السيراتو عملت حاجه غريبه معايا

[moroattar]

سؤال لولبي العربيه مانيوال ولا اتوماتيك
لو مانيوال ممكن تكون دوست دبرياج قبل لما تكبس فرامل فالعربيه بتشد سنه
والحوار ده بيحصل كتير معايا

عارف يا ا/ahmed-mido بعد ما طرنا من على المطب مروان قلى هوه فيه حاجه عندك غير الفرامل والبنزين -كانه بيقول انت حشت رجلك من على البنزين ودوست على الفرامل ايه اللى خلا العربيه تسرع كده _ العربيه اوتوماتيك.

[NoRmAl]

عارف يا ا/normal لو مكنش مروان حس بالحكايه دى انا كنت هأقول لنفسى ان انا بيتهيألى - بس ازاى ادوس على البنزين من غير ما احس وانا فى الوقت نفسه بأقول لنفسى اعمل ايه غير الضغط على الفرامل علشان العربيه تقف . على كل زى ما ذكرت قبل كده ان شاء الله يكون العيب عندى انا مش عند الهانم سيراتو . وشكرا لاهتمامك.

بص بردو علشان يطمأن قلبك أكشف عليها عن حد محترم
مجرد تشيك أب يعنى علشان تتطمن

[midomagde]

الحكايية وما فيها ان المطبات على الطرق الزراعية مكان العربيات الكبيرة ما بتدوس فرامل قبل المطب بتعمل مجرى ومطبات صغيرة (تحس ان الاسفلت اتكرمش) وانت فعلا دست فرامل لكن مع السرعه و كرمشة الاسفلت الفرامل ما بتمسكش زى مانت حاسبلها لانها عربيتك وعارفها كويس وانت عامل حسابك انها مسكت فبتحس الاحساس اللى حضرتك بتقول عليه(زى ماتكون راكب عربيه مش عربيتك واول مره تدوس فراملها اما انها تعمل كده او تخبط فى الازاز لو فراملها اجمد من اللى انت متعود عليها)
ياريت تكون وصلت؟؟؟؟؟؟؟؟؟؟؟

[moroattar]

حاجة من اتنين : دست بنزين غلط - ادي الي تسارع العربية

2- الارض كانت رملة و انت اتزحلقت لما فرملت جامد " ال abs مشتغلش حلو مثلا " حسيت ان العربية ماوقفتش "

مفيش احتمال تالت

اتمنى ان كلامك يكون صحيح -بالنسبه للطريق انت عارف طريق الصعيد الزراعى مفيهوش لا رمل ولا ظلط.
وشكرا للمشاركه

[moroattar]

الحكايية وما فيها ان المطبات على الطرق الزراعية مكان العربيات الكبيرة ما بتدوس فرامل قبل المطب بتعمل مجرى ومطبات صغيرة (تحس ان الاسفلت اتكرمش) وانت فعلا دست فرامل لكن مع السرعه و كرمشة الاسفلت الفرامل ما بتمسكش زى مانت حاسبلها لانها عربيتك وعارفها كويس وانت عامل حسابك انها مسكت فبتحس الاحساس اللى حضرتك بتقول عليه(زى ماتكون راكب عربيه مش عربيتك واول مره تدوس فراملها اما انها تعمل كده او تخبط فى الازاز لو فراملها اجمد من اللى انت متعود عليها)
ياريت تكون وصلت؟؟؟؟؟؟؟؟؟؟؟

هى طبعا وصلت يا أ/mido وكلامك صحيح بخصوص اللى بتعمله العربيات الكبيره عند المطبات - بس اعتقد ان فيه فرق بين ان الفرامل مبتمسكش زى ما انت عاوز زى ما انت بتقول وبين ان السرعه زادت - ودا اللى انا مش لاقيله اى تفسير غير اللى قاله أ/atrees ان دا حصل فى الموقف دا بس .

[Atrees]

والله يا باشا انا بهرج معاك ومش قصدي التشكيك في قدراتك خالص ولا بفترض انك دوست البنزسن غلط - وطبعا في الاول والاخر انت الوحيد الاقدر علي تعريف اللي حصل - بس انا ياما بتحصلي حاجات ويجيلي الهسس ان العربية فيها حاجة غلط - وبيطلع في الاخر احساس الموقف فقط وبنحمد ربنا


عموما زي ما قولتلك - جرب تاني وتالت لحد ما تطمن - بس تسارع مع الفرامل دي انا مش قادر اربطها ببعض - مش قادررررررررررر

وعلي فكرة طالما مارو حس بيها يبقي الاحساس بالتسارع حقيقي - احنا بس محتاجين نوصل للسبب

