كوبلين السيراتوا باظ!

[Deshahcoka]

السلام عليكم !!!!

انا متعكنن اخر حاجة ! كنت مسافر المنصورة و انا راجع اسكندرية و انا بهدي الاقي الطارة بترقص يمين و شمال لوحديها ! طبعاً اتوهمت و قمت واقف و اكسر العجل يمين مفيش حاجة جاي اكسره شمال سمعت صوت ( طققققق ) و انا وشي جاب الوان قلت انا خلاص مش حوصل اسكندرية ! قلت السيراتوا عملتها!!!! المهم راح رادد في النص لوحده قلت انا حسوق بيها كدة لحد ما اوصل اسكندرية و يحلها ربنا ! المهم العربية مشت عادي و كنت ماشي 120 140 عشان الحق اوصل بدري عشان انا كنت متأخر بسبب الزحمة اصلاً ! المهم لما وصلت اسكندريا لقيت انوا كل ما اكسر الدركسيون عشان الف يمين ولا شمال اسمع صوت طق طق طق طق متواصلة ! و في الطوالي مفيش!

طلاما كدة يبقى الكوبلين باظ ! و الصوت من الناحية اليمين ! فيعني انا كدة مش عارف اعمل ايه !

دلوقتي انا في اسكندريا و عربيتي وكيل بس الطوبلين في التوكيل فوق الالفين جنه ! انا ايه الافضل دلوقتي ؟ اشوف استعمال ؟ فين ؟ و جديد فين ؟ انا سألت واحد في صلاح الدين قالي مبيجيش كامل! خارجي بس او داخلي و قالي هاتلي الكوبلين و اشوفلك خارجي تيواني سعره فوق ال 200!

انا بجد مش عارف و محتار و مش وقتها خالص ! اعمل ايه ؟ العربية ماشية 40 الف ...

الف شكر

[mado_9999]

السلام عكليم

انت بتقول عربيتك وكيل يعنى فيها ضمان روح التوكيل هيغيرك الكوبلين فى ضمان من غير ما تدفع حاجه

[mohamedaghali]

روح التوكيل بس هوه فيه سوال مش بدرى شويه 40000 ان الكوبلن يبوظ ولا كان فيه حاجه غلط فى الاستخدام

[Deshahcoka]

باشا انا طلعت برا الضمان بسبب مشكلة كدة و عشان كنت عاوز حقي و خلاص عليه العوض !

انا عاوز اعرف ايه العمل اغيره استعمال يعني ؟ ولا جديد ولا ايه الموضوع ؟

[KHALED AYMAN]

الاول انت عامل ايه ؟؟
حوارك ده بقى اعتقد
من الكيكات و انك بتدوس جامد و انت لافف العجل :)
ما تشوفه استيراد

[Deshahcoka]

الاول انت عامل ايه ؟؟
حوارك ده بقى اعتقد
من الكيكات و انك بتدوس جامد و انت لافف العجل :)
ما تشوفه استيراد

والله يا باشا الحمدلله على كل شيء! من اول ما قلت الدنيا احلوت معايا و كله باظ .... مش عارف كله حاجة مشية عكسي !!! و ربنا ينجينا من الايام الحلوة الي احنا عايشنها ديه :(

انا بدوسش جامد و انا لاف العجل ولا بدرفت الا بالهاند ! بس انا بمشي و بحرق كتير قوي :(

مهوا استيراد فين دلوقتي في الايام السودا ديه !؟

و ربنا يخليك و يكرمك على سؤال يا باشا :)

[KHALED AYMAN]

مفيش حد فاتح فى الحرفيين ؟؟
فى واحد عندى هنا اعتقد عنده سيراتو انصاص ..هسألهولك حتى لو مش هتجيب منه ..تبقى عرفت الاسعار بتقول ايه

[Deshahcoka]

مفيش حد فاتح فى الحرفيين ؟؟
فى واحد عندى هنا اعتقد عنده سيراتو انصاص ..هسألهولك حتى لو مش هتجيب منه ..تبقى عرفت الاسعار بتقول ايه

ربنا يكرمك بجد و يخليك يا باشا مش عارف اقولك ايه بجد ! كلك واجب :) اانا جبص بس الحتة بقت لبش الايام ديه و انتا عارف ! يا مسهل !

