اشترى كيا سيراتو خليجى من عند جابر عبد الشهيد ولا من عند سمير ريان

[essamfarid]

متشتريهاش اصلا عربية فاشلة

[hmotors]

متشتريهاش اصلا عربية فاشلة

ممكن نعرف من حضرتك سبب فشل العربية ايه من وجهة نظرك ؟

علشان حضرتك بدأت تنصح الأخ الكريم صاحب الموضوع انه مايشتريش العربية، ياريت تجربتك وملاحظات بشكل واضح إذا سمحت ؟



.

[engaass]

خلى بالك من الناس اللى شغالة عند سمير ريان لانهم نصابين وبيعملو حوارات كتير اوى

[essamfarid]

اولا من ناس كتير اشترت خليجي
ممكن تكون عاملة حادثة او مخبوطة و نتصلحة واحد زميلي اشترى واحدة و الصبح تاني يوم لاحظ اختلاف اللون و بعد خناقة جامدة رجعها و اخد واحده تانية
بيشتكي من اتزانها على الطريق و من احساس عتم بضعف العربية من حيث الصاج و دا طبعا مش كويس + لو العربية كويسه مكنتش تلاقيها ماليه السوق و كلها كسر الزيرو

[tiger451]

بالتوفيق ان شاء الله
ومبروك مقدما

[ابو ليلى]

متشتريهاش اصلا عربية فاشلة

لو العربية كويسه مكنتش تلاقيها ماليه السوق

طب اصدق مين فيهم !!!!!!!!!!!!!!!!!!!؟

[kofta]

اولا من ناس كتير اشترت خليجي
ممكن تكون عاملة حادثة او مخبوطة و نتصلحة واحد زميلي اشترى واحدة و الصبح تاني يوم لاحظ اختلاف اللون و بعد خناقة جامدة رجعها و اخد واحده تانية
بيشتكي من اتزانها على الطريق و من احساس عتم بضعف العربية من حيث الصاج و دا طبعا مش كويس + لو العربية كويسه مكنتش تلاقيها ماليه السوق و كلها كسر الزيرو

هو بصراحة انا شوفت مرة فى الحرفيين عربيتين سيراتو كوبيه لسة معلقوش نمر و و باكياس المصنع كانوا مخبوطين و بيتسمكروا من جديد
بس الكلام ده قليل جداً لان اللى بيتخبطوا دول ممكن اللى تبقى المعارض على الشارع و العربيات و اقفة على الشارع فواحد الله يساحمه يخبطها غصب عنه

------------------------------------------------------------------------------------------------------------------------

و العربية ماشاء الله جميلة شكلها برة و جوة جميلة جداً جداً
و ثباتها كويس مش وحش لان احنا مش هنبقى ماشيين على طول يعنى 180 او 200 احنا فى مصر هنا اخرنا 100 120

و مبرووك مقدماً لك يا معلم

[romioramy]

ا - عصام فريد .. تحية طيبة اولا
و احب اقول لسيادك . مع إحترامي لرأيك طبعا إن الكارنز جميلة جدااااا في فئتها ده اولا ... ثانيا : المشكلة اللي تعرض ليها صاحبك ده مش معناه التعميم علي كل العربيات ..

[essamfarid]

ا - عصام فريد .. تحية طيبة اولا
و احب اقول لسيادك . مع إحترامي لرأيك طبعا إن الكارنز جميلة جدااااا في فئتها ده اولا ... ثانيا : المشكلة اللي تعرض ليها صاحبك ده مش معناه التعميم علي كل العربيات ..

يا باشا نتكلم بصراحة مش كل يوم هاتدفعلك 150 الف في عربية ، فمشكلة صاحبي عشتها و كانت مرعبة فعلا تخيل تدفع تحويشة عمرك و تطلع مقلب ، و تضمن منين ان لو لقيت فيها حاجة تعرف ترجعها و لاحظ احنا نتكلم على الخليجي يعني ملهاش ضمان ، انا معاك الكارينز كويسه بالمقارنة بفئتها من ماتركس و رينو او mpv بشكل عام و سعرها يعتبرلا رخيص لكن انا كل اعتراضي انك تدفع مبلغ كبير في عربية من غير ضمان و عايز اقولك ان كل ان قصة الزجاج الملون طلعت بنضرب من التاجر و الجنوط كمان مش اصلية .

