ناوى اشترى سيراتو كوبية من شركة كونتكت .. ايه رايكم

[Hos2011]

ناوى اشترى سيارة سيراتو كوبية 2010 sx خليجى بالتقسيط من شركة كونتكت
عاوز اعرف اذا كانت الشركة دى كويسه ولا لا
انا هشترى على النظام الاسلامى اللى بتقدمه الشركة دى

انا فى انتظار مندوب الاستعلام بكرة باذن الله

فا قلولى الشركة دى ايه ظرفها بدل ما نتورط .. و نشوفها كده من الاول
و ايه اللى تنصحونى بيه انى اخلى بالى منه مع الشركة دى
مستنى ردكم

[ahmedegypt]

انصحك تبعد عن التقسيط لانك بتدفع تمن العربية ييجى مرة و نص

يعنى لو معاك اى مبلغ كاش اشترى بيه

[masterzmind]

بص يا باشا اولا انا معرفش الشركة دى بس نصيحة لو عاوز تقسط على الاقل تبقى دافع 80 الف عشان تستريح عشان العربية 132 لو دفعت 50 الف ولة حاجة هتدفع ثمن العربية مرة ونص زى ما الاستاذ احمد قال لك .............. انا اعرف ناس كتير جابوة خليجى من جابر عبد الشهيد بس مش عارف نظام الاسلامى ولة لأ

[moha4tec]

اهم حاجه انك تاخد معاك سمكرى و بهيجى عشان يشوفلك العربيه كويس و ممكن تكون مقلوبه و متصلحه و استلم و عاين فى عز الضهر عشان تشوف كويس مش بليل و متدفعش الفلوس كلها قبل الاستلام ادفع 1000 ج فقط عشان تحجز و روح تانى يوم عاين العربيه كويس و شيل الورق الابيض من عليها عشان ممكن يكون تحتها خدوش
و بعد الاستلام تروح ترفعها فى التوكيل او فى مركز خدمه و فلى العربيه كويس اوى اوى بره و جوه .هل فى عيوب تقفيل و الا لا زى الفرش مثلا او حاجه ناقصه كده و الا كده او صدى تحت العربيه او كوتش مقطوع او اى خرابيش
لو لقيت حاجه .اى حاجه غلط فى اى شىء فى العربيه ,روح حماية حقوق المستهلك بس فى خلال 14 يوم من الشراء لان المعرض بيمضيك ان انت استلمت العربيه تمام التمام
حقوق المستهلك هتجبلك حقك منهم غصب عنهم بس فى خلال اول 14 يوم من تاريخ فاتورة الشراء و تروح معاك الفاتوره
و كمان تاخد رقم الشاسيه لما تحجز و قبل ما تدفع الفلوس و الاستلام تشيك عليها فى موقع بيقولك اصل العربيه اه و فصلها و انهى دوله هى متصدرلها و انهى فئه و يا ريت الاعضاء يكتبوا الموقع ده عشان نفيد الراجل ده .
بلاش التقسيط متستعجلش التقسيط بيجيب الخراب للبيت و الله و بيزنقك و كمان فى مصاري كتير للعربيه فى اول شهرين و سيب فلوس احتياطى للازمات لا قدر الله عشان تعيش مستريح .
انا بنصحك كاخ من خلال تجربتى مع القسط و انا مش قصدى اعقدك بس انا قصدى انورك عشان متدعيش عليا.
و ربنا يباركلك فيها و تستخدمها فى الخير و خلى بالك من الحسد و العين و ربنا يحفظهالك.
و السلام ختام

[moha4tec]

