امتلاك السيراتو بين الواقع و الخيال

[M.Akef]

الف مبروك ياباشا على العربية و ربنا يديك خيرها و يكفيك شرها
بس اتقل عليها شوية دى لسه بكياسها

لا ما انا ههدي عليها الاف كيلو الاوليين طبعا ان شاء الله
الله يبارك فيك يا باشا

لا يا شيخ !!!!!! بجد !!!!!! لا لا بجد - انا مش عايز اصدق اصلا
مبروك الاول

اية اللي خلاك تجيب السيراتو بس دي عربية وحشة قوي - دي كوري يا راجل - هههههههههههههههه


اهلا بيك في العصابة - حنشوف ولاءك للكوري قد اية بقي


بخصوص ال 17 - حرص شديد في المطبات والباقي بتاع ربنا بقي :)


عموما عايز بقي تعمل تقرير حلو كدة تشتم في العربية زي زمان - هههههههههههههههههههههههه

لو سمحت متغلطشي في عربيتي
ايه رئيك بقيت كوراواوي اصيل كدا؟!
لا يا مان انا عمل مزدوج اعشق الاوروبي و امتلك اليباني و الكوري
يعني انا كدا مرسيدساوي و مرسيدس تسير في دمي الي الابد لكن الي هيفرق زي ما بيقول لي صحابي و هما مولعين مني انت يا عاكف لما تعوز تطلع عربيه السمه بطلعها و لما بتعوز تخسف بيها الارض بدمرها!
فطبعا من صفات الفارس انه يحترم خيله و يقدره مهما كان بقا ليكم ظهر في المنصوره يا سيراتويه
الله يبارك فيك يا مان و قريبا ان شاء الله تقرير مفصل عنها لكن زي ما قلت لك ميمفعشي اغلط في عربيتي ابل كدا كنت ببص لها من نظره عاشق الماني فطبيعي اني اشوف كل العربيات البقيه كنب لكن المره دي هنظر لها من عين متفحصه لسياره لمواطن مصري

هو مع أنك كنت السبب فى وقفى الوحيد :)
إلا أن لازم أبارك يعنى
ألف مبروك وربنا يديك خيرها و يكفيك شرها

هههههههههههههههه
ولله ولله كنت عاوز اكتب في الموضوع و مستني مورمال اول واحد يباركلي بس قلت بلاش احرج الراجل هو لو عاوز يبارك هيخش يبارك
مع انك كنت السبب في ايقافي للمره الثانيه لكن الله يبارك فيك يا مان(حبيب قلبي يا مان)

حد يجيب سيراتو ياراجل ...!!!!!!!!

دى عربية سيييييييييييييييييس

ما عشان هي سيس يا مان جبتها لغايت امتا الواحد هيركب عربيات بيس!!!

[Mshawky]

انا مش مصدق اكتر مشاغب بيحارب السيراتو فى المنتدى هنا ومنتديات تانيه انت عارفها وكنا بنجادل كتير فى الموضوع ده وفى الاخر ربنا كرمك واشترتها السيراتو بتجذب الزبون وتطلع الفلوس من الجيب بدون اراده ديه سيراتو يباشا ههههههههههههه

بس عربيه هتعجبك علشان انت دماغك حلوه ووبتحب الجرى وهى هتساعدك جدا بس صونها وافهمها كويس وهى هتادى معاك اوى ومش هتحسسك بغربه من الالمانى للكورى

واهلا بيك فى جروب كيا الدولى وهتحضر معانا المقابله الجايه ان شاء الله

[M7amD_7amDy]

مش معقول قول كلام غير ده ياراجل

دانت ماضيك ملوث بدماء السيراتوووو :)

وكمان كنت حلفان انك مش راكب غير لانسر ومصمم ان ال 1300 اللى كانت معاك برقبة اى عربية وبتقطعهم كلهم :))

على العموم لازم برضه نباركلك

الف مبروك وربنا يباركلك فيها ويكفيك شرها

[Amr A.salam]

ألف مبرووك يا باشا

بس بشويش علشان العربية مغرية في الجري بغباء

[kemoelord]

طبعا الف مبرووووووووووووووووووك يا باشا وربنا يديك خيرها ويكفيك شرها بس احب اعرف ليه ما فكرتش في اللانسر 1600 الاستبرونيك الجديده ؟؟؟؟؟!؟؟!؟! او المازدا الجديده

[bunleashed]

مخالفة لقواعد المنتدى
ممنوع كتابة اللغة العربية بحروف لاتينية
يرجى مراجعة قواعد المنتدى
_______________

مشرف الكورى والماليزى العام 4ا

[M.Akef]

انا مش مصدق اكتر مشاغب بيحارب السيراتو فى المنتدى هنا ومنتديات تانيه انت عارفها وكنا بنجادل كتير فى الموضوع ده وفى الاخر ربنا كرمك واشترتها السيراتو بتجذب الزبون وتطلع الفلوس من الجيب بدون اراده ديه سيراتو يباشا ههههههههههههه

بس عربيه هتعجبك علشان انت دماغك حلوه ووبتحب الجرى وهى هتساعدك جدا بس صونها وافهمها كويس وهى هتادى معاك اوى ومش هتحسسك بغربه من الالمانى للكورى

