تجربة الشد مع الجيتا

[yasserelsayad]

والله صديق ليا اتقلبت بيها العربيه على 180 ونزل نفض هدومه ومفهوش ولا خدش بس 11 اير باج اتفتحوا والعربيه عندى صورتها هحاول ارفعها مستحيل تعرف نوعها الا من علامه الباسات الى فاضله فى الشنطه

مش شايف انه كدا نجاته من الحادثة دى بفضل الله فقط مش العربية ؟؟؟

[yasserelsayad]

حضرتك على سرعات زي 180 كله بيكون زي بعضه
اختبارات الأمان بتتعمل على سرعة 60 كم/س مش 80 حتى !!
العبرة في الفرامل و مسافة التوقف و انظمة الثبات اللي تخلي الحادث ميحصلش في الأساس
لكن لو حصلت على سرعة زي دي ... كله بيكون سردين

الواحد باردوا يخاف على كرامته ولا ايه

[yasserelsayad]

مافبش حد عاوز يتعشى حمام وكباب يجى يشد معايا لحد 100 ويجيب معاه كل الاحصنه الى يقدر عليها

يا او الرد دا قبل ما اتعشى كنت جيتلك على طول :)

[M.Osman]

الواحد باردوا يخاف على كرامته ولا ايه

لا يا باشا مش للدرجة دي
انا عربيتي خفيفة و قلبي اخف
اشد معاك لحد 120 ..
+ ان صوت العربية بيصعب عليا لما بحرق عليها كتير

بس ممكن اعلي الكاسيت

مش شايف انه كدا نجاته من الحادثة دى بفضل الله فقط مش العربية ؟؟؟

+1

[amado318]

بكرة بعده اى وقت فرحات والحمام هيروحوا فين

[tameraast]

والله صديق ليا اتقلبت بيها العربيه على 180 ونزل نفض هدومه ومفهوش ولا خدش بس 11 اير باج اتفتحوا والعربيه عندى صورتها هحاول ارفعها مستحيل تعرف نوعها الا من علامه الباسات الى فاضله فى الشنطه

مفيش 11 اير باج هما 6
2 امايين
2 جانبين من الكراسى الى قدام
2 ستاره على كل جنب بطول العربيه يعنى حتى لو حسبتهم 4 هيكون المجموع 8
ولو حتى فيها اير باج للركبه و مشفتش عربيه فيها غير الكرولا هاى لاين هيبقو 9

تقريبا انا مشفتش عربيه 11 اير باج جت الرقم منين :)

[amado318]

هيه باسات هاى لاين كامله كنا شارينها 265 الف من اوتو ميشو الى فى مدينه نصر والراجل الى فى المعرض قال فيه 11 اير باج هوة كل الايرباج اتفتح وخلاص بلاش احراج فى العدد ههههههههههههه

[tameraast]

هيه باسات هاى لاين كامله كنا شارينها 265 الف من اوتو ميشو الى فى مدينه نصر والراجل الى فى المعرض قال فيه 11 اير باج هوة كل الايرباج اتفتح وخلاص بلاش احراج فى العدد ههههههههههههه

قشطه ولا يهزك :)

[amado318]

تصبحوا على خير انا هنام وتعيش السيراتو والشغل الكورى و يسقط الالمانى الى كله مشاكل وصيانه معقده

[Mzeid]

هيه باسات هاى لاين كامله كنا شارينها 265 الف من اوتو ميشو الى فى مدينه نصر والراجل الى فى المعرض قال فيه 11 اير باج هوة كل الايرباج اتفتح وخلاص بلاش احراج فى العدد ههههههههههههه

ببساطة ولا تاخد على كلامهم

[ashouhdy]

مفيش 11 اير باج هما 6
2 امايين
2 جانبين من الكراسى الى قدام
2 ستاره على كل جنب بطول العربيه يعنى حتى لو حسبتهم 4 هيكون المجموع 8
ولو حتى فيها اير باج للركبه و مشفتش عربيه فيها غير الكرولا هاى لاين هيبقو 9

تقريبا انا مشفتش عربيه 11 اير باج جت الرقم منين :)

مدقهاش قوى كدة خلى البساط احمدى ! دة انت فنطهوملوة حتعد ورا الراجل هههههههههههه

[Formulator]

فعلا الجيتا موتورها مش قد كدة_لإنة يعتبر تكنولوچى قديمة شوية_الجيتا برا يا جماعة بتنزل 1800 تربو_أو tsi_او 2000 سى سى_حتى الباسات نفس القصة

+111
المواتير دى فعلا اقل مواتير فولكس ... والجديد كله 1400 تربو والأعلى 1800 تربو

ربنا يوعدك بحتة الفا 156 كدة_ويكون واد معلم_وتحكيلى يا كبير أيه اللى حصل!!

