تجربة الشد مع الجيتا

[amado318]

هيه العربيه تجيب اكتر من كده مقلتش حاجه بس الصورة دى فوتو شوب تحبوا اخليها تجيب 230

[M.Osman]

كل أختبارات السرعات على 64 كم - س و ده بيبين الأمان لحد معين و لكن عند السرعات العالية الأمان بيكون قليل في الكل

+ للي ميعرفش
ان 5 نجوم امان مش معناها معناها امان تام
ببساطة لأن ده بيكون مقياس للفئة الحجمية للعربية

يعني لو عربية medium-sized واخدة 3 نجوم بس دخلت في عربية compact واخدة 5 نجوم ... النتيجة هتكون في صالح الmedium ... ما بالك بقى في مصر مع سرعات عالية و نقل تقيل ماشي على الشمال (سترك يا رب!)

الفيديو ده بيوضح:
YouTube - 2009 Toyota Yaris vs Toyota Camry - Offset Frontal Crash Test

http://www.euroncap.com/.......-Web-Page/0f3bec79-828b-4e0c-8030-9fa8314ff342/comparable-cars.aspx

[Formulator]

أ.توت
أنا مختلف معاك طبعا ان العزم مسئول عن الطلعة من الثبات فقط...!!!
واسمحلى اصحح المعلومة.. فيه حاجة اسمها Torque-Range وبيتوصف على ال rpm كالتالى:
- Low-End Torque: وده بتاع الrpm الصغيرة.. وهو ده المسئول عن التسارع من الثبات 0-100 أو 10-100 لو street-start مثلا

- Mid-to-High End Torque: وده بتاع الrpm الأعلى و هو ده بتاع التسارع من الحركة أو overtaking acceleration من 80-120 مثلا زى ماقلت قبل كده

علشان كده موتور TSI بتاع الفولكس فيه:
- Super-charger وده بيشتغل على rpm صغيرة لأن التربو مابيكونش لسه كون ضغط عادم
- لTurbo-Charger وده بيشتغل على rpm أعلى ومسئول عن استمرار العزم بعد كده
وبردو موتور الT-Jet بتاع فيات بس ده بيستخدم ECU مش سوبرتشارجر (بيستعمل Boost-Controller وبيغير ضغوط التربو تبعا لتغير rpm)بردو علشان يحافظ على العزم linear على كل الrange

ومش انا اللى دخلت موضوع الأمان والسلامة.. انا كنت بصحح معلومات بردو
وللأسف لسه ماتصححتش... ومازال "السردين" والتونة مغرقين الموضوع

وضعف تسارع الأوكتافيا علشان ضعف الموتور 1.6 SOHC 8v مقارنة بوزن العربية التقيل...!!! مش مشكلة فتيس خالص..

وبرده مختلف معاك فى موضوع القوة الحصانية...!
بمنتهى البساطة كده... شوف العزم بيطلع عند كام rpm والHorsepower بيطلع عند كام rpm...؟؟؟؟
وانت تعرف مين فيهم مسئول عن التسارع (من الثبات والحركة) ومين مسئول عن الTop-Speed وتقفيل الأمبير...!!!
الHP بتبدأ تـــ take responsibility لما منحنى الTorque بيبدأ يقع.. ولا ايه؟؟!!!

[tutankhamoun]

أ.توت
أنا مختلف معاك طبعا ان العزم مسئول عن الطلعة من الثبات فقط...!!!

طيب تعالى نثبت الكلام يا أستاذ فورميولاتور
واسمحلى اصحح المعلومة.. فيه حاجة اسمها torque-range وبيتوصف على ال rpm كالتالى:
- low-end torque: وده بتاع الrpm الصغيرة.. وهو ده المسئول عن التسارع من الثبات 0-100 أو 10-100 لو street-start مثلا

100 % صح

- mid-to-high end torque: وده بتاع الrpm الأعلى و هو ده بتاع التسارع من الحركة أو overtaking acceleration من 80-120 مثلا زى ماقلت قبل كده

فيه يا باشا حاجة أسمها الحد الأقصى للعزم و في أغلب العربيات 1600 dohc
بيكون عند 4000 لفة تقريبا (زيادة أو نقص )
دي النقطة اللي بتساعد العزم يطلع و بيساعد العربية على الحركة من الثبات
لو ثبتنا سرعتنا عند 4000 لفة - دقيقة مع أكبر غيار موجود في علبة السرعات مش هانزيد عن سرعة معينة و كمان مش هاناخد إلا تقريبا 70 من القوة الحصانية للسيارة

