناس كلها بتستعملها ... مش عايز أقوللك انا مرة رجعت لقيت البواب عامل العربية بفوطة زفرة و كان شكلها عامل ازاى رحت غاسلها تانى فى ساعتها

[mohamedhamam]

شكراً على هذه المعلومة الجديدة

[aymansaad]

موضوع جميل ومفيد

[nemo82]

احييك على الموضوع الجامد ده, وارجو من الادارة تثبيت الموضوع.