اهم حاجه انك تاخد معاك سمكرى و بهيجى عشان يشوفلك العربيه كويس و ممكن تكون مقلوبه و متصلحه و استلم و عاين فى عز الضهر عشان تشوف كويس مش بليل و متدفعش الفلوس كلها قبل الاستلام ادفع 1000 ج فقط عشان تحجز و روح تانى يوم عاين العربيه كويس و شيل الورق الابيض من عليها عشان ممكن يكون تحتها خدوش
وانت بتستلم بتشيك على الاتى (شنكة الاسعافات .المثلث,الجنط,و العده,مانيوال العربيه,و تراجع المواصفات كويس.)
و بعد الاستلام تروح ترفعها فى التوكيل او فى مركز خدمه و فلى العربيه كويس اوى اوى بره و جوه .هل فى عيوب تقفيل و الا لا زى الفرش مثلا او حاجه ناقصه كده و الا كده او صدى تحت العربيه او كوتش مقطوع او اى خرابيش
لو لقيت حاجه .اى حاجه غلط فى اى شىء فى العربيه ,روح حماية حقوق المستهلك بس فى خلال 14 يوم من الشراء لان المعرض بيمضيك ان انت استلمت العربيه تمام التمام
حقوق المستهلك هتجبلك حقك منهم غصب عنهم بس فى خلال اول 14 يوم من تاريخ فاتورة الشراء و تروح معاك الفاتوره
و كمان تاخد رقم الشاسيه لما تحجز و قبل ما تدفع الفلوس و الاستلام تشيك عليها فى موقع بيقولك اصل العربيه اه و فصلها و انهى دوله هى متصدرلها و انهى فئه و يا ريت الاعضاء يكتبوا الموقع ده عشان نفيد الراجل ده .
بلاش التقسيط متستعجلش التقسيط بيجيب الخراب للبيت و الله و بيزنقك و كمان فى مصاري كتير للعربيه فى اول شهرين و سيب فلوس احتياطى للازمات لا قدر الله عشان تعيش مستريح .
و خلى بالك تروح تامن قبل ما ترخص مهم اوى ده ,عشان لو رخصت قبل ما تامن هيغتبروها مستعمله . التامين هياخد منك من حوالى 6000 الى 7000 و الضمان للخليجى 1500 فى السنتين ضد عيوب الصناعه و شيل مبلغ كده عللى جنب لزوم (غطاء نضيف للعربيه.دواسات مجوفه تلم التراب .شوية منظفات و معطرات من التوفيقيه,ايجار الجراش اللى هتركن فيه ,تمن الشماسات اللى هتركبها (مش ممنوعه فى المرور),و تحط بنزين 92 او اعلى ........,
حاول و انت بترخص تعمل العربيه لونين فى الرخصه عشان تعمل السقف اسود كانه بانوراما شكله جامد موت
انا بنصحك كاخ من خلال تجربتى مع القسط و انا مش قصدى اعقدك بس انا قصدى انورك عشان متدعيش عليا.
و ربنا يباركلك فيها و تستخدمها فى الخير و خلى بالك من الحسد و العين و ربنا يحفظهالك.
و السلام ختام

[tamernor]

و كمان تاخد رقم الشاسيه لما تحجز و قبل ما تدفع الفلوس و الاستلام تشيك عليها فى موقع بيقولك اصل العربيه اه و فصلها و انهى دوله هى متصدرلها و انهى فئه و يا ريت الاعضاء يكتبوا الموقع ده عشان نفيد الراجل ده .
http://www.kia-hotline.com
دا الموقع وربنا يوفقك
وإن كنت ضد التقسيط لان الفوايد جامدة جدا خاصة لو المقدم صغير

[moha4tec]

و كمان تاخد رقم الشاسيه لما تحجز و قبل ما تدفع الفلوس و الاستلام تشيك عليها فى موقع بيقولك اصل العربيه اه و فصلها و انهى دوله هى متصدرلها و انهى فئه و يا ريت الاعضاء يكتبوا الموقع ده عشان نفيد الراجل ده .
http://www.kia-hotline.com
دا الموقع وربنا يوفقك
وإن كنت ضد التقسيط لان الفوايد جامدة جدا خاصة لو المقدم صغير

انت تمام التمام

[tamernor]

انت تمام التمام

لو بندور على التمام هيكون انت يا باشا بنصايحك ودا مش غريب ع المنتدى المحترم

[moha4tec]

لو بندور على التمام هيكون انت يا باشا بنصايحك ودا مش غريب ع المنتدى المحترم

يا باشا احنا بنكمل بعض عشان نعرف نتعامل مع الحياه
ايد لوحدها متسقفش
شكرا لردك الجميل و يا ريت اكون افدت صاحب الموضوع
و السلام ختام

[Hos2011]

السلام عليكم
والله انا ما عارف اقولكم ايه معلومات قيمة و نصائح من القلب فعلا
عاوز اشكر كل من رد على الموضوع
و باخص الاستاذ moha4tec
على العموم انا هدفع حوالى 85 الف مقدم فا الفايدة قليله

