نصيحه لكل اخواتي الي هيجيبو عربيه زيرو او جابو ولسه مارخصوش

[simon659]

جيبت من ايمه 4 ايام كيا سيراتو بيضا زيرو بورقها حاططها في جاراش ملك فرحان بيها كل يوم افتح الجراش اتفرج علي العربيه واحاول اصدق اني جبت العربيه دي
النهردا روحت للمرور علشان ارخص العربيه وبوراقها لسه عليها فا ماضيت من الظابط وكلو تمام ورحت للبشمهندس قلتله امضي ليا قلي لازم اشوف العربيه قلته دي زيرو قلي لازم اشوفها قلتله الي تشوفه سعتك خدني ورحنا للعربيه واول ما وصت قلي هات ازن فحص قلتله لحظه وارجع الاقي المحطرم ماسك العربيه بيهنها وكميه الغل الي جواه وهوا بيشيل اللزق زي ما تقولو يا جماعه مستخسر اني اركب عربيه مش عارف واقله دي طريقه وفتحنا قصه وخناقه ومشكله في المرور وقلي علشان قلت ادبك انا مش هرخصها طبعا الناس هدت الدنيا وقلتله برضو انت مش من حأك تعمل حاجه الا قدام صاحبها ويادوبك شال الشنطه والكبوت وكان لسه هيخش علي السقف حد يفهمني ليه كميه غل مع اني عمالي يتنصب علي في ورق وكلام مش عارف بتاع ايه دخل في حوالي 1100 شغل اتاوه وفرده وتأمين اجباري ولو العربيه اتفرتكت وانا جواها مش هناخد الا الله يرحمه بس علشان قوانين المنتدي انا مش بتكلم في السياسه ولا حاجه صدقوني بس بجد دمي محروق وهموت احنا راضيين بكل حاجه بس مش تيجو علينا المهم الي عاوزه من اخواتي
اي حد يرخص يأمه ياخد واصطه معاه يأمه ياخد معاه 3 شباب صحه تمام يبقو جمب العربيه يأمه لو العربيه بتترخص ب1100 تقريبا خدو معاكو 1400 علشان تهدو الغل شويه وانا اسف بجد وربنا يهدي وربنا مع الجميل ومبروك لكل الناس الي اشترت ولا لسه هتشتري وبجد الضرب في الميت حرام

[ali.mahmoud]

متعرفش تقول عليه ايه والله هو غل وحقد

[ramy01011]

هو موش المفروض انك لما تجيب عربية زيرو تستلمها من المعرض خالصة مخلصة يعني عليها النمر و كل حاجة
معلش اصل ده النظام هنا في الامارات يعني بروح التوكيل اخد العربية و امشي دي زيرو

[Cutevampire]

هو انا بس مستغرب ان الظابط يشوف العربية ؟؟؟؟
انا رخصت كذا عربية الموظف اللي بيخلص الورق كله(بعد ما تصبح عليه و تشربه شاي ) .. و الظابط ملوش علاقة
المهم ... معلش متزعلش نفسك و افرح بعربيتك ..
بس سلوك الظباط ده مش حاجة جديدة .. احنا بنعاني منه في كل حته بتتعامل فيها مع الشرطة .

[max_ziro]

نفس الموضوع اتعمل معايا فى عربية الحاجة و اتخانقت مع الظابط و بردو رخصتها
بورقها
و بعدها بفترة
لقيت رئيس المرور طالب العربية للفحص هههههههههههههههه
و بردو شلت الورق من على العربية و انا بغلى من جوايا بس هنعمل اية
الله يسامحهم ...

[Cutevampire]

هو موش المفروض انك لما تجيب عربية زيرو تستلمها من المعرض خالصة مخلصة يعني عليها النمر و كل حاجة
معلش اصل ده النظام هنا في الامارات يعني بروح التوكيل اخد العربية و امشي دي زيرو

هو يعني معقول النظام في مصر هيبقي زي النظام في اي حته في الدنيا ؟؟؟

لنا الله يا مصريين

[M.ABDEEN]

معليش يا باشا دي شوية عقد .......
ويمكن كان عايز حلاوة العربية ......الشاي يعني !!!!

[moataz-shaheen]

انا المهندس خلاني اشيل الورق بايدي والا مش هارخصلك

[hobaz]

ارحمنا يارب من الناس اللي مليها الحقد ده.........