وبعتذر لو كلامي في تهكم - انا فعلا مش قصدي - انا كدة مقضيها تهريج في المنتدي :))))

[moroattar]

والله يا باشا انا بهرج معاك ومش قصدي التشكيك في قدراتك خالص ولا بفترض انك دوست البنزسن غلط - وطبعا في الاول والاخر انت الوحيد الاقدر علي تعريف اللي حصل - بس انا ياما بتحصلي حاجات ويجيلي الهسس ان العربية فيها حاجة غلط - وبيطلع في الاخر احساس الموقف فقط وبنحمد ربنا


عموما زي ما قولتلك - جرب تاني وتالت لحد ما تطمن - بس تسارع مع الفرامل دي انا مش قادر اربطها ببعض - مش قادررررررررررر

وعلي فكرة طالما مارو حس بيها يبقي الاحساس بالتسارع حقيقي - احنا بس محتاجين نوصل للسبب

وبعتذر لو كلامي في تهكم - انا فعلا مش قصدي - انا كدة مقضيها تهريج في المنتدي :))))

لا والله يا أ/atrees انا اخدت كلامك عادى من غير تهكم ولا حاجه بل بالعكس انا باحب اقرأ مشاركاتك لان بيبقى فيها فعلا تهريج لطيف والعمليه مش محتاجه اعتذار ولا يحزنون . بالعكس انا عجبتنى كلمتك وانت بتقول ان دا حصل فى الموقف دا وبس . ولعلمك مفيش حاجه حصلت بعد كده من العربيه .

[moroattar]

بص بردو علشان يطمأن قلبك أكشف عليها عن حد محترم
مجرد تشيك أب يعنى علشان تتطمن

والله يا أ/normal ولا هأسال فيها (شغل صعايده -اعمل ايه الطبع غلاب) ما دام شغاله كويس ومفيش مشاكل ولا راح اشغل بالى بيها (اهو يا أ/ atrees لا فيه هسس ولا حاجه اهو) .

وشكرا يا جماعه على مشاركاتكم.

[bolok]

بعد كلام أ/ عتريس
انا من رأى تعرض العربية على دكتور نفساني :))

[pepsi007]

mfish moshkla inta lma dost framel 3la el mtab kda inta kbast el 3rabya lta7t wa 7set balmtab fi el nzol min 3liah hwa dah ely inta 7satoh low lkeet nafsak mosh ht3raf tw2fha abl el mtab koloh wa mdos framel

[moha4tec]

حاجة من اتنين : دست بنزين غلط - ادي الي تسارع العربية

2- الارض كانت رملة و انت اتزحلقت لما فرملت جامد " ال abs مشتغلش حلو مثلا " حسيت ان العربية ماوقفتش "

مفيش احتمال تالت

+1111111111111111
انا مع الاحتمال التانى
بتحصل عادى جدا خلى بالك المره الجايه

[moha4tec]

mfish moshkla inta lma dost framel 3la el mtab kda inta kbast el 3rabya lta7t wa 7set balmtab fi el nzol min 3liah hwa dah ely inta 7satoh low lkeet nafsak mosh ht3raf tw2fha abl el mtab koloh wa mdos framel

+11111111111111
ممكن فعلا

[Atrees]

يا جماعة انتو مدايقين لية - العربية جرايه بغباوة - خلاص السيراتو مفيش حاجة بتوقفها --- حتي الفرامل بتجريها - هههههههههههههههههههههههههههههههههههههههههههههههههه ههههههههههههههههههههههههههههه

مع تحياتي ليكم كلكم دة تهريج

[blackknight]

هو مش ممكن وانت بتدوس فرامل دوست على بقعة زيت فى الارض مثلا وده اللى مكن يخلى العربية تتزحلق و التسارع بتعها يزيد مقارنة بانك مسكت فرامل فى الظروف الطبيعية

[moroattar]

بعد كلام أ/ عتريس
انا من رأى تعرض العربية على دكتور نفساني :))

بالفعل دا اللى حصل والدكتور كشف عليها واكتشف :

"ان الكومبيوتر بتاع العربيه جاى من كوريا - بص لقا نفسه بيشتغل فى الصعيد (دا طبعا بالنسباله مصيبه ما هوه اكيد سامع عن الصعيد فى كوريا ) فتعب نفسيا وحب يتفش فعمل اللى عمله معايا عند المطب على امل انى انهى عقده و يرجع يشتغل فى كوريا ."

على كل يا جماعه انا متشكر على مداخلاتكم والحمد لله العربيه خفت والكومبيوتر ضميره صحى وهى دلوقت زى الفل وبتبرطع كمان من على المطبات ومفيش اى مشاكل منها ودا كان موقف وعدى على خير الحمد لله .