السيراتو اتقلبت اربع مرات

[moha4tec]

الحمدلله على كل شئ ياجماعة بجد وده فى الأول والأخر قدر

بس دا مايمنعش انى اقول رأيى النهارده بصراحة عن العربية دى

انا كل الحوادث اللى كنت بسمعها عن السيراتو كانت قلب دايما يقولك العربية اتقلبت العربية حدفت لوحدها وناس كتيرة اوى قالتلى كده وانا ماصدقتش بس محدش هايصدق ده الا لو عاش التجربة الغبية دى وربنا يبعدها عن كل الناس ‘‘‘‘انا قبل ماشترى العربية دى باسبوع واحد صاحبى العربية اتقلبت بيه على الدائرى وكانت ماشية زى الفل معاه قعد يخمس بيها شوية وياخد فى غرز ومره واحده وهو ماشى عادى على الدائرى تخيلوا الجنط يتكسر نصين والعربية تتقلب ست مرات دا واحد‘‘ التانى كان صديق ليا فى اكاديمية المدينة فى شبرامنت وهو خارج من المعهد وماشى عادى بردو العربية حدفت شمال عدلها يمين حدفت جابها شمال وهنا القصة بتخلص زى ماحصل معايا بالظبط بعد الحدفة الشمال مهما تعمل العربية مابتقبلش اى اوامر من الدريكسيون ولا الفرامل بتوقف وللأسف الواد اتقلب بيها فى الترعة اللى ادام الأكاديمية ومن كام يوم واحد صاحبى كان بيزورنى قالى لسه امبارح واحد صاحبه مقلوب فى اسماعلية واللى جنبه توفى وانا فعلا لو كان حد جمبى كان توفى لأن السقف نازل لحد الكرسى اللى جمبى ‘وفى موضوع عمغرق كل منتديات النت لمهندس اسمه محمد غازى كاتبه عن حادث حصله والعربية اتقلبت 10 مرات تقريبا ونفس اللى حصل معايا بردو بالظبط حدفت شمال يمين شمال خلصت.
مع احترامى لكل الناس اللى بدافع عن العربية بحده واللى انا كنت منهم العربية دى فعلا فعلا فيها مشكلة حقيقية فى العفشة او المقصات دا خلاص بجد بقى شئ مفروغ منه وغير قابل للتشكيك

وياريت اى حد معاه العربية مش هاقولك بيعها بس خد بالك جدا جدا من النقر والمطبات والغرز

وربنا يسترها على الجميع

السلام عليكم
معاك حق
فى بعض عربيات سيراتو فيها مشكله فعلا و الكلام ده من موقع شركة كيا الام .و كلام مؤكد بالدليل و فعلى .
و تصليح العيب ده اللى بيخلى العربيه عند نقطه معينه تحدف او تدرفت او تعوم .يكمن فى تظبيط زوايا و اتزان فقط لا غير .بس زوايا و اتزان مختلفه جدا و كمان الكوبيه غير السيدان .
للاسف الحل سهل جدا و مش مكلف و لا فيه قطع غيار و لا غيره لكن التوكيلات المصريه مفيش فيها وعى .
و مذكور فى الموقع المشكله و حلها بالمقاسات و الارقام .

DRIFT / PULL DIAGNOSIS AND BEST PRACTICES TIPS
This bulletin provides 2011 model year alignment specifications as well as diagnosis and
best practices tips.
This TSB contains the following sections:
1. New Model Specifications
2. Alignment Basics
3. How to Determine Vehicle Drift or Pull
4. Alignment Rack Tips
5. Road Force Balance Tips
6. Wheel Balance Form (New)
IMPORTANT:
• Before and after alignment print outs are required to be submitted with all vehicle drift or
pull warranty alignment claims.
• Before performing an alignment, check to ensure all tires are set to the specified
pressure.
• Ensure the vehicle is carrying a typical load (not heavily loaded, which will alter
alignment once the load is removed or changed).
• Optima (TF), Sportage (SL) and Forte (TD) vehicles are equipped with electric power
steering (MDPS - Motor Driven Power Steering). Perform an absolute steering position
(ASP) calibration using GDS after the alignment is completed.
• Refer to the following alignment specifications or KGIS for 2011 model year
specifications.

