رابطة ملاك كيا سبكترا وقطع غيارها

[ahmed2r3]

سالت عند الجندي ملقتش الاصلي قالي في كوري بس مش اصلي وهيرشح زيت وسعره كام ؟؟

[ahmed2r3]

جوان غطاه التكيهات هو نفسه بتاع كيا ريو 2 ,,,,,, انا لسه مغيره

من عند مييين وبكام واصلي ولا لأ ؟

[ahmed bashandy]

من عند مييين وبكام واصلي ولا لأ ؟

الجوان كان كوري بس مش فاكر السعر كان كام ... لو عاوز الأصلي اتصل بالتوكيل نفسه و اسال على جوان ريو 2

[ahmed bashandy]

انا غيرت القاعده اللي فوق وجبتها ب 220 من محل شركه النصر -شارع مجلس الامه

يا ريت حضرتك تكتب رقم التليفون و العنوان بالتفصيل عشان اي حد ممكن يستفيد منه

[ahmed bashandy]

يا جماعة عاوز اسال عن رمان البلى لكيا سبكترا يعملو كام وهل دة لما بيتغير بيتغير للاربع عجلات ولا اية وممكن تركيبة يكلف كام تقريبا وشكرا

انا اشتريته من عند حلمي سليمان للفردتين الامامين ب 320 جم و كان كوري , خلي بالك لازم يتركب عن مخرطة عشان ما ينفعش يدق عليه لان ده هيكسر البلي اللى جواه

[rodina mahmoud]

رقم تليفون محل شركه النصر -شارع مجلس الامه
01221481465
ده اسمه مصطفي

[dreamsmake]

ياجماعة احنا عايزين نعمل حاجة مختلفة في العربية دي والرابطه .. يعني مش لازم يكون في مشكلة علشان نتكلم...
انا بقى عن نفسي عملت في العربية كام حاجة كده بأيدي انا واخويا وصاحبي وهي
1- غيرت إضاءة التابلوه للمض بيضاء ولونت ورق العدادات فبقى عندي 3 الوان في التابلوه
2- التابلوه كان مطوس من الشمس وفاكك .. فكيته ولزقته كولا وخيطته كمان
3- فتحت الفوانيس وعملت الفيبره بتاعتها اسود "بس النتيجة ما كنتش مرضية علشان انا عندي الفوانيس صفراء قوي"
4- جبت عود نيكل ولزقته على فتحات التكييف غير في الشكل شويه

لو حد عايز شرح اي حاجة من الحاجات دي انا تحت امره بس للأسف مش معايا صور علشان كنت مشغول اكتر بالشغل علشان مفيش حاجة تبوظ

صحيح نسيت .. وشحنت التكييف بأيدي

[wma_eg]

ياجماعة احنا عايزين نعمل حاجة مختلفة في العربية دي والرابطه .. يعني مش لازم يكون في مشكلة علشان نتكلم...
انا بقى عن نفسي عملت في العربية كام حاجة كده بأيدي انا واخويا وصاحبي وهي
1- غيرت إضاءة التابلوه للمض بيضاء ولونت ورق العدادات فبقى عندي 3 الوان في التابلوه
2- التابلوه كان مطوس من الشمس وفاكك .. فكيته ولزقته كولا وخيطته كمان
3- فتحت الفوانيس وعملت الفيبره بتاعتها اسود "بس النتيجة ما كنتش مرضية علشان انا عندي الفوانيس صفراء قوي"
4- جبت عود نيكل ولزقته على فتحات التكييف غير في الشكل شويه

لو حد عايز شرح اي حاجة من الحاجات دي انا تحت امره بس للأسف مش معايا صور علشان كنت مشغول اكتر بالشغل علشان مفيش حاجة تبوظ

صحيح نسيت .. وشحنت التكييف بأيدي

ياريت تحط صور عالشان نشوف وتقولى غيرت الوان العدادات ازى عالشان نسى اظبط عربيتى من جوة
وشكرا

[wma_eg]

عندى مشكلة يا جماعة وعايز حد يفيدنى
عربيتى اتوماتيك فجاءة كدا من غير مقدمات قيت حرف d فى الطابلوه مش بينور ولما جربت كل الغيارات لاقتها شغالة وبتنور فى الطابلوه ماعادا ال d .... فكرت افصل البطارية عالشان اعمل ريت للكنترول وجربت لكن مافش فايدة
ياترى حصلت مع حد غيرى ؟ وايه الحل

[wma_eg]

انا عايز اظبط عفشة حد يعرف عفشجى خبرة يكون بيفهم ومضمون والاهم انه يكون متجرب ؟؟؟
وياريت كمان لو حد يعرف مكان ظبط زويا ؟؟؟
علشان انا حاسس ان زوايا الاسبكترا اختراع مش اى حد بيفهم فيها
جربت كذا مكان ومش مرتاح للعربية بحس انها بتلعب على السرعات العالية دا غير ان الدركسيون مبقاش زى الاول بى فيه بوش لازم الفه شوية قبل ما الكاوتش يلف

[wma_eg]

file:///F:/((%20%20S%20P%20E%20C%20T..._Manual_EN.pdf

دا كتالوج اسبكترا يا جماعة للى بيحب يقراه او يستفيد من جدول الصيانات المواجد جواه

[wma_eg]

حل لمشكلة صوت الكركرة بعد ما بتبطل العربية بعد مشوار طويل

الموضو دا بالظبط كان عندى والمشكلة دى ان الريداتير واخد هو عالشان كدا بتسمع صوت الكركرة بعد مابتبطل العربية وحل المشكلة انك تروح عند اى بنزينة بتعمل غسيل لدورة التبريد وتخليه ينزل المية كلها وينضف دورة التبريد بالمرة وتغير المية ومش هاتسمع الصوت دا تانى ... الكلام دا عن تجربة

[rodina mahmoud]

في عفشجي في شارع شبرا ورا بيع المصنوعات .اسمه ايهاب عفشه مشهور اوي هناك وكمان كويس جدا عن تجربه
وجمبه في واحد اسمه بلبل ده بتاع ظبط زوايا الراجل ده كان شغال في جاجور وعنده علي الجهاز مقاسات اسبكترا الاصليه

[menz2005]

عندى مشكلة يا جماعة وعايز حد يفيدنى
عربيتى اتوماتيك فجاءة كدا من غير مقدمات قيت حرف d فى الطابلوه مش بينور ولما جربت كل الغيارات لاقتها شغالة وبتنور فى الطابلوه ماعادا ال d .... فكرت افصل البطارية عالشان اعمل ريت للكنترول وجربت لكن مافش فايدة
ياترى حصلت مع حد غيرى ؟ وايه الحل

اللمبة الموجودة في العداد اتحرقت عايزه تتغير...... حاجه عبيطه بسي لازم تفك الوش الأسود او الأطار اللي حولين العدادات وتطلع العداد من مكانه وتغير اللمبه المحروقه

[wma_eg]

في عفشجي في شارع شبرا ورا بيع المصنوعات .اسمه ايهاب عفشه مشهور اوي هناك وكمان كويس جدا عن تجربه
وجمبه في واحد اسمه بلبل ده بتاع ظبط زوايا الراجل ده كان شغال في جاجور وعنده علي الجهاز مقاسات اسبكترا الاصليه

قطشة هاروحلهم ان شاء الله فى اقرب وقت ممكن .. شكرا جزيلا على المساعدة

وكل سنة وانت طيبين جميعا