سحب ضعيف وصوت كركره مع التكيف

[medo_elgezy]

طب ايه نوع منظف الانجكشن ..والاوكتين بوستر اللي حضرتك جبته .. وجبته منين .. وطريقة استخدامه ازاي ؟؟؟
علي فكره انا عندي نفس المشكله بس علي خفيف .. وايه انضف بوجيهات ممكن تتجاب لل i30 ؟؟؟

والله حضرتك انا مش فاكر اسمه بس كان فى نوعين نوع ب 21 جنيه تقريبا نوعه DTO تقريبا انا مش فاكر باظبط و نوع 28 جنيه و انا جبت الاثنين من الاغلى وجبته من عندنا بورسعيد بس موجود فى كل البنزينات و الاثنين امريكانى و لازم تفضى التنك تماما و تحطهم و التنك فاضى و انت فى البنزينة و بعد كده فول عليهم
و بالنسبة للبوجيهات الرجالة عندنا فى القسم بيقولوا NGK و تجيبها من التوكيل و الى يفيدك فى الموضوع ده moha4tec خبير

[medo_elgezy]

بوجيهات ngk الاصليه توكيلها فى شارع الحريه فى المعادى

[sando_star109]

ايوه بس الموضوع دا بيظهر برده من غير التكيف وبعدين انا قلت يمكن العيب كهربا بس واحد قالى ان دى نظام حساسات فبصراحه مش عارف اعمل ايه

[moha4tec]

ايوه بس الموضوع دا بيظهر برده من غير التكيف وبعدين انا قلت يمكن العيب كهربا بس واحد قالى ان دى نظام حساسات فبصراحه مش عارف اعمل ايه

موضوع الكركره ملوش دعوه بالرشاشات بتاعة البنزين نهائى
ممكن لو حساس الاير ماس بايظ العربيه تاكل بنزين و كده
البوجيهات ngk جبتها من توكيلها فى المعادى فى شارع الحريه
و عندهم اللى بتنزل فى العربيه كمان
و معندهمش الايريديوم و لو حضرتك تقدر تخلى اى حد جايلك من برا مصر يجيبلك الايريديوم يا ريت هتفرق معاك جامد و تثبت نوع البنزين يعنى تحط دايما 92 مثلا و بكده تحافظ عليها و من بنزينه نضيفه طبعا
الكركره تقريبا من بلية شداد التكييف
و الله اعلم
او الشداد نفسه
و استنا شويه لما باقى الاعضاء يحددوا اه السبب بالظبط لما تنتهى المشكله تماما
عشان متلفش حوالين نفسك
و ممكن تكون الكركره من نوع بنزين مش كويس مخلوط

[excel_team2000]

انا هبتدى واحدة واحدة حكشف على التكييف النهاردة و بعدين هغير البوجيهات و بعد كده مفيش غير التوكيل لأن موضوع البنزين مش سبب المشكلة عندى بفول 92 علطول و حطيت منظف الإنجكشن مرتين و مفيش فايدة بس انا ملاحظ ان الكركرة بتهدى لما اطفى التكييف و بتزيد لما اشغل ac

[gazzar91]

روح التوكيل اللي بتعمل فيه الصيانات.... هيفتحولك فتحة البوجيه تبقى مللي بدل 0.8

و الله أعلم
في رعاية الله

[excel_team2000]

التكييف طلع تمام مافيهوش اى مشكلة الموضوع بنسبة كبيرة بنزين مغشوش بس منظف الإنجكشن لوحده مش كفاية تقريبا كده لازم اغير بوجيهات و فلتر بنزين حاغيرهم و اقولكم على النتيجة

[excel_team2000]

اه على فكره نسيت البوجيهات عندى واحد شمعة ممكن أغيرهم ب 3 شمعة أو اربعة ولا اجيب زى الموجود فيها ؟؟

[masterzmind]

متاااااااااااااابع

[moha4tec]

ممكن 3 شمعه او اربعه , بس لو لقيت المناسب لعربيتك ,عشان لو هو مش بتاعها مش هيبقى كويس و هتبقى رميت فلوك على الارض

[excel_team2000]

طيب يا جماعة حد جرب يغير البوجيهات ل 3 او 4 شمعة البوجيهات فى السيراتو بيقولوا عليها سن رفيع وايه افضل نوع موجود

[AHMED1718]

طيب يا جماعة حد جرب يغير البوجيهات ل 3 او 4 شمعة البوجيهات فى السيراتو بيقولوا عليها سن رفيع وايه افضل نوع موجود

منصحكش بيها

ثانيا :حوار الكركرة ده بنزين بنزين بنزين غالبا لما تغير فلتر البنزين المشكلة هتتحل

[excel_team2000]

خلاص كده انا هتغير البوجيهات و فلتر البنزين و هاحط منظف الرشاشات تانى و ربنا يسهل

[m0101630594]

المشكله ديه كانت عندى وروحت التوكيل قالولى غير البنزين وفعلا لما خلصت البنزين حطيت 10 لتر 95 وبعدين لما خلصتهم حطيت 92 تانى والعربيه بقت زى الفل

[moha4tec]

السلام عليكم
ممكن حضرتك تدخل تشارك فى الموضوع ده و ان شاء الله تلاقى حل لمشكلتك باذن الله.

http://www.nilemotors.net/Nile/245314-a.html