!!!؟ دي نيوسيراتو ex وللا sx

[AL2461]

الحمدلله اشتريت نيوسيراتو خليجي مواصفاتها كتالي:
چنط ١٦ - تكييف تاتش - فتحة سقف - فوج - طارة مالتي فنكشن جلد وكروم - ڤيتيس جلد وكروم - مقابض خارجية وداخلية كروم - شاشة عريضة - مرآة معتمة - باركينج سينسور - ريموت كنترول - عدادت رياضية - إشارات بالمرايات - واحد إيرباج للسائق - ABS (يعني أعتقد كله تقريباً إلا الفرش الجلد والسمارت كي والچنط ال17).
هل تعتبر EX - High Line ?

وهل تعتبر صيانة الألف ضرورية بالتوكيل ؟؟
شكراً للمشاركة

[NoRmAl]

شوف
أنا شايف طالما خليجى فكك من ex ولا sx
هى بتبقى سمك لبن تمر هندى بس لذيذ :))
بس أسمحلى أبدى أعجابى بعربيتك انا شايفها ممتازه بكماليتها كده
بخصوص صيانه الالف
مهمه جدا جدا
علشان تغيير الزيت
ويفضل متصبرش كتير بعد الالف يعنى أخرك 1300 مثلا
علشان تغير الزيت دا مهم أوى أوى
ومبروك

[Ahmed Samy]

شوف
أنا شايف طالما خليجى فكك من ex ولا sx
هى بتبقى سمك لبن تمر هندى بس لذيذ :))

هههههههههه
حلوة فعلا ممكن تلاقي أى حاجة في أي فئة

[AL2461]

الله يبارك فيك وأشكرك على الرد... بالنسبة للصيانة (الالف كيلو) أقصد إني أقوم بتغيير الزيت والفلتر والكشف على العربية بمعرفتي طالما لا أشتكي من شئ وخاصة إني خارج الضمان أصلا

[Terrible_DaRsH]

هههههههههه
حلوة فعلا ممكن تلاقي أى حاجة في أي فئة

من كام يوم كنت بعمل شيرز :) على السيراتو لاقيتك طالعلى على جوجل .

بالمناسبة فى زرار جمب زرار المارش اسمه Trip وظيفته ايه ؟

[hero_1016]

اعتقد ان الصيانة دي ضرورية علشان لو في اي حاجة لاقدر الله في العربية زي الفرامل وقياسات الكهربرا او اي صوت غريب بتبان في الصيانة دي

[moutaz1983]

انا بفكر جديا دلوقتى فى النيوسيراتو وخدت خلاص القرار بعد حيرة كبيرة بين السيراتو والألنترا:
بس لما خلاص جيت اشترى لقيت السوق مليان خليجى وطبعا الوكيل عنده الحجز من 3 ل 4 اشهر, والظاهر ان الموضوع ممكن يطول عن كدة
انا بصراحة عايز اعرف ايه المشاكل بالنسبة للخليجى:
1- انا ممكن اصلح العربية الخليجى فى التوكيل بتاع eit ولا لأ؟
2- طيب لو هو ممكن دلوقتى, مش ممكن كمان شوية يقلك العربيات الوكيل كترت اوى والوكيل مش هيدخل غير عربياته بس فى التوكيل؟

من ضمن الناس اللى سألت عندها هو المصرية وقاللى على عربية تقريبا زى ال sx بتاعت الوكيل بس الجنوط فيها 16 مش 17 وبصراحة هو دة اللى كنت بدور علية,وكانت ب 113 بس هو قاللى على حاجة مش عارف هى صح ولا لأ, فاللى ان العربيات الخليجى ممكن ادفع فى التوكيل الف جنية وتبقى ساعتها اكنها ضمان, انا مش عارف بصراحة الكلام دة صح ولا هو بيحلى البضاعة وخلاص

