البقاء لله .....وفاة قسم كيا ...والعزاء بالداخل

[MaZaGAngeE]

ده تشاؤم بتأثير وقوع المنتدى الفترة اللي فاتت و كمان تأثير الانتخابات النزيهه
بس ان شاء الله كيا ترجع تنورنا من تاني قريب و كمان تعمل شوية مناوشات من اللي اتعودنا عليهم مع الأقسام التانية
مناوشات بس يعني محدش يضرب

[sam_y]

ابو ليلى ياغالى
اعضاء المنتدى الغالى
والله كلام ابو ليلى هام جدا وحقيقى وفعلى
لكن السبب الحقيقى يكمن فيما يلى :
اولا : تفكيك المنتدى ( كيا ) الى اقسام
ثانيا : انقطاع المنتدى لفتره لاتعتبر قصير
ثالثا : دخول بعض الاعضاء فى مناقشات موضوعات
ادت الى بعض التفكك الفكرى مثل ( .... )
رابعا : دخول بعض الاعضاء ( الجدد ) خصيصا لصنع مثل هذا التفكك
فى النهاية انشاءالله تكون هذه نقطه للأجماع على
اصلاح ما قد يفسده بعض المغرضين وانشاءالله بهمة
ابو ليلا ونورمان و أ.كريم و ....و..... علشان منساش حد
يرجع كل شئ الى اصله انشاءالله
اخوكم : sam_y

[Amr A.salam]

ايه الكآبة دي يا جدعان ؟؟

الروح دي مش بتاعت الكياوية أبداً

ايه ؟؟....مش فاكرين أيام العدوان الثلاثي على السيراتو كنا عاملين ازاي ؟؟؟ :))))))

هي بس فترة خمول وكسل وظروف عند معظم الأعضاء المؤثرين
وان شاء الله نرجع زي الأول

وكدة لازم تنظملنا مقابلة في أسرع وقت يابو ليلى والكل لازم يحضر.......وبلاش العناوين اللي تخض دي الله يكرمك ...الواحد مش ناقص خضة :)))

[Donzi]

ايه الكآبة دي يا جدعان ؟؟

الروح دي مش بتاعت الكياوية أبداً

ايه ؟؟....مش فاكرين أيام العدوان الثلاثي على السيراتو كنا عاملين ازاي ؟؟؟ :))))))

هي بس فترة خمول وكسل وظروف عند معظم الأعضاء المؤثرين
وان شاء الله نرجع زي الأول

وكدة لازم تنظملنا مقابلة في أسرع وقت يابو ليلى والكل لازم يحضر.......وبلاش العناوين اللي تخض دي الله يكرمك ...الواحد مش ناقص خضة :)))

+11111111111111111111

انا موفقة على الكلام دا جداااااا

[ابو ليلى]

طبعا متشكر جدا لحضرتك ايضا للمرة الثانية
و ان شاء الله يكتبها لجميع المسلمين
و انا طبعا متذكر مشاركة حضرتك في موضوع (( نفحات الحج ))
بس انا لما ضربت المثل بين موضوعين بهم خلاف و عدم ربط نهائي بينهم كان قصدي من ذلك ان اشير ان الفكري اصبح في المنتدي ضعيف و من وجهة نظري اصبح الشكل الترفيهي زي ما حضرتك ذكرت بكلمة (( تسلية )) اصبح من فترة هو الاساس مع العلم بأننا منتدي متخصص في عالم السيارات و لا يوجد ما يمنع ان يكون ذلك مصاحب لجانب ترفيهي او مسلي بس المشكلة في الشكل العام لهذه التسلية هل كان من ورائها عائد هل اضافت لنا شئ غير اهلا و مرحبا وانا عندي عربية احمرا و جوزي جبلي جونيلا مشجرة
سيدي الفاضل نحن بفض الله دخلنا للمنتدي لكي نفيد و نستفيد لم ندخل للتسلية و تضييع الوقت لان من اراد هذا النوع فأكيد هو الخسران ان يدخل لهذا المكان القيم بس المشكلة ان
لا لا لا مفيش مشكلة اللهم اهدينا يا رب


م.حاتم السباعي

ازيك يا حاج / حاتم ويارب تكون بخير

عاوز اقلك متزعلش ومتخليش حاجه زى دى تاثر عليك فى كتابة اى موضوع مستقبلا

انا اتعرضت لنفس موقفك ده وفاكر انى كتبت موضوع مهم جدا يخص المنتدى وقلت فيه هتعمل ايه لو المنتدى اتقفل......
http://www.nilemotors.net/Nile/168403-a.html

وفى نفس كتابة موضوعى كان فى موضوع برضه اسمه (حجرين على الشيشة )
لقيت المشاركات فيه مهولة وبالمقارنة بموضوعى النسبة لا تذكر ...طبعا زعلت جدا من فكر الناس واضيقت جدا وقلت مش هكتب موضوع فى الاجتماعى تانى .

