تقرير استلام كيا ريو اتوماتيك 1400cc موديل 2011 بالصور

[Donzi]

هيا في حاجة إسمها صيانة الـــ 1000 كيلو
يعني أخرج بالعربية من المعرض الصبح..أروح بيها الظهر أعمل صيانة الــ 1000

بس العربية شكلها جميل جدا
مبروك مبروك مبروك
ربنا يكفيكي شر حرقة دم أول خربوش(بعد الشر يعني)

الله يبارك فيك يا دكتور

ايوة طبعا صيانة الالف دا انا العربية بقالها اسبوعين معايا و مكملتش ال 200 كم

ااااااااااه متفكرنيش ، دا انا كل ما اروح اركبها الف حواليها 3 او 4 مرات معاينة

ربنا بستر

[Donzi]

ألف مبرووووك تاني مرة
العربية جميلة ما شاء الله .. واللون تحفة

وأحلى حاجة ف الصور ستيكر نايل موتورز والشماسة منورييييييييييين

الله يبارك فيك عقبال ماا نباركلك على اللي نفسك فيه يا رب ( ايا كان بقى )

طبعااااااااااااااا الاستيكر و الشماسة دول اهم من العربية نفسها دا انا حتى جايباهم و شايلاهم من قبل العربية بمدة و كل شوية اطلعهم اتفرج و اقولهم يا ترى هاستعملكم امتى

وبعدين لازم العربية تبقى نايل موتورزاوية من اول يوم

[kilooo]

الله عليك

والله بتقول اللي على لساني كله

ترخص على خير ان شاء الله و ربنا يباركلنا في ريوهاتنا يا رب

و مستنيين تقريرك انت كمان بقى عشان القسم ينتعش و كمان اكيد تقريرك هايبقى افضل من تقريري بحكم خبرة الشباب الواسعة في العربيات ، انا يدوب على قدي

بس قولي بتتصرف مع الكاسيت ازاي انا مخنوقة منه جدا و مش عارفة اظبط فيه اي حاجة ؟؟

شكرا علي ذوقك
و انشاء الله هعمل تقرير عن العربيه بكل حاجه فيها بس لما ابدا استعملها انشاء الله

بالنسبة للكاسيت انا مش عارف ليه هو مضايقك يعنى انا شايفه مش بطال طبعا مش زى الاصلى بتاعها للاسف بس ماشى حاله

انا لحد دلوقتى جربتة في سيديهات سواء ام بى 3 او اوديو و شغال معايا كويس

هو ايه الي ملخبطك فيه بالظيط ؟؟
ان انتى تظبطى ال Audio setting بتاعتة و كده ولا ايه ؟؟؟

[Karim_Monir]

الف مبروك يا دونزي وربنا يباركلك فيها
ويكفيكي شر الخرابيش في اللون الاحمر كان بتعكنني
مستغرب كلامك انها بطيئة لكن يمكن عشان اتوماتيك وكامن عشان لسه مالينتش
احكمي عليها بعد 5 الالاف كم
ولو مش عارفة تلينيها هاتيها اعملك ال 5 دول في شهر بس انا ماليش في الاتوماتيك
اللي كانت معايا 1400 مانيوال وكان موتورها عصبي واستجابتها عالية جدا وبطلع بيها من لانسرات 1600 بسهولة بس مع احرق شوية
الاتوماتيك مناسبة جدا ليكي كبنت
الكاسيت الكينود غالبا مشكلته انه مش بيقبل اقل من 22كيلو هرتز
يعني لو معاكي فايل قرءان 8 ولا 16 كيلو هرتز لازم ترفعية ل اعلي من 22 كيلو هرتز دي مشكلة كينود
اللي معرفتهاش الا بعد مابوظت علبتين سيديهات
برامج تحويل الهرتز كتير جدا
مبروك مرة تانية

[himaz]

ما شاء الله تقرير زى الفل

مبروك عليكى و ربنا يباركلك فيها ويكفيكى شرها ان شاء الله


العربية فعلا محترمة و انا لسة مستلم واحدة اختها من توكيل روكسى و عملت 84900


اللون احمر بس مش عارف هو فيه درجات و لا هى درجة واحدة


بالنسبة للكاسيت ايه المطلوب ظبطه ؟
المحطات مثلا ولا ايه

بالنسبة للمفتاح عجبنى قوى انه كمبيوتر مش مفتاح عادى
هو طبعا يعيبه انهم مش منزلين ريموت بس مش دى المشكلة يعنى و نصيحة بلاش تركبى ريموت ولا انذار ولا اى حاجة
سيبيها بفبريكة الكهرباء كدة زى ما هى احنا فى مصر برضة


الفوجات جامدة جدا

المرايات ازازها كهربهاء و دى نقطة مهمة جدا و بتتفوق على النيو اكسنت فى النقطة دى و طبعا فيه نقط تانية

