هل البيكاتو مناسبة لحديثى القيادة ؟

[kanu2010]

بصراحة انا لسة متعلم القيادة من اسبوع و ان شاء الله هشترى عربية جديدة و بصراحة شوفت البيكانتو و عاجبانى اوى بس كنت عايز اعرف منكم هل هىا مناسبة لحديثى القيادة و هل فعلا العفشة بتاعتها ناشفة زى ما سمعت و كنت عايز اعرف سعرها و شكر ا

[NoRmAl]

مش فاهم تقصد أيه بعربيه تنفع لحديثى القياده :)
كلالعربيات لازم تعرف تسوق قبل متسوقها
وأنا شايف أنك لو مش متمكن أوى يستحسن تشترى عربيه يوزد وتخبط فيها براحتك وبعدين تجيب جديد بقى
البيكانتو جميله جدا
عفشتها ناشفه حبتين لكن أتصور أنها من الافضل فى فئتها
ربنا معاك

[kanu2010]

متشكر اوى على اهتمامك بس ممكن اعرف سعرهااااااااا ؟؟؟؟؟؟؟

[NoRmAl]

مانيوال 64000
وأوتوماتيك 71000

[yasso0101]

اتعمل في مستعل الاول احسن متخبك في العربيه الجديده

[FrozenFire]

اتعمل في مستعل الاول احسن متخبط في العربيه الجديده

وأنا أضم صوتي وبشدة عشان كده كده حتخبط العربية كذا مرة خبطات خفيفة، فالعربية الجديدة حتصعب عليك قوي.
خليك أحسن في حاجة مستعملة سهلة في تصليحها وقطع غيارها عند البقالين ورخيصة زي ال128 أو 127 مثلا
أو لو حابب حاجة نضيفة شويه هات فيرنا أو لانوس مستعمل وبعدين لما تتودك كده هات اللي إنت عايزه
والسلام ختام

[ALSHARIEF]

اتعمل في مستعل الاول احسن متخبك في العربيه الجديده

وأنا أضم صوتي وبشدة عشان كده كده حتخبط العربية كذا مرة خبطات خفيفة، فالعربية الجديدة حتصعب عليك قوي.
خليك أحسن في حاجة مستعملة سهلة في تصليحها وقطع غيارها عند البقالين ورخيصة زي ال128 أو 127 مثلا
أو لو حابب حاجة نضيفة شويه هات فيرنا أو لانوس مستعمل وبعدين لما تتودك كده هات اللي إنت عايزه
والسلام ختام

كلامكم صح ميه الميه .......... بس أنا لو مكان السائل و حد رد عليا الرد ده هجيلى إحباط السنين و التنين كمان ...... أكيد كلنا بنتعرض للموقف دا خصوصا لما يكون متعلق بحاجة عايز تشتريها و تكون كمان عايزها جديدة ...... يا روح الروح

[bolok]

اتعمل في مستعل الاول احسن متخبك في العربيه الجديده

نفسي الاقي كلمة صح في الجملة دي ...
ياسو باشا الظاهر السيراتو عاملة شغل ومن ساعة ما جبتها وانت بقيت تاكل الكلا .... الكلام يعني :)))

[shiko85]

مستعمل الأول و بعد كده هات عربيه جديده

[ALSHARIEF]

نفسي الاقي كلمة صح في الجملة دي ...
ياسو باشا الظاهر السيراتو عاملة شغل ومن ساعة ما جبتها وانت بقيت تاكل الكلا .... الكلام يعني :)))

لا يا باشا دا حب مساعدة الغير من كتر حب سرعة حب مساعدة الغير الكلام مش عارف ماله إيه إللى جراله ( حلاوة الروح ) .

وبعدين هو الراجل هيقرا المشاركات و المواضيع و لا هيفكر و لا هيفضل كل شوية داخل خارج من البلكونة علشان يطمن على العربية الجديدة و لا هيخللى باله من إللى بيكتبه و لا هينزل يجيب الفينو و لا هيعمل إيه و لا إيه و لا إيه بس.... خلاص مفيش مساعدة ..... تخيل يا حبيبى الكلام و إعتبرها أكمل و رتب الكلمات التالية لتكون جملة مفيدة زى زمان فى أولى إبتدائى

[ma3lenahhh]

ازيكم يا شباب انا مع الكلام اللى بيقول لازم انه يتعلم فى عربيه صغيره او مستعمله و بعدين ينقل على الجديد بس فى نفس الوقت عجبنى كلمه انه فعلا متعلق بعربيه جديده و الزيرو زيرو برضه و احنا كده هنعمله احباط انا عن نفسى عملت النصيحه دى و جبت المستعمل وقع فى نصيبى 11 سنه :) لحد ما فكرت انى اجيب زيرو و لسه حتى مستلمتهاش :)))))))

[A.Saad]

لو شايف انك بتسوق كويس
خليك فى الجديد
لان المستعمل لو تعبان
هيقرفك مع الصنايعية
وممكن يكون فيه خسارة عند البيع