وتمر الايام يا سيدى الفاضل والموضوع اللى انا كتبته حصل فعلا والمنتدى قفل ....وكنت بكلم أ / كريم من فترة لقيته بيقولى فاكر الموضوع اللى انت كتبته زمان عن المنتدى لو قفل قلتله اه
قلى بسبب موضوعك ده مدير الدعم الفنى قعد يدور عليه وسط 10 هاردات اللى فيها الباكب بتاع المنتدى بسبب اهميته لانك توقعت فيه اللى هيحصل للمنتدى وكان الموضوع حافز ليه انه يكون موجود وميضعيش ....الخلاصه

اللى بيفضل فى الذكرى هو الشى المهم والايام هتثبتلك ان موضوعك اهم بكتير من اى موضوع تانى فيه تسلية ......ياريت تكتب موضوعك تانى وكفاية كمية الثواب اللى ممكن تاخدها ويمكن بسبب موضوع زى ده عضو معانا هنا يتشجع فعلا ويروح يحج ويبقى كده موضوعك كان سبب فى ان شخص قربته الى طاعه الله وشوف انت بقى دى ثوابها ايه عند ربنا ....يا بختك

وبنفس المنطق برضه لو الموضوع اللى انا كتبته واللى مش عاجب الناس كان سبب فى رجوع اى عضو لقسم كيا يبقى موضوعى نجح ...وهى دى متعه الكتابة

وكدة لازم تنظملنا مقابلة في أسرع وقت يابو ليلى والكل لازم يحضر.......)))

انسى يا عمرو ......

[mostafa_alaa16]

أعتقد أنه لا داعى للتقسيم كيا سيراتو وكارينز نفس الموتور وتقريبآ نفس الأوبشنز

[Anycool]

بالرغم من أنني أحد الوافدين عليكم حيث أن عدد مشاركاتي ( 1 ) وهذه تعتبر المشاركة الثانية بمعنى أنني أحدث الأعضاء إنتساباً لهذا المنتدى ومع هذا أشعر ببعض الراحة كون أفكاري هدأت أخيراً على شواطئ منتداكم ولست أبالغإذا ماقلت بأن وجودي بينكم أشعرني ببعض الراحة كوني أحد الذين اشتروا سيراتوا خليجي 2010 وقد كنت أشعر كمن رُزق بطفل غير قادر على رعايته ولكم أن تتخيلوا إحساس أب رزقه الله بطفل بعد طول إنتظار ومع هذا يشعر بأنه غير مؤهل لهذه الأبوة .. هذا كان إحساسي بعد قرار الوكيل بعدم إستقبال الخليجي
وبالصدفة البحتة وأثناء تجوالي على النت - ذلك الفضاء الذي تشعر فيه بالوحشة إن كنت تتجول وحيداً دون صديق أو رفيق
أو زاد وزواد - وجدت رحالي تحط على شواطئكم وكأنها هدية من ربي فرحُت ألتقط أنفاسي حامداً الله وشاكراً على نعمته عاقداً العزم على التمسك بشواطئكم وعدم التفريط في هدية ربي راجياً أن أجد بينكم الصديق والرفيق والزاد والزواد فهل تقبلوني صديقاً لهذا المنتدى ورفيقاً يحفظ العهد
أردت أن أكتب في هذا الموضوع بالذات حتى يتيقن البعض أن النهار يولد من رحم الظلام .. وأن الفتور والكسل بداية النشاط والحركة فقط ندع اليد في اليد والحرف مع الحرف حتى يعود لهذا المنتدى نشاطه وبريقه
أعتذر عن الإطالة لكنني سعيد بوجودي معكم وأتمنى لوليدي أن يطول به العمر معكم وبكم وبنصائحكم

للجميع تحياتي

[ابو ليلى]

