نصيحه لكل اخواتي الي هيجيبو عربيه زيرو او جابو ولسه مارخصوش

[aborawan]

معلشي انت كان لازم تعذره
تلاقيه راكب عربيه ماركة الي يحب النبي يزق وكل يوم يفحص عربيات ميحلمشي انه يتصور جنبها فلازم يكون حقود
والحمد لله انك خلصت على خير
ومبروك العربيه

[samcar]

انا مستغرب الكلام- العربيه دى لو بره- لايمكن حيرخصوا لك وهى بورقها -
بصراحه حكايه الورق دى غريبه- شوف اللى ممكن يحصل لو حد عمل حادثه وجرى- الشهود حيدوا اوصاف عربيه شكلها كذا- اللى عمل الحادثه يشيل الورق - طبعا الكلام ده لو النمر ما اتلقطتش

معاك ان المرور فى مصر مهزله- بس ده ما يخليناش نوافق على الحاجه الغلط- المؤسف انه الحاقد ده لو كانت العربيه تبع حد مهم او واسطه - كان ممكن ينضف له كاوتش العربيه بلسانه - يعنى انا ضد ترك الورق بس كمان ضد التفرقه فى المعامله

[mohamedway]

أنا أول ما استلمت عربيتى و وصلت بيها تحت البيت شيلت الورق اللى عليها كله و كان بالليل و أول لما النهار طلع نزلت و شيلت الأكياس اللى على الكراسى كلها و رخصت بعدها بإسبوع عشان مكانش فيه نمر ساعتها!!!!!

من رأييى ترك الورق على العربيه إحداث و عقد نفسيه

[shod90]

أنا أول ما استلمت عربيتى و وصلت بيها تحت البيت شيلت الورق اللى عليها كله و كان بالليل و أول لما النهار طلع نزلت و شيلت الأكياس اللى على الكراسى كلها و رخصت بعدها بإسبوع عشان مكانش فيه نمر ساعتها!!!!!

من رأييى ترك الورق على العربيه إحداث و عقد نفسيه

لا هو مش احداس بس فى ناس بتحب تفضل العربية جديدة ... انا من رأيي يتشال عشان ميلمش تراب و اما يجى يتشال ممكن يعلم

[MOSTAFABASAL]

واحد صاحب ابويا قاللي قبل ما تروح المرور شيل اللزق من عالعربيه لان الراجل هيرخم عليك ما سنعتش كلامه و روحت المرور و اول ما عينه لقطت الورق الابيض كانه شاف عفرييييييييييييت و قعد يتنطط زي الكوره الجلد و فص ملح وداب وبعد ما كنت اول واحد في طابور الفحص بقيت ال 17
يالله يوم الله لا يعيده تاني
بس برضوا حسبي الله و نعم الوكيل فيه

[hany_mohamed]

ياباشا أهدا كده انت لسه ياما هتشوف من الاصناف الحاقده
تعامل ببرود اعصاب مع الاشكال دى وربنا يبعدهم عنك
و ألف مبروك عليك العربية ومتخليش الموضوع ده يفسد عليك فرحتها

[morasystem]

بص يا باشا ... انا و انا برخص السيراتو كنا 3 ... انا و بابا و السواق بتاع المعرض اللى جايب ورق العربية و كنا فى مرور فيصل (الجيزة) أوسخ مرور فى جمهورية مصر العربية.... كل واحد فينا راح فى حتة ... واحد جاب اورنيك الفحص و التانى جاب الطفاية و انا وقفت قدام العربية .... لازم لازم لازم تخلى عينك على عربيتك و الأهم من كدة إنك تمهمز الواد الميكانيكى بقرشين علشان ينجز .... و على الرغم من ذلك هو شال اللزق اللى على العربية علشان يتأكد إن العربية لون واحد مش لونين لأن دى مسئولية عليه ... بعد كدة لما تخش على الظابط أوعى تغلط و تديله فلوس لأن الأشكال دى انت متعرفش هم عاملين ازاى ... هم ليهم سككهم اللى بياخدوا بيها ... و اوعى تبخ فى ظابط لأنه انت مش متوقع هو ممكن يعمل ايه ... مهما كانت الدنيا حر و تراب و زحمة و قرف ... أقف قدامه لحد ما يخلصلك ورقك و يختملك الطفاية و يخلصك .... بعد كدة نيجى للموظف الغلبان المقهور اللى على الشباك .... و ده سكته سهلة جدا ... حط 20 جنيه جوة الدوسيه بتاع العربية و هو يخلصك ... حتى لو بعتك تدفع تأمين للعربية أو دمغات أو حاجة و ترجعله تانى ... ميوقفكش فى الطابور لأ يشاورلك من بعيد و يخلصك أوام أوام ... هى بلدنا للأسف ماشية كدة و احنا السبب لأننا مش منظمين ... و الفايز فى الأخر هو اللى يخلص ترخيص العربية فى يوم واحد و يخرج بالرخصة

