بيكانتوتى

[shiko85]

بس اكتشفت انه عذاب بجد تبقى بتحب عربيه ومش عارف تسوقها

مش عارفه تسوقيها ليه بس ؟؟
السواقه تعود مش اكتر و لازم تقوى قلبك شويه

سؤال تانى بما انى حصدعكم
هو ليه فى الشمس ريحه الفرش بتبقى وحشه قوى كانه بيتحرق
وهو صحيح انى لو فضلت مغطياها اللون ممكن يبوظ؟

ريحه الفرش بتبان فالشمس علشان المسام بتاعه الفرش بتكبر (تمدد) نتيجه الحراره ودى حاجه طبيعيه جدا و مع الوقت بتروح و لو الريحه فظيعه او انت عندك حساسيه ممكن تسيبى الزجاج مفتوح سنه بسيطه 0.5 سم او 1 سم كده مش اكتر

غطا يبوظ اللون
لو قماش لا
لو ووتر بروف
فيه موضوع عمله عضو هنا انه قرا تحذير على الغطا من الدهان الجديد

بص اللى اعرفه ان الوتر بوف فيه منه نوع حقير شبه البلاستك كده و فى نوع تانى زى اللى عندى مبطن من جوه بفرو سميك

[sara2001]

سؤال تانى بما انى حصدعكم
هو ليه فى الشمس ريحه الفرش بتبقى وحشه قوى كانه بيتحرق
وهو صحيح انى لو فضلت مغطياها اللون ممكن يبوظ؟

مبروك اولا على العربيه
واضح ان كل العربيات الجديده في الشمس ليها ريحة حاجه بتتحرق فعلاً
انا شميت الريحه دي في الحرفي الi10 والجيتز وكنت فاكره البيكانتو ممكن تكون خاماتها احسن منهم

[shamdark]

انا قرات الموضوع بتاع الغطيان واتخضيت ان ممكن الغطا فعلا يعمل كدة انا جبتلها غطا عادى من اللى فى الشارع بس بردوا ملوش لازمه بلاقيها بتلم تراب بشع

[A.Saad]

انا قرات الموضوع بتاع الغطيان واتخضيت ان ممكن الغطا فعلا يعمل كدة انا جبتلها غطا عادى من اللى فى الشارع بس بردوا ملوش لازمه بلاقيها بتلم تراب بشع

طبعا اما تجيب غطا قماش ويطلع وحش
يبقى لازم نقول ان الغطا القماش الافضل يكون قطن ويكون مسامه ضيقة زى قماش الخيام
وده هيكون فى الوكالة

[shamdark]

ماهو دة اللى عندى بتاع الخيام وباخد بالى انه بيلم تراب تحت الغطا نفسه

[shamdark]

انا مبسوطه انكم بتساعدونى :)

[A.Saad]

هتتبسطى كتير فى المنتدى ده
ولو دخلتى الاجتماعى انسى


نفضى الغطا كل فترة
وانا قصدى بقماش الخيام
ان فيه قماش بيكون ليه مسام ده بيجيب تراب بسهولة
لكن القماش اللى مالوش مسام بيقلل دخول التراب

[shamdark]

هو انا لو عاوزة امتحن واعمل رخصه سواقه اعمل ايه؟

[A.Saad]

ستواكى ايه فى السواقة

لو كويس
تبقى تروحى المدرسة بتاعة المرور بتاعك

بس سؤال على جنب سايقة كل ده ازاى

[shiko85]

هو انا لو عاوزة امتحن واعمل رخصه سواقه اعمل ايه؟

صور و شهاده نظر و باطنه ( شهادتين مضروبين من اى حته بـــ 15 او 20 جنيه و خلاص )و تشوفى المكان اللى هتمتحنى فيه عامل ازاى u z c s و تجربى كام مره كده و تروحى تمتحنى مش اكتر, اه ماتنسيش الأشارات احفظيها و لو عندك حد يخلصلك الحوار يكون اظرف كتير

[REM]

انا شدني الموضوع جداً ..انا كمان بتعلم السواقة وبفكر لسه ومحتارة بين البيكانتو والجيتز وخاصة ان الفرق بينهم مش كتير (فول اوبشن اوتو)
البيكانتو 71 والجيتز 79.500 وكده كده هاقسط
وفي ناس كتير حزروني من ان البيكانتو 1100 سي سي إذا شغلت التكييف في الصيف السحب في العربية هيتأثر
يا ريت حد يفيدني في الموضوع

[M.ABDEEN]

انا شدني الموضوع جداً ..انا كمان بتعلم السواقة وبفكر لسه ومحتارة بين البيكانتو والجيتز وخاصة ان الفرق بينهم مش كتير (فول اوبشن اوتو)
البيكانتو 71 والجيتز 79.500 وكده كده هاقسط
وفي ناس كتير حزروني من ان البيكانتو 1100 سي سي إذا شغلت التكييف في الصيف السحب في العربية هيتأثر
يا ريت حد يفيدني في الموضوع

اي عربية التكييف بياثر فيها لكن مش بالصورة اللي بعض الناس متخيلة ان العربية ساعتها عايزة حد يزوقها علشان تمشي ومن غير حلفان انا بشغل التكييف في البيكانتو وبمشي 130 و 140 والعربية بتجمع لكن هو ما ينصح بيه ان الواحد وهو مشغل التكييف ميحرقش قوي على الموتور .........
اختيار حضرتك مابين الجيتز والبيكانتو طبعا وبدون نقاش لصالح الجيتز ليه ؟؟؟؟
عربية 1600 سي سي وموتور قدرته الحصانية اعلى والسحب هيكون اعلى كمان الصالون بتاع الجيتز اكبر والشنطة اكبر لكن ما يميز البيكانتو عن الجيتز هو التوكيل واستهلاك اقل للبنزين

[REM]

انا متشكرة جداً على الرد

[shiko85]

انا شدني الموضوع جداً ..انا كمان بتعلم السواقة وبفكر لسه ومحتارة بين البيكانتو والجيتز وخاصة ان الفرق بينهم مش كتير (فول اوبشن اوتو)
البيكانتو 71 والجيتز 79.500 وكده كده هاقسط
وفي ناس كتير حزروني من ان البيكانتو 1100 سي سي إذا شغلت التكييف في الصيف السحب في العربية هيتأثر
يا ريت حد يفيدني في الموضوع

الجيتز مشكلتها الموتور 1600 قوى جدا و بصراحه سحب رهيب لكن على سياره صغيره و خفيفه و هى نفس مشكله الفيرنا و لكن الجيتز اصغر و اخف من الفيرنا, بالنسبه لحد لسه بيتعلم السواقه فالــ 1600 cc هتبقى صعبه شويه و مخيفه فى حاله عدم القدره على التحكم فالسياره لكن غير كده الجيتز افضل لكن يعيبها سوء تصميم ال Dash Board فقير و قديم

[darkangel007]

مبروك على البيكانتو عربية حلوة جدا و جمدى قلبك شوية و هتعملى بيها الى ميتعملش :)
مستخدم بيكانتو 2009 ;)