ماذا تتمني من الوكيل؟

[bassemforever]

اولا:تغيير قطع الغيار فى ماعدها لان حصل معايا غيروا البوجيهات فى ال20 الف مع انها فى الكاتلوج 40 الف
ثانيا:بيع قطع الغيار الاصلية فقط وبسعر بيعها فى السوق تيل الفرامل مثلا سعر الاصلى منه فى شارع دمشق ارخص من الوكيل ب 150 جنية ومثلا مسالت فى الوكيل عن الانذار والريموت قالوا مفيش غير نوع كوبرا صينى
ثالثا: اراعى ان فى اساسيات مينفعش تتشال من العربية زى الاى بي اس والريموت والمفتاح الامبوليزر مش معقول ابقى شارى عربية ب 110 ومفهاش الحجات دى وفيها حجات تانية زى التحكم من الطارة للسي دى وفلاش ميمورى وفى بعض الفئات من العربيات الاخرى يخلو المريات والمقابض بلون اسود مش بلون العربية خلاص يعنى القحط وصل لكدة
رابعا : الضمان يبقى ضمان بجد حتى فى ابسط الاشياء مثلا عندى لمبة ضربت وانا لسة مكملتش سنة المفروض تتغير على حسابهم وتحسسك انك فعلا فى الضمان الحكاية كلها 30 جنية مش قضية بس ميبقى مكتوب فى كتيب الضمان الضمان على الكهربا 3 سنين يبقى 3 سنين واسمع قصص كتير ان فى ناس عندها حجات بتبوظ ويقولك دة عيب استعمال اصل انت مش عارف عملت اية كدة يعنى
خامسا ودة الاهم: اسعار الصيانات والمصنعيات مش معقول ابقى شارى العربية منهم والمفروض انى واخد عربية اقل كمليات من الخليجي علشان اضمان وفى الاخر كل مروع اعمل صيانة كل 10 الاف ادفع مرة 400 ومرة 700 ضمان اية الى انت جاى تقول علية :) انا عارف انه ضد عيوب الصناعة لكن علشان اضمن ان حاجة تكون بايظة من عيوب الصناعة ادفع على مدار اول 3 سنين 3 الاف جنية طيب مهو بالعقل كدة الواحد يجرب العربية كويس اول 10 الف مظهرش عيوب صناعةيبقى الضمان ملوش لزمة ولو حاجة باظت ابقى اصلحها بال3 الف دول مع العلم انك لو حاجة باظت وهيوفرولك القطع البايظة هيعملوا التركيبات والمصنعية بمبلغ يدايقك
سادسا: انهم يجربوا العربيات كويس ويشوف اية الى ينفع فى الطرق عندنا واية مينفعش مينفعش مثلا جنط 17 فى طرق زى الزفت الا اذا كان متركب على عفشة بى ام ولا مرسيدس لان عفشتها بتبقى متكلفة ومش يفرق متحطلها جنط كبير لانها بتبقى عفشة معقدة مش بسيطة زى العربيات الى فى حدود ال100 الف
سابعا: يبقى فى رقابة على الجودة مش يبقى المهندس الى فى الاستقبال يسمع منك ويكتب فى ورقة وبعد متخلص وتطلع ممكن تلاقى نفس العيب لازم يبقى فى متابعة ان المشكلة اتحلت ولا لا
ثامنا: الاسعار تبقى عقلانية لو عايز تعمل سمكرة ودوكو فى الوكيل مش يبقى بضعف الثمن برة ويبقى فى توسع وعمل مراكز ضخمة بحيث تقدم الخدمات لعدد اكبر وبسرعة اكبر وبسعر مناسب

[Wily]

