رابطة ملاك كيا سبكترا وقطع غيارها

[Karim_Mohy]

حد يعرف أجيب ترس المارش منين ؟ انا رحت للجندي و لرسلان ما لاقتش

أصل انا عدني مشكلة عند تدوير العربية ولازم احاول اكتر من مرة عشان تدور , و رحت للكهربائي و قالي ده ترس المارش

حصلت قبل كده وممكن تريح نفسك عشان هاتتعب عشان هاتلاقيه فممكن تخلي الكهربائي يجيبلك مارش استيراد لعربيه هيونداي مثلا بس بشرط نفس الفيشه....وكنت في نفس المشكله دي ومالقتش برضو الترس......دور تاني يمكن تلاقيه قبل موضوع التغيير ده..وربنا يكرمك وتلاقيه ان شاء الله

[Karim_Mohy]

هو الفريم الاسود اللي في التابلوه بيتباع لوحده.........الجزء اللي حوالين زرار الانتظار وسخان الازاز...الجزء اللي بالون الاسود في التابلوه

[mohmmedzohier]

السلام عليكم

انا يا جماعة غيرت اضاءة التابلوه وبقت جميله قوي والخطوة الجاية ان شاء الله هالزق التابلوه علشان مطرقع من الشمس وهصورلكم كل حاجة بالتفصيل وكمان هنزل صور العدادات بس وانا بعمل التابلوه علشان انا مصورتش المرة اللي فاتت وعلى فكره انا بعمل كل حاجة بإيدي والموضوع اتكلف حوالي 10 جنيه بس الالوان كانت عندي

اهم حاجه القريات بتاعت المؤشرات تكون مظبوطه (تعرف ترجعها تانى )

انا غبرت الانوار قبل كدا ودوختنى عشان اعرف اظبتها

[mohmmedzohier]

السلام عليكم

شكرا على الرد و المساعده ,
بالنسبه للسرعات كالاتي : 40 , 60 , 80 من التاني للرابع على ار بي ام 3

العربيه انا شاريها مستعمله من قريبي و تقريبا مش اتغيرت علشان انا كلمته ع الموضوع ده ومقاليش ان هي اتغيرت قبل كده و هي عمله دلوقتي 123000 كم

تفتكر كده الدبرياج بيفوت ؟

ال RPM بيعلى مظبوط مع السرعه دا كويس اوى

بص يا سيدى المفرض العربيه جابت 100 الاف يتغيرها اسطوانه دا اللى مكتوب فى الكتاب عشان العربيه تبقى بكفائتها بس دا ما بيحصلش غير لما الاسطوانه تجيب اخرها

اولا اتاكد ان العربيه مش متلته

تنظيف البوابه ولايدال كويس (تتفك البوابه وتتنظف)

بعد كدا البوجيهات تتغير لو لسه جديده زى ما انت بتقول يبقى خلاص بس انت ممكن تعمل حاجه كدا تفك البوجيهات وتمسحها بحته فيها بنزين او منظف البوابه وتشوف فتحه البوجيه قد ايه

اتاكد ان البوجيه اللى انت جايبه ااصلى عشان فيه مضروب كتير احسن مكان شركه ngk او الجندى بس الجندى عنده بتاع السيفيا هو بيركب على الاسبكترا بس دا مش الفبريكه بتاعها الاصلى BKR6E

السيفيا BKR5ES

المعلومه دى محدش يعرفها حتى الجندى

فتحه البوجيه الاصلى 0.7

فتحه البوجيه بتاعت السيفيا 0.1 فحضرتك لازم تقفله سنه هيوفر بنزين والكفاءه هتزيد


...فلتر الهوا يتغير او يتنظف كويس اوى


فلتر البنزين يتغير ولو لسه جديد يتنظف كويس اووووووووووووووى


على فكره فلتر البنزين جبته النهارده ومشيت بالعربيه لحد الاخر التانك الفلتر سحب الوساخه بتاعت التانك

