مفاجئة رائعة من مركز تكنو وان لاصحاب الكيا الخليجي

[ابو ليلى]

ممكن يا جماعه سؤا ل هوا طبعاً واضح ان العرض ده محترم ومفيد جداً فعلاً للناس اللي مشواريهم بتكون في طرق كلها مطبات زي حالاتي لكن احب اعرف من امتى سريان العرض ده ولو انا عملت صيانة 1000كم بتاعتي عندهم وهيا زي ماهو معروف المصنعيات فيها مجاناً و روحت اعمل صيانة الـــ 5000كم برضوا المصنعيات حاتكون مجاناً عشان دي الصيانة الفردية وياترى كارت الخصومات ده ببلاش ولا ليه رسوم ياريت لو حد يعرف يقولنا عشان الكل يستفيد

الحاجة التانية العرض بتاع الـــ20 % خصم على المصنعيات كده يعتبر اتلغى على اعتبار انه بيدينا خصم على الصيانات الفردية معلش يا جماعه طولت على حضراتكم وشكراً

سريان العرض من وقت كتابة الموضوع 12/7/2010

صيانة الالف مش مجانا وده معروف فى اى مكان حتى التوكيل لان بيتغير فيها زيت + فلتر

اما اذا تقصد انك معاك شهادة ضمان خليجى اغلب الشركات بتاعت الضمان بتخلى الصيانة الاولى مجانا فعلا ولكن طبعا بتدفع حق الزيت والفلتر .

فى كلتا الحالتين لو عملت عنده صيانة الالف ليك عنده صيانة ال 5000 مجانا ودى بيتم فيها تشك على العربية بدون تغير اى شى .

كارت الخصومات بيكون ببلاش وهو طبعا معمول علشان يضمن انك تعمل صياناتك كلها هناك .

عرض 20% لم يلغى زى ما هو سارى ولا علاقه له بالموضوع ده .

ده عرض جديد التوكيل كمان بيعمله ولكن الجديد ان مركز صيانة خاص يعمله وكل ده علشان نايل موتورز بس .

اتمنى اكون افادتك

[M.Hassan47]

والله يا استاذ ابو ليلى انا عن نفسى مش مندوب انا ممكن اقولك على المركز اللى انا عملت فيه صيانة الألف وناس كتير جدا بتعمل عنده وبيشهدولو وهو وليد توفيق اللى فى الزهراء وفعلا رحت عملت صيانة الألف
كفاية انى شايف ناس فاهمة شغالة فى العربية وعلى فكره وليد توفيق هو اللى كان معاه توكيل كيا الأول وهو دلوقتى مركز خدمة هيونداى وكيا وهو جمب وكيل كيا لدرجة انى فى الأول دخلت التوكيل والمهندس اللى هناك دردشت معاه وقالى الأصلح ليك تعمل اول صيانة دى عند وليد توفيق هو مش معتمد بس اول صيانة عنده مجانا وانت الأاولى بيها وبعد كده لو عاوز تيجى مفيش مشكلة قلتله بس انا اعرف ان الخليجى ممنوع قالى هو المفروض عشان تدخلها هنا تدفع اربع تلاف جنيه بس احنا بندخلها عادى لأن الحركة بقت خفيفة على التوكيل
فانا رأيى المتواضع عن مركز مثلا من ضمن مراكز كتير اوى زى وليد توفيق اكثر خبرة وااقل سعر وخدمة افضل من تكنو وان وبتبقى مطمن على العربية اكتر ودى اهم نقطة .

