توكيل القطامية وصيانة من وراء الخيال - عتريس :)

[ابو ليلى]

مركز القطامية ( محمد زكى )
ادارته هو وروكسى وابو رواش والعامرية وسموحة ادارة المصرية العالمية للتجارة والتوكيلات
بس الفرق ان الشركة لا تملك القطامية بس هى اللى بتدير والموظفين اللى هناك كلهم موظفين eit

القطامية بيبتع سياسة التوكيل فقط دى معلوماتى

لو حضرتك عندك معلومات موثوق منها صححلى المعلومة .

[ابو ليلى]

تفتكر يكون اية السبب؟؟
انا الكلام دة حصلى بعد ما مونت من البنزينة الى جنب جاردنيا فى المقابلة الى انتا مجتهاش:d اعديت بعدها على الخنقة دى لحد ما البنزين الى كنت حطة خلص وبدات تفوق شوية الايام دى

افترى بقى على البنزينة ما انا قدام عنيك حطييت 90 على 92 والعربية محصلش فيها حاجه

ثم البنزين هيفضل موجود من وقت المقابلة لحد دلوقتى .

( فاكر غبى منه فيه )

[kdosoki]

القطامية بيبتع سياسة التوكيل فقط دى معلوماتى

لو حضرتك عندك معلومات موثوق منها صححلى المعلومة .

المعلومات مؤكدة اكيدة تأكيدا

[Atrees]

يا صباح الفل علي الرجالة - وحشتوني والله :)))


انا لسة مش عارف اعمل اقتباس متععد عشان ارد علي كل واحد فا اعذروني :(


العربية ما شاء الله فرقت مووووت عن الاول ودة انا حاسة في التكيف اولا والسحب ثانيا - موضوع البنزين دة بجد بيفرق وخللو بالكم جدا لان فعلا العربية حساسة جدا لجودة البنزين ونظافتة والتاثير تركمي - يعني ممكن تمون مرة وتحس العربية مخنوقة وبعد ما تغير المحطة تفوق شوية بس الضرر علي البوجيهات بيكون مستمر وتفضل تكربن بصورة زبالة - وبلااااااااااااااش الاوكتين لانة ضد تصميم المحرك وممكن يخرجها من الضمان


البنزين 95 افضل اختيار لكنة مكلف وبيطير بسرعة - فممكن تحطه مرة كل 3 مرات 92 لتفادي الكربون العالي


انا بكرر المعلومة العربية فيها Self Adapt يعني حتفضل تعادل نسب الحرق ونسب الاوكسجين مع نوع البنزين - وبالاضافة لانها بتتمرن علي طريقة السواقة ودة بيتسجل في (الس بي يو) للموتور والفتيس


بالنسبة بقي للمعلومات المستخبية انا مستني اجربها لمدة يومين تلاتة لحد ما اتاكد من فاعليتها - انا غيرت طريقة السواقة عن العادي بتاعي لاسلوب مجنون شوية - وحشوف هل العربية بتستجيب اسرع من الاول ولا لاء


بجد انا اتعمل معايا واجب تحفة - رغم اني مكنتش مستني اي زيادة عن الصيانة العادية - بس الاهتمام والتفاهم وان الناس بتسمعلك من غير ما يقولك ده طبيعي ( العادي يعني ) شيئ كنت اول مرة اشوفة في كيا

شكرا بجد ليكم كلكم وشكرا لاخلاق الناس هناك وتعاونهم واهتمامهم لمجرد اننا اصحاب هنا :)

[mohamed_selim]

المعلومات مؤكدة اكيدة تأكيدا

كلام سليم تماما
المكان متأجر من محمد زكى لكن الاداره و المهندسين و النظام كله من eit

[waleedelpiloot]

افترى بقى على البنزينة ما انا قدام عنيك حطييت 90 على 92 والعربية محصلش فيها حاجه

ثم البنزين هيفضل موجود من وقت المقابلة لحد دلوقتى .

