استهلاك البنزين للسيراتو

[mohamedaghali]

اولا حمدا لله على سلامتك وسعدنا بك فى مقابله امس

انا استهلاكى نفس استهلاكك بالضبط
والعربيه عملت معايا نفس الارقام وانا مسافر اسكندريه رايح جاى متضمن اللف فى البلد حوالى 525 كيلو فى ال 42 لتر - سرعه من 120 : 170 مع التكييف 100% من الوقت والمتوسط حسب كمبيوتر العربيه 8.2

فى البلد المتوسط حسب كمبيوتر العربيه 10.4 : 11.4 تكييف 90% من الوقت و80% زحام واشارات
42 لتر بيعملو حوالى 420 جوه البلد مع الزحام والتكييف

ماهو ده كان نفس معدل استهلاكى ولما كنت بمشى 100-120 فى طرق السفر كان بيوصل 7 المشكله انه زاد فجاه عموما انا فولت تانى من بنزينه انا متعود عليها و هاجرب لحد بكره ولو كده هاروح تكنو وان تانى

[aminibrahim]

يا جماعه ماتنسوش ان الجو حر واستخدام التكييف بياثر

[M7amD_7amDy]

اولا حمدا لله على سلامتك وسعدنا بك فى مقابله امس

انا استهلاكى نفس استهلاكك بالضبط
والعربيه عملت معايا نفس الارقام وانا مسافر اسكندريه رايح جاى متضمن اللف فى البلد حوالى 525 كيلو فى ال 42 لتر - سرعه من 120 : 170 مع التكييف 100% من الوقت والمتوسط حسب كمبيوتر العربيه 8.2

فى البلد المتوسط حسب كمبيوتر العربيه 10.4 : 11.4 تكييف 90% من الوقت و80% زحام واشارات
42 لتر بيعملو حوالى 420 جوه البلد مع الزحام والتكييف

الله يسلمك يا أ/ على واتشرفت بيك والله بس ملحقناش نقعد مع بعض

الإستهلاك اليوم والتكييف متقفلش خااالص طبعا :)

[hosamenter]

انا ملاحظ ان الاستهلاك بقى شكوى عامة للسيراتو تستحق الدراسة ولازم نوصل لحل او اما نعترف انة احد عيوبها

[Mocs]

ديه تجربتى مع الوكيل المصرى و مراكز الصيانة

السلام عليكم جميعا .....
انا مريت بكل الحاجات ديه من بدرى , زى استهلاك البنزين اعدت الخبط و ادوور هى المشكله فين لقيت فى الاخر ان فعلا استهلاك البنزين زيادة بطريقه ملحوظه . و هقولكم تجربتى :

1 - التجربة كانت على 7 عربيات سيراتو 2010 اربعه خليجى و الباقى وكيل .
2 - العربيات الخليجى هتاكل بنزين بغباء مع العلم ان اول متجيب العربية بيبقى معدل استهلاك البنزين كويس جدا مع انك مشغل التكييف 24 ساعه و انت ماشى .
3 - الوكيل بتبقى زى ماهى تقريبا مع العلم ان نفس مستوى الحرق و ظروف القيادة و التكييف .

السبب بسيط اوى للاسف ان السيارات الخليجى بتيجى من بلادها الموتور مظبوط كحرق و كهرباء للموتور على التكييف و ظروف استخدامه للخليج بيبقى فارق كتير صدقونى لان الاجهزة اللى بتقوم بظبط اداء المحركات مختلفه تماما عن اللى بنستخدمها هنا فى مصر , و لذلك هتلاقى كل الشكوى من الخليجى انه بعد ما عمل صيانه فى مصر زاد المعدل اوى و برده قل السحب للسيارة وده طبعا لان السيارة اتظبطت على الجهاز اللى فى مصر اللى كله فى جميع التوكيلات بيستخدمه ولو حد معاه سياره خليجى و كان جوه مركز الصيانة مع الفنيين هتلاقى بعد ما يستخدم الجهاز للكشف عليها هيقولك ان السلانسيه بتاعها زيادة و طبعا بيظبطه على الجهاز بتاعه وهو ده اللى بيزود استهلاك البنزين و بيقلل السحب و تعيش فى حيرة ونكد بعد ما تتطلع من الوكيل .

و شكرااا لحسن استماعكم
Mocs

[Mocs]

Mocs مش ساكت على الحكاية ديه

هو انا لقيت حل بس مش حل اوى هو مسكن موضعى لحين السيارة ما تظبط كهربتها لوحدها مع الاستخدام لانها جابت نتيجة معايا و عربيتين كمان .

