اقصى سرعه ممكنه

[explorist]

يا ريت حضرتك تقولنا نوع العربية ايه اللي جابت 300 !!!!!!
وبعدين السرعات ديه الواحد بيجيبها لحظات وخلاص لان ربنا هو الستار وهي مرة ومتكرريتش العمر مش بعزقة

شكر على رد لكن انا بهزر وبستغرب من الناس اللى بتجيب سرعة تتعدى 200 كم /س ( مفيش قى بلدنا طريق تجيب بيه السرعات العالية وتكون امن على نفسك ) انا عربيتى لانسر شارك والمحور بقففيه اكتر من ساعة قى الجزء عند ميدان لبنان

وتقبل تحياتى

[night_phoenix]

اولا و قبل كل شئ انا اسف لو الكلام ده هيزعل حد بس بصراحه برضه لو حد زعل يتفلق بغض النظر عن الموضوع السخيف اللى بقيت بشوفه كتير فى اى قسم هنا مش شرط قسم معين" ايه اقصى سرعه جبتها بالبطه البلدى اللى انت سايقها !!!" سخافه الموضوع انه على الاقل 90% سايقين عربيات اقل من 2000 cc يعنى من الاخر راكبين جمل مقارنه بالعربيات الحقيقيه اللى مليه الدنيا يعنى عمرى فى حياتى ما شفت زى الهبل بتاع انا جبت بالسيراتو 350 على طريق المريخ و لا جبت بالفيرنا 450 على طريق الدلنجات ايه الهطل ده يعنى انت كده بقيت رهيب عصرك ولا الحمدلله السفه بقى منتشر لدرجه العادى يا جماعه اللى بيحب يجرى ينزل يجرى على رجليه على الاقل اخره يوم ما يقع اخره يتعور و شكرا انما 210 ايه بالبصمه !!!! و فئات ايه و مواتير ايه ده احنا شعب مش لاقى ياكل و فرحان بالعضم اللى بيترمى له.. لما كل سنه فوق ال 60000 ايوه 60000 وفيات و اصابات علشان حوادث الطرق ناس فرحانه بالسرعات دى ..ابسط كلمه و برضه اللى يزعل يتفلق علشان الموضوع زاد اوى و الشوارع مش ملك جنابك انت و هو حتى و انت ماشى على طريق صحراوى و فاضى فى ناس ماشيه معاك و عذرك الوحيد انك تجرى لو معاك حد بيموت و برضه ساعتها مش هتجيب 200 و 300 و ارقام الطيارات اللى بتتكتب دى مش كيا و فيرنا
هى بس نصيحه اخيره اللى عايز ينتحر يجيب لتر بنزين و يولع فى نفسه بدل ما يولع فى غيره و ربنا يشفى كل مريض

يسلم فمك
انا مقدر انفعالك لان انا ضد موضوع السرعه ده و بحسه مش مهم نتكلم عنه لان ممكن البعض تاخده الجلاله و يتحمس و يحصل ما لا يحمد عقباه
بس بالحق انت مش حاسس انك كنت حاد حبتين و خرج منك من غير قصد كام كلمه مش ولا بد؟
راجع كده؟
وشكرا ليك

[night_phoenix]

وعلى فكره يا جماعة كان فى موضوع لما قريته هنا على المنتدى اثر فيا جدا ولاهى يا ريت اللى مقارهوش يقراه
ده اللينك http://www.nilemotors.net/nile/10122-160.html

مفيش كلام اقدر ارد بيه
ربنا يسلم الجميع و الله يسترها علينا

بس البني ادم هيفضل نساي ولا عمرة هيتعظ لالاسف

[moha4tec]

العربية زاستاقا موديل 60 فول اوبشن وهاى لوكس كمان
ربنا يشفى العقول يعنى مصدق اللى جاب 2000 و215 فى شوارع بلدنا المحترمة ومش مصدق انى اجيب 300 بزبستافتى يا راجل دا المحور اقسى سرعة فيه عند ميدان لبنان 10 ك/س

السلام عليكم.