[el931]

حصل نفس الكلام معى فى لانسر 2010 والمهندس قلى شيل اللزق ولكن الراجل قلها بزوق وكان جنبة الضبابط فقلة " سيبها دة لزق الفابريكة " وفعلا ً اخدت فترة ولما بدأ يترب شلتة واكتشفت انى غلطان انى استعجلت وشلتة

[bassemforever]

احب اقولكم حاجة انا اول مجبت العربية وقبل مارخصها شلت الورق والاكياس الى جوا الى على الكراسي طبعا فى ناس بتعتبرها جريمة :) دة الطبيعي والصح انك تشيلها لان دول معملوين علشان العربية متتشحن متتجرحش او تتبهدل ولما حد يشوفها فى المعرض ولو خليتهم مع الشمس والحرارة هتخلى اللزق الى فى الورق دة يسبت اكتر ويبقى شيله صعب بعد كدة وبعدين اية كيف الناس فى الاكياس الى على الكراسي الى تخلى الواحد يتزحلق ويتحر وبالمناسبة انا بكرة برضو الى يعمل على الريموت او الموبيل جراب وكيس بلاستك استعملوا الحاجة كما هيا الا لو فى ظروف خاصة زى اطفال مثلا ممكن تركب كسوة لحد ميكبروا شوية وبرضو لو مش محتاجها متركبهاش اسمتع بالفرش بتاع العربية الى انت دافع تمنه وميتبهدل ابقى اشترى كسوة :) وطبعا دى وجهات نظر

[yasserelsayad]

احب اقولكم حاجة انا اول مجبت العربية وقبل مارخصها شلت الورق والاكياس الى جوا الى على الكراسي طبعا فى ناس بتعتبرها جريمة :) دة الطبيعي والصح انك تشيلها لان دول معملوين علشان العربية متتشحن متتجرحش او تتبهدل ولما حد يشوفها فى المعرض ولو خليتهم مع الشمس والحرارة هتخلى اللزق الى فى الورق دة يسبت اكتر ويبقى شيله صعب بعد كدة وبعدين اية كيف الناس فى الاكياس الى على الكراسي الى تخلى الواحد يتزحلق ويتحر وبالمناسبة انا بكرة برضو الى يعمل على الريموت او الموبيل جراب وكيس بلاستك استعملوا الحاجة كما هيا الا لو فى ظروف خاصة زى اطفال مثلا ممكن تركب كسوة لحد ميكبروا شوية وبرضو لو مش محتاجها متركبهاش اسمتع بالفرش بتاع العربية الى انت دافع تمنه وميتبهدل ابقى اشترى كسوة :) وطبعا دى وجهات نظر

انا فى التوكيل خليتهم يشيلوا كل حاجة بتبقى ملزوقة برا على العربية والبلاستيك اللى جوا على الفرش والحاجات اللى كانت ملزوقة على الكاسيت والعدادات .. اصلا لما قلت ليهم كدا كانوا مستغربين جدا :) وتقريبا انا الوحيد اللى مشيت والعربية مش عليها بلاستيك خالص من الناس اللى كانت بتستلم معايا .. دا فى ناس سابت البلاستيك اللى كان على الجنط

[Ahmed Samy]

هو حضرتك زعلان ليه ؟؟؟

المفروض ان الورق يتشال عند الترخيص

ده عادي

وهو يتشال ما بيضرش العربية سواء جامد ولا بشويش

مش غل ولا حاجة بس العربية مفروض تترخص بلونها الأصلي و الورق وظيفته حمايتها لحد ما توصل لحضرتك

هما صحيح ولاد ستين في سبعين بس دي عادي

انت عايز الورق تمشي بيه ليه ؟؟

[mostafa_alaa16]

حصل معايا نفس الشىء فى اسكندريه - واحد ضابط هناك راسه وألف سيف يقطع كل الورق مع انى كنت رخصت خلاص وطالع ..... منه لله !!!!!

[simon659]

يا استاز احمد سامي انا مش زعلان اني شلت الورق انا زعلان علي الطريقه الي كان بيشيل بيها هو كان قلي شيل اللزق كنت هؤله عنيا الاصول ان ده لزق ويتشال بشويش وشويه مراعيه انما عارف ده كان بيشد طرف من اللزق ويروح جاي واخده مره واحده وكمان يستأزن علي الاقل في زوق دي ناس معندهاش امانه فعلن وبأمانه بخاف ادي اي حد حاجه يعملي فيها الخضرا الشريفه ويعملولي اماثل في المرور والله لو كان طلب 100 كنت هديهاله واعميه ولا كانش عمل كده
بس اؤل حاجه الظابط قلي روح اعمل البصمه فا في اتنين بتوع باصمه لاقيت الاتنين سابو الي معاهم وجريو يعملو العربيه فا بعد طول نقاش واحد مش لما رفع بصمه الماتور والشاسيه فا ده طول عمري بديل بصراحهه 2 جنيه هما اسمهم شاي النهردا اديته 10 جنيه فا بيؤلي ايه انا طول الوقت اقلك ياباشا ياباشا وتديني عشره جنيه انا مش هسيبك الا بخمسين جنيهمصدق انا بس عاوز اعرف ليه لما حد بيبقي معاه عربيه جميله او حاجه جميله بتستكترها عليه هو الادب والاصول عند الناس راحو فين يالله لينا رب اسمه كريم احسن من ده كله ده هو المهون وشكرا بس يا جماعه انتو اخواتي وبجد ارتحت لما اتكلمت معاكي بس خدو بالكو لما تجددو ومرسي ليكو