[ابو ليلى]

والله يا استاذ ابو ليلى انا عن نفسى مش مندوب انا ممكن اقولك على المركز اللى انا عملت فيه صيانة الألف وناس كتير جدا بتعمل عنده وبيشهدولو وهو وليد توفيق اللى فى الزهراء وفعلا رحت عملت صيانة الألف
كفاية انى شايف ناس فاهمة شغالة فى العربية وعلى فكره وليد توفيق هو اللى كان معاه توكيل كيا الأول وهو دلوقتى مركز خدمة هيونداى وكيا وهو جمب وكيل كيا لدرجة انى فى الأول دخلت التوكيل والمهندس اللى هناك دردشت معاه وقالى الأصلح ليك تعمل اول صيانة دى عند وليد توفيق هو مش معتمد بس اول صيانة عنده مجانا وانت الأاولى بيها وبعد كده لو عاوز تيجى مفيش مشكلة قلتله بس انا اعرف ان الخليجى ممنوع قالى هو المفروض عشان تدخلها هنا تدفع اربع تلاف جنيه بس احنا بندخلها عادى لأن الحركة بقت خفيفة على التوكيل
فانا رأيى المتواضع عن مركز مثلا من ضمن مراكز كتير اوى زى وليد توفيق اكثر خبرة وااقل سعر وخدمة افضل من تكنو وان وبتبقى مطمن على العربية اكتر ودى اهم نقطة .

كلام تمام كده نقدر نتناقش فى حاجه تخدم الاعضاء .


مطلوب منك بقى يا بطل تجبلنا اسعار الصيانات ؟؟

تاكيد منه ان يدخل العربيات الخليجى مع انك بتقول انه توكيل معتمد ؟

ويسلام لو عرفت تعملنا عقد معه ويبقى لينا معاملة خاصة وتخفيض كمان تبقى بطل .

موضوع المقارنة دى انا شايف انها مش هتفدنا فى شى انا شخصيا فى مشكلة عربيتى ذهبت

الى 5 مراكز خدمة (صيانة الالف فى التوكيل ) تكنو وان - اميروجوزيف - توكيل كيا فى العبور - ابناء صبحى سند )

كده انا اقدر اقارن واحكم كويس جدا لانى جربت عن فعل وليس سمع وانت بتقول رحت مركز صيانة واحد بس ومع ذلك بتقارنه بتكنو وان اللى انت اصلا مرحتش عنده .....طب ازاى ؟

من كلامى كله ده اللى اقصده حاجه واحده لو صحيح حابب تخدم الناس يبقى بفعل وليس كلام

استاذ كريم لما عرف اننا عندنا مشكلة متكلمش لقينا فعل على طول وراح اتعاقد مع المركز ده علشانا ولو لقي مركز احسن منه هيجبلنا برضه عرض محترم .

تانى ..... تقصد ايه بمصالح مشتركة ؟

[M.Hassan47]

انا طبعا مش هارد تانى واعيد نفس الكلام اللى اتكلمت فيه مع الاستاذ كريم منير قبل ما المشاركات تتمسح
شكرا نايل موتورز على حرية الرأى

محمد حسن...

[grumby78]

فعلا شكرا نايل موتورز على حرية الرأي ومسح المشاركات التي تخالف وجهة نظركم في اطار مهذب شكرا شكرا

[yasso0101]

اولا انا بكرر شكري لكريم باشا على انه لما حب يفيد ادان فعل وربنا هيخليه في ميزان حسناته اكيد وبكرر شكري ليه

وانا عندي راي :

التنافس هو الحاجه الوحيده اللي ممكن تحافظ على جودة الخدمة واستمرار جودة الخدمه - وانتوا عارفين ان في مصر اول ما مركز صيانه ياخد سمعه بيبيع على السمعه فقط وينسى الجوده ( و علشان اكون حقاني مش مراكز الصيانه وبس ايه منشاه تجاريه خدميه )

فمفيش مانع ان لو نعمل جو من التنافس بين مركزين احنا كاعضاء نيل موتورز نختارهم - علشان طول ما فيه تنافس ده في مصلحة العميل و اللي مش هيقدم خدمه كويسه هيخسرنا.

