رابطة ملاك الكيا برايد - كلاكيت تانى مرة!

[hanyfarrag]

يسعدنى ويشرفنى جدا انضمامى للرابطة
أنا معايا برايد موديل 99 من الزيرو وهى حاليا 203000 ومن الصعب انى استغنى عنها رغم ان ربنا أكرمنى بماتريكس 2010 بس من فات قديمه تاه
أنا للأسف زياراتى للمنتدى قليلة جدا جدا بسبب العمل - بس على قد ما حقدر حشارك معاكوا فى الرابطة بخبرتى المحدودة
وشكرا يا استاذ مناور على دعوتك الكريمة ليا من اكتر من شهرين فاتوا - واستجابتى المتأخرة نظرا لظروف العمل.

[أحمد الجندى]

نورتنا وانستنا يا استاذ أيمن
ولا يهمك أى تأخير المهم انك بقيت معانا
وأهلا بيك فى الرابطة

[muhamedaly]

احب الانضمام للرابطة .معي كيا برايد سيدان 2002 اوتوماتيك كاملة.عاملة 121 الف ك بس مش مبسوط من حكاية الفتيس الاوتوماتيك .بحس انه في مشكلة بعد سرعة 20 بحس ان العربية فيها غربلة من قدام او تكتيفه وبعد سرعة 50 تختفي.ياريت لو حد معاه اوتوماتيك يكلمنا عنها وعن المشاكل اللي قابلته وحلولها.

[johnghaly]

بما اننى مؤسس الرابطة فتشجيعا منى لبقية الرابطة فاليكم ايها السادة صور عربيتى المصون

بسم الله ماشا الله الحاله شكله نظيفه اوى ربنا يحفظلك عليه ويحميهالك بجد يا مناور

[أحمد الجندى]

الله يخليك يا جون بس أنا مستنيكم انتم كمان تحطوا صور عربياتكم

وكمان هى الرابطة مالها بقت مريحة كده ليه فين الناس ؟

[may_moon911]

و عملت اية فى الامتحانات هترفع راسنا ؟:)

هههههههه اه ان شاء الله بس ربنا يسهل باذن الله و انا هاخلي راسكوا ف السما

[may_moon911]

عندى سؤالين للشباب اللى معاهم مانيوال البرايد

ظبطة هوا الكاوتش على كام ؟ لانى الأول كنت بظبطها على 30 بس الدركسيون كان بيبقى تقيل دلوقتى بظبطه على 32 وحاسه مناسب .

فى حال تغيير الجنط لمقاس اكبر نغير لمقاس كام ؟

32
يانهار برايداوي
دا كتير جدا جدا جدا جدا و خطر علي فكره لان العربيه مش هاتبقي ثابته لان مساحه الكاوتش اللي بتلامس الارض بتقل و دا غلط جدا و بيسبب حوادث كتير لا قدر الله
اعتقد 30 كتير علي البرايد انا عن نفسي عامل 28 نيتروجين و زي الفل و الدركسيون خفبف جدا كان العربيه باور

[may_moon911]

مناور التظبيطة بتاعة الكاوتش كتيرررررررررررررررر اوى المفروض انها تكون على 28 الاربعة فرد انا مركب جنوط سبور ومغير مقاس الكاوتش بس مش كتير اوى وبصراحة مش فاكر بظبط الارقام بس يمكن حاجة بسيطة فى الطول والعرض ولكن بظبط الاربعة فرد نتروجين على 28.