لو الألفا مش محتاجة واد معلم ولا حاجة..
موتور ال156 1600 كان بيطلع 120 حصان (سنة 98) مبيطلعوش النهارده من معظم مواتير ال1600 "المحترمة"..!

وموتورها ال2000 كان بيطلع 156 حصان.. لسه موتور ال320 بيطلعهم اليومين دول (ساعتها ال318 كان آخره 118 حصان)...!!!
وده بيزعل اى عربية فى مصر... خصوصا لو مع Selespeed وفايقة...!

هو مش موضوع اقتناع هى فعلا 122 حصان
لو انت اللى مقتنع انها 142 حصان فا دى حاجة ترجعلك

+1
الموضوع ده قتل بحثا من زمان ... هو لسه فيه ناس معرفتش ان الوكيل اشتغلهم فى 20 حيوان على الأقل... وش

وانا مينفعش اشد معاك عشان انت عندك الفتيس mmt يعتبر مانيوال لك لو عندك الاوتو العادى مفيش مشكلة اشد معاك

احترم فيك انك بتعرف تشد مع مين وماتشدش مع مين..
بس للعلم... فتيس التويوتا ك structure وسوفتوير سىء وبيعمل hesitation اثناء التسارع و power-drop اثناء النقل... وممكن تصطاده بسهولة فى ال draw-backs دى...

والله عادى مش بتفرق معايا حد يقطعنى ولا لا بس انا بصراحة عمرى ما شفت الـ 156 ولا حتى ركبتها بس هى مش موتورها تربو ولا ايه؟

لأ مش تربو, 1600 DOHC Twin-Spark بس 1600 صح.. وكان بينزل على اللانشيا ديدرا اخوه بس ببوجيه واحد لكل سلندر
وكويس انك ماشوفتوش... ويستحسن ماتشوفوش ولا ايه؟؟؟!

الجولف 122 حصان تربو ؟؟ انت عايزها تجرى مع السيراتو ولا الشيروكو اللى 160 حصان . دول مش فئتها خالص يا كبير

ولا الباسات TSI 140 (حتى لو تقيلة) ولا الجراند والبرافو T-Jet 120 ولا 150
طيب لوعايز فئتها: اللينيا 120 حصان... بس بردو متحاولش معاه ... مانيوال+تربو.. هيحط على السيراتو اوى..!

حضرتك على سرعات زي 180 كله بيكون زي بعضه
اختبارات الأمان بتتعمل على سرعة 60 كم/س مش 80 حتى !!
العبرة في الفرامل و مسافة التوقف و انظمة الثبات اللي تخلي الحادث ميحصلش في الأساس
لكن لو حصلت على سرعة زي دي ... كله بيكون سردين

ماهو حتى على سرعة 60 فيه عربيات بتاخد 5 نجوم وعربيات بتروح آسيا (وتتيجى تختبر تانى بعد 3شهور... زى الرخصة كده.. هههههههههههههههه)
فحضرتك عايز تقول ان أداء الأثنين على 180 هيبقى واحد...!!!؟؟؟؟ تيجى ازاى؟!

انهم يحاولوا يخلوها ماتحصلش دى حاجة... ولما تحصل العربية هتعمل ايه.. دى حاجة تانية ... بالأوروبى: Active Safety + Passive Safety

للأسف الشركات الصغيرة والمتواضعة تكنولوجيا... مبتعرفش تفرق بينهم بردو

[tutankhamoun]

يا جماعة بلاش المواضيع اللي بتسخن الشباب الصغير على الجري
الحتة اللي حضرتك شديت فيها يا أٍستاذ ياسر ما ينفعش يتشد فيها
و خطر جدا

بس ايه اللي الأستفادة اللي حضرتك أستفدتها ؟؟؟؟؟؟؟؟
أو أيه الخسار اللي خسرها صاحب الجيتا ؟؟؟؟؟؟؟؟؟؟؟

أو كنت هاتخسر أيه لو هو اللي كان سبقك ؟؟؟

و الله يا جماعة الموضوع ما هو مستاهل

و لكنا راكبين عربيات 1600 و الفروق كلها ضعيفة يعني مش حاجة كبيرة .

و النقطة الأهم

حياتنا و حياة غيرنا على الطريق أهم بكتير أننا نثبت أن عربياتنا اللي صنعها غيرنا كويسة أو وحشة .

