الناس دى هتجننى

[ابو ليلى]

540ج ياوليد عند الجندى فى دمشق الاصلى

او شوف المنير اللى فى اول فيصل

[waleedelpiloot]

انا لقيتة انهاردة الاصلى ب425 علبة زرقا ومكتوب عليها هيونداى
عند واحد قبل التميمى فى فيصل يافطة حمرا كبيرة كدة ومكتوب عيها kia قطع غيار اصلية

[waleedelpiloot]

540ج ياوليد عند الجندى فى دمشق الاصلى

او شوف المنير اللى فى اول فيصل

ما لو 540 يا ابوليلى ما انا اجيبة من التوكيل ب550 فرقت يعنى 10 جنية

[waleedelpiloot]

نصيحه اخويه اشتريه من التوكيل لان بره مش مضمون ممكن تشتريه من التوكيل وركبه بره او تحب بس الله يكرمك الفرامل بذات مافيهاش هزار وللعلم انا سالت بره مافيش فرق سعر بينه وبين التوكيل غير الضريبه اللى هيه 50 جنيه

ما هى دى الوكسة انى لقيت هوة فرق تقريبا 100 جنية عن التوكيل

[ابو ليلى]

ما لو 540 يا ابوليلى ما انا اجيبة من التوكيل ب550 فرقت يعنى 10 جنية

يا وليد انت قلت 650 بالضريبة يعنى فرق 110 ج !!!

[waleedelpiloot]

يا وليد انت قلت 650 بالضريبة يعنى فرق 110 ج !!!

التيل ب550 بلضريبة والمصنعية 100

[moha4tec]

540ج ياوليد عند الجندى فى دمشق الاصلى

او شوف المنير اللى فى اول فيصل

ازيك يا ابو ليلى عامل اه وحشناووحشانا مقبلاتك يا كبير
الجندى بتاع دمشق بيبيع قطع غيار مش اصليه
و الله العظيم اشتريت من فلتر تكيف ب 100 جنيه و العلبه الاصلى و العلامه و كل حاجه و لكن مش زى الاصلى طبعا لا فى الحجم و لا اى حاجه و لا الجوده و مخدتش بالى منه الا بعد كام يوم و كنت فتحت العلبه و حصل اللى حصل

[IsmailIbrahim]

انا رائي لحضرتك انك تروح التوكيل احسن علشان تكون في المضمون

[zokla]

بص يا باشا انت تروح تغيروا فى التوكيل و تخليكم بشودوا لك على الهاند بريك لو عربيتك ورا طنابير مش سكينه لان ده بيخلى العربيه تحمل جامد فى الفرامل على الفرامل اللى قدام وانت ممكن تلاحظها من المشى و تفرمل فرمله خفيفه هتلاقى العربيه بتكفى على قدام شويه )dive( و لما تظبط الفرامل ورا تلاقى معدل التاكل فى الامام هيقل كتير
( وبطل بقى تعمل خمسات كتير يا عفريت )
و ربنا يباركلنا فى عربياتنا و يكفينا شرها

[AHMED1718]

وليد باشا عامل ايه يارب تكون كويس

بص بقا يامعلم موضوع التيل ده بيعتمد على طريقة سواقتك وفرملتك يعنى لو بتفرمل قبل المطب على طول مش زى مثلا لو قبله بشوية بالراحة وده على سبيل المثال

موضوع ال20 الف وتيل دى مش قاعدة

انا عامل 42000 والتيل نصه تقريبا

وزميل ليا معدى 50 الف والتيل فيه يمشيه عشرة كمان

متهيألى اللى عايش ف كايرو مش زى اللى مقضيها سفر زيي كده

حوار التيل الاصلى ده بقا هوا المشكلة العظمى من وجهة نظرى خليك ف تيل الوكيل وركبه بره عند اى حد متهيألى مش محتاج فلسفة من الصنايعي