+++++++++++++++++++++++++++1

[may_moon911]

العربية كدا كدا حفيفة وبزات على الطريق الصحراوى وبزات اكتر لما بيكون فيه هوا جامد او عربية مقطورة بتحس ان العربية بيعملها سحب ناحية المقطورة ولمرة واحدة بيحصل عملة طرد او كانها بتبعد عنها لما بتعدى منها او لما هى بتعدى منك وساعت بيكون فى الطريق نفسه عبارة عن دوامات هوا صغيرة انتا بتتدخل فيها بسرعات عالية فبيحصل ان العربية زى ما يكون ماشى على طريق فيه مطبات العربية زى ما يكون بتروح يمين وشمال وانا حاسيت بالموضوع دا اوى وانا راجع من العين السخنة لان الطريق بسم الله ماشاء الله عريض ومفتوح .
اما بخصوص ان الواحد يوصل العربية لعدد لفات الماتور الى 3 على الار بى ام فياريت ياررريت منوصلش للرقم دا تانى الا فى حالات السفر ام فى حالات نادرة زى مثلا عايز تعدى من حد او عايز تفتح الماتور مرة كدا فى الشهر او مرتين على الماشى لكن انك تفضل كل شوية تجيب وتحرق على مثلا التانى او التالت لغاية ما توصل لرقم 3 ؟؟؟؟؟؟ فالموضوع دا اكبر غلط الطبيعى 2 الى 2 ونص .

اه فعلا العربيه خفيفه جدا و دي ميزة و عيب ف نفس الوقت للاسف و الواحد لو مش واخد بالو شويه و هوا سايق بيبقي صعب التحكم ف العربيه
انا مش بوصلوا ابدا الا علي التالت و الرابع و اكيد مش هاجيب الرابع الا ف السفر لان الرابع لما بجيبوا قبل كدا العربيه بحس انا مكلبشه ف الارض و لازم ادوس بنزين جامد و ساعتها بتسقف ف بتصعب عليا مش عارف حكايه الرابع و سحبو دا عندي بس ولا هيا العربيه كدا عشان امكانياتها

[may_moon911]

بما اننى مؤسس الرابطة فتشجيعا منى لبقية الرابطة فاليكم ايها السادة صور عربيتى المصون

بسم الله ما شاء الله ربنا يخليها لحضرتك و يحميهالك يا رب
انا هادي العربيه وش نضافه و ابقي اصورها عشانها متبهدله خالص

[may_moon911]

الحمد لله انا بعد ما خلصت امتحانات و اخويا خلصت امتحانات الثانويه امبارح نزلت مصر النهارده عديت علي عمي عشان يوريني مركز الخدمه و رحت شفته و دي صوره منو بس انا ما عملتش حاجة عندو لان الناس زحمه جدا و قالي قدامك بتاع ساعه و نص روح مشوار و تعالالنا ف طنشت بس عايز ارائكو ف المركز دا....هوا تبع محطه بنزين زي ما ف الصورة بس الساعه كانت 4 و انا ما كنتش هاصبر

دا علي فكره ف ميدان الاسماعيليه اللي بعد ميدان سفير لما تلف الميدان بتاع الاسماعيليه هتلاقوه علي جنب كدا

دول بقي صور من عندي و عايز خبرتكو ف مساعدتي عشان العربيه هاتجنني من ساعت ما خلصت امتحانات و انا سايق طول النهار و العربيه مجنناني
دي صوره لترصيص سليم

و دي صوره لترصيص تاني مش كدا دا يبقي بايظ ...؟؟؟

و دا اعملوا عادي عند بريدج ستون ولا مش هايفهموا "عشان انا معقد من الزوايا بتاعتهم "

تاني حاجة دا الكاوتش اليمين جنب السواق دايب بس من جوا و من برا سليم دا ايه زوايا ولا ايه....؟؟؟

و دي الفرده بتاعت السواق

هما ليه دايبين من جوا و من النص و بره لا انا مش عارف

و دي مني ليكوا عداد العربيه و الرقم القياسي ههههههه علي فكره هما زادو 600 كيلو


انا علي فكره قست استهلاك البنزين عندي انا بحط بنزين 92 و بحط ب 50 مقفوله بتحط حوالي 27 ليتر
عملت بيهم 306 كيلو انا لسه ما حسبتش كدا هاحسبها و نشوف كدا حلو ولا لا
علي فكره سواقه هاديه معظمها سفر علي اسماعيليه الصحراوي سرعه من 80 لغايه 130