يبقى الفلتر ملهوش اى لازمه يعتر بايظظظظظظظظظظظظظظظظظظ

المعلومه دى برده محدش يعرفها


...فك طرمبه البنزين فيها فلتر فكها كلها ونظفها

خلى بالك لايكون الفرامل قفشه وانت مش واخد بالك

شوف لون العادم من ورا لايكون حساس الشكمان لو اللون اسود الحساس دا يعمل كدا

هقلك على معلومه

لو لمبه التشك مش منوره الاسكنر مش هيطلع ERROR

فوفر فلوسك ياما تروح لواحد كويس اوى تقولو شوفلى القريات بتاعت الحساسات دى مظبوظه ولا لا ممكن يكون ضعط الطرمبه ضعيف ولمبه التشك مش منوره
وجرب العربيه لو مكانش كدا غير قلب الطرمبه

على فكره لو الشكمان مسدود برده يخنق العربيه

وجرب لو مكانش للاسف هتغير الاسطوانه (الاول اطلع من الثبات على التانى وقلى حسيت بى ايه .وفى مطالع الكوبرى ايه الى هحصل وهل العربيه خستعت معاك وسقط نقلات .بس الاول شوف العربيه متلته ولا لا

معلش طولت عليك بس انا جبتلك كل حاحه

فى عيوب بتبقى رخمه اوى

زى العيب اللى عندى ومحدش عرفه لحد دلوقتى بقاله 3 سنين

[mohamedkaouh]

ال RPM بيعلى مظبوط مع السرعه دا كويس اوى

بص يا سيدى المفرض العربيه جابت 100 الاف يتغيرها اسطوانه دا اللى مكتوب فى الكتاب عشان العربيه تبقى بكفائتها بس دا ما بيحصلش غير لما الاسطوانه تجيب اخرها

اولا اتاكد ان العربيه مش متلته

تنظيف البوابه ولايدال كويس (تتفك البوابه وتتنظف)

بعد كدا البوجيهات تتغير لو لسه جديده زى ما انت بتقول يبقى خلاص بس انت ممكن تعمل حاجه كدا تفك البوجيهات وتمسحها بحته فيها بنزين او منظف البوابه وتشوف فتحه البوجيه قد ايه

اتاكد ان البوجيه اللى انت جايبه ااصلى عشان فيه مضروب كتير احسن مكان شركه ngk او الجندى بس الجندى عنده بتاع السيفيا هو بيركب على الاسبكترا بس دا مش الفبريكه بتاعها الاصلى BKR6E

السيفيا BKR5ES

المعلومه دى محدش يعرفها حتى الجندى

فتحه البوجيه الاصلى 0.7

فتحه البوجيه بتاعت السيفيا 0.1 فحضرتك لازم تقفله سنه هيوفر بنزين والكفاءه هتزيد


...فلتر الهوا يتغير او يتنظف كويس اوى


فلتر البنزين يتغير ولو لسه جديد يتنظف كويس اووووووووووووووى


على فكره فلتر البنزين جبته النهارده ومشيت بالعربيه لحد الاخر التانك الفلتر سحب الوساخه بتاعت التانك

يبقى الفلتر ملهوش اى لازمه يعتر بايظظظظظظظظظظظظظظظظظظ

المعلومه دى برده محدش يعرفها


...فك طرمبه البنزين فيها فلتر فكها كلها ونظفها

خلى بالك لايكون الفرامل قفشه وانت مش واخد بالك

شوف لون العادم من ورا لايكون حساس الشكمان لو اللون اسود الحساس دا يعمل كدا

هقلك على معلومه

لو لمبه التشك مش منوره الاسكنر مش هيطلع ERROR

فوفر فلوسك ياما تروح لواحد كويس اوى تقولو شوفلى القريات بتاعت الحساسات دى مظبوظه ولا لا ممكن يكون ضعط الطرمبه ضعيف ولمبه التشك مش منوره
وجرب العربيه لو مكانش كدا غير قلب الطرمبه