حاجة تانية من الحاجات اللى قالهالى هو ان العربيات الخليجة فية منها مليون نوع: اماراتى وسعودى ولبنانى .... مش عارف ايه اللخبطة دى, مهو ممكن يكون الخليجى السعودى مثلا كويس بس الأماراتى فيه عيب

ياريت بجد حد يفيدنى ويقوللى الموضوع بصراحة ووضوح علشان لو كدة الحق ااخد دورى فى الحجز وخلاص

[NoRmAl]

الله يبارك فيك وأشكرك على الرد... بالنسبة للصيانة (الالف كيلو) أقصد إني أقوم بتغيير الزيت والفلتر والكشف على العربية بمعرفتي طالما لا أشتكي من شئ وخاصة إني خارج الضمان أصلا

أه ممكن تعمل الصيانه دى مع نفسك هى تغير زيت و فلتر
بس
فى التوكيل بيتم التشييك على 27 حاجه مختلفه فى أى صيانه "موضحين فى موضوع دكتور أحمد"
يعنى تشيك أب على العربيه كلها
ولو عملت الصيانه لوحدك هتفتقد الجزء دا

من كام يوم كنت بعمل شيرز :) على السيراتو لاقيتك طالعلى على جوجل .

بالمناسبة فى زرار جمب زرار المارش اسمه Trip وظيفته ايه ؟

تقدر تغير منه عمل كمبيوتر السياره مثل:
درجه حراره المحرك
زمن الرحله
trip a
trip b
أستهلاك الوقود
زمن الرحله
والكيلومترات المتبقيه حتى نفاذ الوقود

انا بفكر جديا دلوقتى فى النيوسيراتو وخدت خلاص القرار بعد حيرة كبيرة بين السيراتو والألنترا:
بس لما خلاص جيت اشترى لقيت السوق مليان خليجى وطبعا الوكيل عنده الحجز من 3 ل 4 اشهر, والظاهر ان الموضوع ممكن يطول عن كدة
انا بصراحة عايز اعرف ايه المشاكل بالنسبة للخليجى:
1- انا ممكن اصلح العربية الخليجى فى التوكيل بتاع eit ولا لأ؟...طبعا ممكن
2- طيب لو هو ممكن دلوقتى, مش ممكن كمان شوية يقلك العربيات الوكيل كترت اوى والوكيل مش هيدخل غير عربياته بس فى التوكيل؟...معتقدش دى فلوس دخللهم ولو حصل ضغط زى مبتقول هيلجأ للطلسقه :))

من ضمن الناس اللى سألت عندها هو المصرية وقاللى على عربية تقريبا زى ال sx بتاعت الوكيل بس الجنوط فيها 16 مش 17 وبصراحة هو دة اللى كنت بدور علية,وكانت ب 113 بس هو قاللى على حاجة مش عارف هى صح ولا لأ, فاللى ان العربيات الخليجى ممكن ادفع فى التوكيل الف جنية وتبقى ساعتها اكنها ضمان, انا مش عارف بصراحة الكلام دة صح ولا هو بيحلى البضاعة وخلاص...على كلام دكتور أحمد هى تحليه بضاعه

حاجة تانية من الحاجات اللى قالهالى هو ان العربيات الخليجة فية منها مليون نوع: اماراتى وسعودى ولبنانى .... مش عارف ايه اللخبطة دى, مهو ممكن يكون الخليجى السعودى مثلا كويس بس الأماراتى فيه عيب...متصدقش دى بالزات أحسن حاجه السعودى والى يقلك غير كدا عايز يبيع

ياريت بجد حد يفيدنى ويقوللى الموضوع بصراحة ووضوح علشان لو كدة الحق ااخد دورى فى الحجز وخلاص

يا رب أكون ساعدتك

[dr.nemo]

1-بالنسبة للخليجي اللي في السوق بيبقى فيه سعودي وكويتي واردني
احسنهم السعودي واقلهم الاردني
ومفيش انك تدفع 1000 ج للوكيل ويديلك ضمان لكن ده بيبقى ضمان تبع المعرض انك بتاخد حوالي 20000 كم او سنة ضمان وتعمل الصيانة عنده