و ربنا يسهل ادنى مستنى مندوب الاستعلام و اللى فيه الخير ربنا هيقدمه

بس معقوله محدش يعرف اى معلومات عن شركة كونتكت ؟
اللى انا اعرفه انها اكبر شركة بتقسط فى مصر

[eng/muhamad]

اولا لازم تاخد بالك من كل اللى الاعضاء قالوه
بس انا عاوز اقولك حاجه تانيه
لو انت اختارت كونتاكت بالتحديد عشان تقسيط اسلامى يبقى بلاش عشان التقسيط بتاعهم مش اسلامى و الفايده كبيره اوى
التقسيط بتاعهم بيشترط عمل توكيل بالعربيه لصالح الشركه و ده مخالف لشروط التقسيط الاسلامى و هما بيستغلو كلمه تقسيط اسلامى و بيرفعوا الفايده اوى تقريا 11.5%

[2faster]

ممكن عنوان المعرض

[tamernor]

السلام عليكم
والله انا ما عارف اقولكم ايه معلومات قيمة و نصائح من القلب فعلا
عاوز اشكر كل من رد على الموضوع
و باخص الاستاذ moha4tec
على العموم انا هدفع حوالى 85 الف مقدم فا الفايدة قليله

و ربنا يسهل ادنى مستنى مندوب الاستعلام و اللى فيه الخير ربنا هيقدمه

بس معقوله محدش يعرف اى معلومات عن شركة كونتكت ؟
اللى انا اعرفه انها اكبر شركة بتقسط فى مصر

يا باشا العبرة مش بالشهرة يعنى عندك مثلا المصرية للسيارات من اكبر الشركات بس سمعتها ف الارض وعن تجارب ناس
العبرة بالمكان ان يكون حد جربه واتعامل معاه وما لاقاش مشاكل ف الاستلام ولا الاقساط ....الخ
عايز اقولك قبل ما تتعامل اسال عن حد اشترى بالتقسيط من الشركة دى عشان تطمن
وربنا يوفقك
ContactCars
دا موقع الشركة وفيه تفاصيل كتيرة جدا عن انظمة التقسيط والفوايد

[Mshawky]

اولا بالنسبه للقتسيط هو عادى تدفع فايده يعنى الناس بتبص لنفسها بس انك بتدفع العربيه مره ونص طب مانت فى نفس الوقت لو مدفعتش العربيه بالصوره ديه عمرك ماهتركبها ولا حتى بعد 3 او 4 سنين فعادى جدا تدفع فايده لانك بتموت الفلوس على مدار 60 شهر ده اول حاجه
تانى حاجه موضوع ابعد عن القسط ده عايز اقولك 80 فى الميه من اللى راكبين دلوقتى مقسطين حتى لو معاه فلوسها يقولك انا اولى بيها بدل مارميها فى عربيه فى الشارع اعمل بيهم مشروع او اشغلهم واجبها قسط كانها جمعيه مثلا كل شهر وبيريح دماغه فسيبك من اللى بيقولك ابعد عن القسط والكلام ده

اما بالنسبه للمعرض عايز اقول انت روحت للاسوا مكان وهو كنتاكت كار ده وزى الزفت كمان ولا اسلامى ولا نيله وفعلا فاديته عاليه اخر حاجه بتوصل ل 12 فى الميه وبعدين هما بوشين ازاى اتعامل بالحرام والحلال فى وقت واحد ده غير ان لازم القسط يكون 3 اضعاف مرتبك لكن ناس كتير بتشكر فىا لتامين بتاعهم بس

اما بالنسبه لمكان كويس تاقسط منه اسلامى عندك من اول :
بنك ناصر
بنك المصرى السعودى
بنك المصرف المتحد
بنك ابو ظبى الاسلامى

والقسط بيتدى من 6 فى الميه لحد 9 فى الميه واسلامى اسلامى مش تاليف

وربنا معاك واى استفسار انا تحت امرك

[moha4tec]

السلام عليكم
والله انا ما عارف اقولكم ايه معلومات قيمة و نصائح من القلب فعلا
عاوز اشكر كل من رد على الموضوع
و باخص الاستاذ moha4tec
على العموم انا هدفع حوالى 85 الف مقدم فا الفايدة قليله