ملحوظة أخيرة ... لو هترخص العربية و انت عندك عربية تانية بإسمك ... قول للموظف بتاع الشباك كدة ... علشان يخليك تدفع ضريبة الرفاهية اللى هى 120 جنيه بالمرة لأن الزحمة على الخزنة بتكون أصعب حاجة فى أى مرور

[SSGG]

نفس الموضوع حصل معاية اشتريت كيا كارينز وأنا برخصها المش مهندس راج جاي وشال كل اللزق اللي عليها بقوله ليه كدة يا عم الحج قالي مش العروسة دخلت يبقى تقلع الفستان خلاص

[shod90]

نفس الموضوع حصل معاية اشتريت كيا كارينز وأنا برخصها المش مهندس راج جاي وشال كل اللزق اللي عليها بقوله ليه كدة يا عم الحج قالي مش العروسة دخلت يبقى تقلع الفستان خلاص

ههههههههههههههههههههه ... دا مستفز جداً

[أحمد كمال]

نفس الموضوع حصل معاية اشتريت كيا كارينز وأنا برخصها المش مهندس راج جاي وشال كل اللزق اللي عليها بقوله ليه كدة يا عم الحج قالي مش العروسة دخلت يبقى تقلع الفستان خلاص

و الله انا لو مكانك كنت قلت له عقبال ما يقلعوك عشان تدخل قبرك !!!!!!

[ehab_osman]

مبروك الترخيص ؟؟؟؟؟؟؟؟؟؟

انا خدت ساعتين في مرور فيصل ولا حد شاف العربية خالص ؟؟؟؟؟؟؟؟؟؟؟؟؟؟؟؟ وكله تمام وانا رخصت سنة واحدة حوالي 850 جم واكل اتراضي والكل فلة ؟؟؟؟؟؟؟؟؟؟؟؟ وما كنش فيه ايه مشكلة عندي ..........

ربنا يسهل طريقك ويهون عليك ............ وطالما انت في بلدك طول بالك شوية ............. ومبروك الترخيص

[khaled_rafea]

يا باشا 20 جنيه للمهندس و كان بصملك على الفحص حتى لو مفيش عربية

[abohagar2001]

انا اول مابشترى العربية بشيل اللزق على طول
لانك طول مانت ماشى الناس زى ماتكون انت اول واحد يجيب زيرو
ربنا يستر طريقنا جميعا

[Mostafa.Ismail]

انا جددت ترخيص العربية وكان فى فحص من غير محد يشوف العربية ....
هو: هيا فين؟
انا: راكنة بعيد.
هو: اشوفها
انا: حطيت عشرة جنية تحت الورق ....
هو: هيا اوبل بيضا ؟؟ بالامانة.
انا: هو انا هغشك لاسمح الله
هو: تك ... تك ... خبط الورق الختم :)

[أحمد كمال]

انا جددت ترخيص العربية وكان فى فحص من غير محد يشوف العربية ....
هو: هيا فين؟
انا: راكنة بعيد.
هو: اشوفها
انا: حطيت عشرة جنية تحت الورق ....
هو: هيا اوبل بيضا ؟؟ بالامانة.
انا: هو انا هغشك لاسمح الله
هو: تك ... تك ... خبط الورق الختم :)

و كده حققنا المعادلة الصعبة وصولا الى الثقة المتبادلة بين المواطن و الحكومة .... هايل و الله