هاديك مثال عملي
في الجين 2 المانوال ..... 4000 لفة = دقيقة تقريبا = 145 كم -س عند الغيار الرابع
لو فضلنا ماشيين على الغيار ده من غير ما أزود بنزين علشان أزود عدد لفات المحرك
السرعة هاتفضل هي هي مش هاتزيد
و هنا بيجيي أهمية القوة الحصانية
أتفضل ده رسم تخطيطي بيوريك قوة الحصان و العزم تقدر تطلعها أمتى
ممكن تبص كدا على المخطط ده و تقارن العزم و الحصان




علشان كده موتور tsi بتاع الفولكس فيه:
- super-charger وده بيشتغل على rpm صغيرة لأن التربو مابيكونش لسه كون ضغط عادم
- لturbo-charger وده بيشتغل على rpm أعلى ومسئول عن استمرار العزم بعد كده

أنا بتكلم عن المواتير العادية مش التربو (لأن التربو بيطلع العزم بدري قوي قوي قوي و بالتالي الناس تشوف طرق آخرى لتوزيع العزم علشان الوصول لسرعة 100 و اضافة قوة دافعة آخرى عند السرعات الآخرى )
و لكن ياريت كلامنا ينحصر على المواتير العادية اللي فيها علب تروس 4 سرعات أمام 6 سرعات
وبردو موتور الt-jet بتاع فيات بس ده بيستخدم ecu مش سوبرتشارجر (بيستعمل boost-controller وبيغير ضغوط التربو تبعا لتغير rpm)بردو علشان يحافظ على العزم linear على كل الrange

ومش انا اللى دخلت موضوع الأمان والسلامة.. انا كنت بصحح معلومات بردو
وللأسف لسه ماتصححتش... ومازال "السردين" والتونة مغرقين الموضوع

بس السردين طعمه حلو و الله ........

موضوع الأمان يا أستاذ فورميولاتور فيه عوامل
أيه هي
عوامل السرعة ..... عوامل العائق (أيه خبط في أيه ) عوامل مقاومة جسم السيارة للهواء عند كل سرعة مختلفة و استجابة السيارة أيضا عند كل سرعة مختلفة
و طبعا السيارة 5 نجوم أمام سيارة نجم أو نجمتين أفضل بكتير و بتقدملك أمان عند سرعة معينة (أمان عالي )

وضعف تسارع الأوكتافيا علشان ضعف الموتور 1.6 sohc 8v مقارنة بوزن العربية التقيل...!!! مش مشكلة فتيس خالص..

في النهاية هو 100 حصان
ففتيس بيغير بدري علشان نقلاته كتير مع وزن كبير للعربية .... موتور ميت (مفيش كلام )
على فكرة وزن الهوندا سيفيك زي الأسكودا و موتور sohc برضه بس مش عارف هو كام صمام
و الموتور فايق و رايق ....... مقولكش
بتوع هوندا دول ................. فنانيين مواتير

وبرده مختلف معاك فى موضوع القوة الحصانية...!
بمنتهى البساطة كده... شوف العزم بيطلع عند كام rpm والhorsepower بيطلع عند كام rpm...؟؟؟؟
وانت تعرف مين فيهم مسئول عن التسارع (من الثبات والحركة) ومين مسئول عن الtop-speed وتقفيل الأمبير...!!!

جاوبت فوق
الhp بتبدأ تـــ take responsibility لما منحنى الtorque بيبدأ يقع.. ولا ايه؟؟!!!

ما هو كلام مناقض لبعضه أهو
آخر جملة أنت قلتها بتدعم كلامي 100 %

العزم له نقطة ذروة ........ و بعدها الحصان يأخد زمام الامور
يعني لازم نوزع القوة على فتيس عدد نقلاته مش كتير لو قوة الموتور مش كبيرة علشان مش كل شوية ننزل بسرعة لعدد لفات موتور صغير أو ننزل من نقطة ذروة الحصان لنقطة ذروة العزم بسرعة و نفقد تسارع العربية

أي حد شداد
بيشد بعربية مانول
لا يمكن يستخدم الغيار الخامس أبدا
هو بيثبت على غيارين خصوصا فوق 100 و هما الغيار الثالث و الرابع علشان يفضل فوق نقطة العزم القصوى و يقدر يطلع على نقطة الحصان القصوى بسرعة و هو ده اللي بيدي تسارع أعلى من عربية لعربية و بيساعد السواق الفاهم أنه يغلب و يفوز

و لو معانا 2 سواق فاهمين بس واحد معاه أدوات بتساعده و التاني لاءة
الأول هايفوز طبعا

و في النهاية الشد و السباقات لها أماكنها و مش المفروض نهائيا نعملها في الشارع
ده أسمه أستهتار بأرواح الناس و محدش بيحس بكدا إلا لو فقد عزيز عليه بسبب واحد أو أثنين مستهترين بيسابقوا بعض