Specification
Front Rear
4DR 2DR 4DR 2DR
Toe-in
Total 0.12°±0.18° 0.4°±0.2° 0.4°±0.2° 0.4°±0.2°
Individual 0.06°±0.09° 0.2°±0.1° 0.2°±0.1° 0.2°±0.1°
Camber angle -0.64°±0.5° -0.81°±0.5° -1.5°±0.5° -1.5°±0.5
Caster angle 4.38°±0.5° 4.94°±0.5° - -
King-pin angle 13.61°±0.5° 14.01°±0.5° - -
2011 Sorento (XM)
Alignment Specifications:
2011 Sportage (SL)
2011 Optima (TF)
2011 Forte (TD)

[medo111]

الحمد لله علي سلامه حضرتك وربنا يعوضك بعربيه احسن منها انشاء الله وبالمناسبه المهندس غازي كان عضو معانا هنا

http://www.nilemotors.net/Nile/109619-a.html

القصد من ردى مش دفاع عن العربية ولا دخول فى مخاصمة مع الاعضاء اللى سلخو امها

القصد توضيح حاجة بس
* حوار الجنط اللى اتفلق نصين ده حصل قدامى ف ميجان ستيت (فرنساوى بالكامل ) بدون مطب او اى مشكلة ف طريق وبيحصل كتير ف كل الماركات انا جبت مثال لموقف امامى

* حوار عيوب السيراتو الباقية اذا كانت نشوفية او غيرو فميش عربية كاملة
اللى انا شايفه بس وكلنا شفناه وحسناه ان العربية دى مينفعش فيها الجنط ال 17 لمشاكله ونشوفيته وعدم ملائمته للطرق المصرية

بالنسبة لكتر حوادث السيراتو اللى انتو شايفنها
انا شايف معدل طبيعي بالنسبة لعددها وخصوصا ان معظم ملاكها من الشباب وما ادراك

مانا مشوفتش اى جيتا عاملة حادثة مش والعة واخرها كانت قبل العيد باسبوعين تقريبا على طريق السخنة ومشوفتش عربية ابيزا مش مدعوكة قبل كده مرتين وراشة كل حاجة وزىها زى الجولف والجولييت وكل اللى بيركبو

مشوفتش هوندا مغيرتش ماتور مرة او اتنين على الاقل وكذلك بي ام البانة والموديل اللى قابله (معنا كده ان مواتيرها وحشة )
مشوفتش واحد بيمشى على زيت ويجرب على اي بى اس
اساسا انت لو مدوستش فرامل مش هتعرف تتحكم فيها

الهوجة دى نفس الهوجة اللى حصلت للانسر بوما والانترا ايام منزلت الشكل اللى قبل ده من 2006 تقريبا (بتتقلب لوحدها ودريكسيون فيه مشكلة(علشان مش بيفصل على سرعات ) واى كلام من ده )

انا من كارهى اللانسر بوما معنى كده انها وحشة ؟؟
كارها لانها موتت ناس كتير اعرفهم وكانت قلبات غريبة الشكل و السبب

مش معنى كرهى لعربية معنى كده انها وحشة

هنقعد ف الدوامة دى علشان احنا غاويين كده مش اكتر
كل واحد يعمل حادثة بعربية بيتعقد منها
ربنا يستر طريق الجميع كلنا راكبين هوا

ساعة القدر بيعمى البصر
واخر نداءء يارجالة المنتدى الكرام
اللى بيجي ويحكى تجربة لحادثة ليه مش محتاج حد يقوله دى عربية زبالة ---------------- وكان فين مخك وانتا بتشتريها

محتاج حد يواسيه يساعده ويفيده بمعلومة لاصلاحها
مش يقعد يأتته ويكرهه ف نفسه
اكيد يعنى اللى عمل الحادث مش ناقص وكفايا الهم اللى فيه

يرجى اختيار الالفاظ المناسبة للتعبير عن وجه نظرك
مشرف 3ب
13/11/2011
12.27pm

اذا كان صاحب الموضوع نفسه هو الي بيشتم في العربيه وهي عامله 15 الف كيلو هو كل دا ومش حسيين ان ممكن يكون في خطر يا جماعه دا نفس الي حصل مع المهندس غازي بالظبط وكان عندو حدفه ونسي يعملها في التوكيل وكان ماشي علي 100 بردوا وفقد السيطره وفي اخ هنا بردو عربيتو اتسرقت والي سرقها عمل بيها حادثا دخل في بلوك الربع الي ورا اكنو مقصوص منها كل واحد ياخد بالو وميثقش في اي عربيه زياده عن اللزوم