[NoRmAl]

السلام عليكم جميعا .....
انا مريت بكل الحاجات ديه من بدرى , زى استهلاك البنزين اعدت الخبط و ادوور هى المشكله فين لقيت فى الاخر ان فعلا استهلاك البنزين زيادة بطريقه ملحوظه . و هقولكم تجربتى :

1 - التجربة كانت على 7 عربيات سيراتو 2010 اربعه خليجى و الباقى وكيل .
2 - العربيات الخليجى هتاكل بنزين بغباء مع العلم ان اول متجيب العربية بيبقى معدل استهلاك البنزين كويس جدا مع انك مشغل التكييف 24 ساعه و انت ماشى .
3 - الوكيل بتبقى زى ماهى تقريبا مع العلم ان نفس مستوى الحرق و ظروف القيادة و التكييف .

السبب بسيط اوى للاسف ان السيارات الخليجى بتيجى من بلادها الموتور مظبوط كحرق و كهرباء للموتور على التكييف و ظروف استخدامه للخليج بيبقى فارق كتير صدقونى لان الاجهزة اللى بتقوم بظبط اداء المحركات مختلفه تماما عن اللى بنستخدمها هنا فى مصر , و لذلك هتلاقى كل الشكوى من الخليجى انه بعد ما عمل صيانه فى مصر زاد المعدل اوى و برده قل السحب للسيارة وده طبعا لان السيارة اتظبطت على الجهاز اللى فى مصر اللى كله فى جميع التوكيلات بيستخدمه ولو حد معاه سياره خليجى و كان جوه مركز الصيانة مع الفنيين هتلاقى بعد ما يستخدم الجهاز للكشف عليها هيقولك ان السلانسيه بتاعها زيادة و طبعا بيظبطه على الجهاز بتاعه وهو ده اللى بيزود استهلاك البنزين و بيقلل السحب و تعيش فى حيرة ونكد بعد ما تتطلع من الوكيل .

و شكرااا لحسن استماعكم
Mocs

حضرتك أستخدمت 7 عربيات سيراتو :)))
أنا للأسف مش مقتنع بفرق الاستهلاك بين الخليجى والوكيل دا إن وجد فرق

[Mocs]

حضرتك احنا 7 اصحاب شله واحد كلنا اشترنا السيراتو 2010 اول منزلت السوق قبل ماتنزل اقاهرة اصلا و بعدين عن تجربة الفرق واضح جدا حتى فى التورك بتاع العربية اول ماتشتريها لان اللعب كله فى التورك و هقولك ليه لو عايز يا نورمال و ميرسى على مشاركتك ديه

[uubaby2000]

حضرتك احنا 7 اصحاب شله واحد كلنا اشترنا السيراتو 2010 اول منزلت السوق قبل ماتنزل اقاهرة اصلا و بعدين عن تجربة الفرق واضح جدا حتى فى التورك بتاع العربية اول ماتشتريها لان اللعب كله فى التورك و هقولك ليه لو عايز يا نورمال و ميرسى على مشاركتك ديه

ماشاء الله

[NoRmAl]

حضرتك احنا 7 اصحاب شله واحد كلنا اشترنا السيراتو 2010 اول منزلت السوق قبل ماتنزل اقاهرة اصلا و بعدين عن تجربة الفرق واضح جدا حتى فى التورك بتاع العربية اول ماتشتريها لان اللعب كله فى التورك و هقولك ليه لو عايز يا نورمال و ميرسى على مشاركتك ديه

يسعدنى أتكلم معاك :)
يا ريت تشرحلى بس وجهه نظرك فى موضوع التورك دا لأنه المفروض نفس المحرك بنفس التورك خليجى أو وكيل

[Mocs]