و الكلام مش موجه للأستاذ ياسر شخصيا و أرجوا أنه ما يزعلش مني بس ده رأيي في الناس اللي بتعمل كدا و أكيد هو متفق معايا و أكيد أعضاء كتير متفقين معايا بس هو شوشو لما بيلعب بالمخ


على فكرة يا أستاذ فورمويلاتور

معلقتش على موضوع مواتير العربيات السوبر اللي هاي مش بتكون 1600 خالص و لا حتى 2000 و بالتالي بيطوروا فتيس كتير النقلات علشان يوزع القوة الجبارة اللي خارجة من المحرك
زي الفيراري اللي أغلب مواتيرها 8 و 6 سلندر و معديين 450 حصان و 500 حصان
و نفس الكلام ينطبق على العربيات الرياضية الآخرى

[kar!m]

أنا مش معترض ان السيراتو تسبق الجيتا أو العكس .. الموضوع كله باكيدج على بعضها و انت بتاخد حاجة مقابل حاجة.

سؤال بس لصاحب الموضوع لو هتاخد عربية هدية .. سيراتو أو جيتا .. هتاخد مين فيهم؟

و ياريت ما تقوليش هاخد الجيتا و ابيعها و اجيب السيراتو و احوش الباقى

[tutankhamoun]

أنا مش معترض ان السيراتو تسبق الجيتا أو العكس .. الموضوع كله باكيدج على بعضها و انت بتاخد حاجة مقابل حاجة.

سؤال بس لصاحب الموضوع لو هتاخد عربية هدية .. سيراتو أو جيتا .. هتاخد مين فيهم؟

و ياريت ما تقوليش هاخد الجيتا و ابيعها و اجيب السيراتو و احوش الباقى

ممكن أجاوب
أنا أخد الجيتا ........ أبيعها ....... و أفكها بأثنين (جين 2 - و ساتريا نيو اللي مش موجودة في مصر )

[Formulator]

عادى يا معلم مش اى رد ممكن نرد عليه
ان شاء الله المرة الجاية تبقى فيديو

اسمحلى أبدى اعجابى مرة تانية بمرونتك وهدوء أعصابك.. على الرغم من سنك الصغير.. ماشاءالله
وأكيد كلنا عارفين ان السيراتو ممكن تقفل أمبيرها عادى.. مش دى نقطة الخلاف..!!!

أنا مش معترض ان السيراتو تسبق الجيتا أو العكس .. الموضوع كله باكيدج على بعضها و انت بتاخد حاجة مقابل حاجة.

سؤال بس لصاحب الموضوع لو هتاخد عربية هدية .. سيراتو أو جيتا .. هتاخد مين فيهم؟

و ياريت ما تقوليش هاخد الجيتا و ابيعها و اجيب السيراتو و احوش الباقى

هههههههههههههه.... جامدة جدا الحتة الأخيرة دى...
هو فعلا للأسف.. معظم العربيات الأوروبى اللى بتنزل هنا بيبقى عليها أقل مواتير الrange..!
وده اللى خلى عربيات أقل بكتير تقطعها فى التسارع.. لكن دا مايمنعش فروق الركوبة بردو..

[Mzeid]

هو فعلا للأسف.. معظم العربيات الأوروبى اللى بتنزل هنا بيبقى عليها أقل مواتير الrange..!

لو كان كدة كانت نزلت الجولف و الجيتا و الباسات بالمحرك ال 1400 ال 85 حصان

[yasserelsayad]

أنا مش معترض ان السيراتو تسبق الجيتا أو العكس .. الموضوع كله باكيدج على بعضها و انت بتاخد حاجة مقابل حاجة.

سؤال بس لصاحب الموضوع لو هتاخد عربية هدية .. سيراتو أو جيتا .. هتاخد مين فيهم؟

و ياريت ما تقوليش هاخد الجيتا و ابيعها و اجيب السيراتو و احوش الباقى

بصراحة انا مركبش جيتا غير هاى لاين وخليجى بس عشان الكماليات بتاعتها
بس هو فى عربيات هدية .. عشان كدا الموضوع بيكون ليه حسبة مختلفة

[yasserelsayad]

ما هو كلام مناقض لبعضه أهو
آخر جملة أنت قلتها بتدعم كلامي 100 %

العزم له نقطة ذروة ........ و بعدها الحصان يأخد زمام الامور
يعني لازم نوزع القوة على فتيس عدد نقلاته مش كتير لو قوة الموتور مش كبيرة علشان مش كل شوية ننزل بسرعة لعدد لفات موتور صغير أو ننزل من نقطة ذروة الحصان لنقطة ذروة العزم بسرعة و نفقد تسارع العربية