( فاكر غبى منه فيه )

لا يا ابو ليلى طبعا مش لحد دلوقتى الكلام دة لحد اسبوع بعد المقابلة
بس لحد دلوقتى بردوا مش مظبوطة اوى ان شاء الله اشوف موضوع دة فى صيانة ال15000 فاضلى 2000 عليها

[Mshawky]

لا يا ابو ليلى طبعا مش لحد دلوقتى الكلام دة لحد اسبوع بعد المقابلة
بس لحد دلوقتى بردوا مش مظبوطة اوى ان شاء الله اشوف موضوع دة فى صيانة ال15000 فاضلى 2000 عليها

جرب ياوليد نضف فلتر الهوا وفيه سبراى بتيباع كده بينضف فلاتر الهوا من التراب وكده هتلاقى العربيه فاقت اووووووى وانا بعمل كده كل 15 يوم اديها بخه بالبلاور

[NoRmAl]

مبروك يا عتريس على الصيانه
ومستنين السر الخطير :)

[ghost1900]

مبروك يا أبو عتريس على الصيانة، وفى انتظار سر الخلطة. :b4_048:

[yasso0101]

مبروك يا عتريس على الصيانه و الحمد لله مخابش ظننا . الحمد لله

وانا بشكر نهله انها حتى وهيه بره المنتدى بتخدم اعضاء المنتدى وده بيدل انها انسانه محترمه

ربنا يبارك لها ويبارك فيها

وانا بشكر اي حد بيخدم بجد اعضاء نايل موتورز اي من كان

ومنظرين السر الخطير يا عتريس علشان نعمل زيك

والف مبروك يا عتريس مره تانيه

[yasso0101]

المعلومات مؤكدة اكيدة تأكيدا

مركز القطامية ( محمد زكى )
ادارته هو وروكسى وابو رواش والعامرية وسموحة ادارة المصرية العالمية للتجارة والتوكيلات
بس الفرق ان الشركة لا تملك القطامية بس هى اللى بتدير والموظفين اللى هناك كلهم موظفين eit

كلام سليم تماما
المكان متأجر من محمد زكى لكن الاداره و المهندسين و النظام كله من eit

فعلا الخبر صحيح يا ابو ليلى لمكان متأجر من محمد زكى لكن الاداره و المهندسين و النظام كله من eit

[ابو ليلى]

فعلا الخبر صحيح يا ابو ليلى لمكان متأجر من محمد زكى لكن الاداره و المهندسين و النظام كله من eit

ان كان كده مااااااشى

والمعلومة اتصححت

[د.محمود صلاح]

الف مبروك .. تقرير مميز ومشجع

[A.Lotfy]

يا جماعة فى ميكانيكى كويس رحتله الجمعه اللى فاتت عملى صيانة العربيه احسن ما بتتعمل فى التوكيل وبسعر قليل جدا

انا غيرت (طقم السيور والكاتينه وبلى الكاتينه والفلاتر والبوجيهات وتيل الفرامل وربط العفشه) فى التوكيل كانوا هياخدوا 1700 انا كلفونى 830 قطع الغيار الاصليه من التوكيل والراجل خد 100 جنيه وبس

وبيعمل الشغل بنضافه ودقة واحسن من التوكيل وعلى الاقل قدام عينك

وعلى فكره هو شغال فى ابو الفتوح اسبيرانزا وكان شغال فى ابو غالى دايو وهيونداى وكان شغال فى فولكس واجن وبيفتح الورشه بتاعته جديد وبيشترى زباين

وهو فنى موتورست ومتخصص فى الفتايس الأتوماتيك

اللى عاوز يرحله فى اى حاجه يكلمه

اسمه محمود
0103321692
0116958676

ياسيدي خنقتنا بمحمود بتاعك ده ... وشكلك انت محمود وماشي تحط المشاركة في أي موضوع حد عمل صيانة
أرحمونا بقى من الذكاء الفظيع ده

[gemy215]

مبروك يا باشا علي الصيانه والحمد لله انك طلعت راضي عن الصيانه والتوكيل
وكمان الاخت نهله بصراحه ماتتوصاش وبتعمل الواجب وزياده ربنا يجزاها كل خير