هقول لحضرتك يا نورمال السيراتو اللى نزلنا اللى هيا 1600 c.c ديه الماكس باور بتاعها 124 hp و 156 Nm عند 6300لفه ديه مواصفات الانجين بتاعنا . بس يا ترى وانت ماشى بيبقى معاك ماكس باور و ماكس تورك ؟؟؟؟؟
- لا طبعا لان ديه ظروف قيادة لكل عميل بس طبعا بيطحتلك معدل للتورك اللى هوه 156 Nm انا عايز اوصهالك بس لازم تجربة عملى قدامك بس هقول حاجة مش كله و هو ماشى على سرعة 140 بيبقى صوت الموتور عالى ؟ ده عشان انك وصلت للحد الاقصى للتورك على الكامه الاولى بعد سرعة 150 هتلاقى صوت السيارة بقى كويس و مفيش صوت عالى زى الاول بمعنى ان التورك وصل لحد 130 Nm عند 4200 لفه بعد كده قدامك لحد 156 على 6300 لفه عشان كده بعد سرعة 150 هتلاقى الموتور ارتاح جدا لان التورك بيزيد لحد مايوصل 156 Nm لحد ما تقفل امبير .
ده الفرق بين الخليجى و الوكيل الموتور بيبقى مظبوط على تورك اعلى عند عدد لفات اعلى , عشان كده بعد ماتروح الوكيل وانت معاك خليجى هينزلك التورك من غير ما يقصد بس على نفس عدد لفات الموتور بالتالى حرق بنزين بدون فايده مع سحب اقل طبعا لانك حرقت هورس من غير متعادله بنيوتن كتورك .
ارجو ان يكون كلامى مفيد يا نورمال بس برده مش قادر اوصلهالك بالمعنى المظبوط لانها محتاجه تجربه عملية .

وبرده Mocs مش ساكت على الموضوع ده

[mohamedaghali]

اولا انا باشكر كل الناس اللى بتحاول تساعد , انا حبيت اعرفكو انا فولت تانى النهارده من محطه انا متعود عليها ولقيت المعدل بيرجع قرب الطبيعى بالاضافه انى بطلت احرق تماما فتقريبا وصل ما بين 9.5 و10.5 و اضح انه كان عيب بنزين عموما هاتابع و ابلغكو يا رجاله

بالنسبه لموضوع السلانسيه الزياده بصراحه ده محصلش معايه انا ال rbm كان ما بين 6 و7 و هو قالى مادام العربيه مظبوطه بلاش لعب فيها و بصراحه انا مش فاهم موضوع التورك ده اوى فممكن تحاول حضرتك توضح اكتر علشان كلنا نستفيد

[Mocs]

هو موضوع السلانسيه ده يا محمد مش بيقول اعمله او لا لان الجهاز بيعمل سكان على السيارة بعدها بيديلوا انه محتاج فيكسنج هو زرار بيدوس عليه يعمل فيكس بس هو مش فيكس هو الجهاز مظبوط على اداء معين و قرايات معينة بيرجعها للوضع الاصلى اللى موجود عنده على الجهاز . وشكرا.....

[Mocs]

سؤال يا محمد , هو انت خليجى ولا وكييل ؟

[NoRmAl]

هقول لحضرتك يا نورمال السيراتو اللى نزلنا اللى هيا 1600 c.c ديه الماكس باور بتاعها 124 hp و 156 Nm عند 6300لفه ديه مواصفات الانجين بتاعنا . بس يا ترى وانت ماشى بيبقى معاك ماكس باور و ماكس تورك ؟؟؟؟؟
- لا طبعا لان ديه ظروف قيادة لكل عميل بس طبعا بيطحتلك معدل للتورك اللى هوه 156 Nm انا عايز اوصهالك بس لازم تجربة عملى قدامك بس هقول حاجة مش كله و هو ماشى على سرعة 140 بيبقى صوت الموتور عالى ؟ ده عشان انك وصلت للحد الاقصى للتورك على الكامه الاولى بعد سرعة 150 هتلاقى صوت السيارة بقى كويس و مفيش صوت عالى زى الاول بمعنى ان التورك وصل لحد 130 Nm عند 4200 لفه بعد كده قدامك لحد 156 على 6300 لفه عشان كده بعد سرعة 150 هتلاقى الموتور ارتاح جدا لان التورك بيزيد لحد مايوصل 156 Nm لحد ما تقفل امبير .
ده الفرق بين الخليجى و الوكيل الموتور بيبقى مظبوط على تورك اعلى عند عدد لفات اعلى , عشان كده بعد ماتروح الوكيل وانت معاك خليجى هينزلك التورك من غير ما يقصد بس على نفس عدد لفات الموتور بالتالى حرق بنزين بدون فايده مع سحب اقل طبعا لانك حرقت هورس من غير متعادله بنيوتن كتورك .
ارجو ان يكون كلامى مفيد يا نورمال بس برده مش قادر اوصلهالك بالمعنى المظبوط لانها محتاجه تجربه عملية .

وبرده Mocs مش ساكت على الموضوع ده

أكدب عليك لو قلت أنى فهمت حاجه :)
أنا أعرف ان المحرك بقدره 124 حصان عند 6300
و عزم 156 عند 4300
وأكيد أكيد هو محرك الخليجى هو محرك الوكيل
مش فاهم بقى حتته أن فى الخليجى على rpm مختلف
ربما جهل منى فأعذرنى