أي حد شداد
بيشد بعربية مانول
لا يمكن يستخدم الغيار الخامس أبدا
هو بيثبت على غيارين خصوصا فوق 100 و هما الغيار الثالث و الرابع علشان يفضل فوق نقطة العزم القصوى و يقدر يطلع على نقطة الحصان القصوى بسرعة و هو ده اللي بيدي تسارع أعلى من عربية لعربية و بيساعد السواق الفاهم أنه يغلب و يفوز

و لو معانا 2 سواق فاهمين بس واحد معاه أدوات بتساعده و التاني لاءة
الأول هايفوز طبعا

و في النهاية الشد و السباقات لها أماكنها و مش المفروض نهائيا نعملها في الشارع
ده أسمه أستهتار بأرواح الناس و محدش بيحس بكدا إلا لو فقد عزيز عليه بسبب واحد أو أثنين مستهترين بيسابقوا بعض

و الكلام مش موجه للأستاذ ياسر شخصيا و أرجوا أنه ما يزعلش مني بس ده رأيي في الناس اللي بتعمل كدا و أكيد هو متفق معايا و أكيد أعضاء كتير متفقين معايا بس هو شوشو لما بيلعب بالمخ


على فكرة يا أستاذ فورمويلاتور

معلقتش على موضوع مواتير العربيات السوبر اللي هاي مش بتكون 1600 خالص و لا حتى 2000 و بالتالي بيطوروا فتيس كتير النقلات علشان يوزع القوة الجبارة اللي خارجة من المحرك
زي الفيراري اللي أغلب مواتيرها 8 و 6 سلندر و معديين 450 حصان و 500 حصان
و نفس الكلام ينطبق على العربيات الرياضية الآخرى

لا يا باشا انا مش هزعل منك ولا حاجة خالص قول براحتك
وانا متفق معاك فعلا بس اكيد انت عارف باردوا الطريق دا مش عليه عمارات وكمان مفيش حد كان بيعدى الشارع عشان هايبر كان قفل والزحمة دى كانت خلصت خلاص

[kar!m]

بصراحة انا مركبش جيتا غير هاى لاين وخليجى بس عشان الكماليات بتاعتها
بس هو فى عربيات هدية .. عشان كدا الموضوع بيكون ليه حسبة مختلفة

يبقى انت كده جاوبت على نفسك ان الموضوع مش شد و بس .. يعنى لو انت مش فارق معاك تمن العربية هتركب جيتا مش سيراتو.

شفت بأه أنا وقعتك ازاى

[yasserelsayad]

يبقى انت كده جاوبت على نفسك ان الموضوع مش شد و بس .. يعنى لو انت مش فارق معاك تمن العربية هتركب جيتا مش سيراتو.

شفت بأه أنا وقعتك ازاى

انا مقولتش كدا .. انا مقصدش حسبة تانية من ناحية الفلوس بس
وبعدين انا متعقد من الجيتا دى اصلا عشان كل العربيات اللى كانوا مع اصحابى ربنا يرحمهم دلوقتى كلهم توتل لوس

[tifalol]

انا مقولتش كدا .. انا مقصدش حسبة تانية من ناحية الفلوس بس
وبعدين انا متعقد من الجيتا دى اصلا عشان كل العربيات اللى كانوا مع اصحابى ربنا يرحمهم دلوقتى كلهم توتل لوس

يا عم cerato و jetta ايه بس هاتلك accent و انت تبقى ملك
و تريح دماغك محدش يقولك 6 سرعات ولا 4 سرعات
هي مانيوال اصلا :)

[amado318]

فعلا هيونداى اكسنت ودايو لانوس ونمشى على اليمين وندى انتظار علشان نوسع للسيراتو والجيتا

[M.Akef]

انا عارف اني جيت الموضوع متاخر لكن احب اضيف انا كمان تجربتي للشد مع الجتا
و في الاصل كنت بشد مع واحد صحبي تاني ببيجو و كنت نسيته و انا مكمل لقيت جتا سلفر جاي بالزينون الاوريجينال طاير قلت تعالي يا حبيبي خدنا مطب و استنيته هو الي يكبس الاول لقيته طالع بالكيك(مبتطلعشي تفحيت خالص مع ان كان في رمل مش عارف تكنولوجيا ولا ضعف) و انا كبست نص الدواسه بس و فضلت معاه و بعدين كان ادامي عربيه قلبت استيب و سقط تاني و كلتها من دامه الحقيقه مع احترامي ليها و حبي الشديد لها هسيت ان الموتور ده فاشل بطريقه مستفزه جدا ولا يصلح ان يكون في سياره بمكانه الجتا ولا وزنها
تقبلو تحياتي
وشكرا