اشترى كيا سيراتو خليجى من عند جابر عبد الشهيد ولا من عند سمير ريان

[AHMED12345678]

انا ان شاء الله نازل بكرة اشترى كيا سيراتو خليجى
بس محتار اجيبها من عند سمير ريان ولا من عند جابر عبد الشهيد
فياريت تنصحونى اى واحد فيهم احسن وخصوصا فى السعر و المعاملة
وياريت اذا حد من الاخوة الافاضل قال رأى فيقولنا السبب فى رأية وان كان فى موقف حصلة مع اى معرض من دول
واستفسار كدة عالماشى هو انا باخد ورق العربية لما بدفع الفلوس ولا باخد الورق بعدها بيومين مثلا.

[romioramy]

اولا الف مبروك مقدما و بص يا باشا انا هقول لمعاليك علي تجربتي مع سمير ريان ..

و هي تجربة و لله الحمد ناجحة ...
1- جميع الكماليات اللي قالهالي و كتبهالي ليقتها مظبوطة جداااااا و رجعتها كلها معاهم
2- كان أرخص سعر في السوق و ملاقيتش سعر أحسن منه و بصراحة ما عرفتش ساعتها جابر كشخصه كان عامل سعر كام.
3- اعطاني هدية طقم دواسات معقول اوي و غطاء واتر بروف و ماديلة جميلة اوي.
4- بالنسبة للورق : الورق كان جاهز و أول ما أعطيته الفلوس كانت بالليل فقالي ان الورق جاهز بس هيجي بكرة بالليل يعني ممكن ترخص بعد بكرة و فعلا كان صحيح و الورق جه بالليل تاني يوم و تالت يوم رخصت و لله الحمد.
ملحوظة : انا جنبت ألف جنيه من إجمالي السيارة خوفا من اي تلاعب في موضوع وقت استلام ورق الجمرك.
5- بعت معايا مندوب و بصراحة ولد شاطر جداااااااا و خلصت التراخيص كلها في حوالي ساعة و نص و لله الحمد .

هي ده تجربتي و لم اشتكي من المعرض و بصراحة لقيت كل ترحاب منهم و احلي حاجة كل ما كنت اروحلهم كانو بيشربوني لمون .... هههههههههه

و بذات في مندوب هناك اسمه كمال عبد الغني ( راجل زي العسل ) لو عايز موبيله انا تحت امرك.

و اولا و اخيرا استخير الله في امرك و ربنا يوفقك في إختيارك

[AHMED12345678]

متشكر جدا لذوق حضرتك
بس معلش هتقل عليك هو حضرتك جبت الكارينز بكام وكماليتها اية
وهل شايف انها احسن ولا السيراتو احسن وبالذات فى موضوع العفشة والثبات والسحب
معلش اصلى ناوى اخلص بكرة والمبلغ الى هدفعة مش بسيط بالنسبالى ويعتبر تحويشة عمرى ونفسى اجيب حاجة مندمش عليها بعد كدة
وياريت باقى الاخوة الافاضل يساعدونى ويشاركونى برأيهم بس ياريت بسرعة علشان عامل الوقت
ولكم جزيل الشكر مقدما على مساعدتكم

[AHMED12345678]

شترى كيا سيراتو خليجى من عند جابر عبد الشهيد ولا من عند سمير ريان

انا ان شاء الله نازل بكرة اشترى كيا سيراتو خليجى
بس محتار اجيبها من عند سمير ريان ولا من عند جابر عبد الشهيد
فياريت تنصحونى اى واحد فيهم احسن وخصوصا فى السعر و المعاملة
وياريت اذا حد من الاخوة الافاضل قال رأى فيقولنا السبب فى رأية وان كان فى موقف حصلة مع اى معرض من دول
واستفسار كدة عالماشى هو انا باخد ورق العربية لما بدفع الفلوس ولا باخد الورق بعدها بيومين مثلا.

[amribrahim]

بص يا باشا قبل شراء كيا خليجي إكتب رقم الشاسيه و إرجع إكتبو هنا علشان فيه معارض بتبيع عربيات على انها سعودي و تطلع حاجة تانية

[Mshawky]

جابر احسن لكن مبيعملش خصومات ولا فصال كتير سمير ريان ممكن تفاصل معاه شويه لكن انا عن تجربه مع سمير ريان مبقتش ارتحلهم دلوقتى بصراحه وفى الاخر العربيه من جابر كده كده اصلا لانه هو المستورد وربنا يرزقك الخير والصواب باذن الله

[Nistelrooy]

الاخوة في قسم كيا يقدروا يفيدوك اكتر ..

[abdalah_hashem]

الاخوة في قسم كيا يقدروا يفيدوك اكتر ..

فعلا اكتب فى قسم كيا هتلاقى ردود افيد

[temo85]

هو تكلفة الترخيص كام للسيراتو ؟؟

[mrghost]

سمير ريان مجربه فى شراء عربيه فلوانس
وبصراحه قمة الذوق واحترام مواعيد التسليم والعربيه هتلاقيها موجوده يعنى ممكن تستلم فورى كمان
وربنا يوفقك

[salodas]

بص يا مان من الأخر خد معاك لاب توب وادخل على النت وأنت فى المعرض وأعرف عربيتك سعودى ولا أردنى ولا صعيدى حتى علشان أنا لبست عمانى على أنها سعودى وللأسف لزقين ورقة معفنه على القايم بتقول أن العربية طبقا للمواصفات الخليجية السعودية . الكلام ده حصل عند سمير ريان . خلى بالك على نفسك .

[most_wanted]

سمييير ريان

[SAMEHNOSHI]

شوف مين ارخص و هات منة

[amribrahim]

بص يا مان من الأخر خد معاك لاب توب وادخل على النت وأنت فى المعرض وأعرف عربيتك سعودى ولا أردنى ولا صعيدى حتى علشان أنا لبست عمانى على أنها سعودى وللأسف لزقين ورقة معفنه على القايم بتقول أن العربية طبقا للمواصفات الخليجية السعودية . الكلام ده حصل عند سمير ريان . خلى بالك على نفسك .

+111111

[د.محمود صلاح]

بص يا مان من الأخر خد معاك لاب توب وادخل على النت وأنت فى المعرض وأعرف عربيتك سعودى ولا أردنى ولا صعيدى حتى علشان أنا لبست عمانى على أنها سعودى وللأسف لزقين ورقة معفنه على القايم بتقول أن العربية طبقا للمواصفات الخليجية السعودية . الكلام ده حصل عند سمير ريان . خلى بالك على نفسك .

اللي في عمان فعلاً مكتوب عليها مواصفات سعودية

وبتكون ناقصة حاجات كتييييير جدا .. لأن الوكيل في عمان هنا دايما مابيحبش يجيب كماليات كتيرة في السيارات المتداولة عشان السعر وبيفضل الكماليات الكتيرة في الفئات الأعلى مثل الأوبيروس مثلاً