[mangere90]

ازيكم يا رجالة بقالى فترة مكتبتش حاجة خالص قولت اعمل الموضوع دا بالمرة اسلم عليكم كلكم

انا جريت مع الجيتا قبل كدا بس عمرى مجريت معاها زى انهارده
الموضوع لسه حاصل من ساعة مثلا كنت نازل اجيب اكل وراجع على البيت وانا عند مترو كدا لقيت عربية جيتا معدية من جمبى بسرعة اوى وانا بقالى فترة مش مجرتش مع حد عشان الجامعة وكدا المهم رحت مكمل دايس وراه وقفنا عند المطب وانا عايز اشوف هو هيجرى تانى ولا خلاص كدا .. فا لقيته لسه سخن وعمال يجرى رحت مكمل معاه طلعنا على الطريق للى بيودى على المحور وفضلت اجرى معاه لحد ميدان جهينة كدا بس مش جامد عشان كل شوية فى مطب. الشده اللى بجد بدأت اول لما عدينا ميدان جهينة.. اولا انا طلعت منه بكل سهولة لدرجة انى شكيت انه مش بيجرى اصلا .. المهم فضلنا ورايا بس انا بدأت ابعد كتير والفرق بنا وصل تقريبا 200 متر ولا حاجة وانا ساعتها كنت 190 وبعدين هديت عشان المطبين اللى فى النص دول وبعد كدا جريت تانى بس الحتة دى كانت زحمة شوية فا فرقت عنه جامد لدرجة انى مكنتش شايفه .. وصلت عند المطب اللى قدام هيبر واستنيته وفضيلت ماشى براحة لحد لما جيه ودوست تانى معاه وحصل نفس الكلام بس المرة دى بعد لما عديت الـ 190 المسافة زادت تانى لحد لما انا وصلت لـ 205 تقريبا وهديت تانى عشان المطب اللى قبل المحور .. وهو طلع المحور وانا لفيت من تحت وروحت.

انا كاتب التجربة دى عشان كان فى موضوع معمول بيقولك تجربة شد مع السيراتو التعبانة حاجة زى كدا يعنى ..
دا بس اثبات ان الجيتا متقدرش تطلع من السيراتو على اى سرعة ولا على العالى و لا الواطى بس عشان الناس اللى بتقولك الجيتا بعد الـ 100 بتكون حاجة تانية .. اهى التجربة دى لحد 205.
ودى تجربة تقريبا 15 كيلو ولا حاجة يعنى مش حاجة قليلة وفيها ملفات ومطالع ومنازل يعنى اختبار لكل وقت.
تقريبا الكلام اللى فوق دا ينطبق على الاوكتافيا كمان عشان نفس العربية تقريبا (لو غلطان حد يصححنى)

ياريت ميكونش فى كلام زى الموضوع بتاع السيفيك كدا .. اللى عنده حاجة عايز يقولها ويقدر يثبتها يتفضل

السلام عليكم ورحمة الله وبركاته

مع احترامي لتجربة حضرتك وكل اللي راكبين سيراتو , ممكن يكون صاحب العربيه نفسه مالوش في الشد
اوي , انا مره شديت مع بي ام 318 وكلته مليون مره علي الطريق مصر السويس هل ده معناه ان الجين2
اقوي من 318 لأ طبعا , وهقول لحضرتك سبب يأكد كلامي انا كنت ساعات بشد مع جين2 نفس عربيتي
وكنت ساعات مابعرفش اجيبه هل وانا عربيتي جين2 2009 مانيوال الفكره كلها اني مانش ليا في الشد
خالص وبعدين اتعلمت ازاي اشد مع بالعربيه وبقيت فعلا اجنن ناس كتير . وللمعلومه الجيتا موتور vetic يعني
هو قوة الأحصنه 102 وبعد 100 بيفتح حوالي 147 حصان تقريبا والمكنه اللي علي الجيتا هي اللي علي الجولف
5 , و ارجو ان حضرتك ماتزعلش من كلامي انا بحكي عن تجربه ان المسحب والجري مش علي العربيه فقط
عربيه وسواق ....

[NFS]

وللمعلومه الجيتا موتور vetic يعني

هو قوة الأحصنه 102 وبعد 100 بيفتح حوالي 147 حصان تقريبا والمكنه اللي علي الجيتا هي اللي علي الجولف
5

اى موتور فيه electronic valve timing بيعلى الهورس بور بتاعتة على ار بى ام معين مش سرعة معينة.