واضح انك فهمتنى غلط
انا ضد السرعه و الموضوع ده عن تجربه شخصيه جكتها بالتفصيل .
اه موضوع 2000و 215 الراجل قال انه جاب سرعه 215 فقط و ليس 2000 اكيد قصدك 200 و 215 فى عربيات ممكن تجيب هذه السرعه فعلا و لكن طرقنا لا تسع هذه السرعه داخل المحافظات ,و لكن ايضا ممكن يوصلها فى اى طريق نظيف مفتوح طوالى ( بس العمر مش بعزقه ,و الموضوع مش مهم و مش مستاهل ابدا ,وحياتك وحياة الناس اللى حواليك فى الطريق مفيش جدال على اهميتها )
عن تجربه احسن سرعه ممكن تمشى عليها فى الطريق المفتوح (السفر الطوالى زى مصر اسكندريه الصحراوى مثلا و غيره العين السخنه )من 80 الى 90 الى 100 تمام التمام و بتوفر توفير ملحوظ فى البنزين و الله عن تجربه التنك كان مبيكملش 420 كم فى التفويله و الان بيعدى ال 600 كم مستريح فى التفويله (عشان الان بسوق زى الناس الكبيره (وحده وحده "سلانسيه").
و كمان عمال اعمل تجارب انهى سرعه توفر فى البنزين و انهى طريقة سواقه افضل من كل النواحى .
و الحمد لله اول تجربه زاد من 420 الى 420 +150 =570كم فى التفويله و المره التانيه 420+180= 600 تفويله اول تكه فقط .
و اظنه ممكن يعمل اكتر من كده لحد كمان فوق ال 700 كم من غير تكيف و تفويله لحد الزور 52 لتر كاملين بليل مثلا . كل ده طريق سفر طوالى
انا حسنت الاستهلاك لحد لما وصل 7 لتر فى ال 100 كم و بعد كده 6 فى 100 و اخيرا 5.1 لتر فى 100 كم و ده سرعه 80 كم\ساعه (زهقت موت و انا ماشى من البطء و اقل عربيه كانت ماشيه 100 فى طريق السفر ,بس لما وصلت و التجربه بقت افضل و انجح فرحت جدا و كنت مش مصدق من الفرحه ,و الحمد لله قابلنى كمين رادار ووقف ناس تانيه كانت بتجرى من 120 الى 140 فقط تقريبا و عمل الواجب تمام معاهم,و انا الحمد لله موقفنيش لانى كنت ماشى اقل من السرعه المحدده 100كم\س انا كنت 80 فقط و فضلت اقول الحمد لله اصلها مش ناقصه مصاريف على الفاضى)
ربنا يباركلك فى عربيتك و انا مقتنعتش بانك ممكن تعملها لان فى 4 رادارات تقريبا على الطرق ثابتين و كمان فى عربيات شرطه و ايضا الطيرق دائما زحمه و محدش هيخاطر و يجيب عليه فوق ال 110 اصلا ممكن تمشى اخرك من 60 الى 80 فى الحتت الريقه و طبعا فى الزحمه اقل على حسب.

انا مش عارف موضوع ربنا يشفى العقول ده اه مع كل واحد (انا ميغلطش فى حد )و اسف ان انا خدت الموضوع بهزار و هزرت معاك على موضوع فلم عبود انا كنت فكرك بتهزر مش بتتريق .
خلى بالك الاقلام ليها انياب ممكن تجرح بيها من غير قصد و كمان ممكن تجرح نفسك او حد يجرحك, ارجو الحرص و مراعاة ان الكلام على الملاء ,و ان اهانه شخص لن تفيدك او تحسن من موقفك و لن تسىء الى موقف الاخر.
و يا ريت اللى يقرا يقرا الكلام كله و الموضوع كله .
انا كان اعتراضى على العضو الاخر انه قال شوية الفاظ فقط و لكنى اتفق معه فى الرساله التى يحاول توجيهها بمعنى مدى خطورة السرعه,(فى التانى السلامه و فى العجله الندامه).