وانا والله انا مستعد ان انزل مع كريم باشا و الله اي يوم جمعه او سبت ( لانهم اجزتي ) واروح معاه علشان ميحسش ان احنا بنطلب ونتقل عليه وخلاص - وانا هبتدي بنفسي و اشارك ومستعد انزل بدام ده في خدمة اعضاء نايل موتورز والمنفعه هتعم وفي ميزان حسنتنا انشاء الله

ده رقمي علشان متفتكروش اني بعمل دعايه
0117303633

وانا معاك يا كريم باشا مش مجامله و الله

[Karim_Monir]

مسح المشاركات تم عشان خرج عن نطاق المووضع تماما

اما عن التنافس فهو موجود بالفعل لكن بما تسمح به قواعد المنتدى
قواعد المنتدى في الموضوعات الاعلانيه ممنوع الاعلان عن اي مراكز او محلات بدون تنسيق مباشر مع الادارة للمتابعة
الوحيد اللي مسموحله يتكلم براحته الاعضاء عنه هو التوكيل
غير كدة غير مسموح ودي سياسة منتدى وسياسة شركة الاعلانات المسئولة عن المنتدى
ودي قوانين بتسري في كل المنتديات وليس منتدانا وحده بخصوص الكلام التجاري والعضويات التجارية

[yasso0101]

شكرا يا كريم باشا للايضاح

واحنا هدفنا ان كلنا نلاقي الخدمه الجيده في المكان المناسب

وجزاك الله كل خير

[em250]

صىانه ال 5000

الاستا كرىم تحىاتى لك علي المجهود الرئع
عندي سؤال
انا رحت امبارح مركز تكنو ون لعمل صيانة ال 5000 و فوجئت بالمهندس بيقولي ان ال offer بتاع ان صيانات ال 5000 مجانىة اتلغي و لازم ادفع و فعلا دفعت رغم اني عملت صيانة ال 1000 عندهم
هل الكلام ده صحيح؟ وشكرا
منىر احمد

[Karim_Monir]

لاء طبعا مهندس احمد الشحات مابلغنيش بالكلام ده
وطالما عملت صيانة ال الف عندهم صيانة ال 5 تكون مجانية
من فضلك ابعتلي لون عربيتك ورقمها عشان اكلمهم وان شاء الله تسترد فلوسك فورا
تحياتي

[em250]

لون السيارة بادنجاني و رقمها (و ف ل - 853)
جزاك الله خيرا

[zeyad1]

السلام عليكم
طبعا دى اول مشاركة لى فى المنتدى
انا اشتريت سيارة كيا 2011 الفل اوبشن من دبى بما انى مقيم هناك يعنى بالفعل السيارة جميلة وحلوة جدا ومن جوة مالهاش حل
لكن فى حاجتين ظهروا بعد ال 5000 كم وطبعا الوكيل مطمنى وكل حاجة بتتصلح بس انا عاوز اعرف هل الحاجتين دول شىء عادى وطارىء يعنى ولا هيستمر معايا اكتر من كدة لانى خايف بجد
الشيىء الاول : الغمازات بتاعت المرايا الشمال اتحرقت وكلمت مركز الصيانه قالوا لازم المرايا تتغير كلها لان مينفعش نغير اللمبة بس وبالفعل فى خلال 4 ايام كانت المرايا موجودة والحمد لله
الشيىء التانى : صوت العفشة لما امسك فرامل بسمع زقزقة وكلمتهم وقالولى تعالى ونروقلك العفشة ولسة مروحتش لانى مش فاضى
السؤال دلوقتى : الحاجات دى لما تظهر بعد 5000 كم يبقا دة عيب ولا دى حاجة ممكن تحصل فى اى عربية ؟ لانى قلقان بجد وخايف اكون اخدت فيها مقلب

[mohamed90taha]

طيب انا عملت صيانه الـ5 والـ15 وخدو منى فلوس ولما قولتلهم المفروض الفردى مجانا قالى لا هى عليها بس 20% خصم يبقى دا اسمه ايه وياريت حد مسؤول يرد عليا علشان كدا مينفعش بجد اللى يلتزم يكلمه ينفذا احنا مبنلعبش بالكلام