التوكيل = ضمان = امان = انتشار
واكيد كلنا فاكرين توكيل مصر المحترم (( وجية اباظة ))
يعني البيجو يعني ((عفاريت الاسفلت)) يعني ((النعش الطائر))
و اظن السيارة دي اكثر سيارة في مصر عملت حوادث علي الطرق
((ولا كان يقدر حد يقول اصل الاتزان معرفش ايه وبعد الميه الرعشة ايه ولا الطارة بترقص ليه )) اسكت ساكت دي بيجججججججو يا معلم والله انا اعرف سواقين كانت تخلص الحادثة ويادوب العربية تتشد وهوه يفك الجبس واول ركوبه تكون بتخييشة تاني اصل ده مزاج )) مهو كان صاج يا باشا السواق من دول يخش وش بوش ميهموش يا دوب كسر ولا قطع مفيش موت ((علشان ربنا كان عاوز يعذبهم علشان الناس اللي معاهم واستهتارهم بالطريق )) واللي من اقاليم مصر قبل الميكروباص مكنش فيه غير البيججججججو هما بيقولوا عليها كدة او القطار وطبعا هي اسرع من القطار التوربيني
اللي عاوز اقوله ان هذه السيارة علاوة علي انها فرنسية الصنع الا انها كانت تدخل مصر عبر وكيل محترم يعرف معني الوكالة حتي احسسنا ان هذا الرجل هو صاحب شركة بيجو في فرنسا و اللي مركبش بيجو موديلات السابعينات ((77 - 78 - 79 )) يبقي مركبش عربيات وكل ده من قوة الوكيل مش حكاية بلد الصنع والدليل ان في نفس الوقت كانت ماركات تانية كتير زي (( الفولفو و الاوبل والاودي ))لا نحس بوجودهم في مصر لانهم بلا وكيل قوي
وهوب الراجل المحترم مات او ((اتنقط)) مات الله يرحمه و يحسن اليه وكمان ماتت اجدع سيارة في مصر لان صاحبها مات
وانا حاسس ان بموت اخر الرجال المحترمين ((محمد نصير)) لا ننتظر الكثير ولا القليل حتي من اي وكيل الان في مصر واصبح المثل اللي بيقول (( اللي خلف مامتش يا رجالة )) طلع مثل قديم بتاع الناس القديمة مش علي عهدنا
اللهم اهديهم علينا ولا تفرح عدوك فينا

م.حاتم السباعي

صباح الفل يا باشمهندس حاتم و بجد إسلوبك في الكتابه قوي و ممتع بس طيب إيه الحل من وجهه نظرك؟ يعني نشتري العربيه من دوول و بعدين صاحب التوكيل يموت نبيع؟

[Wily]

اولا:تغيير قطع الغيار فى ماعدها لان حصل معايا غيروا البوجيهات فى ال20 الف مع انها فى الكاتلوج 40 الف
ثانيا:بيع قطع الغيار الاصلية فقط وبسعر بيعها فى السوق تيل الفرامل مثلا سعر الاصلى منه فى شارع دمشق ارخص من الوكيل ب 150 جنية ومثلا مسالت فى الوكيل عن الانذار والريموت قالوا مفيش غير نوع كوبرا صينى
ثالثا: اراعى ان فى اساسيات مينفعش تتشال من العربية زى الاى بي اس والريموت والمفتاح الامبوليزر مش معقول ابقى شارى عربية ب 110 ومفهاش الحجات دى وفيها حجات تانية زى التحكم من الطارة للسي دى وفلاش ميمورى وفى بعض الفئات من العربيات الاخرى يخلو المريات والمقابض بلون اسود مش بلون العربية خلاص يعنى القحط وصل لكدة
رابعا : الضمان يبقى ضمان بجد حتى فى ابسط الاشياء مثلا عندى لمبة ضربت وانا لسة مكملتش سنة المفروض تتغير على حسابهم وتحسسك انك فعلا فى الضمان الحكاية كلها 30 جنية مش قضية بس ميبقى مكتوب فى كتيب الضمان الضمان على الكهربا 3 سنين يبقى 3 سنين واسمع قصص كتير ان فى ناس عندها حجات بتبوظ ويقولك دة عيب استعمال اصل انت مش عارف عملت اية كدة يعنى
خامسا ودة الاهم: اسعار الصيانات والمصنعيات مش معقول ابقى شارى العربية منهم والمفروض انى واخد عربية اقل كمليات من الخليجي علشان اضمان وفى الاخر كل مروع اعمل صيانة كل 10 الاف ادفع مرة 400 ومرة 700 ضمان اية الى انت جاى تقول علية :) انا عارف انه ضد عيوب الصناعة لكن علشان اضمن ان حاجة تكون بايظة من عيوب الصناعة ادفع على مدار اول 3 سنين 3 الاف جنية طيب مهو بالعقل كدة الواحد يجرب العربية كويس اول 10 الف مظهرش عيوب صناعةيبقى الضمان ملوش لزمة ولو حاجة باظت ابقى اصلحها بال3 الف دول مع العلم انك لو حاجة باظت وهيوفرولك القطع البايظة هيعملوا التركيبات والمصنعية بمبلغ يدايقك
سادسا: انهم يجربوا العربيات كويس ويشوف اية الى ينفع فى الطرق عندنا واية مينفعش مينفعش مثلا جنط 17 فى طرق زى الزفت الا اذا كان متركب على عفشة بى ام ولا مرسيدس لان عفشتها بتبقى متكلفة ومش يفرق متحطلها جنط كبير لانها بتبقى عفشة معقدة مش بسيطة زى العربيات الى فى حدود ال100 الف
سابعا: يبقى فى رقابة على الجودة مش يبقى المهندس الى فى الاستقبال يسمع منك ويكتب فى ورقة وبعد متخلص وتطلع ممكن تلاقى نفس العيب لازم يبقى فى متابعة ان المشكلة اتحلت ولا لا
ثامنا: الاسعار تبقى عقلانية لو عايز تعمل سمكرة ودوكو فى الوكيل مش يبقى بضعف الثمن برة ويبقى فى توسع وعمل مراكز ضخمة بحيث تقدم الخدمات لعدد اكبر وبسرعة اكبر وبسعر مناسب