انا كنت اريد شكل جميل فى توجيه النصيحه زى فى اول الموضوع بصراحه راجل مؤدب و محترم و كلمته اثرت فى و فى غيرى.
انا ايضا مش واخد الكلام عليا ,لانى لست بكاتب الموضوع و لا مشجعه .
انا اوردت تجربه عمليه واقعيه ليست من وحى الخيال ,و معها النصيحه و التحزير من خطر السرعه .
يا جدع انا هطلع من هدومى كل مره اقول حضرتك و استاذ و احيه و اقوله(السلام عليكم ) و هو يشتم و يهجم ,
مش عارف اعمل اه بس.
ارجو ان تتقبل كلامى بصدر رحب.
السلام ختام

[mrsailor]

اقصى سرعة 175 كم .. الوصلة اللى بعد كارفور اسكندرية فى اتجاه القاهرة بس ماصورتهاش
انما دى صورتها على 160 كم .. طريق القاهرة اسكندرية الصحراوى بعد ماستر فى اتجاه اسكندرية




نوع العربية كيا سيفيا موديل 2000 .. هى اللى فى صورة التوقيع

[explorist]

السلام عليكم.

واضح انك فهمتنى غلط
انا ضد السرعه و الموضوع ده عن تجربه شخصيه جكتها بالتفصيل .
اه موضوع 2000و 215 الراجل قال انه جاب سرعه 215 فقط و ليس 2000 اكيد قصدك 200 و 215 فى عربيات ممكن تجيب هذه السرعه فعلا و لكن طرقنا لا تسع هذه السرعه داخل المحافظات ,و لكن ايضا ممكن يوصلها فى اى طريق نظيف مفتوح طوالى ( بس العمر مش بعزقه ,و الموضوع مش مهم و مش مستاهل ابدا ,وحياتك وحياة الناس اللى حواليك فى الطريق مفيش جدال على اهميتها )
عن تجربه احسن سرعه ممكن تمشى عليها فى الطريق المفتوح (السفر الطوالى زى مصر اسكندريه الصحراوى مثلا و غيره العين السخنه )من 80 الى 90 الى 100 تمام التمام و بتوفر توفير ملحوظ فى البنزين و الله عن تجربه التنك كان مبيكملش 420 كم فى التفويله و الان بيعدى ال 600 كم مستريح فى التفويله (عشان الان بسوق زى الناس الكبيره (وحده وحده "سلانسيه").
و كمان عمال اعمل تجارب انهى سرعه توفر فى البنزين و انهى طريقة سواقه افضل من كل النواحى .
و الحمد لله اول تجربه زاد من 420 الى 420 +150 =570كم فى التفويله و المره التانيه 420+180= 600 تفويله اول تكه فقط .
و اظنه ممكن يعمل اكتر من كده لحد كمان فوق ال 700 كم من غير تكيف و تفويله لحد الزور 52 لتر كاملين بليل مثلا . كل ده طريق سفر طوالى
انا حسنت الاستهلاك لحد لما وصل 7 لتر فى ال 100 كم و بعد كده 6 فى 100 و اخيرا 5.1 لتر فى 100 كم و ده سرعه 80 كم\ساعه (زهقت موت و انا ماشى من البطء و اقل عربيه كانت ماشيه 100 فى طريق السفر ,بس لما وصلت و التجربه بقت افضل و انجح فرحت جدا و كنت مش مصدق من الفرحه ,و الحمد لله قابلنى كمين رادار ووقف ناس تانيه كانت بتجرى من 120 الى 140 فقط تقريبا و عمل الواجب تمام معاهم,و انا الحمد لله موقفنيش لانى كنت ماشى اقل من السرعه المحدده 100كم\س انا كنت 80 فقط و فضلت اقول الحمد لله اصلها مش ناقصه مصاريف على الفاضى)
ربنا يباركلك فى عربيتك و انا مقتنعتش بانك ممكن تعملها لان فى 4 رادارات تقريبا على الطرق ثابتين و كمان فى عربيات شرطه و ايضا الطيرق دائما زحمه و محدش هيخاطر و يجيب عليه فوق ال 110 اصلا ممكن تمشى اخرك من 60 الى 80 فى الحتت الريقه و طبعا فى الزحمه اقل على حسب.

انا مش عارف موضوع ربنا يشفى العقول ده اه مع كل واحد (انا ميغلطش فى حد )و اسف ان انا خدت الموضوع بهزار و هزرت معاك على موضوع فلم عبود انا كنت فكرك بتهزر مش بتتريق .
خلى بالك الاقلام ليها انياب ممكن تجرح بيها من غير قصد و كمان ممكن تجرح نفسك او حد يجرحك, ارجو الحرص و مراعاة ان الكلام على الملاء ,و ان اهانه شخص لن تفيدك او تحسن من موقفك و لن تسىء الى موقف الاخر.
و يا ريت اللى يقرا يقرا الكلام كله و الموضوع كله .
انا كان اعتراضى على العضو الاخر انه قال شوية الفاظ فقط و لكنى اتفق معه فى الرساله التى يحاول توجيهها بمعنى مدى خطورة السرعه,(فى التانى السلامه و فى العجله الندامه).