[tiger45]

مليون مبروك

[Arabino]

بص يا باشا انا جبتها من جابر عبد الشهيد و صراحه الحمد لله العربيه زي الفل معايا و علفكره موضوع عمانى دا لان السعوديه بتجيبها عن طريق كمان مفيش رقم vin طلع سعودي معرفش ليه كل الناس بتلاقي الرقم عمانى مش سعودي معرفش باه العيب من الموقع ولا المستورد بس عمتا جابر عبد الشهيد هوا مستورد الخليجي هنا ف مصر و مش محتاج يبيعلك عربيه مخبوطه ولا فيها حاجه عشان سمعته و ربنا يوفقك و تلاقي احسن حاجه
اه و حاجه تانيه اسال على سامي هناك هوا اللى هيسلمك العربيه انشاء الله مفيهاش غلطه

[AHMED12345678]

انا الحمد للة اشتريت سيراتو سعودى واتاكدت من كدة من موقع كيا من رقم vin
وسعرها 118000 واشتريتها من الزقازيق وكان قدامى الاردنى او العمانى او الكويتى ب116000
بس انا قلت خلينى فى السعودى احسن وخصوصا ان كان فيها كماليات اكتر زى التكييف التاتش والفامية
وانا مبسوط بالعربية الحمدلله ورخصتها النهاردة وثبت فى الرخصة الزجاج الفامية
وقريب ان شاء اللة هعمل تقرير عنها
ومتشكر لكل ردودكوا يا رجالة

[romioramy]

انا الحمد لله اشتريت سيراتو سعودى واتاكدت من كدة من موقع كيا من رقم vin
وسعرها 118000 واشتريتها من الزقازيق وكان قدامى الاردنى او العمانى او الكويتى ب116000
بس انا قلت خلينى فى السعودى احسن وخصوصا ان كان فيها كماليات اكتر زى التكييف التاتش والفامية
وانا مبسوط بالعربية الحمدلله ورخصتها النهاردة وثبت فى الرخصة الزجاج الفامية
وقريب ان شاء الله هعمل تقرير عنها
ومتشكر لكل ردودكوا يا رجالة

_______________________ الف مليون مبرووووووووووووووك و يارب يكفيك شرها و يعطيلك خيرها بس يا باشا انت نسيت تقول حاجة مهمة اوي اللي اصل كل المناقشات ده عليها ...!!! جبتها من ريان ولا جابر عبد الشهيد ...؟؟؟؟؟؟

[AHMED12345678]

يا باشا انا منستش وانا قات فى مشاركتى انى جبتها من الزقازيق
من معرض فى الزقازيق والى لقيت عندة السعودى موديل 2011 الفتيس الجديد

[hamza76_76]

السلام عليكم
أنا عندي تجربة مع المعرضين سمير ريان اولا ثم جابر عبدالشهيدمع نفس العربية سيراتو
أشتريت أولا من سمير ريان بعد ما سألت كتير عن أرخص معرض فقالولي سمير ريان رحت عندهم و أشتريت سيراتو أوتوماتيك جميع الكماليات ماعدا البصمة و الفرش الجلد و كانت ساعتها ب 119 ألف و بصراحة معاملتهم كويسة و بعتولي ورق العربية تاني يوم مع مندوب و خلص ترخيص العربية في ساعه . كل شيء لحد كده تمام لغاية ما أحتاجت فلوس لشغل فقلت أبيع العربية و ده بعد 3 شهور من أستخدامي و كانت عاملة 4000 كم فأتصلت بمعرض سمير ريان بالمندوب اللي بعهالي فسألته بتشتروا كسر الزيرو قلي أه هاتها نبص عليها و نشتريها منك فذهبت الي المعرض و جابلي المندوب تاجر قعد يقلب في العربيه و في النهايه قلي 90 ألف و أنها رشه البابين اليمين فأتنرفزت عليه و علي المندوب و قولتله يا أما أنتم حرامية لأنكم بتبعوا العربية و هي مخبوطة بعد ما تعملوها علي انها زيرو يا أما أنت جيبلي تاجر حرامي بيفطس تمن العربية و يقول أنها رشه بابين ، المهم سبتهم و مشيت و بعت العربيه بعد كده لمعرض تاني و ده الي حصل مع معرض سمير ريان و معلش طولت عليكم بالتفاصيل بس أنا بحكي اللي حصل معايا بالضبط