سحب ضعيف وصوت كركره مع التكيف

[AHMED1718]

طالما العربية عندي البنزين المعتمد لها هو 92

يبقى لو غيرت للأعلى 95 عادي ورجعت تاني 92 عادي
مش هيحرق بوجيهات ولا هيأثر فيها بأي تأثير مهما تراوحت بينهم
-

لكن المشكلة لو عربيتي المعتمد لها 92 وأنا إستخدمت بنزين 80
في هذه الحالة بأثر على كل حاجة

-

كل كلامك حلو وعلى راسي من فوق
وده كله بافتراض ان ال 92 وال 95 بتاع بلدنا هوا هوا زى مالكتاب بيقول
وتفسيرا لكلامك ان المعتمد لعربيتى 92 مثلا لو حطيت 95 مش هيفرق معايا غير فرق تمنه
كل الكلام ده انا معاك فيه بس مش ده الرد بتاعى بردوو

كمثال تانى
رغم تعدد انواع الزيوت اللى بنفس درجة اللزوجة والمواصفات كمثال 5w40
ليه زيت بيهدى صوت الماتور وزيت بيتبخر بسرعة وزيت لونه بيغير بسرعة وزيت بيحافظ على مكونات الماتور
كل دى اضافات بتضيف مميزات بتفرق فى اداء زيت عن اخر

وللاسف مش كل الافتراضات العلمية بتبقا صحيحة الا بالتجربة
ده حتى التجارب مابتمش بنظرية ومعادلة لازم تجارب عملية

وده طبعا مش تقليل فى خبرتك ولا مجال تعليمك

ربنا يجعل من مناقشتنا مجال للافادة للكل مش علشان اقول انى بفهم وغيرى لأ

[excel_team2000]

انا عملت موضوع جديد فيه سؤال محدد عن اساس المشكلة عشان النقاش ميبعدش عن اصل الموضوع ياريت اللى عنده معلومة او تجربة يشارك فى الموضوع الجديد

[ahmed1981]

و معلش لو كنت نقلت تجربتى

نقل التجربة ده مجهود تشكر عليه

طبعاً التجربة بتتفسر بطرق مختلفة
لكن في النهاية لا تفسير بلا تجربة
وبالتالي عرض التجربة هو أول خطوة

-

[ahmed1981]

كل كلامك حلو وعلى راسي من فوق
وده كله بافتراض ان ال 92 وال 95 بتاع بلدنا هوا هوا زى مالكتاب بيقول
وتفسيرا لكلامك ان المعتمد لعربيتى 92 مثلا لو حطيت 95 مش هيفرق معايا غير فرق تمنه
كل الكلام ده انا معاك فيه بس مش ده الرد بتاعى بردوو

كمثال تانى
رغم تعدد انواع الزيوت اللى بنفس درجة اللزوجة والمواصفات كمثال 5w40
ليه زيت بيهدى صوت الماتور وزيت بيتبخر بسرعة وزيت لونه بيغير بسرعة وزيت بيحافظ على مكونات الماتور
كل دى اضافات بتضيف مميزات بتفرق فى اداء زيت عن اخر

وللاسف مش كل الافتراضات العلمية بتبقا صحيحة الا بالتجربة
ده حتى التجارب مابتمش بنظرية ومعادلة لازم تجارب عملية

وده طبعا مش تقليل فى خبرتك ولا مجال تعليمك

ربنا يجعل من مناقشتنا مجال للافادة للكل مش علشان اقول انى بفهم وغيرى لأ

الفرق بين بنزين 92 وبنزين 95 هو في صفة تسمى مقاومة الصفع أو الكركرة أو التسقيف detonation
والصفع هو من أشد العوامل التي تضر بالمحرك بالكامل بكل أجزائه ومنها البوجيهات

يعني كل ما أبعد عن الصفع كل ما أحافظ على البوجيهات وبقية أجزاء المحرك فترة أطول

والخلاصة إني لو إستخدمت بنزين أعلى من الموصى به فبالتالي أنا بأبعد عن الصفع مش بقرب منه
وبالتالي لن نضر البوجيهات

أما لو إستخدمت بنزين أقل مثل بنزين 80 فإنني أدمر البوجيهات والصبابات والدلايل والسلندرات وكل حاجة في الموتور

لذلك لما بنلاقي عند حد ظاهرة الكركرة وهو بيستخدم بنزين الموصى به لسيارته بنطلب منه يجرب البنزين الأعلى كاختبار غير مكلف في البداية ومن نتيجته نبدأ في البحث عن مشاكل أخرى

-

[mohamedbook]