[AHMED1718]

الحمد لله علي سلامه حضرتك وربنا يعوضك بعربيه احسن منها إن شاء الله وبالمناسبه المهندس غازي كان عضو معانا هنا

http://www.nilemotors.net/nile/109619-a.html

اذا كان صاحب الموضوع نفسه هو الي بيشتم في العربيه وهي عامله 15 الف كيلو هو كل دا ومش حسيين ان ممكن يكون في خطر يا جماعه دا نفس الي حصل مع المهندس غازي بالظبط وكان عندو حدفه ونسي يعملها في التوكيل وكان ماشي علي 100 بردوا وفقد السيطره وفي اخ هنا بردو عربيتو اتسرقت والي سرقها عمل بيها حادثا دخل في بلوك الربع الي ورا اكنو مقصوص منها كل واحد ياخد بالو وميثقش في اي عربيه زياده عن اللزوم

انا متفق معاك فى انه لا يجب الثقة فى اى عربية بس مش الكيا بس اللى وحشة بقا
يبقا كل اللى فى مصر فى متوسط السعر مابين 50 الف و 180 الف مينفعش يتركب على طريق
تحب اكرهك فى افضل عربية ف مصر ؟
نقول هوندا مثلا
دور كده على اليوتيوب وشوف كمية الحوادث اللى هوندا عاملها
شوف كام واحدة متفلقتش نصين
هوا معنا كده انها وحشة ؟

ربنا يلطف بعباده ويبعد عنا شر الطريق

[lenasam]

حمدا لله على سلامتك

[medo111]

انا متفق معاك فى انه لا يجب الثقة فى اى عربية بس مش الكيا بس اللى وحشة بقا
يبقا كل اللى فى مصر فى متوسط السعر مابين 50 الف و 180 الف مينفعش يتركب على طريق
تحب اكرهك فى افضل عربية ف مصر ؟
نقول هوندا مثلا
دور كده على اليوتيوب وشوف كمية الحوادث اللى هوندا عاملها
شوف كام واحدة متفلقتش نصين
هوا معنا كده انها وحشة ؟

ربنا يلطف بعباده ويبعد عنا شر الطريق

انت عارف المشكله في ايه ان الحوادث الي بتحصل بتحصل علي سرعه عبيطه والي سايق لا بيكون قارص ولا بياخد غرز عموما الهدف من الموضوع مش ان كيا وحشه الفكره ان كل واحد ياخد بالو من نفسو ومن اهلو ويكشف علي العربيه بتعتو باستمرار مهما كانت مركتها وربنا يحفظنا جميعا من الحوادث وتقبلو مروري

[ahmadm]

هية المشكلة ان الناس عارفة ان الكارينز والسول ثباتهم وحش فمحدش بيجرى بيها

كمان السول مش كتير فى مصر زى السيراتو

والكارينز اللى بيجيبها بيبقى عايزها عائلة يعنى ولا شد ولا غيرة

ربنا يسترها علينا جميعا ويكفينا شر الحوادث

هو حضرتك متأكد من موضع ثبات السول دة ؟

[TOOLA]

انا متفق معاك فى انه لا يجب الثقة فى اى عربية بس مش الكيا بس اللى وحشة بقا
يبقا كل اللى فى مصر فى متوسط السعر مابين 50 الف و 180 الف مينفعش يتركب على طريق
تحب اكرهك فى افضل عربية ف مصر ؟
نقول هوندا مثلا
دور كده على اليوتيوب وشوف كمية الحوادث اللى هوندا عاملها
شوف كام واحدة متفلقتش نصين
هوا معنا كده انها وحشة ؟

ربنا يلطف بعباده ويبعد عنا شر الطريق

يا سيدى الفاضل احنا بنتكلم عن شكوك فى عيب خامة أو تصنيع فى العربية يؤدى الى فقدان اتزانها بدون سبب منطقى, مش على أى حوادث على النت و خلاص ما أكيد اى عربية معرضة لحادثة حتى الفيرارى, لكن مش اى عربية و هيا ماشية على سرعة مناسبة (100 كم أو اقل) و بدون التفافات او مشكلة على الطريق من ماء او رملة او زيت و اذ فجأة العربية تفقد اتزانها و تلف و تتقلب, و الكلام ده من زملاء ثقة فى المنتدى و حوادث بنفس السيناريو و كانوا هما نفسهم بيدافعوا عن السيارة, و ممكن بردو ميكنش عيب عام فى السيارة ممكن يبقى عيوب تصنيع فى بعض المعدلات, و هنا ده يستلزم حظر ملاكها و تفسير أو بحث من الوكيل أو الشركة الأم, عشان ارواح و فلوس الناس مش لعبة.