بالرغم من أنني أحد الوافدين عليكم حيث أن عدد مشاركاتي ( 1 ) وهذه تعتبر المشاركة الثانية بمعنى أنني أحدث الأعضاء إنتساباً لهذا المنتدى ومع هذا أشعر ببعض الراحة كون أفكاري هدأت أخيراً على شواطئ منتداكم ولست أبالغإذا ماقلت بأن وجودي بينكم أشعرني ببعض الراحة كوني أحد الذين اشتروا سيراتوا خليجي 2010 وقد كنت أشعر كمن رُزق بطفل غير قادر على رعايته ولكم أن تتخيلوا إحساس أب رزقه الله بطفل بعد طول إنتظار ومع هذا يشعر بأنه غير مؤهل لهذه الأبوة .. هذا كان إحساسي بعد قرار الوكيل بعدم إستقبال الخليجي

وبالصدفة البحتة وأثناء تجوالي على النت - ذلك الفضاء الذي تشعر فيه بالوحشة إن كنت تتجول وحيداً دون صديق أو رفيق
أو زاد وزواد - وجدت رحالي تحط على شواطئكم وكأنها هدية من ربي فرحُت ألتقط أنفاسي حامداً الله وشاكراً على نعمته عاقداً العزم على التمسك بشواطئكم وعدم التفريط في هدية ربي راجياً أن أجد بينكم الصديق والرفيق والزاد والزواد فهل تقبلوني صديقاً لهذا المنتدى ورفيقاً يحفظ العهد
أردت أن أكتب في هذا الموضوع بالذات حتى يتيقن البعض أن النهار يولد من رحم الظلام .. وأن الفتور والكسل بداية النشاط والحركة فقط ندع اليد في اليد والحرف مع الحرف حتى يعود لهذا المنتدى نشاطه وبريقه
أعتذر عن الإطالة لكنني سعيد بوجودي معكم وأتمنى لوليدي أن يطول به العمر معكم وبكم وبنصائحكم

للجميع تحياتي

تكفينى هذه المشاركة لكى تعبر عن نجاح الموضوع

واهلا بك صديق عزيز على قلوبنا جميعا بكلماتك الرقيقه وتشبيهاتك الممتعه فانك بهذه المشاركة دخلت من اوسع الابواب فأهلا وسهلا بك

ويكفينى ان فى هذا الموضوع تم دخول جميع الاعضاء المحترمين فى قسم كيا بالرد فيه

وهذا له معنى الا وهو .....

ان قسم كيا يمرض ولا يموت كما هى عادة الكبار دائما

[Khaled_Nowaihy]

وهذا له معنى الا وهو .....

ان قسم كيا يمرض ولا يموت كما هى عادة الكبار دائما

أيوه كده يا أخى مش (وفاة قسم كيا ... والعزاء بالداخل)

شوف لنا عنوان جميل زى الكلام اللى قاله Anycool

[perfavore2006]

ممكن سعر فانوس امامي وخلفي كيا برايد سيدان 2000 ( الاصلي والصيني )

[magdy1963]

السلام عليكم ورحمة الله وبركاتة أ/ وائل الاخوة الزملاء كل عام وانتم بخير بمناسبة بداية العام الهجرى الجديد اعادة الله علينا وعليكم بالخير والبركات لية يا استاذ وائل المقدمة اللى تخض دى خالتنى عاوز ادخل المنتدى مش عارف ازاى من كتر الخضة ربنا يجمعنا تانى وفى اقرب وقت ان شاء الله والمية ترجع الى مجاريها وبعدين هوالزلزال اللى هو عمل كدة فى المنتدى وانا واحد من الاعضاء كل يوم بحاول ادخل على المنتدى ومش شايف حد من الاخوة الزملاء الا عدد قليل جدا وكنت ببقى سعيد جدا لما بلاقى اى عضوداخل يلا ربنا يلم الشمل تانى

[abohagar2001]

طبعا مبسوط تمام انت يا ابو ليلى
الموضوع حقق احد اهدافه
وعمل حركة تمام فى المنتدى
بصراحة يا بخت المنتدى دا باعضائه

[dak3]

يمكن السبب في البتاعه الي انت جاررها وراك دي؟؟
ههههه
ايدي علي ايدك

الامضاء:
عضو مش حزين اوي ويا مسهل

[Atrees]

هههههههههههههههههههههههههههههههههههههههههههههههههه هههههه

والله ليك وحشة

[otefa]

فينك مش ظاهر من فترة