تقرير مقابلة نمور كيا 6/8/2010 (قول بسم الله ماشاء الله )

[wael_mega]

وطبعا بشكر أبو ليلى جدا على التنظيم الرئع وبجد تعب جدا وطبعا اعضاء الكوماندوز ورئيس العصابة احمد تى فى وكنت محتاج القاعدة تسخن لو اتكلمنا على صناعة الكورى واليابانى والالمانى

[ابو ليلى]

غلطة مطبعية انا من قسم فولكس انتا يابو ليلى ماشوفتش العربية برا ولا اية دة النسر الى عليها كان منور الدنيا هههههههه

الغلطة دى عند احمد مصطفى هو اللى قلى انك من نيسان وحتى لما ادانى الاسامى مقلش خالص.

انك من فولكس ثم يا ميجا احنا اتفقنا ان مش العربيات اللى هتحدد احنا مين اهم حاجه انى اتعرفت عليك وده اكبر كتير من اى عربية .

[ابو ليلى]

اموت واعرف مين الاخ اللى بصلى فى التورته اللى اخدتها معايا .

التورتة باظت عقبال ما جيت البيت .... اقول لشعبى ايه .

[د.محمود صلاح]

كل عام وانتم بخير .. مقابلة منظمة ولفتة طيبة لتكريم كريم منير .

[ابو ليلى]

كل عام وانتم بخير .. مقابلة منظمة ولفتة طيبة لتكريم كريم منير .

شكرا لمرورك الكريم وكنت اتمنى تكون معانا... حضرتك نزلت القاهرة ولا لسه .؟

وكل عام وانت بخير .

[Amr A.salam]

يا نهار أبيض يا جدعان بقالي 3 أيام مسحول

زي الراجل بتاع الأرض لو عطشانة بالضبط :))

وبرجع البيت مش شايف أدامي

فبتأسف جدااااااااااا لتأخير مشاركتي


المقابلة كانت هايلة هايلة هايلة

وأبو ليلى (النمر الكبير ) كان عامل شغل عالي أوي .....مش عارف أقوللك ايه


م/ أحمد سو ......كان نفسي أشوف حضرتك من زمان والحمد لله شفتك قبل ما أموت :) وانت راجل زي العسل

د.أحمد سامي ......فين الصورة يا دوك علشان القسم كله ياخد اعدام :))
وجامدة أوي التحية دي على فكرة
انت عندك مواهب تاني ولا خلاص كدة ؟؟؟؟؟؟ :)


أحمد مصطفى (أحمد تي في ) ....انت انسان جميل أوي أوي بس ما قعدناش مع بعض يا احمد و لازم اقعد معاك واتعرف عليك أكتر ......وانا مش ساكن في الهرم على فكرة ...أنا ساكن في مدينة نصر بس نتقابل يا باشا في ماليزيا لو عايز

غازي باشا ........صاحب القصة المؤثرة .....حمد الله على سلامتك يا باشا ان انت رجعت بعد الغيبة الطويلة

أ/أحمد سعد شخص طيب جداً وحبوب جداً وخدوم جدااااااااااااااااااااً

محمد حمدي باشا عمدة دمياط واللي عمل معايا أكبر واجب اتعمل معايا في حياتي لما رحتله دمياط هو وخالد
والله يا حمدي الرجالة ما ماتوش في الحرب :))
مبسوط جداً اني شفتك وشفت خالد (من أجدع الناس اللي قابلتها في حياتي )
وان شاء الله نتقابل تاني قريب

واحشيني يا شباب كيا يا اللي ما فيش زيكم...نورمال وياسر وزواوي واسلام صفاء وحسام باشا حبيبي ومحمد الجيزي ومحمد Xshadow وفيجو وكريم وم.عمرو شرف والسويدي

ودكتور أسامة وم.حاتم السباعي طبعاً

كان نفسي تبقى موجود يا شوقي انت ووليد وعتريس

المقابلة الجاية امتى يا جدعااااااان

[A.Saad]

انا اخر واحد بيشارك
انا بعتذر عن الغيبة بس كنت مطحون
فى الشغل شوية
اليوم كان جميل
يبقى لازم نشكر ابو ليلى على التظيم - ابقى اصحى بدرى بس -
ومش هننسى احمد مصطفى على مساعدته فى التنظيم وتفكيره فى المكان والتورتة اللى ابو ليلى مادنيش منها اى حاجة

انا مش بعرف اقول الاسماء اسم اسم
بس اللى كانوا موجودين انا كنت سعيد بيهم وانبسطت معاهم
عايز بس اوصل رسالة
ياسر الصياد : عايزين خصم عند البرنس يا برنس ، وعلى فكرة انت دمك خفيف
مصطفى figo : سعيد بمعرفتك بس مقلتش كنت عايز تعرفنى ليه
زواوى : شد حيلك فى الكلية
اسلام صفا : انسان مهذب جدا
اكتو : مش عارف بحبك ليه ، يمكن علشان جدعنتك وطيبة قلبك
احمد سامى : ليك وحشة جامدة
عمرو عبد السلام : ابتسامته بتدخل للانسان الفرح
م . غازى : دعواتى ليك باتمام الشفاء
محمد حمدى : انت نتأكد انك دمياطى

[RUN]

اية الجمال دا ..
متجمعين دايماً يا نمور كيا وكان نفسى اكون معاكم بس الظروف بقى

[M7amD_7amDy]

محمد حمدى : انت نتأكد انك دمياطى

اه والله يا أستاذ أحمد دمياطى

هو مش باين عليا ولا ايه؟