[MMamdouh]

وقدامى عربية نص نقل فاخدت شمالها عادى بدرجتين شمال وحصلت المفجأة اللى اول مره تحصلى فى حياتى العربية لقيتها حدفت بطريقة مريبة شمال

lift off over-steer

MMamdouh

[wael ahmed]

السلام عليكم
معاك حق
فى بعض عربيات سيراتو فيها مشكله فعلا و الكلام ده من موقع شركة كيا الام .و كلام مؤكد بالدليل و فعلى .
و تصليح العيب ده اللى بيخلى العربيه عند نقطه معينه تحدف او تدرفت او تعوم .يكمن فى تظبيط زوايا و اتزان فقط لا غير .بس زوايا و اتزان مختلفه جدا و كمان الكوبيه غير السيدان .
للاسف الحل سهل جدا و مش مكلف و لا فيه قطع غيار و لا غيره لكن التوكيلات المصريه مفيش فيها وعى .
و مذكور فى الموقع المشكله و حلها بالمقاسات و الارقام .

drift / pull diagnosis and best practices tips
this bulletin provides 2011 model year alignment specifications as well as diagnosis and
best practices tips.
This tsb contains the following sections:
1. New model specifications
2. Alignment basics
3. How to determine vehicle drift or pull
4. Alignment rack tips
5. Road force balance tips
6. Wheel balance form (new)
important:
• before and after alignment print outs are required to be submitted with all vehicle drift or
pull warranty alignment claims.
• before performing an alignment, check to ensure all tires are set to the specified
pressure.
• ensure the vehicle is carrying a typical load (not heavily loaded, which will alter
alignment once the load is removed or changed).
• optima (tf), sportage (sl) and forte (td) vehicles are equipped with electric power
steering (mdps - motor driven power steering). Perform an absolute steering position
(asp) calibration using gds after the alignment is completed.
• refer to the following alignment specifications or kgis for 2011 model year
specifications.

specification
front rear
4dr 2dr 4dr 2dr
toe-in
total 0.12°±0.18° 0.4°±0.2° 0.4°±0.2° 0.4°±0.2°
individual 0.06°±0.09° 0.2°±0.1° 0.2°±0.1° 0.2°±0.1°
camber angle -0.64°±0.5° -0.81°±0.5° -1.5°±0.5° -1.5°±0.5
caster angle 4.38°±0.5° 4.94°±0.5° - -
king-pin angle 13.61°±0.5° 14.01°±0.5° - -
2011 sorento (xm)
alignment specifications:
2011 sportage (sl)
2011 optima (tf)
2011 forte (td)

طيب يا رجاله ما هو الحل بسيط اهوه ان شاء الله
حضرتك جربت الموضوع ده ولا لأ ؟؟
وخلاصه الكلام فى موضوع السيراتو ده نصيحه منى محدش يجرى بعربيته زياده عن اللزوم
لانى بسمع وبشوف كل يوم حكايات غريبه !!!
وانا اللى فيه اخ اتكلم عنى فى الموضوع هنا ..انا عربيتى اتسرقت واللى سرقوها العربيه عومت منهم وخبطوها ...

وربنا يسترها علينا جميعا...

[Mostafa]

يا باشا ألف حمد الله علي سلامتك .. و الحمد لله أنها علي قد كده وإنك سليم الحمد لله وأي حاجه بعد كده تتعوض إن شاء الله .

أنا بس عاوز أقوللك أنك لازم متطمنش لأي عربيه وتاخد راحتك ع الآخر ولا يستثني من ذلك أي عربيه ولا حتي الألماني ..