اخر حاجة بقي العربيه بتعمل حاجة مش عارف اوصفها
و انا سايق علي السريع فوق 70 او 80 كدا و الطريق بيبقي فيه شويه حتت معوجه كدا او المطبات الخفيفه دي او اسفلت طالع او داخل بلاقي العربيه بتعوم ... اول ما بعدي من فوق الحاجات اللي زي دي بلاقي العربيه بتروح يمين و شمال جامد جدا و كل ما ازود سرعه و اعدي بتحدف اكتر زي ما بعدي من جنب مقطوره و تقوم حدفاني الناحيه التانيه

انا عارف اني طولت بس انا بقالي كتير ما شوفتكمشي ولازم اصدعكو شويه بقي هههههه

[أحمد الجندى]

ايه يا أبو ايمن ده ؟! داحنا عربياتنا نسخة من بعض الحدفة اللى بتحصل وتأكل الكاوتش حتى الترصيص..... انا وانت لازم نروح لحد بتاع عفشة كويس علشان يظبطلنا الدنيا الخربانة دى

بالنسبة للمركز اللى فى البنزينة فمش عارف عنه حاجة بس زى ما قلت قبل كده أنا برتاح فى المراكز المتخصصة أو الورش اللى فيها صنايعية فاهمة اما اللى بيبقوا تبع البنزينات بحسهم اخرهم شغل على خفيف .

بالنسبة للترصيص فى بريدجستون حايظبطولك الدنيا إن شاء الله والناس فعلا فاهمة وانا من بين الكام مرة اللى ظبطت الزوايا فيها اكتر مرة حسيت فيها بتحسن ملموس كانت معاهم بس عيبهم لو فيه غلطة فى الجنط مثلا حايقولك روح صلحها وتعالى تانى وده اللى مخلينى بقالى فترة مش متابع معاهم علشان عندى عوجات جامدة فى الجنط

وأنا افضلك تروح لحد بتاع عفشة تكشف على الدنيا كلها وبعدين لما تخلص تطلع على بريدجيستون تظبط زوايا وترصيص .

و انا سايق علي السريع فوق 70 او 80 كدا و الطريق بيبقي فيه شويه حتت معوجه كدا او المطبات الخفيفه دي او اسفلت طالع او داخل بلاقي العربيه بتعوم ... اول ما بعدي من فوق الحاجات اللي زي دي بلاقي العربيه بتروح يمين و شمال جامد جدا و كل ما ازود سرعه و اعدي بتحدف اكتر زي ما بعدي من جنب مقطوره و تقوم حدفاني الناحيه التانيه

أنا عندى بقى مشكلة شبيهة بمشكلتك وهى انى لو ماشى على 70 أو 80 وجيت اعدى من فوق عيون قطط الاقى العربية من ورا راحت يمين او شمال وياسلام لو جيت اخد عيون القطط دى فى ملف زى اللى فى مخرج نفق الازهر وانت رايح على صلاح سالم بلاقى العربية بترقص من ورا أو تجنح منى

بالنسبة لاستهلاك البنزين حاسه كتير شوية بس للدقة قولى بتعمل كام لتر فى ال 100 كيلو علشان اقولك كويس ولا لأ

[أحمد الجندى]

يا جدعان انا ضهرى اتقطم من العفشة بجد مفيش انشف من كده اقل كسر فى الشارع أو خبطة بتسمع فى ضهرى ويا عينى لو حد راكب معايا ورا بيتظبط احسن تظبيط ، أنا لسه سايق دايو لانوس من يومين ومشيت على نفس المطبات والتكسيرات ومكنتش حاسس بأى حاجة خالص .

