ناوى اشترى سيراتو كوبية من شركة كونتكت .. ايه رايكم

[moha4tec]

اولا لازم تاخد بالك من كل اللى الاعضاء قالوه
بس انا عاوز اقولك حاجه تانيه
لو انت اختارت كونتاكت بالتحديد عشان تقسيط اسلامى يبقى بلاش عشان التقسيط بتاعهم مش اسلامى و الفايده كبيره اوى
التقسيط بتاعهم بيشترط عمل توكيل بالعربيه لصالح الشركه و ده مخالف لشروط التقسيط الاسلامى و هما بيستغلو كلمه تقسيط اسلامى و بيرفعوا الفايده اوى تقريا 11.5%

+11111111111111111111
الكلام ده مظبوط 100 100

[moha4tec]

اولا بالنسبه للقتسيط هو عادى تدفع فايده يعنى الناس بتبص لنفسها بس انك بتدفع العربيه مره ونص طب مانت فى نفس الوقت لو مدفعتش العربيه بالصوره ديه عمرك ماهتركبها ولا حتى بعد 3 او 4 سنين فعادى جدا تدفع فايده لانك بتموت الفلوس على مدار 60 شهر ده اول حاجه
تانى حاجه موضوع ابعد عن القسط ده عايز اقولك 80 فى الميه من اللى راكبين دلوقتى مقسطين حتى لو معاه فلوسها يقولك انا اولى بيها بدل مارميها فى عربيه فى الشارع اعمل بيهم مشروع او اشغلهم واجبها قسط كانها جمعيه مثلا كل شهر وبيريح دماغه فسيبك من اللى بيقولك ابعد عن القسط والكلام ده

اما بالنسبه للمعرض عايز اقول انت روحت للاسوا مكان وهو كنتاكت كار ده وزى الزفت كمان ولا اسلامى ولا نيله وفعلا فاديته عاليه اخر حاجه بتوصل ل 12 فى الميه وبعدين هما بوشين ازاى اتعامل بالحرام والحلال فى وقت واحد ده غير ان لازم القسط يكون 3 اضعاف مرتبك لكن ناس كتير بتشكر فىا لتامين بتاعهم بس

اما بالنسبه لمكان كويس تاقسط منه اسلامى عندك من اول :
بنك ناصر
بنك المصرى السعودى
بنك المصرف المتحد
بنك ابو ظبى الاسلامى

والقسط بيتدى من 6 فى الميه لحد 9 فى الميه واسلامى اسلامى مش تاليف

وربنا معاك واى استفسار انا تحت امرك

كلام الراجل ده صح بس بالنسبه للناس اللى مشغله فلوسها فى السوق و مش معاها سيوله(رجال الاعمال)
ومعلوماته صح بالنسبه للبنوك و فى كمان البنك الاهلى المصرى 7.5% بس للشرطه و الجيش و موظفين الحكومه و البترول و مصر للطيران و بنك ناصر اظن نفس الكلام بس فايدته 6% لازم ضامن .الاهلى بضمان المرتب .

[M.Hosni]

يا جماعة الخير في حاجة مهمة جدا في موضوع نسبة الفائدة بتاعت البنوك
هو فعلا البنوك بتكون من 6 او 7 % لغاية 9% بس كمان نمتنسوش حاجة مهمة و هي التأمين اللي بيكون في حدود 3-4 %
يعني في الآخر برضه هتدفع 11% على الأقل
كونتاكت بيدوا فايدة 10.5% على التقسيط الإسلامي بس مفيش تأمين - يعني نفس النسبة و يمكن أقل شوية