و ربنا يسهل ادنى مستنى مندوب الاستعلام و اللى فيه الخير ربنا هيقدمه

بس معقوله محدش يعرف اى معلومات عن شركة كونتكت ؟
اللى انا اعرفه انها اكبر شركة بتقسط فى مصر

اشكرك كثيرا و نصيحتى تشتريها كاش (تستنى شويه يعنى) عشان الاسباب الاتيه
1-حلال ميه فى الميه اى نوع قسط حرام (انا بعد لما اشتريت سالت واحد شيخ بالصدفه عن القرض :قالى لو فيه فايده يبقى حرام.قلتلو اه العمل .قالى :روح للى قالك تشترى بفائد و قسط و خليه يحللك مشكلتك ,لانه مش هينفعك .
2- هتتزنق فى حاجات و مصريف كتير صدقنى لو انت حاطط كل اللى حلتك فيها و ده اكبر غلط .
3- فى تجار بيبيعوا قسط مباشر و انت بتتفق معاهم من الاول ان سعر الغربيه كذا و تديله القسط كل شهر .طبعا كذا دى = تمن العربيه +مكسب البائع .فى الحاله دى مش حرام لان لو فى وزر مش هيبقى عليك هيبقى على البائع.دور و اسال و ربنا يوفقك
4- معاك 85 استنى شويه و كمل باقى الفلوس و بالمره تشترى موديل 2011 لانه بينزل فى شهر 9
5-او استنى معرض اوتوماك و اتفرج عليه بيقولوا هيعملوا مفاجاه كبيره فيه ده كلام وكيل كيا من موقع كونتكت كار الرسمى
6- عن تجربه القسط بيتربط باى مشكله بتحصلك ,و بتبقى حاسس بتانيب ضمير و خايف اوى من عقاب ربنا لان ربنا قال :بسم الله الرحمن الرحيم . يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ (278) فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ (279) وَإِنْ كَانَ ذُو عُسْرَةٍ فَنَظِرَةٌ إِلَى مَيْسَرَةٍ وَأَنْ تَصَدَّقُوا خَيْرٌ لَكُمْ إِنْ كُنْتُمْ تَعْلَمُونَ (280) وَاتَّقُوا يَوْمًا تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لَا يُظْلَمُونَ (281) يَا أَيُّهَا الَّذِينَ آَمَنُوا إِذَا تَدَايَنْتُمْ بِدَيْنٍ إِلَى أَجَلٍ مُسَمًّى فَاكْتُبُوهُ وَلْيَكْتُبْ بَيْنَكُمْ كَاتِبٌ بِالْعَدْلِ وَلَا يَأْبَ كَاتِبٌ أَنْ يَكْتُبَ كَمَا عَلَّمَهُ اللَّهُ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا فَإِنْ كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لَا يَسْتَطِيعُ أَنْ يُمِلَّ هُوَ فَلْيُمْلِلْ وَلِيُّهُ بِالْعَدْلِ وَاسْتَشْهِدُوا شَهِيدَيْنِ مِنْ رِجَالِكُمْ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنَ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَى وَلَا يَأْبَ الشُّهَدَاءُ إِذَا مَا دُعُوا وَلَا تَسْأَمُوا أَنْ تَكْتُبُوهُ صَغِيرًا أَوْ كَبِيرًا إِلَى أَجَلِهِ ذَلِكُمْ أَقْسَطُ عِنْدَ اللَّهِ وَأَقْوَمُ لِلشَّهَادَةِ وَأَدْنَى أَلَّا تَرْتَابُوا إِلَّا أَنْ تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلَّا تَكْتُبُوهَا وَأَشْهِدُوا إِذَا تَبَايَعْتُمْ وَلَا يُضَارَّ كَاتِبٌ وَلَا شَهِيدٌ وَإِنْ تَفْعَلُوا فَإِنَّهُ فُسُوقٌ بِكُمْ وَاتَّقُوا اللَّهَ وَيُعَلِّمُكُمُ اللَّهُ وَاللَّهُ بِكُلِّ شَيْءٍ عَلِيمٌ (282) صدق الله العظيم .سورة البقره

هل انت تقدر على الحرب اللى الايه الكريمه مشير اليها ؟؟؟؟؟؟؟



و ربنا يكرمك و يحفظك انت و العربيه و تستخدمها فى الخير