على فكره لو الشكمان مسدود برده يخنق العربيه

وجرب لو مكانش للاسف هتغير الاسطوانه (الاول اطلع من الثبات على التانى وقلى حسيت بى ايه .وفى مطالع الكوبرى ايه الى هحصل وهل العربيه خستعت معاك وسقط نقلات .بس الاول شوف العربيه متلته ولا لا

معلش طولت عليك بس انا جبتلك كل حاحه

فى عيوب بتبقى رخمه اوى

زى العيب اللى عندى ومحدش عرفه لحد دلوقتى بقاله 3 سنين

بجد انت شرحت شرح وافي ربنا يخليك بس انا بصراحه قولت هشتري دماغي و اوديها التوكيل و فعلا هناك لما جربوا العربيه و بعد فحص الكمبيوتر قالولي كده الدبرياج مفوت و قولتلهم يمكن الطرمبه مش مظبوطف فقالولي الطرمبه زب الفل الحمدلله و البوجيهات و الفلاتر كويسه علشان هما فحصوا الحاجت ده كلها و ربنا يكرم ان شاء الله و اغيره عن قريب و هقولك ايه اللي حصل معايا علشان كلنا نستفيد

انت بقى ايه مشكلتك اللي بقالها 3 سنين ده ؟

في سؤال تاني , انا اخويا معاه شيفورليه لانوس و لقيته عن سرعة 40 على التاني ال ار بي ام واصل 2500 . هو مهنا كده ان عزم اللانوس اعلى من السبكترا ؟

[ahmed bashandy]

حصلت قبل كده وممكن تريح نفسك عشان هاتتعب عشان هاتلاقيه فممكن تخلي الكهربائي يجيبلك مارش استيراد لعربيه هيونداي مثلا بس بشرط نفس الفيشه....وكنت في نفس المشكله دي ومالقتش برضو الترس......دور تاني يمكن تلاقيه قبل موضوع التغيير ده..وربنا يكرمك وتلاقيه ان شاء الله

شكرا على أهتمامك , انا فعلا دورت و مالقتش حاجة ,, وفي الأخر وصفولي واحد بيصلح ترس اسمه أحمد عبد الفتاح و اتكلف 30 جم , انا مش عارف التصليح هيكون كفء ولا إيه بس ما كنش قدامي حل تاني و خاصة ان انا كنت فكيت المراش عند الكهرابي خلاص و الحمد لله العربية شغالة كويس دلوقتي

عامة عنوان المحل 50 شارع محمد فريد - عابدين و رقم التليفون 27951273
و على فكرة هو عنده من الترس ده كتير جداً لانه بياخد الاصلي بتاع العربية و يصلحه و يعرضه للبيع تاني وعند بتاع عبيات تانية كتير

[Karim_Mohy]

شكرا على أهتمامك , انا فعلا دورت و مالقتش حاجة ,, وفي الأخر وصفولي واحد بيصلح ترس اسمه أحمد عبد الفتاح و اتكلف 30 جم , انا مش عارف التصليح هيكون كفء ولا إيه بس ما كنش قدامي حل تاني و خاصة ان انا كنت فكيت المراش عند الكهرابي خلاص و الحمد لله العربية شغالة كويس دلوقتي

عامة عنوان المحل 50 شارع محمد فريد - عابدين و رقم التليفون 27951273
و على فكرة هو عنده من الترس ده كتير جداً لانه بياخد الاصلي بتاع العربية و يصلحه و يعرضه للبيع تاني وعند بتاع عبيات تانية كتير

طب الحمدلله وان شاء الله يكون كويس وشكرا ع التوضيح عشان لو المشكله دي لو ظهرت عند اي حد بعد كده

[dreamsmake]

