ماذا تتمني من الوكيل؟

[Wily]

حاجز أنهي فرع؟؟

أبو رواش علشان الباشا إللي في الكول سنتر لما سألته علي الكونسول الأوريجينال إللي فييه gps قالي هناك و طبعا مش هناك ولا نيله و كسرولي الفانوس الوراني يمين و كانت مهزله و هما بيحاولوا يلبسوهالي... بس طبعا بهدلتهم و هايتغير علي حسابهم

[Wily]

منا ومنك باذن الله
الاقتراح بتاعي زي اقتراح الدكتور اسامة العسل اللي كان بيحلم وصحي
الموضوع بأختصار ان جهاز حماية المستهلك اتوقع دوره رقابي من قبل الغرفة التجارية او اي وزارة كانت مثل وزارة الصناعة او ما شابة اما ما اقصده ان نكون هيئة من المجتمع المدني مثل شركات الجودة ودي شركات متخصصة في اصدار شهادات للجودة وشهادات الايزو ولها معايير عالمية للحكم علي المنشات المختلفة وشرحت سابقا ان هذه الهيئة ستضم مجموعة استشاريين وخبراء في صناعة السيارات انا اسف في اللفظ بفلوسنا يعني محدش متطوع ومحدش هيجيلنا لما وقته يسمح دا المفروض يكون هناك تهافت من الخبراء علي الانضمام لهذه الهيئة لاني شرحت مسبقا بأنه يمكن اضافة مبلغ وليكن مثلا 2% من ثمن السيارة وبذلك يكون المشتري قد انضم بالفعل للهيئة كأنها هيئة تعاونية وهذه الهيئة تضم مجموعة محامين دورهم انهم يرفعوا قضايا علمال عالبطال علي اي وكيل غير ملتزم ويتوجهوا مع العملاء في اثناء زيارات العملاء لاجراء الصيانات الدورية ويشوفوا علي الطبيعة المشاكل اللي بتحصل من شكوي العميل المتكررة وهوب يرفعوا قضية واحنا ساعتها هنكون مش عاوزين غير حقوق العملاء الغلابة ومش عاوزين الا ان اللي معندوش ضمير من الوكلاء من الاصل الخوف من الفضايح في الجرائد والسمعة السيئة اللي سوف تلاحقة و ممكن يكون لنا جريدة مش زي اخبار السيارات ولا اهرام السيارات اللي مليئة بالمجاملات والمداهنات علي حساب الجودة معلش طولت علي حضرتك بس الامل موجود لاني بصراحة لمت نفسي علي رسالة البؤس اللي انا كتبتها المرة اللي فاتت اهه علشان محدش يقول مفيش فايدة مفيش فايدة زي هاني رمزي
وفي الاخر هل لهاذا الحلم من يوم يتحقق فيه بدون زلزال اشك في ذلك اصل مفيش فايدة مفيش فايدة

م.حاتم السباعي

عفوا لجهلي القانوني يا أساتذه بس مفيش معانا هنا حد قانوني يفتينا؟ و هل لو تم موضوع نادي سيارات كيا و أعتمد من نادي السيارات.. ممكن يدينا الحق ده؟ ممكن حد من إخوانا المتعلمين أولاد المدارس يفتينا؟

[abohagar2001]

ا- تركيب كاميرات دقيقة فى قاعات الانتظار بحيث يمكن للعملاء متابعة خدمة سياراتهم
2- تحديد وقت الخدمة بدقة شديدة بحيث مثلا يقول 8.30 يبقى هو مظبط برنامجه ان ميعاد دخول السيارة 9 ودا مش صعب
3- توافر قطع الغيار بشكل افضل من الحالى
4- توفير خدمة صيانة متنقلة ولو بتكلفة خدمة اكبر 5% مثلا
5- تشغيل ورديات طوال عمل 24 ساعة والاجازات للقضاء على الانتظار
6- استقبال الخليجى بسعر اعلى فى قطع الغيار 5% حد اقصى دون اى مصاريف اخرى
7- زيادة عدد المقاعد فى الانتظار
8- الابتسامة فى وجه العملاء
الضمييييييييييير
ولو ان احنا مش فى المدينة الفاضلة وقبل مانسأل لهم الضمير لازم كل واحد فينا يسأل نفسه انا بأقوم بعملى بضمير 100% والاجابة جواك

[Wily]

ا- تركيب كاميرات دقيقة فى قاعات الانتظار بحيث يمكن للعملاء متابعة خدمة سياراتهم
2- تحديد وقت الخدمة بدقة شديدة بحيث مثلا يقول 8.30 يبقى هو مظبط برنامجه ان ميعاد دخول السيارة 9 ودا مش صعب
3- توافر قطع الغيار بشكل افضل من الحالى
4- توفير خدمة صيانة متنقلة ولو بتكلفة خدمة اكبر 5% مثلا
5- تشغيل ورديات طوال عمل 24 ساعة والاجازات للقضاء على الانتظار
6- استقبال الخليجى بسعر اعلى فى قطع الغيار 5% حد اقصى دون اى مصاريف اخرى
7- زيادة عدد المقاعد فى الانتظار
8- الابتسامة فى وجه العملاء
الضمييييييييييير
ولو ان احنا مش فى المدينة الفاضلة وقبل مانسأل لهم الضمير لازم كل واحد فينا يسأل نفسه انا بأقوم بعملى بضمير 100% والاجابة جواك

أنا متفق معاك و بجد نفسي أعرف ليه الكول سنتر بيدي ميعاد و تروح هناك تلاقي الدخول بأولويه الحضور و اللي رايح في ميعاده يضرب دماغه غي الحيط!!!!