هل البيكاتو مناسبة لحديثى القيادة ؟

[shiko85]

مبروك مقدما
عندك حل من اتنين
1- تشترى مستعمل لمدة سنه سنتين تعليم و بعد كده الجديد
2-تشترى زيرو (بعد 6 قرصات سواقه)و لما تمشى بالعربيه الجديده خلى حد جنبك اغلب الوقت يفهمك ,و يعرفك الطرق و السواقه.
*بعد اول 4 شهور ممكن اكتر ممكن اقل هتبتدى تحس انك بقيت كويس
*حاول تحفظ الطرق بتاعتك كويس و تاخد بالك من اماكن الحفر و المطبات و الطرق المكسره و الرادارات( و الميادين او التقاطعات تدى كلاكسات وتفلش بالنور قبل ما تدخلها عشان لو فى حد مش شايفه هو يشوفك و يقفلك و تدخل هادى جدا على التقاطع.)
*متجريش خالص و فى نفس الوقت متمشيش بالراحه اوى (هتتخبط فى الحالتين )*متسقش وانت تعبان او مش مركز ,خد تاكسى احسن و الله ) لانك ممكن تضيع روحك و روح ناس تانيه بسبب عدم التركيز و كمان خساير ماديه و نفسيه )اكتر من تمن توصيلة التاكسى بكتير طبعا.
حاول تطلع حاجه لله و متجبش العربيه قسط ,و خلى بالك طويل عشان هتلاقى الناس كلها بتكسر عليك فى الاول لانك بتمشى بالراحه و خايف
*خلى اعصابك فى تلاجه و تكون عندك سرعة رد فعل كويسه
اخر حاجه متخليش العربيه تسوقك و تجرى بيك (انت اللى تتحكم فيها و تمشيها بالعقل) ,و مش عشان العربيه عدادها بيعدى ال200 يبقى لازم تجبهم يعنى و سوق فى طرق فاضيه بليل و النهار عشان تتعود و تتحسن ووانت راكب جنب اى حد سايق ركز معاه و اعرف و احفظ الطرق ,
و ربنا يديد خيرها و يحميك من شرها
و السلام ختام

نصائح قيمه جدا, بس الراجل كده مش هيجيب عربيه خالص
هيعمل ايه ولا ايه ولا ايه بجد السواقه تتطلب مهاره فائقه و لو واحد لسه بيتعلم هيبقى مش عارف يركز فالسواقه ولا فالعربيه و لا العربيات اللى جنبه ولا الموتوسيكلات و لا الشوراع و المطبات و البلاعات و و و و

[M.ABDEEN]

ممكن مستعمل في الاول وبعدين جديد
البيكانتو عيوبها
العفشة ناشفة شوية وده علشان يدي ثبات مع السرعات
الشنطة صغيرة
عدا ذالك فهي ميه ميه

[yasso0101]

اتعمل في مستعل الاول احسن متخبك في العربيه الجديده

انا ايه اللي كتبته ده ده محصلش عربي الاجانب

نفسي الاقي كلمة صح في الجملة دي ...
ياسو باشا الظاهر السيراتو عاملة شغل ومن ساعة ما جبتها وانت بقيت تاكل الكلا .... الكلام يعني :)))

و الله ضحكتني من قلبي و الظاهر ان عندك حق

لا يا باشا دا حب مساعدة الغير من كتر حب سرعة حب مساعدة الغير الكلام مش عارف ماله إيه إللى جراله ( حلاوة الروح ) .

وبعدين هو الراجل هيقرا المشاركات و المواضيع و لا هيفكر و لا هيفضل كل شوية داخل خارج من البلكونة علشان يطمن على العربية الجديدة و لا هيخللى باله من إللى بيكتبه و لا هينزل يجيب الفينو و لا هيعمل إيه و لا إيه و لا إيه بس.... خلاص مفيش مساعدة ..... تخيل يا حبيبى الكلام و إعتبرها أكمل و رتب الكلمات التالية لتكون جملة مفيدة زى زمان فى أولى إبتدائى

السندوتشات اولا طبعا ولا عايز بتنا يتخرب - ربنا يجعل كلامنا خفيف عليهم

تصدق الراجل بتاع الإيموشنز ده كان عنده حق ..
بعدين واضح يا باشا ان ياسو باشا بيعمل ساندوتش الفينو للاولاد وبيكتب وهو بياكلو ...
حبيبي يا ياسو متزعلش يا باشا احنا بس بنهزر معاك

ازعل ايه يا باشا دنتا اخويا الكبير

واعتذار لصاحب الموضوع بس الناس الحلوه مقدرش استغنى عنها