كوبلين السيراتوا باظ!

[Hany Saad]

باشا ربنا يخليك ! بس دلوقتي اخر مرة كان الكوبلين عندهم في التوكيل ب 2200 !!!!!!!!!!!!! يعني رقم خيالي بجد ! و بره قالي النص الخارجي تيواني جديد ب 200 ! يعني مش عارف انا ايه الحل بصراحة ! اصلوا كل جنيه ليه قمته في الوقت ده ! و اصلاً التوكيل مش بيعمل خصم الي بالك فيه ! اخره ممكن يكون ب الفين ! لانوا قالي واحد هناك مرة بتاع 5 % ولا حاجة !

أنا مع حضرتك إن الجنيه دلوقتى ليه قمته....بس صدقنى الحل ده هو اللى هيخليك تحت قرشك فى المكان الصح.....

الكبالن بالذات بيبقى عليها إجهاد فظيع نتيجة إنها تمثل مفصل مع حركة دائرية....فلو فيها أى شعرة على طول التأكل بيزيد و الصوت بيزيد و تبقى مش طايق نفسك و كأنك راكب 128.

طول عمر الكبالن بتتقلد بطريقة غير طبيعية...عن طريق تغيير البلى جواها و ملاءها شحم من جديد و إعادة بيعها...و كتير من التجار و الميكانيكية بتعدى عليهم و بيبقى مكتوب مركات عالمية على الكبلن من بره و مع ذلك مضروب أبا عن جد....

لاحظ الفرق بين 200 جنيه و 2200 جنيه و حضرتك على طول هتفهم نوع الكواليتى اللى إنت هتشتريه....يعنى هتدفعلك بالميت 50 جنيه مصنعيه و 200 جنيه كبلن و صدقنى مش هيكمل أكتر من شهر واحد......

أنا لما بقلك على خصم التوكيل إحنا مش بنتكلم عن إنك تستسمحه فى خصم لأ....إنت تقوله العربيه مش عامله غير 40000 كم و مش من المفروض إن الكبالن تضرب عند كيلومتر قليل كده و ده بيدل إن مفيش إعتماديه للقطع و أنا هشتكى لشركة كيا فى كوريا لأنى مصدوم من قله العمر الإفتراضى للقطع و كلام من ده مش هوصى حضرتك و أطلب تقابل المدير لأن مسئول قطع الغيار مش فى إيده خصم عالى.....

طبعا إنت ممكن تلاقى كبلن فى السوق مش بطال بس عمره ما هيديك نفس العمر الإفتراضى بتاع الأصلى و لو إنه معمرش قوى و لكن على الأقل قعد 40000 كم....

لاحظ كمان إنك لو جبت الكبلن من الحرفيين مثلا و ركبته و طقطق بعدها بأسبوع واحد و ده وارد... الراجل ملوش فيه على عكس التوكيل هتروح تبهدل الدنيا هناك و هيبوسو إيدك علشان يغيرولك الكبلن البايظ ببلاش.....

طبعا ده رأى الشخصى و يحتمل الصواب أو الخطأ.......

[Deshahcoka]

معاك حق يا باشا ! خلاص طيب انا اعمل ايه بظبط عشان اخد الخصم ده :) ايه الخطة الاستراتيجية ؟ مظاهرة برضه يعني !؟ بس بصراحة انا اقتنعت بكلامك فعلا! زي تيل الفرامل الباصلي ابو 500 الي بيعد 20 الف كيلوا فارك ابو الي جابوه و ميصفرش ولا يعمل اي صوت ! و بيخلص و يقلك غيرني ! ركبت واحد ابوا 80 جنيه كوري برضه ! سمعت صوت صفارة ربنا ما يوريك ! و خرط الطنابير بسببه ! يعني غرامة من كل حته !