واهلا بيك فى جروب كيا الدولى وهتحضر معانا المقابله الجايه ان شاء الله

حبيبي معلشي ولله لأني اتأخرت في الرد لاني كان عندي امتحانات
ولله كنت بفكر فيك ابل ما اكتب الموضوع و كنت عاوز ابعت لك رساله اقول لك اني جبتها الاول
الله يبارك فيك يا باشا انا دلوقتي 300 كيلو لكن تقييمي المبدئي عن العربيه زي الفل بس عوزه الي يفهمها بس مشكلتها حجمها الكبير انا كنت متعوز علي البومه و دي اتحكت مني امبارح في غرزه
بس كعربيه هي فعلا ركوبه و ثباتها اعلي من الانسر الي كانت معايا بمرااااااااااحل كبيره اوي و فرملها ممتازه الحقيقه و اوبشن و شغل زي الفل لكن انا هصبر عليها بعد ال1000 كيلو بقا و علي ما الناس الي بتحسد تخلص حسد لاني قلبي مقبوض عليها الحقيقه و الحكه دي مع انها حاجه صغيره جدا في طرف الاقصدام الي ورا لكن بردو مزعلاني
اساسي يا باشا هكون معاكم ان شاء الله مع انه مشوار كبيره لكن لازم هاجي ان شاء الله

مش معقول قول كلام غير ده ياراجل

دانت ماضيك ملوث بدماء السيراتوووو :)

وكمان كنت حلفان انك مش راكب غير لانسر ومصمم ان ال 1300 اللى كانت معاك برقبة اى عربية وبتقطعهم كلهم :))

على العموم لازم برضه نباركلك

الف مبروك وربنا يباركلك فيها ويكفيك شرها

هههههههههههههههههه
يا باشا انتي مفهمتنيش انا بالانسر بطلع من ناس كتير جدا غرز مش محركات طبعا!
ما اعز الاصدقاء بيكونو الد الاعداء يا مان
الله يبارك فيك يا مان

ألف مبرووك يا باشا

بس بشويش علشان العربية مغرية في الجري بغباء

فعلا العربيه كل حاجه فيها مغريه للجري و الحقيقه مقدرتش امسك نفسي اول ما رخصت 100 120 علي الدائري و غرز بجرب فيها الثبات بس اول ما شميت شياط الموتور احترمت نفسي!
الله يبارك فيك يا باشا

طبعا الف مبرووووووووووووووووووك يا باشا وربنا يديك خيرها ويكفيك شرها بس احب اعرف ليه ما فكرتش في اللانسر 1600 الاستبرونيك الجديده ؟؟؟؟؟!؟؟!؟! او المازدا الجديده

لا يا باشا الانسر البومه الجديده مستبعده من حساباتي خالص القديمه انا بفضلها بكتير جدا حد يسيب الcvt عشان يركب استيب! دا كفايا صوته لكن عموما اعتراضي الوحيد علي البومه اني مش هنزل من بومه عشان اركب بومه!!! لكن هذا لا يمنع اني اعشق هذه السياره و ادين لها بكل احترام
اما المزده الجديده سعرها عالي اوي و الطبلو بتعها خاماته مش حلوه خالص القديمه برقبتها الف مره
و كمان انا بحب الجري و التننج عموما المزدا هستحرم اعمل فيها حاجه و قطع غيرها غاليه اما السيراتو شكل و امكانيات و تكونوجتها مبسطه و كمان مش هستحرم اللعب فيها لكن المزدا هي و السفك بحطهم تحت الالماني الي المبدء ماشي فيه لو فكيت مسمار من الماني عمره ما هيرجع زي الاول ابدا
عموما الف شكر يا باشا و ياريت وجهة نظري تكون وصلت لك و الله يبارك فك انت من اكثر الشخصيات الي بحترم رئيها في المنتدي الحقيقه

[Omar_H]

أولا مبروك يا باشا...

كنت افضل وكيل بس يالا مدام جبتها الفئة الاقدم من الحالية يبقي حلال عليك..

اتفادي المطبات و الحفر.. ظبط الكاوتش علي نيتروجين 32 .. و اتأكد ان اللي معاك موديل 2011 دي افضل 100 مرة كعفشة من 2009 و 2010.. انا معايا 2011 و عمري ما اشتكيت و لا حتي في اول 1000 كم..

موضوع البلالين مش عمال علي بطال.. يعني مش كل يوم حايطلعلك واحدة.. كده كده و انت جايبها جديد حاتبقي ماشي بالراحة و خايف عليها..

ربنا يحفظهالك و مستنين تقريرك

معلش يا باشا اطلب منك طلب كده ممكن تقولي كده رأيك في الفرق ما بين ال 405 اللي مع حضرتك والسيراتو ؟؟ يعني السيراتو أحسن منها في إيه مثلا من وجهة نظرك وأحسن بـأد إيه و لو فيه حاجة ال 405 فيها أحسن مثلا تقولها طبعا أنا عارف إن فيه ناس هتقول عليَّ مجنون إني بقارن عربية 98 وعربية 2010 بس عادي يعني عربيتي بقى ال 405 ونفسي تطلع أحسن من الجديد في أي حاجة

[M!SHO]

ألف مبروك يا ميدو

هنفتقدك فى قسم الميتسوبيشى :)

على العموم ربنا يباركلك فيها ويديك خيرها ويكفيك شرها

[M.Akef]

ألف مبروك يا ميدو

هنفتقدك فى قسم الميتسوبيشى :)

على العموم ربنا يباركلك فيها ويديك خيرها ويكفيك شرها

الله يبارك فيك يا مان
و ان شاء الله قريبا هكتب موضوع شكر في قسم متسوبيشي لانه فعلا قسم كله ناس محترمه و بيتكلمو عن عربيه قمه في الاحترام و امتلاكي لكيا لن يمنع بأني اظل عضو في قسم متسوبيشي لان في وقت بيعي لسيارتي الانسر كنت اشعر بأني ثوف امتلك سياره من مثلث الرعب حاضرا او لاحقا
تقبل تحياتي
وشكرا