Tweet
السلام عليكم ورحمة الله وبركاته
طبعا كلنا منتظرين نشوف تقرير عن مقابلة كيا اللى تمت بس هصلح بس التعبير واكتب مقابلة مالكى السيراتو لان اللى حضر المقابلة كلهم من ملاك السيراتو ماعدا عربية واحده بيكانتو خاصه ا/ احمد سعد . وهيكون ليا تعليق بعد كده على الموضوع ده .
التاريخ / 6/8/20100 اليوم / الجمعة الساعه / 2 ظهرا
المكان / قرية العزبة – الهرم – طريق سقارة السياحى
عدد الحضور / 32 فرد
التصنيف كالاتى :
من قسم كيا / 17 عضو
د / احمد سامى – ابو ليلى – نورمال – الزوواى –– احمد سعد– محمد حمدى – عمرو عبد السلام – احمد اسماعيل – محمد غازى – السويدى – –محمد الجيزى - ياسر الصياد .
على سمير - nahsawy - – اسلام Blacckkniggt - د / اسامة Nigt _phoenix
محمد توفيقXshadow- - عمرو شرف - Sharafconsult
قسم نيسان / 6 اعضاء
احمد مصطفى– محمد رماح – محمد فوزى – محمد سليمان – كريم محمد – وائل ميجا
الضيوف / ( منتدى نايل موتورز ) 4 اعضاء
كريم منير – م/حاتمالسباعى) HAGAN تريوس( - حسامابترواى(الاوبترا( - فيجو ( صديق الزوواى )
ضيوف من خارج المنتدى ( 5 افراد )
خالد ( صديق م حمدى ) –– كريم ( صديق ياسر الصياد )
شركة امان الشرق / 3 افراد
لن اتعب او يصبنى الملل من الكلام عن منتدى نايل موتورز لان يوم عن يوم يثبت وجه نظرى بان هذا المنتدى فيه شى غريب غير متواجد فى اى منتدى اخر وهو الحب الذى يجمع بين اعضاءه الكرام تحس انهم مقربين جدا لبعض فى احترام لكل شخص فيه وتقدير من الطرف الاخر منتدى شعاره الحب ولان فكرة المنتدى تنحصر فى عالم السيارات وهذا هو الشكل العام ولكن فى باطنه هى معرفه اشخاص من كل مكان وانت جالس امام الشاشه وغريب جدا بمجرد دخول شخص ينصهر تماما بكل الموجودين بالمكان ويحس انه وسط اصحابه الذى يعرفهم من فترات بعيده. شكرا نايل موتورز
نبدا كلامنا بالصلاة على رسول الله ( صلى الله عليه وسلم )
الحمد لله المقابلة تمت على خير وسط جو من الالفة والموده بين اللى حضرو وكلهم والحمد لله استمتعو بالمقابلة وبشكر ربنا انى قدرت ان اجمع بين ناس جوها كل هذا الحب .
لاازم نعرف من الاول كده انها مكنتش مقابلة عادية واللى محضرش المقابلة فعلا خسر كتير لانى شخصية استفدت كتير منها واولها طبعا الناس المحترمين اللى اتعرفت عليهم او بمعنى اصح اخواتى .
بدات المقابلة حوالى الساعه 1.3 ولسه مكنش الاعضاء كلهم حضرو كنا حوالى 10 افراد واول شى دخلت اطمنت على القاعه لقيتها متجهزة تمام على حسب الاتفاق اللى تم بينى وبين مدير المكان ومعلومة كده على السريع مساعد المدير ( عبدالله ) معه عربية سيراتو 2010 زينا وطبعا الراجل اتبسط اوى وفعلا وفرلنا كل شى وهو مصمم اننا من شركة كيا وشغالين فى المبيعات حولت افهمه اننا منتدى واحنا مشتركين فيه ...ابدا انه يفهم كده قلت لنفسى خلاص اسيبه يفهم اللى هو عاوزه .
دخلنا صلينا الجمعه فى المسجد اللى موجود فى القاعه وبعد الصلاة ( الساعه 2 ) ابدت الناس تيجى وصلت قافلة نيسان وفى مقدمتهم احمد مصطفى الراجل ده ياجماعه مهما اتكلمت مش هعرف اديله حقه.... معايا لحظة بلحظة فى تحضير المقابلة وفى اثناء المقابلة برضه بيساعد بكل شى وهو اللى جاب تورته هدية لقسم كيا بس للاسف الشديد التورته بسبب العمال باظت وراح اللوجو من عليها وزعل جدا وانا طبعا اكتر منه بس كفايه مشاعره الجميلة احلى من اى تورته .
الساعه – 3 عصرا
ابتدى الناس تيجى واكتمل العدد وقعدنا كلنا فى القاعه وابتدت الناس تتعرف ببعض لوحدهم بقو مجموعات كل تربيزة ولا اتنين تلاقى احديث ما بينهم بيتكلمو ويضحكو وبدا الانصهار كل واحد لقى نفسه بيتكلم مع واحد عمره ما شافه قبل كده بس فى كلامهم تحس انهم يعرفو بعض قبل كده .