اهم حاجه القريات بتاعت المؤشرات تكون مظبوطه (تعرف ترجعها تانى )

انا غبرت الانوار قبل كدا ودوختنى عشان اعرف اظبتها

بص هو انا لاقيت فعلاً القراءات مش مظبوطة بس قبل ما اقفل اتاكدت وظبطها بس شاكك شويه في الار بي ام بس متهيئلي ان الجديد هو الاصح علشان الاول كان بيعلى من غير صوت العربية ما يعلى ومؤشر الحراراة متهيئلي انه اقل شويه وهفك تاني واظبطه بس باقي المؤشرات كويسه

[ahmed bashandy]

عاوزين يا جماعة نفكر في طريقة نزود عدد اعضاء الرابطة

يا ترى فيه حد عنده افكار ؟

[mohamedkaouh]

عاوزين يا جماعة نفكر في طريقة نزود عدد اعضاء الرابطة

يا ترى فيه حد عنده افكار ؟

نعمل صفحه ع الفيس بوك

[menz2005]

نظف الردياتير ماسوره ماسوره مش دورة غسيل

أنا عندي مشكلة بعد مشوار طويل لما أبطل العربية و اركنها و انا خارج منها بأسمع صوت غليان قربة المياه

و انا عندي الحرارة ما بتزدش عن النص أو بمعنى صحيح في الربع التاني دايما
و في ناس قالت ليا ان ده يبقى جوان وش السلندر او الريداتير عاوز يتنظف و انا نظفته فعلا و لسه الموضوع ده موجود .
و في الأخر الكهربائي قالي الموضوع ده طبيعي انت بطلت العربية و الموتور سخن و المروحة مش شغالة يبقى الميه لازم تغلي لفترة و بعد كده بتبرد

ايه رأيكوا في موضوع غليان القربة بعد لما ابطل الموتور ؟
و هل مؤشر الحرارة بيكون في الربع الثاني قبل المنتصف بشوية ؟

أرجو الافادة

[menz2005]

مرايات جلنب السياره

انا مرايه العربيه الجانبيه اتكسرت وعاوز اشتري المرايا فقط (الكف زي ما بيقولو) بسي مش لقيها
لو فيه حد يعرف بتتجاب منين يقولي
وفي ناس قلتلي ان المرايا بتاعت النترا2d 2005 زي اللى عندي في الإسبكترا وهل المعلومه صحيحة وبرضوا اجيبها منين

[menz2005]

فين الاسبكتراويه

انا مرايه العربيه الجانبيه اتكسرت وعاوز اشتري المرايا فقط (الكف زي ما بيقولو) بسي مش لقيها
لو فيه حد يعرف بتتجاب منين يقولي
وفي ناس قلتلي ان المرايا بتاعت النترا2d 2005 زي اللى عندي في الإسبكترا وهل المعلومه صحيحة وبرضوا اجيبها منين

الناس لسه نايمه ولا ايه

[Karim_Mohy]

انا مرايه العربيه الجانبيه اتكسرت وعاوز اشتري المرايا فقط (الكف زي ما بيقولو) بسي مش لقيها
لو فيه حد يعرف بتتجاب منين يقولي
وفي ناس قلتلي ان المرايا بتاعت النترا2d 2005 زي اللى عندي في الإسبكترا وهل المعلومه صحيحة وبرضوا اجيبها منين

واحد بتاع قطع غيار بعت جابها من التوفيقيه وكان سعرها مش فاكر بالضبط من 60 ل 70
ممكن تسال في التوفيقيه ممكن تكون اقل في السعر ولا حاجه
تحياتي

[menz2005]

واحد بتاع قطع غيار بعت جابها من التوفيقيه وكان سعرها مش فاكر بالضبط من 60 ل 70
ممكن تسال في التوفيقيه ممكن تكون اقل في السعر ولا حاجه
تحياتي

تسلم يا رياسه