كيا سيراتو السعودى - بمبه؟!!!!!!!!

[horas3000]

الى حورس 3000
كلامك عن الكماليات معقول و أنا مقتنع بيه. بس مش قادر أفهم موضوع المواصفات فمثلا الشاسيه هل يصنعونه للأردن مثلا من تخانات حديد أقل؟

لا يا زعيم مش للدرجة ده
الشاسية من الحاجات الاساسية في العربية و مفيش فيه مواصفات اصلا
طبعا انا معنديش لستة بالمواصفات الخليجية كلها بس اعرف اهمهم
و منها مثلا ان نوع الدهان المستخدم و خامت الطبلون و الفرش كلها يتسحملوا درجات الحرارة العالية و احيانا العواصف الترابية كمان. يعني صعب تلاقي عربية دهانها باهت او طبلوها طاقق ام مشقق.
التكيفات و الكمبروسيرات بتاعتها يتبقي Heavy Duty و تشتغل في درجات الحرارة العالية ولاوقات طويلة.
الكوتش كذلك يستحمل اقصي درجات الحرارة و في سرعات عالية.
العفشة تبقي مياله لدعم الثبات اكتر من الارتفاع لان الطرق نظيفة مفتوحة و الناس بيحبوا الجري. الجنوط حاجة شبة اساسية و كل الاحجام شغالة
بالنسبة للشاسية متفقين انه موحد بس ممكن تلاقي في الخليجي دعامات زيادة في الابواب و الاكصدامات لان الحوادث هناك بتبقي علي سرعات اعلي من مصر بكتير. الايرباجز تقريبا بقت شبة اساسية دلوقتي و تقريبا ال ABS داخل هو كمان.

و عندك من ده كتير حاجات تناسب طبيعة الجو و الطرق و نمط القيادة في البلاد دي

[hobiko]

لا يا زعيم مش للدرجة ده
الشاسية من الحاجات الاساسية في العربية و مفيش فيه مواصفات اصلا
طبعا انا معنديش لستة بالمواصفات الخليجية كلها بس اعرف اهمهم
و منها مثلا ان نوع الدهان المستخدم و خامت الطبلون و الفرش كلها يتسحملوا درجات الحرارة العالية و احيانا العواصف الترابية كمان. يعني صعب تلاقي عربية دهانها باهت او طبلوها طاقق ام مشقق.
التكيفات و الكمبروسيرات بتاعتها يتبقي Heavy Duty و تشتغل في درجات الحرارة العالية ولاوقات طويلة.
الكوتش كذلك يستحمل اقصي درجات الحرارة و في سرعات عالية.
العفشة تبقي مياله لدعم الثبات اكتر من الارتفاع لان الطرق نظيفة مفتوحة و الناس بيحبوا الجري. الجنوط حاجة شبة اساسية و كل الاحجام شغالة
بالنسبة للشاسية متفقين انه موحد بس ممكن تلاقي في الخليجي دعامات زيادة في الابواب و الاكصدامات لان الحوادث هناك بتبقي علي سرعات اعلي من مصر بكتير. الايرباجز تقريبا بقت شبة اساسية دلوقتي و تقريبا ال ABS داخل هو كمان.

و عندك من ده كتير حاجات تناسب طبيعة الجو و الطرق و نمط القيادة في البلاد دي

الكلام دة أنا موافق عليه لو بنتكلم بس على الكماليات و التكييف و الدهان و الكاوتش (رغم اني شفت كاوتش الخليجي زي المصري)

عشان مش صعبة مثلاً أن اركب للعربيات الخليجي كومبرسور تكييف ليه capacity أعلى مثلاً أو في مرحلة الدهان ادهن العربية بدهان يتحمل الحرارة العالية

بس أنا ضد تماماً الكلام إلي بيتقال إن المواد المستخدمة في نظام التعليق مثلاً مختلفة أو ذي ماقال زميلنا سمك الشاسيه مثلاً مختلف

الحاجات دي مفيهاش مواصفات

[raedegypt]

ياعمى العربيه السعوديه او الكويتيه ( الاردن هنا خارج المنافسه فظروف مناخه غير ) تفرق كثير عن اى سيارة تانيه. درجات الحرارة والرمال فى هذة الدول عاليه جدآ . فتجد ان كل خامات العربيات مختلفه تماما ما عادا الشكل طبعآ لتتناسب مع هذة الظروف . المواتير والتكييف والتبريد اعلى بكثير. خامه الدهان وسمكه وطبقات الحمايه مختلفه تماما. خامات التابلوة والفوانيس والبلاستيك عمومآ والدواخل والكاوتشات مختلفه تمآمآ . تصفيح تحت الماتور احيانآ لمقاومه اندفاع الرمال اسفل العربيه . انا اختلف معكم فالموضوع هنا عربيه تانيه خالص ولكنها فى النهايه مصممه لهذة الدول لظروف المناخ وهى طبعآ افضل من اى سيارة مصريه من نواحى الجودة بلا شك

[horas3000]

الكلام دة أنا موافق عليه لو بنتكلم بس على الكماليات و التكييف و الدهان و الكاوتش (رغم اني شفت كاوتش الخليجي زي المصري)

عشان مش صعبة مثلاً أن اركب للعربيات الخليجي كومبرسور تكييف ليه capacity أعلى مثلاً أو في مرحلة الدهان ادهن العربية بدهان يتحمل الحرارة العالية

بس أنا ضد تماماً الكلام إلي بيتقال إن المواد المستخدمة في نظام التعليق مثلاً مختلفة أو ذي ماقال زميلنا سمك الشاسيه مثلاً مختلف

الحاجات دي مفيهاش مواصفات

انا يا زعيم بتكلم عن تجربة شخصية بالفعل

اما كان معايا كرولا 2002 خليجي و كنت بعاني منها الامرين من المطبات اللي كانت دايما ترزع في العربية من تحت لانها كانت واطية و في اكتر من موقف الاقي الناس اللي معايا يفتحوا الباب و ينزلوا تعاطفا معايا لكن ده كان مديها ثبات عالي جدا و لما جبت بيها 170 العربية كانت زي الفل و مفيش منها اي قلق.

لما سافرت بعتها و لما رجعت مصر في الاجازة اجرت كرولا برضة اول حاجة لاحظتها ارتفاعها عن الارض و بالفعل كنت بعدي علي اي مطب ولا الهوى العربية بتعدي كانها جيب لكن اوصل لل 120 و صباح المراجيح و عرفت بعد كده انها مواصفات مصرية و ده كان عيب ناس كتير اشتكت منه في الكرولا

بالنسبة للعربيات التانية معرفش ايه الظروف بس اعتقد اللانسر الشارك نفس الموضوع اللي بشوفهم في مصر حاسس انهم اعلي من اللي بشوفهم هنا علي الرغم اللي بتنزل هنا 2000 سي سي و بجنوط 18