انا كنت اريد شكل جميل فى توجيه النصيحه زى فى اول الموضوع بصراحه راجل مؤدب و محترم و كلمته اثرت فى و فى غيرى.
انا ايضا مش واخد الكلام عليا ,لانى لست بكاتب الموضوع و لا مشجعه .
انا اوردت تجربه عمليه واقعيه ليست من وحى الخيال ,و معها النصيحه و التحزير من خطر السرعه .
يا جدع انا هطلع من هدومى كل مره اقول حضرتك و استاذ و احيه و اقوله(السلام عليكم ) و هو يشتم و يهجم ,
مش عارف اعمل اه بس.
ارجو ان تتقبل كلامى بصدر رحب.
السلام ختام

سيدى الفاضل بداية انا اعتذر لكم عن اى سوء فهم لكلامى واوضح انى شعرت فى كلامك بنوع من السخرية بالرغم انى اتهكم وبصيغة مبالغة على السرعات العالية والغير منطقية من الزملاء وهذه السرعات تكون فى بعض الاوقات قاتلة ,انا برضة زيك سيدى الفاضل اقصى سرعة هى 120 كم/س برغم اختلاف انواع السيارات اللى سوقتها من هوندا si الى ميجان الى بورا وحاليا معايا شارك . اكرر اعتذارى واحترامى لشخصكم الكريم

[mema75]

صني 2008 مانيوال
اقصي سرعه كانت 170 طريق الشيخ فضل راس غارب وكنت بجرب العربيه ومش هاعمل كده تاني

[abohagar2001]

ربنا يسترنا جميعا
والله الجرى والسرعة دا فن
لازم تبقى عارف الطريق كويس جدا
ولازم تبقى ظروف الطريق تسمح مش يكون زحمة وحضرتك تقضيها غرز دا اسمه استهتار بحياتك وحياة من تهمهم انت
واذا توفرت الظروف دى لازم تعرف ان انت بتجرى على هوا يعنى لو فردة ضربت وحضرتك على 180 ايه اللى هيحصل
يبقى الجرى بالشكل دا لازم تقليله جدا جدا للظروف اللى تستحق المجازفة دى (وايه اللى يستحق حياتك )
ربنا يحفظنا جميعا

[all4love]

والله مش عارف ايه دخل السرعه بالحوادث فيه ناس في الزحمه والشارع مش بيمشي وبحصل حوادث اكتر وفيه ناس بتمووت مش لازم العريبه تتعجن عشان يحصل وفيات انا لما عملت الموضوع ده كنت بشوف ايه النظام في الطرق في مصر انا كنت عايش في الامارات بشوف ناس بتجيب 300 واكتر في طرق لكده عادي بس لقيت هنا الناس بتخاف اول ما نتكلم على السرعه

[M.ABDEEN]

العربية زاستاقا موديل 60 فول اوبشن وهاى لوكس كمان
ربنا يشفى العقول يعنى مصدق اللى جاب 2000 و215 فى شوارع بلدنا المحترمة ومش مصدق انى اجيب 300 بزبستافتى يا راجل دا المحور اقسى سرعة فيه عند ميدان لبنان 10 ك/س