وحضر استاذنا كريم منير عاوز بس اقولكم حاجه كريم كان المفروض يسافر يوم الخميس واجل سفره علشان يحضر معانا الوقت ده ولما قلته لو مجتش المقابلة هتبوظ والراجل فعلا مرضيش يتاخر علينا زى العادة وحضر ومعه زوجته لانه كان مسافر( يارب تقضى وقت سعيد ) وتم تكريم كريم من اعضاء قسم كيا مع هدية بسيطة بتعبر عن حبنا للشخص اللى مهما اتكلمت عنه مش هقدر اديله حقه فى الكلام وكفايه حب الناس ليه .
الساعه 4 عصرا :
كان المفروض يكون الغدا على الساعه 6 بحيث نكون خلصنا كلام واجتماعنا لنما لقيت كده همس عن الاكل وبعد كده الهمس اصبح صوت عالى وطبعا عارفين صاحب الصوت ده مين طائر الرخ – الفضائى – محمود الزوواى كان خلاص هيعيط عاوز اكل ياعم طب اصبر ابدا طب شويه ابدا ... تكلم مين هو خلاص وقفت معه على الاكل وابتدا الناس تجوع على كلامه وفعلا سمعت الكلام غصب عنى بعد ما صعب عليا وابتدا تحضير الاكل .
كان المفروض ناكل بره بس احمد سامى واحمد اسماعيل اللى كانو قاعدين تحت التكيف وواخدينه كله ليهم قالو لا خلينا هنا ياعم يرضيك يرضيك ابدا صممو قلت خلاص ابو مايا برضه لاازم كلمته تمشى وابتد ا الناس اللى فى القرية يحضرو الاكل انا شخصيا الاكل عجبنى جدا كل واحد وجبته قدامه وزى ما اتفت حصل .
وابتدا الطوفان على الاكل وبعد القاعه ماكانت كلها اصوات عاليا مبقتش اسمع غير صوت السكاكين والشوك هدوء غريب والكل مركز فى اللى بيعمله والقاعه اتقلبت الى مائدة الراحمن
اللى عاوز عيش.... واللى عاوز طحينة ... وفين الميه ... ياعم انا مااخدتش مشروب ...
الساعه 5 عصرا
اكلنا والحمد لله وطلع بعده موضوع الشيشة وكان الزعيم الزوواى برضه وطبعا قلنا نخرج بره
وفعلا خرجنا بره واللى طلب شاى واللى طلب شيشة فى مكان مفتوح وجميل جدا بس طبعا الحر كان عامل شغل جامد ولا مراوح نفعت والرطوبه كانت عاليا جدا وابتدا الكلام وطبعا كان معانا المهندس محمد غازى وبدا الكلام حولين موضوعه والحادثه الشهير اللى ربنا نجه منها بمعجزة ولما تسمعه وهو بيتكلم كانك شايف الحادثة قدامك مع ان عدى عليها حوالى 10 شهور بس محفوره فى دماغه ( الف سلامة عليك ) .
وبدا الكلام عن العربيات وطبعا السيراتو كان ليها النصيب الاكبر وعربيات تانية وزى العادة كان معانا عباقرة السيارات وتستمتع بالكلام وكمية المعلومات اللى مش ملاحق عليها .
الساعه 6 عصرا :
نزلنا الحلويات كان فى اعضاء جايبين تورته ( م حاتم السباعى ) ( م / على سمير ) ياسر الصياد وطبعا تورته احمد مصطفى اللى باظت وقاعدنا ناكل بنظام كده بوفيه مفتوح كل واحد يقوم يعمل طبقه لوحده والغريبة ان فاض كتير جدا وبما انا المنظم يبقى دول الغنيمة بتاعت الحرب واخدت الباقى على البيت امال يعنى هدخل بايدى فاضية وقلت للبنات مش كان نفسكم فى تورته اتفضلو ادينى مش حرمكم من حاجه وطبعا لما مراتى شافت الصور فهمت اللى فيها مع ضحكة صفرا كده عملت نفسى مش واخد بالى .
الساعه 7 مساء :
ادور على الناس بتاعت نيسان اشوفهم راحو فين اختفو قلت لنفسى راحو فين دول اتريهم بعونا وراحو الملعب يلعبو كورة ...خاينة ....خاينة ... فى عز الحر اللى احنا فيه .
وزى العادة الوقت الحلو بيمر بسرعه ولقينا الساعه دخلت 8 مساء وهنا الناس ابتدت تقوم وقمنا واحنا مش عاوزين نمشى واحنا بنودع بعض واللى ياخد تليفون ده واللى يقوله احنا طلعنا جيران واسمع كلام جميل ما بين الناس وكلهم مصممين اننا نتقابل تانى .
للاسف مكنش فى امكانية زى المرة اللى فاتت اننا نصور العربيات لان المكان كان ضيق يدوبك نركن فيه وخلاص الاهم دلوقتى الاشخاص مش العربيات وهو ده اللى بنطلع بيه من كل مقابلة نقضى وقت كويس ونضحك ونهرج ونستمتع بكل دقيقه .
اخيرا اتمنى من الله ان اكون وفقت فى عمل مقابلة تليق بكم واعتذر عن اى تقصير حدث .
والى اللقاء مع مقابلة اخرى و ..... نمور كيا ......
Comment