فهل انتم كمان بتواجهوا نشوفية العفشة دى ؟ وهل فيه حل ؟

[may_moon911]

ايه يا أبو ايمن ده ؟! داحنا عربياتنا نسخة من بعض الحدفة اللى بتحصل وتأكل الكاوتش حتى الترصيص..... انا وانت لازم نروح لحد بتاع عفشة كويس علشان يظبطلنا الدنيا الخربانة دى

بالنسبة للمركز اللى فى البنزينة فمش عارف عنه حاجة بس زى ما قلت قبل كده أنا برتاح فى المراكز المتخصصة أو الورش اللى فيها صنايعية فاهمة اما اللى بيبقوا تبع البنزينات بحسهم اخرهم شغل على خفيف .

بالنسبة للترصيص فى بريدجستون حايظبطولك الدنيا إن شاء الله والناس فعلا فاهمة وانا من بين الكام مرة اللى ظبطت الزوايا فيها اكتر مرة حسيت فيها بتحسن ملموس كانت معاهم بس عيبهم لو فيه غلطة فى الجنط مثلا حايقولك روح صلحها وتعالى تانى وده اللى مخلينى بقالى فترة مش متابع معاهم علشان عندى عوجات جامدة فى الجنط

وأنا افضلك تروح لحد بتاع عفشة تكشف على الدنيا كلها وبعدين لما تخلص تطلع على بريدجيستون تظبط زوايا وترصيص .



أنا عندى بقى مشكلة شبيهة بمشكلتك وهى انى لو ماشى على 70 أو 80 وجيت اعدى من فوق عيون قطط الاقى العربية من ورا راحت يمين او شمال وياسلام لو جيت اخد عيون القطط دى فى ملف زى اللى فى مخرج نفق الازهر وانت رايح على صلاح سالم بلاقى العربية بترقص من ورا أو تجنح منى

بالنسبة لاستهلاك البنزين حاسه كتير شوية بس للدقة قولى بتعمل كام لتر فى ال 100 كيلو علشان اقولك كويس ولا لأ

انا ان شاء الله مسافر اسكندريه اول الاسبوع و اول ما ارجع ان شاء الله نروح نشوف حكايه العربيه دي لحسن الحدفه دي خطيره جدا و الكاوتش اللي بيتاكل دا مش فاهم مالو
الترصيص انا رحت بريدج ستون و الحمد لله العربيه اتظبطت و الرعشه اللي مع السرعه راحت
الزوايا بقي عندي عقده منها لاني كل ما اروح لحد يقولي روح دخل الفرده مش عارف منين كدا و تعالا و روح لسمكري يعمل ايه و تعالا ف انا زهقت و طنشت و اللي عندو حد متاكد منو ميه ف الميه يقولنا خلينا نروح نشوف الحكايه دي انا بقيت امشي علي 80 عشان الحدفه

البنزين بقي من العاشر من رمضان للقاهره و زحمتها عملت 338 كيلو ف ال27 ليتر يعني حوالي 13 كيلو لل لتر اعتقد دا كويس كدا

انا كان عندي الرقصه الي ورا دي و غيرت المساعدين و بقت تمام بس عايزة حاجة تقيله سنه تتحط ف الشنطه او ورا لان العربيه بعد ما غيرت المساعدين بقت وزة

[may_moon911]

يا جدعان انا ضهرى اتقطم من العفشة بجد مفيش انشف من كده اقل كسر فى الشارع أو خبطة بتسمع فى ضهرى ويا عينى لو حد راكب معايا ورا بيتظبط احسن تظبيط ، أنا لسه سايق دايو لانوس من يومين ومشيت على نفس المطبات والتكسيرات ومكنتش حاسس بأى حاجة خالص .

فهل انتم كمان بتواجهوا نشوفية العفشة دى ؟ وهل فيه حل ؟

لا انا عندي حلوة العربيه وزة زي العربيات الكابرس بتاعت زمان كدا مع المطبات بلاقيها بتطلع و تنزل
اللانوس انعم بكتير جدا جدا جدا جدا جدا بس مش عارف ليه بس العفشنه ناشفه عندنا لا ما افتكرش دي ممكن تكون مش ناشفه اكتير من اللازم