الناس دى هتجننى

[waleedelpiloot]

ندخل فى الموضوع على طول يا رجالة
روحت انهاردة اعمل صيانة ال20 فى ابورواش وانا اصلا عامل 19 لسة
المهم دخلت العربية وعرفت سعر الصيانة الى كلوا سرقة فى سرقة 730 ولاددددددد التيييت قولت ماشى ونزل الاستراحة
شوية وكلمنى بتاع الريسبشن بيقولى حضرتك احنا لاقينا التيل امامى عايز يتغير و دة ب650 بعد الضريبة وكمان فلتر التكيف عايز يتغير ودة ب160
طبعا قولت كلمة وحشة فى سرى وقلتوا لا اعمل بس الصيانة المرة دى
طلعت الريسبش اشوف اية موضوع التيل على 20 دة هوة تيل توكتوك دخلنى المهندس الورشة وورانى الفلتر حاجة كدة سودة وانا اصلالالالالالالالا مش بشغل تكيف ولما بشفل ببقى دايس على زرار الى مش بيجب هوة من برة المهم قالى دة ممكن ننضفوا وعادى قولتلوا ماشى
قالى باة والتيل فكهولى وفعلا خلصان ازااى انا مش عارف يقولى ممكن تكون بتمشى فى زحمة قولتلوا دة كل مشوارى دائرى محور كورنيش كلوا سريع واول ما اقف فى حتة زحمة بجيب على N عشان ما اتقلش على التيل
قالى مش عارف بس هوة حسب استخدامك بقى ةمش هيكمل معاك 1000 كمان عشان هيدخل على طنابير

قلتلوا طيب خليها بعدين وبعد كدة طالعين من الورشة قولتوا انا هعمل التيل برة ومش هدفع 650 فية حرااااااام قالى بس كدة هطلع طنابير برة ضمان سالتوا ضمان الطنابير قد اية قالى 20 الف
قولتوا يعنى انتا مكدرنى جنبك من الصبح وبعد كدة طنابير اخرها 20 طب ما كدة كدة خرجت برة الضمان وفى حالتين ركبت برو زباظ انا هدفع او ركبت عندكوا وباظ انا بردوا هدفع سكت ما رديش
قولتوا هوة انا بكلم نفسى بلظبط عمل كدة قومن قاليوا سلام عليكوا ومشيت

حاجة اخيرها اقولها عشان تعرفوا انو دول عالم نصابين بيقولى التيل ب550 و100 مصنعية قولتوا ما انتوا واخدين 180 مصنعية فى الصيانة قالى لا حضرتك مصنعية الصيانة لوحدها وتغير حاجة لوحدها

معلش طولت عليكوا بس انا بجد مش طايقهم وعمال من ساعتها ادعى عليهم

قولولى بقى اجيب منين التيل الاورجينال بتاعها وبيعموا كام وشكرا ليكوااا

[waleedelpiloot]

حاجة كمان معلش عايو اقولها يلعن ابو الكورى على كوريا ذات نفسها وعلى حاجتها الى ما بتعش
دة انا مغير التيل فى النيسان على 45 الف واتوماتيك وب350 جنية مش 650 وهارييها مش راحمها مش زى دى الى بحسس عيها والله
ونيسان بتاعة ابويا دلوقتى 60 الف مانيول ولسة ماغيرس تيل

[Ahmed.Ali]

حاجة كمان معلش عايو اقولها يلعن ابو الكورى على كوريا ذات نفسها وعلى حاجتها الى ما بتعش
دة انا مغير التيل فى النيسان على 45 الف واتوماتيك وب350 جنية مش 650 وهارييها مش راحمها مش زى دى الى بحسس عيها والله
ونيسان بتاعة ابويا دلوقتى 60 الف مانيول ولسة ماغيرس تيل

بغض النظر عن الكوري و الياباني لا يمكن بأي حال من الاحوال تقارن بين سعر قطع غيار عربيه بقالها 10 سنين بتمشي في الشوارع بعربيه بقالها سنه مهو لازم يبقي في فرق في السعر

[Atrees]