مشكور علي المشاركه يا باشا

[M.ABDEEN]

يخصص افراد لتسجيل شكاوي العملاء صوتيا ويتم فحصها فورا
زيادة مراكز الخدمة او توسيعها
امكانية عمل نظام ورادي دورية بحيث ممكن عمل الصيانة بالليل زي رمضان

[Atrees]

الضمييييييييييييييييييييييييييييييييييير فقط يحقق كل امانينا !!! صح ؟

[م. حاتم السباعي]

صباح الفل يا باشمهندس حاتم و بجد إسلوبك في الكتابه قوي و ممتع بس طيب إيه الحل من وجهه نظرك؟ يعني نشتري العربيه من دوول و بعدين صاحب التوكيل يموت نبيع؟

الله يكرمك ده بس من الحرقة اللي الواحد شايفها في مصر والحل في نظري يتطلب اقتراحين
الاول _ وهو حل سريع جدا و يقضي علي المشكلة من اساسها لكن سريع الفشل في نفس الوقت ازاي الكلام ده
اري ان الحل الاول يكمن في انشاء هيئات مثل جهاز حماية المستهلك ويكون لها دور مع صناع السيارات مثل هيئة الجودة وهي تقوم بزيارات ميدانية مفاجئة للوكلاء سواء في الاشراف علي اسعار البيع او الحجز او خدمة ما بعد البيع وتكون مزودة بمجموعة خبراء ومحكمين ومحامين كل ده يكون بفلوس يدفعها العميل اثناء شراء السيارة وليكن 2% من ثمن السيارة زي التأمين الاجباري ويكون من حق هذه الهيئات توجيه انظار للشركة الام بأن وكيلها لا يقدم الخدمة الازمة ويكون لهذه الهيئة ان لم تستجب الشركة المصنعة بتدارك الاخطاء بأن توقف تراخيص الوكيل في بلدنا مصر وتوجه العملاء الي مراكز خدمة معتمدة جيدة حتي يتم التزام الوكيل او تغييره طب حلو الكلام ده طب ليه انا متوقع الفشل اقول لحضرتك علشان ان ده كله تحقق وشاركت الدولة معنا في انشاء هذه الهيئات واصبح لها دور فعال هوووووووووب شهرين تلاتة او سنتين تلاتة ويصبح تعيين الافراد في هذه الهيئة بقي بالفلوس وههههههوب يصبح من دخل لهذه الهيئة متطوعا اصبح بقدرة قادر بيصرف الملايين علشان يفضل قاعد علي الكرسي بتاعه طبعا انتوا فاهمين ليه ((علشان الفيلا اللي جت هدية في مارينا والاندروفر اللي جت هدية للننوس الصغير علشان السفاري وال وال وال وال تيييييت احنا في رمضان بقي والعصر اذن يالا نقوم نصلي حرام كده جبنا في سيرة الناس الافاضل الله يسامحك ))
اذن الحل في المقترح الثاني لا محالة
ايه هوه (( الحل في انفسنا يعني كل واحد فينا يتقي الله في عمله وفيمن حوله حتي يكرمنا الله بوكلاء ولاد حلال يتقوا الله فينا يعني تقدر تقول حضرتك كده محتاجين زلزال يهدي انفسنا ))

اللهم اهديني للعفاف والغنا وابداء بنفسي ان النفس لامارة بالسوء اللهم اكفينا شر انفسنا

م.حاتم السباعي

[lolly136]