يا سعادة الباشا هو انا قلت ال 215 دي على المحور بتاع ميدان لبنان !!!!!!
وبعدين ربنا ستر والحمد لله وكانت ثواني فعلا السرعة دي وقلتلك العمر مش بعزقة وطبعا كفاية احساس الرعب الرهيب على السرعة دي ربنا ما يعيدها وان شاء الله مش هتكرر وبعدين انا كنت ماشي وقتها110 وفي امان الله وواحد ربنا يهديه عمييك بنوره وطلقة من وراه والطريق فاضي قدامه وبعد ماعديته افاجىء بسيل من الشتايم بالكلاكسات والاشارات القذرة ممكن غيري يقول الله يسهله وممكن واحد تاني مجنون ويفضل وراه لما يلبسه ويضيعه فكان مني وبدون ما اشعر اني دوست وراه لغايت ماجبته وفؤجئت اني عديته والسرعة وصلت 215 انا اتصدمت لما بصيت على العداد وفضيلت معاه لغاية ما وقفته ونزلتله وخد اللي فيه النصيب لانه مش محترم وكان ايه الداعي انه يعمل كده شخص مش كويس وقال يتنطط بعربيته شوية وقالك يالا دي كيا عربية كوري في الضياع مثلا لما اتراذل عليه بس الحمد لله خد جزائه وشوف الكوري اللي معتقد انه في الضياع كما يقال هو ده سبب السرعة دي بس توببببببببه تاني الجنان ده انا مبحبيش السرعات العالية برده ........
الافندي المحترم ده كان راكب اودي a4 وخلاص بقى يا باشا متقنبنيش وعدت بسلام والحمد لله وشكرا ليك

[esslynx]

والله مش عارف ايه دخل السرعه بالحوادث فيه ناس في الزحمه والشارع مش بيمشي وبحصل حوادث اكتر وفيه ناس بتمووت مش لازم العريبه تتعجن عشان يحصل وفيات انا لما عملت الموضوع ده كنت بشوف ايه النظام في الطرق في مصر انا كنت عايش في الامارات بشوف ناس بتجيب 300 واكتر في طرق لكده عادي بس لقيت هنا الناس بتخاف اول ما نتكلم على السرعه

اه يا سيدى انا واحد خواف و بموت فى جلدى كمان انت زعلان من حاجه؟؟؟ و معلش هنا بنخاف لما بنشوف ال 100 و "الرجاله" فى الامارات بيسخنوا العربيات على 300 يا سيدى تعبان من البلد سبها طلما الشجاعه و الخوف بقت مرتبطه باللى يبدوس اكتر على دواسه البنزين و صباح الخير يا مصر

[esslynx]

يسلم فمك
انا مقدر انفعالك لان انا ضد موضوع السرعه ده و بحسه مش مهم نتكلم عنه لان ممكن البعض تاخده الجلاله و يتحمس و يحصل ما لا يحمد عقباه
بس بالحق انت مش حاسس انك كنت حاد حبتين و خرج منك من غير قصد كام كلمه مش ولا بد؟
راجع كده؟
وشكرا ليك

يمكن عندك حق بس فعلا انت شايف محدش فاهم انه الكام دقيقه اللى هيوفرهم ممكن تفرق معاه العمر كله لو ربنا كتبله عمر و هنفضل طول عمرنا كده لان الناس فاكره العمليه خوف اكتر منها حرص على الناس قبل ما تكون حرص على نفسها طبعا بافتراض ان اللى بيجرى ده سوبرمان و مش فارق معاه بس انا مش سوبرمان ولا راكب دبابه و اخاف طبعا و مش مش عيب علشان ارواح الناس مش لعبه و و معرفش ازاى ممكن حد يعيش بذنب انه كان السبب فى موت ناس علشان كان بيسترجل على دواسه بنزين و حب يشوف ال 300 عادى يخرب بيت كلمه عادى اللى جبتنا ورا دى

[hmada9009_99]

اوبتر موديل 2010 جيبت بيه 200 كم/ساعه كان ممكن اجيب اكتر بس خوفت

[moha4tec]

يمكن عندك حق بس فعلا انت شايف محدش فاهم انه الكام دقيقه اللى هيوفرهم ممكن تفرق معاه العمر كله لو ربنا كتبله عمر و هنفضل طول عمرنا كده لان الناس فاكره العمليه خوف اكتر منها حرص على الناس قبل ما تكون حرص على نفسها طبعا بافتراض ان اللى بيجرى ده سوبرمان و مش فارق معاه بس انا مش سوبرمان ولا راكب دبابه و اخاف طبعا و مش مش عيب علشان ارواح الناس مش لعبه و و معرفش ازاى ممكن حد يعيش بذنب انه كان السبب فى موت ناس علشان كان بيسترجل على دواسه بنزين و حب يشوف ال 300 عادى يخرب بيت كلمه عادى اللى جبتنا ورا دى

+111111111111111

[mohamed9999]

فيات 128 موديل 1986 جبت بيها 120 كم على الدائرى هههههههههههههههههههههههههه خخخخخخخخ