لكن الوكيل بيخليك تعمل عنده الصيانة عادي بس بتدفع اكثر(ممكن توصل للضعف في بعض الصيانات)

وبعدين المصرية للسيارات ناس كتيرة بتشتكي منها فحتى لو ناوي تشتري من معرض يبقى
تبعد عنها وعن ناشونال موتورز علشان الشكاوي الكتير منهم

2- الوكيل مش ملزم باسعار محددة للخليجي فهو دلوقتي فاتح الصيانة لهم مقابل مبلغ زيادة على كل صيانة ومحدش عارف بكرة فيه ايه؟

انا شايف من كلامك انك عاوز ال اس اكس ودي الاستلام بيبقى خلال شهرين تقريبا لانها متوفرة بس بالوان قليلة عند الوكيل المشكلة عنده في الهاي لاين
ولو حابب تستلم فوري فيه معارض وموزعين عندهم فوري بس باوفر برايس في حدود ال2000 ج
وربنا يقدملك اللي فيه الخير

[د.محمود صلاح]

موضوع الأوبشنز وتنوعها بقي ملخبط جااامد

[romeo_6887]

1000 مبروك يا باشا
و حاول تعمل صيانه ال 1000
في ميعادها

[hazemhassan]

شوف
أنا شايف طالما خليجى فكك من ex ولا sx
هى بتبقى سمك لبن تمر هندى بس لذيذ :))
بس أسمحلى أبدى أعجابى بعربيتك انا شايفها ممتازه بكماليتها كده
بخصوص صيانه الالف
مهمه جدا جدا
علشان تغيير الزيت
ويفضل متصبرش كتير بعد الالف يعنى أخرك 1300 مثلا
علشان تغير الزيت دا مهم أوى أوى
ومبروك

مبروووووك ياباشا
وعايزين تقيمك ليها وسعرها كام؟
واعمل الصيانة فى معادها

[morasystem]

sx يا باشا ....

[Amr A.salam]

الحمدلله اشتريت نيوسيراتو خليجي مواصفاتها كتالي:
چنط ١٦ - تكييف تاتش - فتحة سقف - فوج - طارة مالتي فنكشن جلد وكروم - ڤيتيس جلد وكروم - مقابض خارجية وداخلية كروم - شاشة عريضة - مرآة معتمة - باركينج سينسور - ريموت كنترول - عدادت رياضية - إشارات بالمرايات - واحد إيرباج للسائق - ABS (يعني أعتقد كله تقريباً إلا الفرش الجلد والسمارت كي والچنط ال17).
هل تعتبر EX - High Line ?

وهل تعتبر صيانة الألف ضرورية بالتوكيل ؟؟
شكراً للمشاركة

تعالى نفكر فيها سوا لأن عربيتي مواصفاتها قريبة جداً من كدة

بالنسبة للسوق المصري ....الSX تتميز عن الEX بالجنوط ال17 والعداد الرياضي والباركنج سنسور والABS و 2 ايرباج ومفتاح ضبط النور الأمامي والتكييف التاتش

مواصفات حضرتك فيها كل دة ماعدا الجنط ال17 والايرباج التانية ومفتاح ضبط الأنوار الأمامية

لكن تزيد عليها فتحة سقف ومراية صالون ذاتية التعتيم

يعني ممكن تقول عليها Sx بس جنط 16

أو تعمل بنصيحة نورمال وتسيبك من المسميات.......المهم المضمون

وبالنسبة لصيانة الألف ....أبو رواش وب400 جنيه تقريباً بدل ما تغير زيت وتغير فلتر بنفسك وتخسر بقية التظبيط والفحص اللي بيعملوه

[mohamedhamam]

ألف مبروك ربنا يديك خيرها و يكفيك شرها