أنا عملت حادثه من شهر تقريبا بعربيه ألماني .. و عاوز أقولك اني لما قريت موضوعك حسيت برضه انك مستغرب الحادثه زيي بالضبط :)

http://www.nilemotors.net/Nile/254471-2012.html

ومع ان العربيه كان فيها ESC .. فاللي حصل معايا كان يتنافي مع أي وظيفه ممكن ال System ده يكون بيعملها .. بس هنعمل ايه .. قدر الله و ما شاء فعل

[Formulator]

lift off over-steer

MMamdouh

تقصد Throttle-Off Oversteer؟؟!!!
فـ عربية FWD ومعظم الوزن >60% قداااااااام..! صعب أوى أصلها مش بورشه؟!!
ولا تقصد أن سوء تصميم العفشة الخلفية والـsetup بتاع الـTorsion هو اللى خلى الـLoad-Transfer لقدام سهل أوى كده لدرجة انها أفورت منه؟؟!!!

منك نستفيد يابشمهندس MMamdouh والله, أنا عايز اعرف ايه اللى حصل بجد.. No Hard-Feelings

ولو أنى شايف أن الـOversteer اللى حصل قد يكون نتيجة Under inflation-pressure نقص ضغط فـ الكاوتش اللى قدام..!
أو كاليبر الفرامل اللى ورا معلق Sticking brake pad أو حتى تيل محمل.. برضه يعمل oversteer والعربية تـspin منه؟؟!! (كأنه شد الهاند تكة أو 2)

الله أعلم, المهم الراجل طلع سليم... الحمد لله على سلامتك يا أستاذ M.Hassan47

[MMamdouh]

حصلت معايا قبل كدة و على نفس الطريق بس قبل كدة بشوية.... عند الملف الشمال اللى بعد ميدان جهينة و انت نازل من اكتوبر على المهندسين

كنت ماشى حوالى 120 و داخل الملف فى تانى حارة من الشمال و حاولت اعدى العربية اللى قدامى من الشمال بس هو قفل عليا سنة فا رفعت رجلى من على البنزين...

العربية عملت اوفر ستير للشمال و حاولت اعمل كاونتر ستير عشان المها بس فضلت شايل رجلى من على البنزين فا فضل تاثير الengine brake ماثر على العربية و فضلت تلف شمال...

عملت كاونتر ستير زيادة و بسرعة لليمين فا العربية لفت يمين و بقت بعرض الطريق... دوست فرامل للاخر و انا متوقع انى ارشق فى الرصيف و اتقلب او فى عامود نور...

ستر ربنا ان مكنش فية رصيف اسمنت على اليمين ولا عمدان نور و العربية دخلت فى الرمل ووقفت... بس لما الرمل هبط لقيت وشى للاسفلت مع ان وشى كان للرصيف و العربية بالعرض

الحمد لله انا طلعت سليم من العربية بس الاكس الخلفى اتعوج و البلى اتكسر... تقريبا كان فية حجر كبير او صخرة خبطت فى العجلة اللى ورا و هى اللى لفتنى فى مواجهة الطريق

الغريب فى الموضوع انى لما حاولت اطلع العربية من الرمل لقيت الفردتين اللى قدام نايمين... حسب كلام بتاع الكاوتش دة حصل لانى مشيت بالعرض و انا مفرمل و الكاوتش خرج من على الجنط

انا بلاحظ ان العربيات اللى فيها تورشن بيم بيبقى ضهرها عايم سنة فا مع سرعة عالية و شوية lift off oversteer ممكن العربية تلف بسهولة... المهم الواحد يكون متوقعة و يعرف يتصرف معاه بحكمة... انا ساعتها لا كنت متوقع رد الفعل دة من العربية ولا اتصرفت صح

مبروك العودة للمنتدى...

MMamdouh

[Formulator]

الله يبارك فيك يا باشا...
الصراحة العفشات الـMulti-Link تفادت مشاكل كتير أوى فى الثبات والهاندلينج, والـManoeuvreing فى الطوارىء اللى زى كده..
بس ده مايمنعش أن فيه عفشات Torsion-beam معمولة باحترافية شديدة أوى, (الرينو والفيات والبيجو والأوبل)..!!
لسه برضه الـSuspension Design/ Tuning من الـBlack Arts بتاع صناعة العربيات..

عايز أقول: الحقيقة الواحد فـ المواقف دى صعب أوى يتصرف بحكمة, يعمل Counter Steer زى مانت قولت مثلا.. أو يحافظ عـ العربية under Control,, ربنا يسترها!!

اللى أقدر أقوله: أن الواحد يشيك على عربيته باستمرار, وقبل السفر.. والجرى والشد وكده!
ضغط الكاوتش, العفشة متربطة.. الفرامل والتيل... دى أساسيات الصراحة.. ولو حتى visual check!!