أتمنى من التوكيل كتيييييييير قوي
1- توفر عربيات ب امكانيات وخامات ممتازة أحسن من الخليجي وتتوفر بعدد كويس يكفي الناس كلها من غير حجز والقرف ده
2- اخاف على العميل واوفر الأمان في العربية abs , esp , airbags
3-لازم الوكيل يعرف معني كلمة مراكز خدمة:
مركز خدمة ....بيخدم العميل
يعني اوفرله كل اللي يرضيه من أول الأمن ل مهندسين الاستقبال ل الفنيين ومهندسين ل عُمال النضافة ل حد مايستلم عربيته
4- محتاج نظام أكتر في الحجز عرف العربية بتاخذ وقت اد ايه واحسب بدخل كام عربية وبعد كده احجز المعاد اللي بعده عشان العميل مايستناش كتييييييير
5- طالما العميل حينتظر يبقى نعمل اماكن انتظار كويسة فيها wifi فيها كاميرات على الورش شاشة عليها كل عربية على أنهي كوريك وبيتعمل فيها ايه يعني تغير زيت تغير فلتر تربيط عفشه كده يعني نعمل كافتريا تخدم العميل بدون مقابل
6- نعمل خدمة توصيل العميل يعني لو العميل ريح مشوار قريب نوصله ونرجعه
7- نضافة العربية.... نفسي تبقى عملة زي الكار كير و يبقى فيه معطر عليه اللوجه بتع كيا
8- نعمل أوفرز كل شوية
9-عايزة العميل يمشي من عندي يتمنى امتى بقى الصيانة الجاية
10- عايزة يبقى في توفر في قطع الغيار والسعرها تبقى قريبه من اسعار بره عشان يبقى اغراء للعميل إنه يشتري من عندك
يعني الأحلام كتير ........... من نحيتي أنا بحاول

[M7amD_7amDy]

الأول بس بالصلى على النبى

هجبلى حتة كادينزا ام سقف على البحر دى وأعيشلى يومين تلاتة

وبعدين أبقى أفكر أعمل ايه بقه

عمركوا شوفتوا جشع أكتر من كده؟

هههههههههههههههههههههههههههههههه

[Khaled_Nowaihy]

أهم حاجة يكون عندهم ضميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــر
ويبطلوا سفسطة فى الكلام
ويقولوا ايه اللى بيعملوه بالضبط فى العربيات
وكمان نبقى شايفين بيعملوا فيها ايه
وقبل ما يغيروا أى جزء ياخدوا مننا approval الأول .... حتى ولو كان ببلاش
ويكون عندهم تفسير لكل سؤال
مش يقولوا هى كده !!!

[night_phoenix]

أهم حاجة يكون عندهم ضميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــر
ويبطلوا سفسطة فى الكلام
ويقولوا ايه اللى بيعملوه بالضبط فى العربيات
وكمان نبقى شايفين بيعملوا فيها ايه
وقبل ما يغيروا أى جزء ياخدوا مننا approval الأول .... حتى ولو كان ببلاش
ويكون عندهم تفسير لكل سؤال
مش يقولوا هى كده !!!

ممكن اصحيك من الحلم عشان الفطار

[Khaled_Nowaihy]

ممكن اصحيك من الحلم عشان الفطار

[A.Saad]

توفير قطع الغيار
يشتغلوا السبت فى ابو رواش
مركز خدمة فى الصعيد
محلات تبيع قطع الغيار
اكسسوارات
عربية ولا توكتوك يوصل العملا من ابو رواش لاول الصحراوى

[Wily]

يخصص افراد لتسجيل شكاوي العملاء صوتيا ويتم فحصها فورا
زيادة مراكز الخدمة او توسيعها
امكانية عمل نظام ورادي دورية بحيث ممكن عمل الصيانة بالليل زي رمضان

مشكور باشمهندس محمد و خصوصا فكره مد فتره العمل لورديه ليل.

[Wily]

توفير قطع الغيار
يشتغلوا السبت فى ابو رواش
مركز خدمة فى الصعيد
محلات تبيع قطع الغيار
اكسسوارات
عربية ولا توكتوك يوصل العملا من ابو رواش لاول الصحراوى

مشكور يا باشا... بس سؤال... ما المقصود بإنهم يشتغلوا السبت في أبو رواش؟ ماهم فعلا بيعملوا كده و أنا شخصيا حاجز غدا السبت لصيانه 20,000؟

[lolly136]

مشكور يا باشا... بس سؤال... ما المقصود بإنهم يشتغلوا السبت في أبو رواش؟ ماهم فعلا بيعملوا كده و أنا شخصيا حاجز غدا السبت لصيانه 20,000؟

حاجز أنهي فرع؟؟