لو خايف على العربية الجديدة
يبقى اسوق كويس
ادخل على مواضيع التعليمى
أامن على العربية

البيكانتو
عفشتها ناشفة
كل الصغير كدة علشان تكون ثابتة
64000 الفول اوبشن
الهاف 61000
ده سعر التوكيل
مدى تناسبها معاك
مناسبة لان حجمها حلو وصغير مش ضخمة وتتعبك
اسبوع مش كفاية للتعليم عادة
بيفضل تاخد حصص اضافية كمان

http://www.nilemotors.net/Nile/127724-a.html

[ALSHARIEF]

ازيكم يا شباب انا مع الكلام اللى بيقول لازم انه يتعلم فى عربيه صغيره او مستعمله و بعدين ينقل على الجديد بس فى نفس الوقت عجبنى كلمه انه فعلا متعلق بعربيه جديده و الزيرو زيرو برضه و احنا كده هنعمله احباط انا عن نفسى عملت النصيحه دى و جبت المستعمل وقع فى نصيبى 11 سنه :) لحد ما فكرت انى اجيب زيرو و لسه حتى مستلمتهاش :)))))))

مستعمل و 11 سنة ............... دا حضرتك تقريبا خليتوه تقريبا يصرف نظر خالص - دا عدى مرحلة الإحباط بمراحل ........... يا راجل دا أنا إللى جالى إحباط .

كلام جد بقى : بص يا باشا هو كلام مظبوط إنه يتعلم فى مستعمل الأول بس الموضوع محتاج تهيأة نفسية علشان ما يقفلش من الموضوع من الأساس ........ إنما جديد و هو لسه فى السواقة جديد هيبقى السمكرى هو إللى سعيد و كل عام و أنتم بخير

[bolok]

لا يا باشا دا حب مساعدة الغير من كتر حب سرعة حب مساعدة الغير الكلام مش عارف ماله إيه إللى جراله ( حلاوة الروح ) .

وبعدين هو الراجل هيقرا المشاركات و المواضيع و لا هيفكر و لا هيفضل كل شوية داخل خارج من البلكونة علشان يطمن على العربية الجديدة و لا هيخللى باله من إللى بيكتبه و لا هينزل يجيب الفينو و لا هيعمل إيه و لا إيه و لا إيه بس.... خلاص مفيش مساعدة ..... تخيل يا حبيبى الكلام و إعتبرها أكمل و رتب الكلمات التالية لتكون جملة مفيدة زى زمان فى أولى إبتدائى

تصدق الراجل بتاع الإيموشنز ده كان عنده حق ..
بعدين واضح يا باشا ان ياسو باشا بيعمل ساندوتش الفينو للاولاد وبيكتب وهو بياكلو ...
حبيبي يا ياسو متزعلش يا باشا احنا بس بنهزر معاك

[moha4tec]

مبروك مقدما
عندك حل من اتنين
1- تشترى مستعمل لمدة سنه سنتين تعليم و بعد كده الجديد
2-تشترى زيرو (بعد 6 قرصات سواقه)و لما تمشى بالعربيه الجديده خلى حد جنبك اغلب الوقت يفهمك ,و يعرفك الطرق و السواقه.
*بعد اول 4 شهور ممكن اكتر ممكن اقل هتبتدى تحس انك بقيت كويس
*حاول تحفظ الطرق بتاعتك كويس و تاخد بالك من اماكن الحفر و المطبات و الطرق المكسره و الرادارات( و الميادين او التقاطعات تدى كلاكسات وتفلش بالنور قبل ما تدخلها عشان لو فى حد مش شايفه هو يشوفك و يقفلك و تدخل هادى جدا على التقاطع.)
*متجريش خالص و فى نفس الوقت متمشيش بالراحه اوى (هتتخبط فى الحالتين )*متسقش وانت تعبان او مش مركز ,خد تاكسى احسن و الله ) لانك ممكن تضيع روحك و روح ناس تانيه بسبب عدم التركيز و كمان خساير ماديه و نفسيه )اكتر من تمن توصيلة التاكسى بكتير طبعا.
حاول تطلع حاجه لله و متجبش العربيه قسط ,و خلى بالك طويل عشان هتلاقى الناس كلها بتكسر عليك فى الاول لانك بتمشى بالراحه و خايف
*خلى اعصابك فى تلاجه و تكون عندك سرعة رد فعل كويسه
اخر حاجه متخليش العربيه تسوقك و تجرى بيك (انت اللى تتحكم فيها و تمشيها بالعقل) ,و مش عشان العربيه عدادها بيعدى ال200 يبقى لازم تجبهم يعنى و سوق فى طرق فاضيه بليل و النهار عشان تتعود و تتحسن ووانت راكب جنب اى حد سايق ركز معاه و اعرف و احفظ الطرق ,
و ربنا يديد خيرها و يحميك من شرها
و السلام ختام