الاتوماتيك بياكل تيل اسرع من المانيوال - انا غيرت الطنابير والتيل في ال 20 الف

[salodas]

الله يعينك وحد من الشباب ينصحك بأفضل مكان تشترى منه

[waleedelpiloot]

بغض النظر عن الكوري و الياباني لا يمكن بأي حال من الاحوال تقارن بين سعر قطع غيار عربيه بقالها 10 سنين بتمشي في الشوارع بعربيه بقالها سنه مهو لازم يبقي في فرق في السعر

10 سنين ازاى بس دول ال2 نيسان موديل 2006 والسيراتو 2010
وبعدين بلعقل كدة مفروض مين الى يبقى قطع غياروا اغلى يابانى ولا كورى؟؟؟؟؟

[waleedelpiloot]

الاتوماتيك بياكل تيل اسرع من المانيوال - انا غيرت الطنابير والتيل في ال 20 الف

تيل وطنابير على 20 يا عتريس
عمااااااااااااااااااااااااااار يا كوريا

[waleedelpiloot]

الله يعينك وحد من الشباب ينصحك بأفضل مكان تشترى منه

شكرا لحضرتك وانا منتظر اهوة حد يدخل يقولى عشان انزل اشترى واخلص من قصة دى ان شاء الله

[Ahmed.Ali]

10 سنين ازاى بس دول ال2 نيسان موديل 2006 والسيراتو 2010
وبعدين بلعقل كدة مفروض مين الى يبقى قطع غياروا اغلى يابانى ولا كورى؟؟؟؟؟

مش نفس موديل النيسان الي بتتصنع في مصر بدا 2005 تقريبا يبقي 7 سنين عدي 10 دي
في لو قطعه غيار بتتباع بقالها 7 سنين اكيد ارخص ولا ايه؟
ملهاش دعوا ببلد المنشأ لان التيل بالذات من الصناعات المغذيه مش نيسان ولا كيا هي الي بتعمله دي بتشتريه من شركه تانيه

[subzero_freez]

التوكيل بتاع ابو رواش ده , جابين شويه ........ بيخلوهم يستقبلوا العملاء , قمه فى البرود و السخافه

[MASERATI]

ندخل فى الموضوع على طول يا رجالة.....................



حاجة اخيرها اقولها عشان تعرفوا انو دول عالم نصابين بيقولى التيل ب550 و100 مصنعية قولتوا ما انتوا واخدين 180 مصنعية فى الصيانة قالى لا حضرتك مصنعية الصيانة لوحدها وتغير حاجة لوحدها............

وشكرا ليكوااا

السلام عليكم و رحمة الله و بركاته

بسم الله , ما شاء الله, أنا بالشكل ده, ممكن أفكر أفتح مركز صيانة معتمد, مش مهم, الماركة اللى هشتغل فيها, نبقى نفكر فيها بعدين دى, بس المهم أنى أفتح و أشتغل, أدام الفلوس بالشكل ده, تبقى شغلانة لوووووووووووووووز العنب .

[elhelawy]

انا شايف انك ساكن فى الهرم عندك تارجيت فى اول فيصل هتلاقى عندوا الاوريجينال بتاعها وفى كمان ابو زيد فى فيصل قبل المريوطيه وبالتوفيق ان شاء الله

[waleedelpiloot]

طيب يا رجالة حد يقولى بكام برضوا برة التوكيل؟؟؟؟؟؟؟؟؟

[mohamedaghali]

نصيحه اخويه اشتريه من التوكيل لان بره مش مضمون ممكن تشتريه من التوكيل وركبه بره او تحب بس الله يكرمك الفرامل بذات مافيهاش هزار وللعلم انا سالت بره مافيش فرق سعر بينه وبين التوكيل غير الضريبه اللى هيه 50 جنيه

[aaet1]

تيل على 20000 ... يا لهوى ليه يعنى .... امال لو راكبين صينى .... دى كده بقت ولا الصينى حتى، يا ترى حد من الاخوة هنا واجه نفس الموقف ولا نعتبره عيب صناعة وجه فى حظ اخونا وليد