تجربة الشد مع الجيتا

[superb]

اكيد فى فرق كبير بين الجيتا و السيراتو .. بس ياترى لو مشيتو على 100 مع بعض و بدأتو تشدو ... ياترى الفرق هيبقى كبير ... لأن طبيعى فرق الشد على السرعه البطيئه هيكون فى صالح السياره الأخف و الأقوى من ناحية الأحصنه .. بس برده لو اتخيرت فين الجيتا ولا السيراتو اكيد هختار الجيتا وانا مغمض ... كفايه بس الأمان و الثبات و الفخامه و و و و و و .. بس ياريت بتوع السيراتو ميتغاظوش اوى .. لأنى برده بحب السيراتو بس مش احب انها تتقارن بالجيتا .. ياريت مننساش الأسطوره اللى اسمها الجولف.. اللى هى الجيتا بس هاتش باك . :)

[amado318]

هوة ليه الدايو الانوس مش بتشد مع حد ولا علشان بطه هيه بتتكسف

[tifalol]

هوة ليه الدايو الانوس مش بتشد مع حد ولا علشان بطه هيه بتتكسف

لا تعالى احنا نشد مع بعض سيبك من العربيات التعبانه دي :):)

[medo_sirion]

ماشى يا محمد
منت خلاص بعتنا واللى كان كان

ماقدرش والله ياستاذ احمد
وانت اكتر واحد عارف كدة
كفايا انك راجل محترم جدا وخدوم
وعلى فكرة التيوتا مركونة واللى طالع عنها حاليا البيكانتو

[amado318]

دة انا كل يوم وانا راجع من الرحاب بكسر 180 ومش بلاقى حد يشد معايا خالص مع ان الطريق واسع ومنور والاسفلت زى الزبده

[tifalol]

اه الطريق ده على طول بجري فيه
بس ليه يا باشا انا شديت قبل كده كتير على الطريق ده
مره مع جيتز و مره مع كرولا و مره صني لالطريق عمران متخفش
و انا موجود يعني لو الشيطان لعب في دماغك :):):)

[elmkaneeki]

مالها الاكسنت ال 1300 الشكل القديم
انا مركبلها aux في الكاسيت بيخليها طياره
ده ال aux لوحده بيدي 40 حصان :):)

عقبال ما تجيب كاسيت بفلاشة وبكدة تبقى عديت يا باشا

[amado318]

الكورلا تعبانه فى الجرى بس عملت ايه مع النيسان اقول متكسفش

[yasserelsayad]

السلام عليكم
موضوع جميل وبيسخن الواحد
الجين تو والبيرسونا والساجا اخبارهم ايه مع السيراتو علما ان جين تو 1600 سم مكعب 110 حصان نت ( بعد اضافه الحموله)
والساجا 1332 سم مكعب 94 حصان نت ( بعد اضافه الحموله ) بتتطلع من الفيرنا بالعااااااااااااااااااافيه بس بتتطلع
ارجو الافاده والتجربه مع سيراتو

مش عارف والله مجربتش قبل كدا بس انا اعرف ان الجين 2 ما شاء الله بتجرى حلو

[tifalol]

الكورلا تعبانه فى الجرى بس عملت ايه مع النيسان اقول متكسفش

الكرولا كانت تعبانه فعلا لانها كانت 1300
لا بس الجيتز هي كانت فظيعه و النيسان طلع مني برضه

عقبال ما تجيب كاسيت بفلاشة وبكدة تبقى عديت يا باشا

لا ده كده انا اشد مع بورشات بقه :):)

[Mzeid]

مش عارف والله مجربتش قبل كدا بس انا اعرف ان الجين 2 ما شاء الله بتجرى حلو

هي دي المقارنة اللي انا مستنيها

[moha4tec]

مالها الاكسنت ال 1300 الشكل القديم
انا مركبلها aux في الكاسيت بيخليها طياره
ده ال aux لوحده بيدي 40 حصان :):)

ههههههههههه
جمده اوى

[yasserelsayad]

مالها الاكسنت ال 1300 الشكل القديم
انا مركبلها aux في الكاسيت بيخليها طياره
ده ال aux لوحده بيدي 40 حصان :):)

ههههههههه :)
تصدق ممكن دا اللى خلانى اطلع منه عشان هو معندوش USB

[ashouhdy]

السلام عليكم
موضوع جميل وبيسخن الواحد
الجين تو والبيرسونا والساجا اخبارهم ايه مع السيراتو علما ان جين تو 1600 سم مكعب 110 حصان نت ( بعد اضافه الحموله)
والساجا 1332 سم مكعب 94 حصان نت ( بعد اضافه الحموله ) بتتطلع من الفيرنا بالعااااااااااااااااااافيه بس بتتطلع
ارجو الافاده والتجربه مع سيراتو

الساجا أية مع الفيرنا !!! اللى خلى الجين2 متجبهاش الساجا حتجيبها !

[Formulator]

يمكن هو مكنش عارف يجري بيها او مش عارف يطلع قوتها كلها لان (العزم كله يخرج عند 3800 ) وبعد 4000 بيبقى حرق عالفاضي والله ولازم العربيه تاخد النقله اللي بعدها

+1
خلينا واقعيين
الفرصة الوحيدة لسواق الجيتا انه يطلع من السيراتو.. انه يستغل اللى عربيته متفوقة فيه:
الجيربوكس: 6 سرعات جيدة الأداء (+عزم موتور بيطلع بدرى) vs علبة تروس متواضعة 4 سرعات بتوقع تأدية السيراتو كتير.. خصوصا لو بطأ.. وحب يشد تانى بتجمع بصعوبة...!

الثبات والهاندلينج: شاسيه وتعليق خلفى أفضل ودركسيون استجابته أعلى vs عفشه سيئة وثبات أقل بكتير للسيراتو... يعنى أفضلية للجيتا فى الملفات والغرز

بس بردو: لازم سواق علشان يقدر يستفيد من الحاجات دى...!

اللي مستغربله بجد ان السيراتو من 110 ل 140 التسارع بتاعها بطئ جدا لدرجة اني بحس انها وقفت بالرغم من قوة موتورها بفرق عنها بمساااافه طويله (الكلام ده بالسيينا) مع ان الطريق مفتوح ومفيهوش اي ملفات والكلام ده عن تجربه مع عربيات سيراتو كتير

علشان دى اكبر نقاط الضعف فى السيراتو: الفتيس (كتسارع من الحركة أو high-speed overtaking +استهلاك سىء للبنزين)

لازم حتة الفا 156 سلسبيد_مو2003 ولا حاجة_توين سبارك_بس من غير تربو!_علشان مايبقاش إفترا يعنى_هى اللى هاتخلص القصة دى خالص...

هههههههههههههه يعنى كدا مبقاش افترا... 156 وكمان selespeed وكمان 2003 (facelift Ser.2).... كل ده ومش افترا...هههههههههه
btw مفيش اى 156 تربو فى التاريخ, .. فيه بس JTS زى الFSI بتاع الباسات كده

هو فى منها سلسبيد 1.6 ؟؟ انا اعرف انا الـ 1.6 مانيوال عادى بس

ياباشا الSelespeed كان بينزل على كل المواتير 1.6, 2.0 وطالع لحد ال3.2 V6 كمان
والمانيوال كان فيه 5 سرعات او 6 سرعات (اللى نزل مصر 5 سرعات فقط)

any way, try to avoid them; if in a good condition and they usually are ; it WILL make you badly disappointed