كيا بيكانتو...الحياة أكثر اشراقا!

[cpt_shawky]

الفيديو ده فيه سباق مسخرة للبيكانتو القديمة بغض النظر عن اللى بيصور كان له اهتمامات اخرى بس سباق جامد أوى وبيكانتوهات بتطير يمين وشمال :D:D:D

................................................

تم حذف اللينك لمخالفته للقاعدة رقم 12

الإدارة - 3

[MohabSaeed]

موضوع هايل وتنسيق رائع .. ومعلومات مفيدة للغاية .
شكرا استاذ نادر على التقييم الجميل .

[SEATLOVER]

يا عينى على بيكاسو البيكانتو

[theking2690]

تقييم حلو اوى للعربيه و متتصورش انا حبيت العربيه ديه قد ايه انا زمان كنت بفكر اجيبها بس قولت بلاشها خوفت لتطلع ضعيفه وبعدين واحد صاحبى جابها و جربتها العربيه جميله جدا و بتجرررررررررررررررررررى حلو و حتى و التكييف شغال سحبهههههههههههها شديد يا نادر والله عربيه تحفه بمعنى المقاييس و مبروك عليك عربيتك يا نادر و لو انها جايه متأخره اوى بس على فكره انا وانت زمان كنا زمل انا برضه كان معايا 127 بيضاء و لحد دلوقتى بحن لأيامها بس دلوقتى معايا حبيبة قلبى ماتريكس مش عارف مش قادر اسيب العربيات الهاتشباك ليه تقريبا ديه ادمان زى نايل موتورز



ايه البيكانتو اللى فى الفيديو ديه :D

[yasserayad]

موضوعك جميل ورائع يانادرشكرا جزيلا لمجهودك وشرحك بس سؤال
ايه الفرق بين الجديده 2008 والقديمه
شكرا

[محمد عبد العزيز]

موضوع جامد
تسلم ايدك يا نادر باشا

[YoussefMostafa]

تقييم ممتاز ونسيت تضيف يا نادر إن البيكانتو الجديدة عداد السرعة فيها 200 مش 180 وان فيها الاشارات الجانبية فالمرايات ودى بعض الصور والفيديو ليها

بص يا باشا البيكانتو الجديدة العداد 180 وانا شوفتها بعيني
انما العدادت ال 200 بتنزل مع المحركات الديزل (75حصان عند 4000 لفة)
وبالنسبة للاشارات فللاسف بتنزلنا من غير اي اشارات جانبية
سواء اللي في المرايات او اللي في ال بودي نفسة

[mahamedaraby]

بجد موضوع رائع شامل للعربيه فى كل شئ

وهى عربيه حلوه بس بتغلى كل شويه مش عارف ليه

[ibrahimelt]

موضوع قيم جداااااااااااااااااااا
انا فى مرحله 127
و بفكر اغير قريب!!!!!!!!!
انا هستنى المقارنه بين البيكانتو و i 10 و ياريت a113
وشكرااااااااااااااااااااااااااااااااااااااااااااا

[modux]

تقييم 10 علي 10

هيا حلوة و ربنا يباركلك فيها

[reham3060]

سؤال مهم ومصيرى

معاية 50الف وعايزه اشترى عربية جديدة لا يزيد ثمنها عن 80 الف ارجو اختيار افضل عربية مش تقفيل مصرى وتكون اقتصادية فى استهلاك البنزين وشكلها بناتى وعايزة افضل طريقة لتقسيط مع البنك وبنك يكون سمعته محترمة فى موضوع التقسيط ده ارجو الافادة بسرعه لو سمحتوا..........:)

[mbluethunder]

معاية 50الف وعايزه اشترى عربية جديدة لا يزيد ثمنها عن 80 الف ارجو اختيار افضل عربية مش تقفيل مصرى وتكون اقتصادية فى استهلاك البنزين وشكلها بناتى وعايزة افضل طريقة لتقسيط مع البنك وبنك يكون سمعته محترمة فى موضوع التقسيط ده ارجو الافادة بسرعه لو سمحتوا..........:)

أهلا بيكي يا ريهام في منتدى نايل موتورز

أفضل طريقه تعرضي بيها الموضوع ده وناس كتير تيشوفه . إن حضرتك تكتبيه تاني في المنتدى العام أو قسم المقارنات

هناك أكتر عدد ممكن من الأعضاء ممكن يفيدوكي

وشكرا

[Defender]

شكرا جزيلا على المعلومات :) جزاك الله خيرا.

[Ahmed Anwer]

بيكانتو: جواد "كيا" الرابح عامي 2007 و2008

التقرير ،، ده قريته ،، في موقع cnn و كنت عايز اعمله تقرير منفصل

بس لقيته ،، احسن ،، احط في الموضوع المثبت ده افضل ،،


بيكانتو: جواد "كيا" الرابح عامي 2007 و2008






نتائج جيدة لكيا عام 2007

(CNN)-- يعدّ عام 2007 ناجحا بكل المقاييس بالنسبة إلى كيا بيكانتو التي نجحت في تحقيق رقم مبيعات أعلى بـ12 مرة من "قريبتها اللدودة" هيونداي أتوس برايم.

فقد نجح هذا الطراز في الإحراز على إعجاب الباحثين عن سيارة تجمع بين الحجم الصغير والفعالية والأداء، ويكفي هنا التذكير بأنّها واحدة من السيارات القلائل في هذه الفئة التي توفّر خمسة أبواب وخمسة مقاعد.

ورأت شركة كيا أن تمنح طرازها الناجح لمسات إضافية من أجل المحافظة على النجاح.

ومن أبرز التغييرات التي طرأت على السيارة منظرها الأمامي الذي تمّ تغييره جذريا رغم أنّه كان في الأصل مغريا، إلا أنّ الأضواء التي تمّت إضافتها زادت من أناقة السيارة.

كما تمّت إعادة تصميم الطوق والسقف والأبواب الخلفية.
أما داخل السيارة، فلن يكون من الصعب ملاحظة الدقة التي تمّت بها إعادة تصميم مكونات السيارة من مقاعد لاسيما أنه، على خلاف ما درجت عليه شركات جنوب شرق آسيا، تمّ الاعتماد على مواد جيدة هذه المرة.

كما تمّت إعادة تصميم جزء من اللوحة الأمامية حيث بات ممكنا ربط جهاز الأم بي 3 وغيرها من الوسائل متعددة الوسائط.

إلا أنه يجدر التذكير أنّ المقاعد الأمامية لا توفر رفاهية جيدة بما يجعل من السيارة صالحة فقط للمسافات القصيرة.

كما أنّ من نقاط ضعف السيارة أنّ الحقيبة الخلفية ليست قادرة سوى على تخزين جزء لا يتجاوز سعته 157 لترا فقط، رغم أنّ المقاعد الخلفية قابلة للطي.

أما على مستوى استهلاك الوقود فإنّ للسيارة شهية العصافير حيث لا تتجاوز النسبة 5.2 لترا لكل 100 كلم بالنسبة إلى فئة 1.1 و4.4 بالنسبة إلى طراز 1.1 سي أر دي.



اللينك و فيه صور ظريفة

http://arabic.cnn.com/2008/auto/1/1/kia.pecanto/index.html

[amrhussein123]

موضوع مميز جدا

الف شكر ياباشا