بالنسبة للسحب ممكن يكون مش جامد زى موتور ال 1600 بس قصاد كدة هتوفر فى البنزين كتير
و انا شايف سحبها كويس قوى خصوصا ان شوارعنا يعنى جميلة



نصيحة ماتزوديش عن 80 سرعة فى اول 2000 كم
و يستحسن بلاش التكييف كمان
و طبعا بلاش تسارع فى المدة دى

[Donzi]

شكرا علي ذوقك
و ان شاء الله هعمل تقرير عن العربيه بكل حاجه فيها بس لما ابدا استعملها ان شاء الله

بالنسبة للكاسيت انا مش عارف ليه هو مضايقك يعنى انا شايفه مش بطال طبعا مش زى الاصلى بتاعها للاسف بس ماشى حاله

انا لحد دلوقتى جربتة في سيديهات سواء ام بى 3 او اوديو و شغال معايا كويس

هو ايه الي ملخبطك فيه بالظيط ؟؟
ان انتى تظبطى ال audio setting بتاعتة و كده ولا ايه ؟؟؟

مش عارفة اظبط الأيكولايزر بتاعه منين و كمان مش بيلقط كل محطات الراديو و مش عارفة اسيفهم عليه و الصوت طالع مش حلو مكتوم كدة غالبا عشان الايكولايزر مش مظبوط

يا اما هوا غبي يا اما انا غبية يا اما احنا الاتنين المهم ان في غباء في الموضوع

الحاجة الوحيدة اللي عاجباني فيه انه بينور احمر زي التابلوه و شكله حلو

[Donzi]

الف مبروك يا دونزي وربنا يباركلك فيها
ويكفيكي شر الخرابيش في اللون الاحمر كان بتعكنني
مستغرب كلامك انها بطيئة لكن يمكن عشان اتوماتيك وكامن عشان لسه مالينتش
احكمي عليها بعد 5 الالاف كم
ولو مش عارفة تلينيها هاتيها اعملك ال 5 دول في شهر بس انا ماليش في الاتوماتيك
اللي كانت معايا 1400 مانيوال وكان موتورها عصبي واستجابتها عالية جدا وبطلع بيها من لانسرات 1600 بسهولة بس مع احرق شوية
الاتوماتيك مناسبة جدا ليكي كبنت
الكاسيت الكينود غالبا مشكلته انه مش بيقبل اقل من 22كيلو هرتز
يعني لو معاكي فايل قرءان 8 ولا 16 كيلو هرتز لازم ترفعية ل اعلي من 22 كيلو هرتز دي مشكلة كينود
اللي معرفتهاش الا بعد مابوظت علبتين سيديهات
برامج تحويل الهرتز كتير جدا
مبروك مرة تانية

و منكم دائما نستفيد يا فندم

الله يبارك فيك و في منتداك الجميل

تفتكر فعلا عشان لسة مالينتش ؟؟ ياريت والله بعد ال 5000 كم تتحسن لحسن كدة مش نافع انا عاوزة اجري شوية
فعلا التوماتيك مناسب جدا و بالذات بعد الحادثة و مريح جدا جدا الحمد لله بس ممل بحس ان نا مش بعمل حاجة و قاعدة فاضية

انا جربت الكاسيت في سي ديهات اصلي بس ، يا ترى الموضوع دا ينطبق عليها برضو ؟

[himaz]

بالنسبة لظبط المحطات يستحسن تركبى الاريال
عشان تضمنى اعلى كفاءة استقبال للمحطات

موضوع حفظ المحطات عموما بعد ما تجيبى المحطة تدوسى و تثبتى الدوسة على ارقم اللى عايزاه لمدة 3 او 4 ثوانى كدة لغاية ما تسمعى صوت بييب و كدة تمت العملية

[Donzi]

ما شاء الله تقرير زى الفل

مبروك عليكى و ربنا يباركلك فيها ويكفيكى شرها ان شاء الله
:b4_388:

العربية فعلا محترمة و انا لسة مستلم واحدة اختها من توكيل روكسى و عملت 84900


اللون احمر بس مش عارف هو فيه درجات و لا هى درجة واحدة


بالنسبة للكاسيت ايه المطلوب ظبطه ؟
المحطات مثلا ولا ايه

بالنسبة للمفتاح عجبنى قوى انه كمبيوتر مش مفتاح عادى
هو طبعا يعيبه انهم مش منزلين ريموت بس مش دى المشكلة يعنى و نصيحة بلاش تركبى ريموت ولا انذار ولا اى حاجة
سيبيها بفبريكة الكهرباء كدة زى ما هى احنا فى مصر برضة


الفوجات جامدة جدا :b4_282:

المرايات ازازها كهربهاء و دى نقطة مهمة جدا و بتتفوق على النيو اكسنت فى النقطة دى و طبعا فيه نقط تانية