انا ليا اسوء تجربة مع مركز صيانة لغايط دلوقتى انى عملت صيانة ال 40 ف مركز ابو حتة (مركز معتمد لكيا ) ف الغردقة

وتفاجأت انه رجلش على التيل الخلفي مع انه سكاكين ودى كانت معلموة جديدة بالنسبالى انه ينفع فيه رجلاش

المهم انا خت العربية وطرت على الطريق علشان مسافر كايرو بس حاسس العربية فيها حاجة غريبة جدا ف السحب قلت بدأنا عك الصيانات وقفت وبدأت امشى تانى العربية مكلبشة (الكلام ده بعد ممشيت بتاع 150 كم من الغردقة )

المهم رجحت ان الفرامل الخلفية افشة وفعلا الحيوان اللى عملها رجلش جامد وخلى التيل أفش على السكاكين (كانت مولعا نار )

كل اللى عملته انى كلمتهم وطلعت تيييت تيتيتت وردهم البارد المتوقع ان حضرتك تشرفنا نعملهولك

طبعا الرد المتوقع من اى بنى ادم طبيعي انه يرده بس اكيد مش فارق معاهم
ورحت عملته ف كايرو وليا لقاء لما ارجع ان شاء الله معاهم

نقول ايه الواحد يروح يتعامل مع بليه هيبقا بيفهم احسن منهم اكيد هما مش بيعملو صيانة المستحيل

كل اللى عملوه ومحتاج حد يكون عملو قبل كده فلتر البنزين اللى ف الطرنمبة لانى انا حتى مكنتش متعود ف كل الرينوهات على المكان الغبي ده

[waleedelpiloot]

الحمد الله يا رجالة انا جبت انهاردة التيل الاصلى ب425 وزى الى موجود فى العربية بلظبط حتى بنفس الارقام الى مكتوبة علية بفرق السريال طبعا
من واحد فى فيصل بيبع قطع غيار اصلية

[AHMED1718]

الحمد الله يا رجالة انا جبت انهاردة التيل الاصلى ب425 وزى الى موجود فى العربية بلظبط حتى بنفس الارقام الى مكتوبة علية بفرق السريال طبعا
من واحد فى فيصل بيبع قطع غيار اصلية

معلش يا وليد بس انتا عرفت منين انه الاصلى علشان اتعلم علشان انا مش بعرف افرق

[waleedelpiloot]

عرفت ب النية يا احمد بية :dd
1- من العلبة(بس دى مش شرط)
2-من التيل نفسوا هتلاقى ان شكلوا محترم
3-هتلاقى السوست بتاعتة التيل ودى مش موجودة فى المضروب اوى لاكن موجودة فى الكورى
4- هتشيل الحديدة الى على تيل هترقى ارقام مختومة قارنها ب الى موجودة على التيل القديم هترقيها هية هية مع اختلاف اخر الرقم فى السريال
5-الميانيكى بتاعى قالى انو دة اصلى واكيد ناس دى بيبقى ليها نظرة فى حاجات دى

وربنا يسترها علينا :)

[ehab98]

بالتوفيق ان شاء الله ويا رب يطلعو تمام

بس كان فية ملاحظة علبة الكيا الاصلية بتبقي حمرا اما الزرقة دي بتبقي الكوري

وارخص حد عندة قطع غيار كيا اصلي ومضمون زي الجنية الدهب

حلمي سليمان الي في رمسيس عند دار القضاء العالي كدة

[sherif2net]

باشا مش كل السيراتو بتغير تيل على ال 20 ..... انا غيرت التيل على 55 الف وصحبى مغير للتويوتا على 20 الف يعنى مش شرط زى ما الشباب قالو بتعتمد على السواقة وظبط التيل.....كنت اشتريته نت الرحاب من مركز خدمة كيا الرحاب وهو فعلا كان فى علبه حمرا.
على العموم مبرووووك على التيل الجديد وربنا يحفظك من كل شر.