اعتقد ان البنزين عليه عامل كبير في الموضوع ده
بنزينة وطنية اعتقد انه انظف بنزين
وشل كويسة لكن من زي الوطنية

[qau]

ياجماعه خلاصه الكلام الكركره دي انا مجربها في 2 سيراتو عندي وتقريبا هي من الحر ودرجه الحراره العاليه لاني بلاحظ وانا ماشي بليل مفيش اي كركره مش عارف بقي ده عيب جديد في السيراتو ولا ايه

[temo85]

بالظبط كده الموضوع فعلا ليه علاقة بدرجه الحرارة لو القراءة outside اكتر من 30 الصوت بيظهر !!!! انا شايف ان الموضوع ده ليه علاقة بدرجة الحرارة , ياريت لو حد يفسر ده معناه ايه ؟؟!!

[mando_07]

بتحطوا زيت إيه ؟

[qau]

بتحطوا زيت إيه ؟

زيت شل هيلكس وفي التوكيل

[ahmed1981]

ياجماعه خلاصه الكلام الكركره دي انا مجربها في 2 سيراتو عندي وتقريبا هي من الحر ودرجه الحراره العاليه لاني بلاحظ وانا ماشي بليل مفيش اي كركره مش عارف بقي ده عيب جديد في السيراتو ولا ايه

بالظبط كده الموضوع فعلا ليه علاقة بدرجه الحرارة لو القراءة outside اكتر من 30 الصوت بيظهر !!!! انا شايف ان الموضوع ده ليه علاقة بدرجة الحرارة , ياريت لو حد يفسر ده معناه ايه ؟؟!!

ملاحظتك سليمة
لكن لازم نجرب الأول تفويلة أو نص تفويلة بنزين 95 على تانك فاضي أو شبه فاضيي
ونجرب في أشد الأوقات حرارة
ونقول حصل إيه

جرب تفويلة بنزين كاملة والتانك فاضي من بنزينة نضيفة 92
وبعدها نشوف ل مشكلة بنزين يبقى بسيطة

لكن الحل الآخر أنها مشكلة حرارة
-

[mando_07]

زيت شل هيلكس وفي التوكيل

ممم طيب لما العربية بتبقى في الحالة دي لو جيت كبست دواسة البنزين على اخرها مرة وحدة العربية بتسكت خالص أكنك مدستش !؟ أصل لو كدة احتمال يبقى موتور طرمبه البنزين أنا عرف أن العربية لسة زيرو بس أنا بحاول أفكر معاك ممكن يكون إيه السب

[qau]

ملاحظتك سليمة
لكن لازم نجرب الأول تفويلة أو نص تفويلة بنزين 95 على تانك فاضي أو شبه فاضيي
ونجرب في أشد الأوقات حرارة
ونقول حصل إيه

جربت 95 ومفيش فايده صدقني بقيت اشك ان ده عيب في السيراتو لا ومره كنت ماشي لقيت سيراتو ماشيه جمبي عامله سيمفونيه كركره قولت دنا في نعمه علي كده لان الصوت عندي واطي مش عالي كده

[qau]

ممم طيب لما العربية بتبقى في الحالة دي لو جيت كبست دواسة البنزين على اخرها مرة وحدة العربية بتسكت خالص أكنك مدستش !؟ أصل لو كدة احتمال يبقى موتور طرمبه البنزين أنا عرف أن العربية لسة زيرو بس أنا بحاول أفكر معاك ممكن يكون إيه السب

لا مبتسكتش وبتشد عادي اصل الركركره دي بتبقي صوت ضعيف كده ومتسمعوش الا لما تقفل زجاج العربيه وتمشي عالاول او التاني بالكتير بعد كده بيختفي

[Ahmed_6120c]

أنا عندي نفس المشكلة و الكركرة بسمعها مع التكيف بس و علي سرعات واطية. و ده بعد ما العربية تكون مشيت مشوار ~ 30 كيلو و وقفت حاجة بتاع 10 دقايق . وبعدين دورت تاني و مشيت بيها
أنا بحط بنزين من بنزينة إمارات اللي علي الصحراوي و ساعات موبيل .
الموضوع ده في 2011 بس 6 سرعات ؟
أنا مش حاسس انها مشكلة بنزين ! ربنا يستر

[AHMED1718]

هوا الواحد لازم يقسم بالله يعنى علشان الناس تقتنع

ياجدعان تفويلة 95 بكام نقول 120 ج مثلا

جرب بقا هات فلتر البنزين على الاقل لو مكنش السبب يبقا استفدت على الاقل انك حافظت على طرنمبة البنزين من البنزين اللطيف اللى فى بلدنا