[KHALED AYMAN]

يا باشا مفيش داعى للشكر :)

[egypt0777]

هات جديد احسن من بره التوكيل وحتلقيه ان شاء الله النص

[Deshahcoka]

هات جديد احسن من بره التوكيل وحتلقيه ان شاء الله النص

باشا انا لما سألت عليه جديد قالي مبيجيش كامل بيجي نص بس ! يا خارجي يا داخلي !

[manchy]

نفس اللى حصل معايا يا جماعة بس انا الناحية الشمال فيها طقة جامدة وانا عربيتيى لسه امبارح عاملة 20000 كيلو بس واللهى انا مش عارف شكله عيب فى العربية لو لقيت حل يا ريت تقولى احسن انا خليجى

[Deshahcoka]

باشا والله انا يمين :) ممكن نروح نشوف نص و نشتري جوز ههههههه ! حاجة تحرق الدم بجد و تنرفز :( مش وقتها خالص ! و انتا ماشي 20 الف بس و باظ يبقى في حاجة غلط ! الناس بتمشي بيه 200 الف !!! و انتا في الموضوع التاني كنت بتقول مقصات ؟ خير ؟

[Hany Saad]

باشا والله انا يمين :) ممكن نروح نشوف نص و نشتري جوز ههههههه ! حاجة تحرق الدم بجد و تنرفز :( مش وقتها خالص ! و انتا ماشي 20 الف بس و باظ يبقى في حاجة غلط ! الناس بتمشي بيه 200 الف !!! و انتا في الموضوع التاني كنت بتقول مقصات ؟ خير ؟

بالنسبة للكبالن حتى لو حضرتك تحت الضمان مش بتتغير فى الضمان إلا لو كيلومتر قليل جدا أويكون عيب شائع التوكيل عنده خلفية عنه...

رأى إنك بلاش تجيب كبالن و بالذات كبالن لا إستعمال و لا تيوانى و إلا عمرها الإفتراضى هيكون قصير جدا جدا و هتخسر فلوسها و كمان فلوس مصنعية تركيبها......

روح على التوكيل إشترى جديد أصلى و فاصل معاهم جامد جدا و قولهم إن العربية لسه جديدة و لازم يشيلوا معاك جامد فى سعرها و كلم مدير الورشة.....

لما هتركب فى التوكيل هتكسب حاجات كتير...أولا معاك ضمان سنة كاملة على الكبلن بفاتورة رسمية و بعد السنة هتاخد خصم خرافى لو نفس الكبلن ضرب بعد فترة قصيرة من مرور السنة...

الكبالن عامة بغيرولها البلى و يملوها شحم و يبيعوها على إنها جديدة و ماركات محترمة ثم بعد فترة قليلة جدا لا تتعدى الأسابيع تبتدى تسمع طقطقة خفيفة متقطعة ثم تزيد تدريجيا لحد متبقى عالية جدا.....

ربنا يوفقك لما فيه الخير......

[Deshahcoka]

باشا ربنا يخليك ! بس دلوقتي اخر مرة كان الكوبلين عندهم في التوكيل ب 2200 !!!!!!!!!!!!! يعني رقم خيالي بجد ! و بره قالي النص الخارجي تيواني جديد ب 200 ! يعني مش عارف انا ايه الحل بصراحة ! اصلوا كل جنيه ليه قمته في الوقت ده ! و اصلاً التوكيل مش بيعمل خصم الي بالك فيه ! اخره ممكن يكون ب الفين ! لانوا قالي واحد هناك مرة بتاع 5 % ولا حاجة !