[AHMED1718]

حصلت معايا قبل كدة و على نفس الطريق بس قبل كدة بشوية.... عند الملف الشمال اللى بعد ميدان جهينة و انت نازل من اكتوبر على المهندسين

كنت ماشى حوالى 120 و داخل الملف فى تانى حارة من الشمال و حاولت اعدى العربية اللى قدامى من الشمال بس هو قفل عليا سنة فا رفعت رجلى من على البنزين...

العربية عملت اوفر ستير للشمال و حاولت اعمل كاونتر ستير عشان المها بس فضلت شايل رجلى من على البنزين فا فضل تاثير الengine brake ماثر على العربية و فضلت تلف شمال...

عملت كاونتر ستير زيادة و بسرعة لليمين فا العربية لفت يمين و بقت بعرض الطريق... دوست فرامل للاخر و انا متوقع انى ارشق فى الرصيف و اتقلب او فى عامود نور...

ستر ربنا ان مكنش فية رصيف اسمنت على اليمين ولا عمدان نور و العربية دخلت فى الرمل ووقفت... بس لما الرمل هبط لقيت وشى للاسفلت مع ان وشى كان للرصيف و العربية بالعرض

الحمد لله انا طلعت سليم من العربية بس الاكس الخلفى اتعوج و البلى اتكسر... تقريبا كان فية حجر كبير او صخرة خبطت فى العجلة اللى ورا و هى اللى لفتنى فى مواجهة الطريق

الغريب فى الموضوع انى لما حاولت اطلع العربية من الرمل لقيت الفردتين اللى قدام نايمين... حسب كلام بتاع الكاوتش دة حصل لانى مشيت بالعرض و انا مفرمل و الكاوتش خرج من على الجنط

انا بلاحظ ان العربيات اللى فيها تورشن بيم بيبقى ضهرها عايم سنة فا مع سرعة عالية و شوية lift off oversteer ممكن العربية تلف بسهولة... المهم الواحد يكون متوقعة و يعرف يتصرف معاه بحكمة... انا ساعتها لا كنت متوقع رد الفعل دة من العربية ولا اتصرفت صح

مبروك العودة للمنتدى...

Mmamdouh

الله يبارك فيك يا باشا...
الصراحة العفشات الـmulti-link تفادت مشاكل كتير أوى فى الثبات والهاندلينج, والـmanoeuvreing فى الطوارىء اللى زى كده..
بس ده مايمنعش أن فيه عفشات torsion-beam معمولة باحترافية شديدة أوى, (الرينو والفيات والبيجو والأوبل)..!!
لسه برضه الـsuspension design/ tuning من الـblack arts بتاع صناعة العربيات..

عايز أقول: الحقيقة الواحد فـ المواقف دى صعب أوى يتصرف بحكمة, يعمل counter steer زى مانت قولت مثلا.. أو يحافظ عـ العربية under control,, ربنا يسترها!!

اللى أقدر أقوله: أن الواحد يشيك على عربيته باستمرار, وقبل السفر.. والجرى والشد وكده!
ضغط الكاوتش, العفشة متربطة.. الفرامل والتيل... دى أساسيات الصراحة.. ولو حتى visual check!!

للامانة مع انى متشرفتش معرفة المهندس ممدوح ولا فورمليتور
بس اكتر اتنين بستمتع بردودهم فى اى موضوع يطرح ف المنتدى
حمد لله على السلامة يافورمليتور

اتمنى نتعلم كلنا منكم على الاقل طريقة الرد

[tarek_rcc]

للامانة مع انى متشرفتش معرفة المهندس ممدوح ولا فورمليتور
بس اكتر اتنين بستمتع بردودهم فى اى موضوع يطرح ف المنتدى
حمد لله على السلامة يافورمليتور

اتمنى نتعلم كلنا منكم على الاقل طريقة الرد

بصراحة مشكورين الأخوة الكرام ( المهندس ممدوح والاخ فورمليتور) على ردودهم
بس هم ردودهم ( بروفيشينال ) شوية ....
يا جماعة بسطوها شوية رجاء عشان كلنا نستفيد ... وبلاش المصطلحات الكبيرة دى ...
ومشكورين طبعا لمجهوداتكم
الله يجزاكم خير