بيكانتوتى

[A.Saad]

لا الضمان بتاع العربيه مش الصيانات
يعنى لما اشتريتها قالى ضمان خمس سنين واى عدد من الكيلومترات
طبعا ضد عيوب الصناعه
لكن التامين انا دفعت حوالى 3 الاف جنيه مع مصر للتامين ضد اخطاء الغير والحوادث بس لسه معملتش معاينه
غير كدة بيكانتو الف سى سى وفى الترخيص اتعمل 990 اعتقد مش فاكرة
انا لحد لسه متعاملتش مع التوكيل بس هو ليه فروع تانيه غير ابورواش؟
طريقه وحش جدا ومتكسر ومليان بالوعات ياريت لو فى اى مكان تانى اعمل فيه صيانه

المفروض تعمللى المعاينة لو رخصتى قبل ما تامنى
لكن لو رخصتىالمفروض تعمللى معاينة
البيكانتو فى الترخيص عندى 1086

احسن فرع فى كيا
هوة ابو رواش
ومدير الصيانة هناك بيحب المنتدى وراجل محترم ومتعاون مع الاعضاء فى المنتدى
هوة الشاارع قريب كان بيترصف
بس دلوقتى اترصف وبقى كويس

انتى بتيحى منين وانا اوصفلك طريق كويس لهناك

[shamdark]

هى المعاينه بتبقى ازاى؟
بحتاج ورق ايه؟

[A.Saad]

هى المعاينه بتبقى ازاى؟
بحتاج ورق ايه؟

ما بتحتاجش ورق
هوة مندوب بينزل يشوف العربية ويصورها

[shamdark]

ومنين اجيب اللى بيعاين دة؟

[shery103]

حضرتك بتكلمى شركة التأمين و هما بيبعتولك حد يعاين

[A.Saad]

المفروض تعمللى المعاينة لو رخصتى قبل ما تامنى
لكن لو رخصتىالمفروض تعمللى معاينة

ايه اللى حصل عندك

[shamdark]

انا دفعت مبلغ فى التوكيل عشان التامين وبعد مااخدت العربيه رخصت فى نفس اليوم وتخيلت ان كدة خلاص انا مامنه بس معرفش موضوع ان حد لازم يشوفها ويعاينها

[YaSSerwIN]

طيب أستلمتى وثيقة التأمين ولا لاء ؟؟؟

[shamdark]

لا ودى اجيبها منين؟
انا دفعت فى التوكيل اللى فى رواش انا جبتها من هناك

[YaSSerwIN]

لو المعرض او التوكيل هو الى عملك التأمين على العربية

هاتروحى للمعرض او التوكيل وتسألى على وثيقة التأمين او شركة التأمين وبعد كدة هاتستلمى الوثيقة منهم

[shamdark]

وبعد كدة اكلم الشركه عشان المعاينه صح؟

[YaSSerwIN]

بيتهـيألى مش هاتحتاج معاينة لأن عربيتى متأمن عليها ومتعملهاش معاينة

[shamdark]

انا بردوا بفكر كدة لان من المتوقع انك لما تشترى عربيه زيرو ان حالتها تبقى كويسه
الفكرة ان الباب متخربش
حسبى الله ونعم الوكيل فى اللى عمل كدة
ممكن دة ياثر فى التامين صح؟

[A.Saad]

لاا مش صح
يعنى ايه ياثر فى التامين

[shamdark]

معرفش انا افتكرت كدة