تشميع الكيا فى البيت للمبتدئين ... بالصور و الأسعار

[morasystem]

يا ريت اللى يجرب يقولنا على النتائج

[M.Osman]

موضوع رائع و مفيد جداً ... شكراً لنقل التجربة و ربنا يبارك لك في السيراتو بس ليا بس تعليق على نوع الواكس....

سؤال سريع: أنهي نوع أحسن، إلي فالصورة دة ولا الفورمولا-1 الأصفر ؟

مشكور مرة تانية !

انا جربت الفورمولا 1 الأصفر ..كان مكتوب عليه high-shine .. وكانت النتيجة تحفة بصراحة و كان ارخص كمان (20 جنيه)
جبت الـF1 اللي مستخدم في الموضوع من كارفور مكنتش خدت بالي انه مكتوب عليه scratch-out .. مش hi-shine .. المهم جيت اجربه لقيته ناشف جدا و لونه كمان مختلف! .. و متعب اوي في فرده على العربية مش زي التاني (كان مريح و نتيجته كانت روعة!) فكسلت استخدمه!!
بخصوص الصناعة .. مش عارف.. النوعين مكتوب عليهم US formula !! .. حاسس انه شغل تسويق مش اكتر و كله زي بعضه في الصناعة!

[Beeso]

بجد موضوع تحفة وربنا يجزيك خير عليه انشالله ده فعلا من أحسن ال DIY اللي شفتها ويستحق التثبيت وانشالله لما ألاقي وقت حجرب وأقولكم

[Haitham10]

ايه الحلاوة دي اللهم صلي علي النبي
تسلم ايدك ولو دة اول موضوع ليك يبقي هستني كل مواضيعك الجايه
شرح حلو وبالصور خطوة خطوة تسلم ايدك مرة كمان

[M7amD_7amDy]

موضوع جميل ومفيد جدااا عاشت ايديك
ومبرووك على اللمعه :)

[hobiko]

موضوع جميل جداً و لكن

نوع الشمع إلي مستخدم دة scratch out - abrasive wax و دة شمع و مزيل خدوش في نفس الوقت

دة مش المفروض إن يستخدم إلا على الخدش و بس لأنه بيعمل صنفرة لطبقة رقيقة جداً من الدهان إلي حوالين الخدش و بالتالي تخليه مش باين و في نفس الوقت تشمع الحتة بتاعت الخدش

حاجة كدة ذي كمبوند و شمع في نفس الوقت

و طبعاً معروف إن الكمبوند مش بيستخدم على العربية كلها و لو استعملناها أكتر من مرة على العربية كلها حياكل في طبقة الدهان السليمة

بالتالي محدش يستخدم النوع دة على العربية كلها يستخدمه بس على الخدوش النوع التاني إلي في علبة صفرا فورمولا ١ أو armor all هي دي الأنواع إلي يتم استخدامها على العربية كلها

[myr999]

مية مية مجهود رائع الف شكر

[osama0512]

جربت تستعمل القلم الدوكو الاسود مع عربيتك

[M.Osman]

هو صاحب الموضوع فين؟
عايز اعرف رأيه في الكلام اللي في 32 و 36

[Amr A.salam]

مجهود هايل يا باشا وموضوع ممتاز

تسلم ايدك

[morasystem]

هو صاحب الموضوع فين؟
عايز اعرف رأيه في الكلام اللي في 32 و 36

انا هنا أهه يا باشا

و الله بالنسبة لل abrasive wax هو شمع مش كومباوند و مش بياكل طبقة الدهان ولا حاجة حتى الفوطة زى ما دخلت زى ما خرجت نضيفة و زى الفل .... هو بيعمل طبقة فوق الخدش علشان يملاه إنما هو فى الحقيقة مش بتاع خدوش ... اللى مكتوب على العلبة كلام غلط لأننى كنت أصلا جايبه علشان أعمل خدش فى عربية اختى بس مطلعش بيشيل خدوش قد ما هو طلع يعمل قشرة بتلمع على العربية

الكمباوند زى ما قلتلك بياكل الدهان - البودرة بتاكل الدهان - البخاخ مش بيدى لمعة تقعد كتير - الفوطة الزفرة بتخلى الدهان يجير و اللمعة تروح

مكانش فيه حل أحسن من الواكس علشان نحمى دهان العربية و بعدين انا جربته الأول على عربيتى القديمة و اتأكدت بنفسى إنه مش بياكل الدهان .... خصوصا إن فيها حتت الدهان متاكل شوية

و بعدين منين حضرتك بتقول إنه بيغطى الخدوش و منين بتقول إنه بياكل الدهان - هو لو كان فعلا بياكل الدهان يبقى الخدش هيعرض مش هيتلم - إنما هو لا كدة ولا كدة هو مجرد شمع زيه زى الفورميلا 1 زى أى شمع تانى الناس جربته

[morasystem]

انا جربت الفورمولا 1 الأصفر ..كان مكتوب عليه high-shine .. وكانت النتيجة تحفة بصراحة و كان ارخص كمان (20 جنيه)
جبت الـf1 اللي مستخدم في الموضوع من كارفور مكنتش خدت بالي انه مكتوب عليه scratch-out .. مش hi-shine .. المهم جيت اجربه لقيته ناشف جدا و لونه كمان مختلف! .. و متعب اوي في فرده على العربية مش زي التاني (كان مريح و نتيجته كانت روعة!) فكسلت استخدمه!!
بخصوص الصناعة .. مش عارف.. النوعين مكتوب عليهم us formula !! .. حاسس انه شغل تسويق مش اكتر و كله زي بعضه في الصناعة!

هو بصراحة لو جيت للحق .. النوع ده كمان متعب فى الفرد لأنه مش زى الواكس بتاع الشعر لأ دا واكس عربيات ناشف ... بس النتيجة بتغطى التعب فى الأخر

[matta]

الموضوع جميل ومجهود أجمل بس عندي تعليق صغير قوي خد بالك ان لو غسلت العربية قبل التشميع بالجنرال ده بيأثر على الدهان طبعاً
لازم تستخدم بدل الجنرال تستخدم شامبو خاص لغسيل العربية بيتجاب من البنزينة أو من كارفور لأنه بيبقى مصنوع من مواد مخصوصة للبودي الخاص بالعربية

وشكراً لقبولك تعليقي

[morasystem]

جربت تستعمل القلم الدوكو الاسود مع عربيتك

ايوة جربته .... و التنيجة كانت أكتر من ممتازة .... كان عندى خدش رفيع أوى على الكبوت حوالى 3 سنتيمتر كدة من الرمل و العفرة قبل ما اشمع العربية و الحمد لله اختفى للأبد حتى اللمعة بتاع القلم راحت خلاص و نسيت إنه كان فيه خدش قديم

بس من بعد حكاية الواكس دى الحمد لله بقيت أمشى فى أى رمل و عفرة ولا أخاف خالص.... لأن زى ما انت عارف اللون الاسود غتيت شوية فى حكاية الخدوش دى

و على فكرة القلم ده فكرة مش جديدة يعنى ... كنا بنستعملها زمااااااااان على العربيات اللى لونها اسود و كانت النتيجة 100% علشان كدة انا رحت اشتريته علطول حتى قبل ما اشترى الواكس لأنى متأكد إن كل الواكس اللى موجود فى السوق مش بتاع خدوش و إن كان بتاع خدوش يبقى مش هيشيل الخدوش اللى فى بالى ... لأ هيشيل الخدوش اللصغيرة أوى و بس

[madoo_600]

طب لو العربيه ميتال برونز اجيب قلم لونه ايه