بالنسبة للسحب ممكن يكون مش جامد زى موتور ال 1600 بس قصاد كدة هتوفر فى البنزين كتير
و انا شايف سحبها كويس قوى خصوصا ان شوارعنا يعنى جميلة



نصيحة ماتزوديش عن 80 سرعة فى اول 2000 كم
و يستحسن بلاش التكييف كمان
و طبعا بلاش تسارع فى المدة دى

الله يبارك فيييييييييك ، بسم الله ما شاء الله واضح ان انا ابتديت بالريو الحمرا و البكرة كرت

مبروك عليك انت كمان وربنا يباركلك فيها و يكفيك شرها يا رب

واضح ان القسم هاينتعش اهو يا مسهل يا رب ياللا مستنيين تقريرك انت كمان

الكاسيت صوته مش حلو و مش عارفة اظبط لا محطات ولا صوت بس هاركز معاه ان شاء الله و اظبطه هوا هايروح مني فين يعني

المفتاح كويس فعلا و في ناس قالولي بلاش تعملي الريموت لانه لو مش ناول معاها مش بيبقى كويس و بيبوظ كتير و اللعب في الضفيرة مش كويس فعلا بس الانذار مهم برضه

ربنا يسهل و تتحسن بعد التليين و كمان بعد اول 5000 كم واعتقد انها مش بطيئة و ان دا العادي بتاع الاتومامتيك لانك مش بتقدر تسقط نقلة و تحرق لكن لازم تستنى لما هي تجيب سرعتها بالبنزين عادي

مممممم هاحاول مع اني انبارح سرحت و وصلت ل 110 بس لحقت نفسي و نزلت

الف مبروك عليك مرة تانية و اهلا بيك في كيا

[M.Elgergawy]

ألف ألف ألف مبرووووووووووووك ماشاء الله جميلة ربنا يباركلك فيها
وشكلها كدا أهلاوية وياريت يبقى وشها حلو على الاهلي
ومفيش اخبار عن العزووووووومة ولا ايه

[himaz]

نصيحى فعلا بلاش لعب فى الضفيرة الاصلى
وبلاش انذار برضه

لان سواء ريموت او انذار لازم يفتح فى الضفيرة
و طبعا اى غلطة هيعطل و يخنقك

[M.Yahia]

الف الف مبروك و ربنا يديكى خيرها و يبعد عنك شرها صراحة اختيار ممتاز انا بحب العربية دى جدا و كنت بفكر فيها قبل الاوبترا بس النصيب بقى و انا شايف انها احسن عربية فى الفئة دى بس التوكيل ظالمها و مش عارف يسوقها كويس مستنيين تقرير وافى بعد اول صيانة و اكيد متنسييش تدبحى حاجة عشان العربية حتى لو فرخة ههههههههههه

[Donzi]

ألف ألف ألف مبرووووووووووووك ماشاء الله جميلة ربنا يباركلك فيها
وشكلها كدا أهلاوية وياريت يبقى وشها حلو على الاهلي
ومفيش اخبار عن العزووووووومة ولا ايه

من ناحية اهلاوية فا هي اهلاوية فعلا و اهلاوية جدا كمان زي صاحبتها

بس ونبي ما تعلق الفوز و الخسارة على وشها خليها في حالها لحد ما الازمة تعدي كفاية صاحبتها دمها يتحرق مش لازم بقى اولع فيها لو طلع وشها وحش


عزومة !!! والله ما تكلف نفسك ابدا بس لو مصمم اختار الوقت اللي يعجبك و انا هاختار المكان اللي يعجبني و طبعا ماما و اخواتي جاييين معايا بس ماتقلقش مش هانطلب كتير يدوبك اكلة سي فود تكفي عشر افراد

الواحد مش عارف يودي جمايلك فين بس لو مكنتش تحلف

[Donzi]

نصيحى فعلا بلاش لعب فى الضفيرة الاصلى
وبلاش انذار برضه

لان سواء ريموت او انذار لازم يفتح فى الضفيرة
و طبعا اى غلطة هيعطل و يخنقك

انا برضه بقول كدة

الف الف مبروك و ربنا يديكى خيرها و يبعد عنك شرها صراحة اختيار ممتاز انا بحب العربية دى جدا و كنت بفكر فيها قبل الاوبترا بس النصيب بقى و انا شايف انها احسن عربية فى الفئة دى بس التوكيل ظالمها و مش عارف يسوقها كويس مستنيين تقرير وافى بعد اول صيانة و اكيد متنسييش تدبحى حاجة عشان العربية حتى لو فرخة ههههههههههه

الله يبارك فيك

ارنب بقى عشان يغزي العين

[M7amD_7amDy]

الف الف مبروك وتقريرك مميز ربنا يباركلك فيها :)

والعربية تستحق وعجبانى جداا وهيا أحسن حاجة فى الفئة دى

مبروووك عليكى تانى :)